HARDI

adjectif

[T-L : hardi ; GDC : hardi ; DEAF, H 183) : hardi1 ; AND : hardi ; DECT : hardi ; FEW (XVI, 155a) : *hardjan ; TLF (IX, 678b) : hardi]

I. -[Désigne une façon de se comporter dans certaines situations]

A. -[Avec une valeur positive]

1.Brave, courageux, vaillant face au danger, à la souffrance....

a)[D'une pers.]

Et quant je vi ces aventures Si diverses et si obscures, Je ne fui mie si hardis Que moult ne fusse acouardis. (Mach., J. R. Nav., 1349, 152)

Qui se vuet mirer, si se mire, Car je vueil tesmongnier et dire Que chevaliers acouardis Et clers qui vuet estre hardis Ne valent plein mon pong de paille En fait d'armes ou en bataille, Car chascuns fait contre droiture ; Dont, s'il font bien, c'est aventure. (Mach., F. am., c.1361, 147)

Li vens fu gros, la mer fu tourble, L'onde de la mer l'iaue tourble Si qu'il n'i avoit si hardi Qui n'eüst cuer acouardi ; Et trestuit li autre ensement Estoient mené telement Qu'il cuidoient bien estre mort. (Mach., P. Alex., p.1369, 110)

L'EXECUTEUR. (...) Or n'aiez pas cuers esperduz, Mais vous vueilliez hardiz offrir A ce c'on vous fera souffrir En pacience. (Mir. ste Bauth., c.1376, 147)

En granz batailles se trova Et en mainz perilz s'esprouva : Hardi fu, moult de maulx souffri (Desch., M.M., c.1385-1403, 31)

Monseigneur l'admiral, homme très renommé et hardi sur la mer et qui fist de très grans services et honneur au roy et au royaulme. (Le Clerc, Interp. Roye, c.1502, 339)

[Employé avec d'autres adj. à valeur positive]

C'estoient une gent, pour voir, Dous, humble, courtois, amiable, Entreprenant et veritable, Po emparlé, fier et hardi. (Mach., D. Lyon, 1342, 206)

Si qu'il estoient si vassaus Es batailles et es assaus, Si hardi, si entreprenant, Si viguereus, si avenant Et si fier en trés tous fais d'armes Que les nouveles a leurs dames De leurs entreprises venoient, Dont assés plus chier les tenoient. (Mach., D. Lyon, 1342, 207)

Achars', ce dist le roy, 'comme je doy avoir grant doulour en mon cuer, quant vous ne eüstes un chevalier preu et hardi avecques vous ! (Bérinus, I, c.1350-1370, 334)

...Il sont eulx .IIIJ. freres qui sont gentilz et ber, Hardi et souffisans pour bons fais achever (Renaut Mont. B.N. V., c.1350-1400, 255)

Je le di pour les riches hommes : S'il ne sont loiaus et preudommes, Hardi, large comme Alixandre Pour leur grant richesse despendre, Et sages aussi pour vëoir A leurs grans fais et pourvëoir, Sans gieu de dez, sans taverner, Il ne puelent bien gouverner. (Mach., F. am., c.1361, 185)

Montez en mer ; et, sans essoinne, Prenez gens hardis et seürs Et vous en alez sur les Turs. Se leurs galyotes trouvez, Gardez que si bien vous prouvez Que riens à ardoir n'i demeure, Et vitement leur courez seure. (Mach., P. Alex., p.1369, 120)

Hardi estoient et preudomme ; Vesci leurs noms, je les vous nomme : Li uns avoit à nom Robert, Qui n'estoit rude ne trubert ; Et Joudouin de Biauvillier Se fait li autres appeller. (Mach., P. Alex., p.1369, 178)

Ce fu Percevauls de Coulongne, Uns chevaliers qui bien besongne, Car il est sages et hardis, Preus, vaillans, en fais et en dis. (Mach., P. Alex., p.1369, 60)

Car s'il avient c'on s'en combate, Touz les plus preuz et plus hardiz Fera brief estre acouardiz (Mir. st Lor., 1380, 150)

Vous savez qe monsire Bartrans, Qui moult fuist hardi et vaillantz, Trahist hors du roialme de France Par sa proesce et sa puissance Tut la Grant Compaignie Et moult de la chivacherie (Héraut Chandos, Vie Prince Noir T., c.1385, 94)

Or retournons a la bataille dont je parloie presentement, et recordons conment elle se persevera, et la grace que Dieus fist ce jour as Englois, car vous devés sçavoir que Escoçois en bataille sont mallement fort, appert, dur et hardi. (Froiss., Chron. D., p.1400, 780)

Et en estoit pour lors chapitainne, uns bons chevaliers, preus, sages et hardis, qui se nonmoit messires Robers de Wargni, et avoit avoecques lui dedens le chastiel en garnison bien trois cens Genevois. (Froiss., Chron. D., p.1400, 688)

Et plus en fissent li Hainnuier que nuls des aultres, car li contes de Hainnau qui estoit jones, hardis et entreprendans, et messires Jehans de Hainnau, son oncle, avoient si fort encargiet ceste guerre, et pris en si grant desplaisance et despit la cevauchie que li dus de Normendie avoit fait en Hainnau, que il ne le pooient ne voloient oubliier. (Froiss., Chron. D., p.1400, 419)

Du surplus, selon son aige de XIIJ ans, estoit tres habille et hardy valeton, fust pour chevauchier un bien rigoureux coursier, fust a chanter ou a dansser, a jouer a la paulme, a courir, a saillir, et a tous autres essais et esbas que il veoit aux hommes faire (La Sale, J.S., 1456, 2)

On ne pourroit son bruit exquerre, Tant estoit vaillant et hardi ; Or le convient il mectre en terre. (Myst. siège Orléans H., c.1480-1500, 342)

Et, ad ce que sceüsmes despuis, il disoit vray et sa parolle et contenance estoit d'ung hardi et saige chevalier (Comm., III, 1495-1498, 194)

Hardi/trop hardi. Celui qui surmonte sa peur et entreprend des choses dangereuses, téméraire.

Mais celui qui craint aucunes choses et, toutesvoies, il excede et superhabunde en oser ou en emprendre vers les choses terribles, il est appellé hardi ou trop hardi. (Oresme, E.A., c.1370, 208)

Et aussi le fort semble couart ou resgart du hardy et semble trop hardi ou resgart du couart. (Oresme, E.A.C., c.1370, 259)

[D'un aspect de la personne]

Moult as puissant seignourie ... Quant au bon roy de droiture As tout tolu fors sa vie Esbahie Et sa vaillance hardie Que n'as mie, Quar c'est des dons de Nature. (Mach., Les lays, 1377, 477)

Fort et hardi cuer me trouvay, Dont m'esbahi, mais j'esprouvay Que vray homme fus devenu (Chr. Piz., M.F., I, 1400-1403, 52)

...et si comme recite le prealigué livre, pour bataillier on doit advisier fors hommes, hardis et de beaulx membres, de hardie regardeure, et pou delicatis (Chr. Piz., Faits meurs Ch. V, S., I, 1404, 188)

Si faut qu'il die Par long ennuy sa maladie, Maiz quoy qu'a dire s'estudie, Il n'a sur lui char si hardie Qui ne fremisse. (Chart., L. Dames, 1416, 257)

Le regart a hardi, asseuré, et sage maniere, et contenance rassise et haulte (Bouciquaut L., 1406-1409, 391)

Item, je donne a frere Baude [de l'ordre des Frères mendiants], Demourant en l'ostel des Carmes, Portant chierre hardie et baude, Une sallade et deux guisarmes, Que Detusca et ses gens d'armes Ne lui riblent sa caige vert (Villon, Test. M., 1461-1462, 99)

Mais, si par la voye dessus dicte les pevent surprendre et que hardi couraige les conduise, s'en pourront par celle voye despescher. (Bueil, II, 1461-1466, 54)

Si ne vis je pieça saison Ou j'eusse si hardy couraige Que j'ay ; par la mor bieu, j'enraige Que je n'ay a qui me combattre. (Fr. arch. B., c.1468-1480, 29)

De hardi visage. Courageusement, hardiment.

Et li enfes prist a parler Au roy, par parole moult sage, Plainement de hardi visage Et lui dist que 'li pastourel, Qui vaches gardent et torel, Moutons, brebis, chevres et boucs, L'avoient esleü sur tous A estre leur roy et leur maistre, Et, pour ce, vouloit a tous estre Droiturier et tenir justice, Aultrement ne fust il propice A estre roy, ne a regner Sur les pastours, n'a gouverner.' (Chr. Piz., M.F., II, 1400-1403, 196)

De coeur hardi. Avec vaillance.

Devant les Anglois nous yrons Pour les vois, et de cueur hardi Et au seurplus, je vous supplie ; Que chacun se tiengne en son rant Et que nul ne demarche mie. (Myst. siège Orléans H., c.1480-1500, 498)

Emploi substantival. Celui qui est vaillant, courageux, brave.

Or voy que chascuns en abuse, Car je ne voy homme puissant Qui n'ait puis dis, puis vint, puis cent Tours, manieres, engiens ou ars Pour pillier hardis et couars. Car couvoitise les atrape, Si que nuls de leurs mains n'eschape, S'il n'est dont tels qu'il n'ait que perdre. (Mach., J. R. Nav., 1349, 140)

La fu Jovis Mercurius, Et Jupiter y est venus, Bachus, Cerès, dame de blee, Estoient a ceste assemblee, Et Mars qui est dieus de bataille Qui aus hardis victoire baille (Mach., F. am., c.1361, 202)

Si donne [Dame Esperance] bon cuer aux hardis (Chr. Piz., M.F., I, 1400-1403, 93)

Proverbe. Les plus hardis sont les premiers morts

Les plus hardiz sont premiers mors (Myst. Pass. Troyes B., a.1482, 537)

Fortune aide les hardis

Car la fortune a les hardis S'encline (Gower, Miroir homme M., c.1376-1379, 252)

Si advient communement que fortune ayde les hardis, comme dit Virgille, et vexacion donne entendement, comme dit le Saige. (Bueil, I, 1461-1466, 70)

Un couard boutera en terre les hardis

Or dit comunement ung parler averis Qu'un couart boutera en terre les hardis. (Flor. Octav. L., t.1, c.1356, 195)

Toujours sont les hardis et les entreprenants aimés et honorés

Tout jours sont ly hardy et ly entreprenant Amés et honorés ou qu'ilz soient entrant. (Flor. Octav. L., t.1, c.1356, 219)

b)[D'un animal]

Quant elles oent che remort, Il n'i eut beste si hardie Qui ne soit toute acouardie, Car d'entrer en un ardant fu Ne voient ne revel ne ju. (Froiss., Pris. am. F., 1372-1373, 91)

Bon alant doit aler tost et estre hardi a prendre toute beste sanz marchander et tenir fort sanz laisser et bien acondicioné et bien a commandement de son maistre. (Gast. Phébus, Livre chasse T., 1387-1389, 126)

Ly pors fu fiers et orguilleux, et devoura pluseurs levriers et alans, et prinst son cours par la forest qui estoit haulte et droicte, et commenca grant la huee. Mais ly porcs ne doubtoit riens, mais rendoit estal tel qu'il n'y ot si hardy chien qui l'osast actendre (Arras, c.1392-1393, 18)

Quant une femme a son cocq lent et niche, elle par force lui doibt faire mengier des aulz, dont ilz deviennent hardis, furieuz et fort combatans. (Ev. Quen., II, c.1466-1474, 140)

[Dans une comp.] Fier/hardi comme lion

La fu mort, droit au piet du mont, Messires Philippes d'Omont ; Dont ce fu pitez et damages, Car grans estoit ses vasselages. Hardis estoit comme lyons, N'onques ne fu veüz li homs Qui onques en jour de sa vie Li veïst faire villonnie. (Mach., P. Alex., p.1369, 155)

C'est uns homs de trop grant emprise, Dont maint home le loe et prise. Plus est hardis que nuls lions ; Moult seroit or vaillans li homs, Et bien de l'espée ferroit, Qui corps à corps le conquerroit. (Mach., P. Alex., p.1369, 163)

Lors fu Gieffroy assailliz de tous costez, et il se deffent hardi comme lyon, que mal soit du Sarrasin qui a coup l'oze attendre, mais lui gettent de loing lances et dars, et lui traient sang en pluseurs lieux. (Arras, c.1392-1393, 232)

Nous vous envoierons Querir gens hardis com lyons. (Marcadé, Myst. Pass. Arras R., a.1440, 133)

c)[D'une action] Valeureuse, héroïque.

Ja ot affolé et occis Et mahaigné ou .V. ou .VI., Par sa tres hardie proece, Quant vers une roche s'adrece Grant et pesant, si la bouta Si fort que tous acravanta Les traïcteurs, qui soubz estoient (Chr. Piz., M.F., II, 1400-1403, 307)

Celluy Phelippe de France fut longhement appelé Phelippe sans Terre, pour ce qu'il estoit le dernier des quattre filz que le Roy Jehan de France avoit, et depuis fut duc de Touraine et fut nommé Phelippe le Hardy, par la bouche du Roy d'Angleterre, son ennemy, pour trois actes qu'il fist, si honnestes et si hardis qu'il merita d'avoir nom ou sournom non pas de hardy prince seulement, mais de hardy chevalier. (La Marche, Mém., I, c.1470, 58)

Lors les ditz ennemis, voyant que leur secours ne venoit point et qu'on recommençoit la baterie pire que jamais contre leur dicte place par assault hardi et furieux, furent contraints de tout habandonner et se rendirent a la personne du roy mesmes (La Vigne, V.N., p.1495, 253)

Tantost aprés ceste emprise hardie Executee, a Orleans convint Pour quelque fievre ou aultre maladie, Que vers le roy dedens Ast s'en revint. (La Vigne, V.N., p.1495, 175)

Plein de vivacité.

C'est la premiere place vers Lombardie Hors de Pymont, ou le roy fut receu ; Et luy fist on une entree hardie (La Vigne, V.N., p.1495, 178)

2.Par extension. [Dans une situation qui ne comporte ni danger ni risque]

Entreprenant, expert (dans un art, un métier...).

...Bon ouvrier sont qui font le voirre,Bon laboureur qui scet semer, Bon couvreur qui hault ose ouvrer (...) : Chascun est hardi en son art. (Desch., Oeuvres R., t.7, c.1370-1407, 71)

Qui fait preuve d'une certaine audace.

...il choisit et enoeilla une tresbelle jeune et gente fille a marier ; et ne fut pas si peu hardy qu'il ne luy comptast tout du long son cas. (C.n.n., c.1456-1467, 293)

Hardi à/de + inf.

Décidé à.

O tous les sainctz de paradis, Et les sainctes assemblement, Tant com je puis, en faictz en ditz, Je vous supplië humblement, Priez Dieu pour moy doulcement, A le prier soyez hardis, Qu'avoir puisse a mon finement La gloire qui dure tousdis. (Régn., F.A., 1432-c.1465, 26)

Faisons le bien, laissons malice, A bien faire soyons hardis, Affin que la paix venir puisse Avec nous demourer tousdis. (Régn., F.A., 1432-c.1465, 69)

Emploi adverbial. Avec une certaine audace.

S'il advi[e]nt qu'il soit amoureux, Tu le verraz de jour en jours Devenir soubtil et abille Et aussy dru c'une coquille, Hardy entrant en toute place. (Lord. Tart Ab. L., a.1465, 164)

Emploi interjectif. [Pour exciter ou encourager]

SOTIN. Vecy bien pour rire TESTE CREUSE. Bref SOTIN. Hardy TESTE CREUSE. Esceust SOTIN. Dieu vous aid, beau sire. (Copp. lard., a.1488, 160)

B. -[Avec une valeur plus ou moins négative]

1.Qui prend des risques inconsidérés ou aux conséquences négatives, téméraire.

Trop hardis sont dë entreprendre Contre vous qui avez puissance De les faire noyer et pendre. (Régn., F.A., 1432-c.1465, 144)

...Agatheoclès fust hardy en sa cautelle. Car quant les Cartageniens de son royaume eurent occuppé la plus grant partie, il prinst son ost et le transporta en Auffricque, affin que il ostat paour pour paour. (La Sale, Salade, c.1442-1444, 47)

...le quel mot [hardiesse] approprement parler est folye, et dit que ung homme est hardi c'est a dire tenant aucune folye en soy, sans raison soy immiscer contre les ennemis. Mais ung homme est dit vaillant quant par bonne discrecion, sans lachetté de courage, scet bien les temps, forme et maniere de congnoistre le fait de la guerre (Juv. Urs., Verba, 1452, 225)

Fol hardi. Celui qui ne craint rien, qui se jette dans tous les dangers, casse-cou.

Et celui qui ne creint neis une chose et se met et va en tous perilz, il devient par telles operacions fol hardi. (Oresme, E.A., c.1370, 150)

Et celui qui superhabunde ou excede en oser, il est fol hardi ou trop hardi. (Oresme, E.A., c.1370, 165)

Si vueil emploier ma saison A estre bergier amoureux, Que mieux vault estre paoureux Par raison qu'estre fol hardi. (Gris., 1395, 47)

2.Qui est impudent, effronté.

Ne soies arrogant ou orguilleux ne hardi. (Daudin, De la erudition H., c.1360-1380, 277)

Voie dont qu'elle ne soit malicieuse mais simple et bonne, ne soit aussi hardie ne importune mais humble et vergongneuse, ne soit pas luxurieuse mais chaste, ne ireuse mais debonnaire, ne trop buvant mais sobre. (Daudin, De la erudition H., c.1360-1380, 424)

Mesdisant sont moult hardi Qui s'ensounient de mi (...) Et mettent empechement Entre moi et mon ami. (Froiss., Joli buiss. F., 1373, 141)

Comment ont la char sy hardie [les docteurs de la Loi] , Eulx, qui sont miroir et exemple Et premiers gouverneurs du temple, De mectre loix si rigoureuses, Si ruddes, si mal amoureuses, Quant iceulx mesmes n'en font rien ! (Myst. Pass. Troyes B., a.1482, 589)

[P. méton. du déterminé]

Seur lui [le roi] furent si encharnez, Qu'onques mais uns homs de char nez Ne vit homme avoir tant de plaies, De la teste jusques aus braies, Ne telles comme il li feïrent ; Ce dient ceus qui le veïrent, Qu'il en avoit plus de LX. Bien doit estre la main dolante Qui est telle ne si hardie Qu'elle son droit signeur occie. Et n'i avoit que mortels plaies. Hé, biaus Dieux, se tu ne les paies, Que dira on de ta justice Qui chascun justement justice ? (Mach., P. Alex., p.1369, 270)

À face hardie. Éffrontément.

CELCIDON (un marchand du temple). ...Toutesfoys, a face hardie, Cest homme cy faict ses effors Et d'un grand fouet, par maistrye, Nous a tous du temple mis hors. (Michel, Myst. Pass. J., 1486, 74)

3.[Formule traditionnelle du 'cri' par lequel est rendue publique, solennellement, une interdiction] Que nul/aucun ne soit si hardi de + inf./que + sub. Que personne n'ait l'audace de.

Mais de tant fist Logre que courtois, qu'il fist commandement que nulz ne fust si hardi que a Berinus ne a compaignie qu'il eüst face ennuy ne dommage. (Bérinus, I, c.1350-1370, 197)

Et lors cria un heraut, de par le roy, que nulz ne feust si hardiz qu'il parlast mot, ne ne fist signe nul que nulz des champions peust entendre ne appercevoir, sur peine de la hart. (Arras, c.1392-1393, 62)

Comment, dist ly roys, damp chastellains, comment fustes vous si hardiz de faire tel oultraige, ne tel trahison pour la raisonnable justice que nous avons fait faire en nostre royaume, veu et consideré la grant trahison que Josselins, voz oncles, recongnut qu'il avoit fait ? (Arras, c.1392-1393, 73)

...le Roy defent à toutes manieres de gens, de quelque estat qu'ilz soient, que d'ores en avant aucun ne soit si hardi, ne si osé d'atacher aucunes teles cedules aux portes desdictes eglises ne autre part (Baye, I, 1400-1410, 95)

...a esté conclu que le Roy doit dès maintenant deffendre par cry publique et autrement par ses lettres patentes en termes generaulx (...) que aucun ne soit si hardi de transporter ou faire transporter de fait ou par lettres, bulletes, obligacions ou autrement, en quelque maniere ne pour quelque occasion que ce soit, sans congié ou licence du Roy, hors desdis royaume et Dauphiné, or monnoyé ou non monnoyé, sur peine de le perdre et d'en paier autant. (Fauq., I, 1417-1420, 110)

Hellas, nobles, resgardés Iulius Cesar, qui deffendit a ses gens que ilz ne fussent si hardis de faire mal aux temples, et pour celle cause il vaincquoit tousjours ses adversaires (Juv. Urs., Aud. celi, 1435, 245)

...nul desdiz maistres, ouvriers, maneuvres ou servicteurs ne soient si hardiz de porter ès dictes mines soit en la montaigne, martinetz, forges, maisons ou autres appartenances des dictes mines, espées, dagues, javelines ou autres harnoiz invasible (Aff. Jacques Coeur M., 1453-1457, 352)

Et, pour cause de ce, fut crié par les carrefours de Paris que de là en avant nul ne feust si hardi de soy aler plus baigner en ladicte riviere, et que chascun tenist de jour devant son huis ung seau d'eaue, sur peine de prison et de LX sous parisis d'amende. (Roye, Chron. scand., I, 1460-1483, 49)

...et, au soir, que chascun se retire soubz l'estandart de son cappitaine et que nul ne soit si hardi d'aller avec le mareschal du logeiz, sinon ceulx qui y sont ordonnez, et que nulz ne soient si osez de prendre question ne debat ne de user de voye de fait (Bueil, II, 1461-1466, 194)

[Dans des situations moins officielles]

Et pour ce je vous prye a vous tous qu'il n'y ait nul si hardi de vous qui demain parle devant moy en la presence du roy, ains me laissiez tout seul parler et respondre a toutes gens qu'il nous dira. (Bérinus, I, c.1350-1370, 161)

Mort qui t'a fait si hardie, De prendre la noble Princesse Qui estoit mon confort, ma vie, Mon bien, mon plaisir, ma richesse ! (CH. D'ORLÉANS, Ball. C., c.1415-1457, 81)

Quant il sera matin, pense que tu ne parvenras point au vespre ; et quant le vespre sera venu ne soies si hardi que tu te oses promettre le matin. (Internele consol. P., 1447, 340)

[Formule elliptique pour Nul ne soit si hardi de...] Si hardi de + inf. Que personne ne s'avise de..., défense de..., pas question de.

Bel Acueil n'est mie haÿs D'Amours qui n'a cure d'orgueil, Mais le fait franc en son païs, Si que nul si hardi sur l'ueil De clamer droit sur Bel Acueil, Ne chalanger de ses biens fors ce Qu'il a donné de son bon vueil, Sans faire contrainte ne force. (Chart., D. Rev., a.1424, 317)

Se vaillant roy Cosdrus , quant il sceut par la responce de ses dieux que s'il mouroit en la besongne ou il estoit pour la proteccion de son peuple que son peuple seroit saulvé, laquelle chose ses ennemis sceurent, et pour ce ordonnerent que si hardi de luy faire mal, mais il se desguisa et fit tant que il mourut. (Juv. Urs., Loquar, 1440, 378)

Et au regard de vostre haumaille Rien n'en avez, bien le sçavés, Forsque la merde et la tripaille. Si hardi de manger poullaille, Pourtant si chez vous en avez, Ny pain blanc ny chose qui vaille, Villain[s], car vous n'ouseriés Et aussi vous ne pourriés Fornir a paier la taillee, Si au marché ne pourtiés Pour payer tout avant l'annee ! (Pac. Job M., c.1448-1478, 189)

L'AVEUGLE [à son valet] . Dicte vous que [vous] me bactrez ? Si hardy de moy riens tochié, Car Jacquemars est au clouchié ; Vous ne serés ja si hardy (Myst. st Bern. Menth. L., c.1450, 181)

LE TIERS BERGER. De jour en jour ilz font le guet Et luy monstrent de loing les dens, Mais si hardy d'entrer dedens Quë ilz auront de ma houlecte. (Berg. agn. France L., 1485, 23)

Or m'atendez icy dehors, Et si hardy de vous bouger, Et prenez garde au chevalier Lucille qu'i ne vous delaisse. (Myst. st Laur. S.W., 1499, 182)

Remarque : Cf. A. Meiller, L'expression 'si hardi' dans quelques textes du XV^e siècle ds Trav. Ling. Litt. 5-1, 1967, 221-223.

Si hardi + subj. Défense de....

Item, sera dict, cryé et ordonné par toutes les compaignies que si hardi et sur peine de la hart homme ne aille en fourraige, sans ce que en sa compaignie ait aucun homme qui ait vestu le hocqueton de la livrée du capitaine soubz qu'il sera. (Le Clerc, Interp. Roye, c.1502, 343)

[D'une action] Insolent, effronté.

Et tu, pour vaincre la voix de ton Seigneur, cuides faire plus fort par hardie ou fole emprinse et contempnement detestable (Daudin, De la erudition H., c.1360-1380, 374)

...et ne se pooient taire a parler de ceste contesse de Montfort, de la hardie et outrageuse emprise que elle avoit fait. (Froiss., Chron. D., p.1400, 517)

II. -Par analogie.

A. -[D'une chose] Ferme, assuré [?].

Cotte hardie. Vêtement de dessus porté par les hommes et les femmes, fermé devant et sur les côtés par une série de boutons [mode de la fin du XIVe s.].

...une escarlate sanguine pour le corps de noseigneur et pour le conte de Flandres et pour faire 3 cotes hardies, l'une pour monseigneur, l'autre pour madame et l'autre pour madame le dauphine, (...) un blanc drap et un camelin à cordeliers (Hist. industr. drapière Flandre E.P., t.3, 1335, 293)

Une cotte hardye luy alerent donnant (Renaut Mont. B.L. V., c.1350-1400, 15)

Fault chauces et cotte hardie Courtelette, afin que l'en die : 'Vez la biau piet et faiticet !' (Desch., M.M., c.1385-1403, 49)

: ...une coste hardie de drap pers sengle, à usage d'omme (Reg. crim. Chât., I, 1389-1392, 147)

..[elle] acheta quatre aulnes et demie de drap pers, dont elle a fait taillier une cotte hardie et une simple à son usaige, et un chapperon de drap vermail (Reg. crim. Chât., II, 1389-1392, 389)

...son compoingnon (...) estoit vestu d'une cotte hardie noire, longue jusques au-dessoubz du gros de la jambe, et n'est point noulée par devant (Reg. crim. Chât., I, 1389-1392, 464)

Et estoit vestu d'une cote hardie d'escarlate vermeille et d'un mantel à fons de cuve fourré. (Chron. Jean II Ch. V, D., t.2, c.1378, 211)

Item, elle laissa a Jehanne La Mercière, sa chamberière, sa bonne cotte hardie fourrée de pennes de poulenne (Invent. test. beauv. L., 1431, 66)

PATHELIN. Que devint Vostre vieille cote hardie ? GUILLEMETTE. Il est grant besoing qu'on le dye ! Qu'en voulez vous faire ? PATHELIN. Rien, rien. (Path. D., c.1456-1469, 80)

Cotte hardie à chevaucher

Item, une cotte hardie d'escarlate à chevaucher, et une cotte simple de mesmes. Item, une cotte hardie d'escarlate, qui ne fut oncques parfaicte. (Invent. mobilier Ch. V, L., 1379, 361)

...VIJ aulnes d'escarlate vermeille de Bruxelles (...) et baillées à Guillaume Climence, tailleur de robes, pour faire deux costes hardies à chevauchier, pour le Roy nostredit seigneur (Comptes argent. rois Fr. D.-A., II, 1387, 127)

Robe hardie

...ilz ont prins deux robes hardies a usaige de femme, dont l'une estoit de drap rousset et l'autre estoit noire (Chancell. Henri VI, L., t.1, 1426, 364)

Remarque : Cf. DEAF H1, 187 (note 3) : «Le rapport étymologique reste à expliquer».

B. -Emploi substantival. Monnaie valant trois deniers' (d'apr. l'Éd.).

Les hardiz, liards, doubles tournois, deniers tournois et parisis, demourront au prix qu'ils estoient. (Ordonn. rois Fr. P., t.18, 1475, 145)

Orthographe	Genre	Nombre
^((h aspiré))\aʁ.di\	masculin	singulier
^((h aspiré))\aʁ.di\	féminin	singulier
^((h aspiré))\aʁ.di\	masculin	pluriel
^((h aspiré))\aʁ.di\	féminin	pluriel