GRACIEUX

adjectif

[T-L : gracïos ; GDC : gracieux ; DEAF, G 1118) : gracios ; AND : gracius ; DECT : gracïos ; FEW (IV, 248a) : gratiosus ; TLF (IX, 389b) : gracieux]

I. -Bienveillant, généreux, favorable....

A. -[D'une pers., d'un aspect de la pers., d'un être céleste]

1.[D'une pers., d'un aspect de la pers.] Bienveillant.

LA TIERCE SOTE. Roy gracieux, trestout troys puissamment Je vous salue moy tressote assotee, Sote je suis, assotee sotement, Car sotie je n'ay point deboutee Mais est tresfort dedans mon cueur entee. (Feste roys, c.1475-1500, 308)

Gracieux à + inf. Qui est disposé à faire qqc. de bonne grâce.

À Messire Jehan Stockes, cappitaine et lieutenant à St Sauveur le Viconte, qui donnez li furent pour une foiz secretement par lez genz du conseil de Monseigneur estanz en Constantin, pour aider à estre gracieux à faire le traitié des restez des raencons ottroiés aus Angloiz pour le temps passé, lesquieulx il demandoient moult riguereusement (Compte Navarre I.P., 1367-1371, 128)

Qui fait preuve de bonne éducation.

Et afin que il face les genz rire, il dit teles choses que un homme gracieus et vertueus ne daigneroit dire. (Oresme, E.A., c.1370, 272)

...sa dame fut mariée a ung ancien chevalier, qui gracieux et sachant homme estoit, qui tout son temps avoit hanté a court (C.n.n., c.1456-1467, 246)

...la damoiselle, comme elle estoit doulce et gracieuse, le congya. (C.n.n., c.1456-1467, 257)

Serviable, bienveillant.

.. [le conte de Provence] fait commander seureté et justice en son pays. Et luy et la contesse sa femme sont si gracieulx a pouvres gens que c'est merveille. (Belle Maguel. C., 1453, 40)

Tant furent les prieres de damp Abbés et des dames que Madame fut gracieuse et voult entretenir celle coustume (La Sale, J.S., 1456, 251)

Car pluiseurs foys advient que ceulx qui sont plus hayneux les miseres font tourner gracieulx. (La Sale, Sale D., 1451, 258)

AFFRICQUEE. Tousjours estes tant gratïeux, Helas, qui ne vous aymeroit ? GLORIEULX. Il est grant maistre qui vous voit, Et puis, comment vous est il bien ? (P. Jouh. D.R., a.1488, 27)

Aux povres soyez gracïeux, Aux riches tousjours doctrinables, Aux indigens solacïeux Et trespiteux aux miserables. (La Vigne, S.M., 1496, 571)

[Pour qualifier un chevalier, un gentilhomme, un seigneur]

Gracieux de sang. Noble.

...le roy Gaufroit de Danemarche, mon peire, qui est le plus tresgracieux de sanc qui regne au jour d'huy en monde... (JEAN D'OUTREM., Myr. histors G., a.1400, 25)

Bienveillant, généreux.

Et par especial François Acremen i fu esleus ou premier chief, pour tant que il estoit gracieux homs et traitables et bien congneus des signeurs. (Froiss., Chron. R., XI, c.1375-1400, 297)

Et avoit pour le tamps li dus de Bourbon dalés lui un escuier, gentil homme et gracieux et vaillant homme durement, qui s'appelloit Jehan Bonne Lance, maistre et cappitaine de ses gens d'armes. (Froiss., Chron. R., XI, c.1375-1400, 197)

...en celle saison, en Castille, ung chevalier de France morut, lequel ot grant plainte, car il estoit gracieulx, courtois et preux aux armes (Froiss., Chron. M., XIV, c.1375-1400, 113)

...messire Jehan Bonne-Lanche, un gracieulx et vaillant chevalier de Bourbonnois. (Froiss., Chron. M., XIV, c.1375-1400, 190)

Poli, courtois, bienveillant.

Par courtois mos et gracïeux L'araisonna (Chr. Piz., M.F., III, 1400-1403, 65)

Dont, après tous beaux acuelz et gracieulx parlers, lui demanda de son nom, de son estat et de ses affaires, et aussy de quelz marces il estoit et des parties d'Allemaigne. (La Sale, Salade, c.1442-1444, 93)

Et premiers, au regart du pechié d'orgueil : pour acquerir par l'amant la tres desiree grace de sa dame, se efforcera d'estre doulz, humble, courtois et gracieux (La Sale, J.S., 1456, 17)

Monseigneur, qui trescourtois et gracieux estoit, mesmement tousjours vers les dames, luy dist... (C.n.n., c.1456-1467, 39)

...il fist tant par son gracieux parler, maintien et courtoisie, que si avant fut en la grace de la fille qu'il couscha avec elle. (C.n.n., c.1456-1467, 68)

...après les merciemens gracieux et deuz en ce cas, dont il estoit bon maistre et ouvrier, se part d'elle (C.n.n., c.1456-1467, 183)

...comme il estoit gracieux, courtois, et bien emparlé, la salua bien honorablement (C.n.n., c.1456-1467, 209)

...sire Jehan Clerebout, general maistre des monnoyes, sire Jehan Luiller, clerc de ladicte ville, Jaques Rebours, procureur d'icelle, Jehan Volant, marchant, et autres, tous lesquelz le roy receut très benignement. Et, après leur propos fait servant à leur excusacion, fut le roy très content d'eulx et leur fist bonne et gracieuse response, et s'en retournerent joieusement à Paris dont ilz estoient partis. (Roye, Chron. scand., I, 1460-1483, 10)

Et pareillement là fut la duchesse de Bourgoingne, qui grandement estoit accompaignée de moult de dames et de belles filles, et eurent plusieurs gracieuses et amyables conversacions ensemble, dont, pour la venue des deux princes, furent faictz et tenuz plusieurs assemblées et congregacions du conseil de chascune partie assemblez ensemble, et maintesfois s'y trouvoient les deux ducz. (La Marche, Mém., I, c.1470, 259)

...et avecques les plus gracieuses et amyables parolles qu'il peüt, en rappellant la compaignie, print congé du roy d'Angleterre et dist quelque bon mot à chascun de ses gens. (Comm., II, 1489-1491, 67)

Lors Magesté Royalle, oyant les parolles de Bon Conseil, monstra par son semblant estre terriblement joyeuse d'avoir oÿ si gracieuses et doulces parolles jaçoit ce qu'auparavant par le moyen de Je ne sçay qui fust aulcunement chagrineuse et mal a son aise. (La Vigne, Ress. chrest. B., 1494, 139)

[P. antiphr. ou p. iron.]

...après ce gracieux debat, la courtoise nonnain (...) luy baille jour [Elle mettait en doute ses qualités de virilité] (C.n.n., c.1456-1467, 106)

...il prestoit ses yeulx a l'ostesse, sans espargner par dessoubs la table le gracieux jeu des piez (C.n.n., c.1456-1467, 219)

Mal gracieux. Malpoli, discourtois, peu bienveillant.

...je ne pense pas que soiez si mal gracieux (...) que fussez si pou courtois (C.n.n., c.1456-1467, 123)

...Fortune luy fut si contraire, et sa dame si mal gracieuse, qu'enfin il abandonna sa queste (C.n.n., c.1456-1467, 207)

AFFRICQUEE. Mon amy, Dieu vous doint bon jour ; Ennement c'est du bien de vous, Si j'avoye quelque courroux Maintenant seroy je joyeuse. Elle seroit mal gratïeuse, Par Dieu, qui vous escondiroit. Helas voire ! mais que me diroit Mon mary ? GLORIEULX. Il n'en scaura riens. (P. Jouh. D.R., a.1488, 29)

...pour estre mal gracieux Aulcune foys m'a proufité. (Prisonn. desconf. C., c.1488-1489, 23)

2.[Domaine religieux]

[D'un être céleste] Bon, bienveillant, qui accorde sa grâce.

O louee concepcïon, Envoiee sa jus des cieulx, Du noble lis digne sÿon, Don de Jhesus tres precïeulx, Marie [Marie d'Orléans] , nom tres gracïeulx, Fons de pitié, source de grace, La joye, confort de mes yeulx, Qui nostre paix batist et brasse ! (Villon, Poèmes variés R.H., c.1456-1463, 40)

Coment vous estes gracïeux, Mon bon maistre, mon redempteur, Qui pour ces felons vicïeux Pardon demandés au createur, Combien qu'il soyent esté l'acteur De la poine que vous souffrés. (Pass. Auv., 1477, 216)

[D'un saint] Plein de la grâce divine, saint.

Si vous pri, sains homs gracieus, Ou nom du vray Dieu precieux, Me conseilliez de cest affaire (Mir. parr., 1356, 8)

Gracieux à Dieu. Digne de la grâce de Dieu.

NOSTRE DAME. Theodore, a Dieu gracieuse, Pour ce que m'amie te tieng, Pour ce veoir ici te vieng... (Mir. Theod., 1357, 112)

[D'une chose]

Bien doy et vueil vivre et morir En vostre gracieus service, Pure vierge (Mir. enf. diable, c.1339, 46)

...et monstré appertement Conment par la Dieu courtoisie Est nostre loy auttorisie Plus que nulle autre et gracieuse, Plus excellent, plus vertueuse Et plus parfaitte. (Mir. st Lor., 1380, 123)

B. -[D'une chose]

Bienveillant.

...et se paroles a en celle [requête] qui est par escript qui semblent moins gracieuses, ne sont que à bonne fin, non pas à entention de injurier aucun (Baye, II, 1411-1417, 199)

...la Court ordonna de mander et faire venir en ladicte Chambre de Parlement lesdictes gens des Comptes pour conferer ensemble et trouver les plus gracieuses manieres de pratiquer et executer ce que dit est, et de faire sur ce gracieuse response aux gens dudit cardinal (Fauq., I, 1417-1420, 272)

Accordé par la bienveillance de qqn, modique.

Et vous lairai venir à raençon legière et gracieuse, selonch vostre estat, pour l'amour de mon cousin le conte Derbi, (...) qui en a priiet (Froiss., Chron. L., III, c.1375-1400, 39)

Et ils payèrent seulement quelque gracieuse et modique rançon. (Chart. J., Chron. Ch. VII, V., t.2, c.1437-1464, 93)

Chaleureux.

...après les merciemens gracieux et deuz en ce cas, dont il estoit bon maistre et ouvrier, se part d'elle (C.n.n., c.1456-1467, 183)

Accueillant.

...je veil compter ung gracieux compte advenu au bon et gracieux païs de Haynau. (C.n.n., c.1456-1467, 526)

Qui est fait avec générosité.

Trop bien est il content, pour pitié et aumosne, luy faire quelque gracieuse aide d'argent (C.n.n., c.1456-1467, 36)

Le bon chevalier de Flandres ne sceut oncques tant faire (...) qu'il peust obtenir de sa dame le gracieux don de mercy (C.n.n., c.1456-1467, 343)

...[elle] dist a son chanoine qu'il leur falloit donner aucune chose gracieuse pour souvenance. (C.n.n., c.1456-1467, 523)

Prest gracieux. Prêt généreux ou sans intérêt.

Le mien seigneur et prince redoubté, Floron de lis, roialle geniture, Françoys Villon, que Travail a dompté A coups orbes, a force de batture, Vous supplie par ceste humble escripture Que luy faciez quelque gracïeux prest. De s'obliger en toutes cours est prest, Se doubte avés que bien ne vous contante ; Sans y avoir dommage n'interest, Vous n'y perdrés seulement que l'attente. (Villon, Poèmes variés R.H., c.1456-1463, 50)

Vin gracieux. Somme d'argent proposée à une personne que l'on cherche à corrompre, pot-de-vin.

Vous nous faictes cy mencion D'estre faulsaires et baveux Parpayant ung vin gracïeux : Je ne sçay quel vin ne quel saulse, Mais, s'il fault que mon ser(e)ment faulce Pour devenir menteur en fin, J'en auray ung si bon loppin Qu'il n'y fauldra pas retourner. (Myst. Pass. Troyes B., a.1482, 896)

Doux, modéré.

...et puis les mectés [les marmites] sur gracieux feu eschauffer. (Chiquart, Cuis. S., 1420, 166)

Décidé à l'amiable, avec l'accord de qqn.

...il me sembleroit bon (...) que Gerard, vostre serviteur, sans faire semblant de rien, prensist ung gracieux congié de monseigneur et de madame (C.n.n., c.1456-1467, 165)

Si print ung gracieux congé de sa dame, et luy laissa son compaignon. (C.n.n., c.1456-1467, 344)

Lance gracieuse. Lance au fer émoussé et rabattu, peu dangereuse, destinée à la joute.

...il trouva maniere d'avoir lances gracieuses, desquelles il fist ses armes à l'enconstre du bastart de Bourbon, si gracieusement que nul ne fu bleschié (Lefèvre St-rémy, Chron. M., t.1, c.1462-1468, 179)

Remede gracieux. Arrangement à l'amiable.

Si nous [Pierre, duc de Bourbon] a supplié ledis Guillaumes humblement que pour nous [Pierre, duc de Bourbon] comme pour seigneur souvayrain, a li et a ses aidans et complices soit porveu en cetui cas de remede gracieux. Nous [Pierre, duc de Bourbon] mehu de pitié, veanz que lidis Guillaumes et sesdis complices firent ledit fait sans nulle ayne ne mauvacié, mès come chauz, esmehus et effraés et doubteux de la mourt qui par un chescun lieu est à present, si comme et par cause des poysons qui par tieux gens comme sont celles fames sont mis et données (...) de nostre droit, pleine puissance et grâce spicial avons quitté, absoulz, remis, et perdonné (...) ledit Guillaume et sesdis complices pour cause du fait et délit dessusdis. (Titres Bourbon H.-B., t.1, 1348, 436)

Avantageux.

...si doit elle [la monnoie] estre de certaine et déterminée quantité, comme de chacun marc d'or, six solz, et de chacun marc d'argent, un soult, ou autre gratieulx taux (Oresme, Monnoies W., c.1365, LXXIV)

Considéré, remarqué, important.

Tu [l'agate] as la vertu que tu rens celui qui te porte gracieux. (Colart Mans., Dial. créat. R., 1482, 117)

Je me veulz eslever et tyrer hors de ceste fange et devenir apothecaire qui est ung gracieux et honneste mestier (Colart Mans., Dial. créat. R., 1482, 240)

Qui produit l'effet recherché, efficace.

...si nous a supplié que sur ce sa requête li vuillions pourveoir de remede gracieux et convenable à touzjours perpetuelement (Industr. Paris F., 1358, 279)

Vin gracieux. Vin pur, sans mélange (d'apr. l'Éd.).

[Dans la cure de udimie] Leur vin soit bon, gracieux et cler avec ung pou d'eaue, les chars soient tresbonnes comme de petis oyseaux champestres... (Chirurgie Chauliac B.-T., p.1472, 429)

II. -Agréable, aimable, plaisant, charmant, joli.

A. -[D'une pers., d'un aspect de la pers.]

1.[D'une pers.]

Chiere dame, plaise vous assavoir que je scay et congnois ce pays tout environ, et sachiez que a quatre ou a cinq lieues de cy n'a recest, ne forteresse nulle, excepté celle dont je me suy huy partiz, qui est environ a deux lieues de cy. Et pour tant, m'emerveil je de quel part si belle ne si gracieuse creature que ly corps de vous est, puet estre cy venue, si seule de compaignie. (Arras, c.1392-1393, 7)

...uns aultres tres honestes bourgois et de grant afaire (...) avoit deus damoiselles a filles, jones, belles et gratieuses (Froiss., Chron. D., p.1400, 843)

Ne cuidez vous mie que je me voise faire jolye aussi et me mectre sur le beau bout, affin que ses estrangiers voient comment les dammes d'Esture sont jolies, gracieuses et avenans ? (Cleriadus Z., c.1440-1444, 411)

... [Amours] fist allyance a une jeune fille, belle, gente, gracieuse et en bon point en sa fasson (C.n.n., c.1456-1467, 191)

...[elle] estoit belle, gracieuse, et bien luy avenoit a recevoir gens. (C.n.n., c.1456-1467, 386)

PATHELIN. (...) Or, sire, la bonne Laurence, Vostre belle ante, morut elle ? LE DRAPPIER. Nennin, dea ! PATHELIN. Que la vis je belle Et grande et droitte et gracïeuse ! Par la mere Dieu precïeuse, Vous luy resemblez de corsaige Comme qui vous eust fait de naige ; En ce païs n'a, se me semble, Lignaige qui mieulx se resemble. (Path. D., c.1456-1469, 62)

Mytrart, il nous fault advancer Pour plaire a ma damoyselle, Que tant est gracïeuse, belle ; Pour se luy fault faire plaisir. (Pass. Auv., 1477, 90)

Mainte follie avez pensé Ma gracieuse godinette... (Sav. serg. D.L., c.1480-1490, 30)

Je regarde vos personnaiges : Premier de ceste jouvencelle, Elle est si gracieuse et belle, Oultre plus le religieulx Est jeune, frois et gracieulx Et au mester bien disposé. (P. moyne, a.1500, 50)

Pensez vous qu'elle soit si besjaune Et si cocarde de vous prendre ? Veu qu'elle est (si) gracieuse et gente, Miste, gorriere aux rians yeulx, Et vous les avez chacieulx Commë ung povre chat de may. (P. moyne, a.1500, 50)

GLORIEULX. Dieu vous gart, gratïeuse et belle. AFFRICQUEE. Mon doulx amy, et vous aussi. (P. Jouh. D.R., a.1488, 27)

AFFRICQUEE. Gratïeux, a Dieu vous comment. GLORIEULX. A Dieu vous dy, mon souvenir. (P. Jouh. D.R., a.1488, 33)

Emploi substantival.

Dieu, qu'il fait bon regarder La gracieuse, bonne et belle ! (CH. D'ORLÉANS, Chans. C., c.1415-1440, 207)

[D'un animal]

Car c'estoit uns alerions Si bel et si amanevi Qu'onques plus gracieus ne vi, Fors celui qui miens ot esté. (Mach., D. Aler., a.1349, 395)

Poli, courtois.

LE DRAPPIER. Sëez vous, beau Sire ! Il est bien temps de vous le dire ['de vous dire de vous asseoir'], Mais je suis ainsi gracïeux ['c'est ma façon à moi d'être poli !']. (Path. D., c.1456-1469, 60)

Je suis prest, montons a cheval Et chevauschons sans selle, et pour le mieulx, Disant adieu, tant a mont com a val, Car nous avons affaire en aultres lieux. Pourtant, prenons ung congié gracieux De ces gens (cy) avant que chascun desclicque. (Sots mal., c.1480, 91)

Faire le gracieux. Se montrer d'une politesse pleine de retenue et de réserve.

BEAUCOP. Alors de beau gris de Rouen Elle vous va couper dix aulnes, Et m'en fist les mains toutes jaulnes. Je fis ung peu le gratieux, Mais je ne demandoye pas mieulx. Elle me les fist emporter Ainsi, et moy de m'en aller. (B. veoir, p.1480, 18)

Se montrer spirituel.

Et certes il n'est plus laide chose que laschier sa langue au ris et a la moquerie des gens (...) quant tu t'entreméz de l'art que tu ne sces, non pas pour cause d'aprendre, et t'en mesles trop fort comme se tu veulz faire le gracieus et te prenz a gracieusement parler la langue que tu ne sces. (Foul., Policrat. B., I, 1372, 110)

2.[D'un aspect de la pers.]

Mais Souvenirs li va aidier Et moult trés humblement prier Et ramentevoir qu'il repreingne Dous Penser, et qu'il li souveingne De la trés noble biauté fine Qui toutes autres veint et fine, Et dou trés gracieus viaire Qui dou dous regart le vint traire, Et de la maniere jolie Qui en loial amour le lie, Si qu'il met dou tout en oubli Le desir qui l'a assailli. (Mach., D. verg., a.1340, 38)

Mais Souvenirs li va aidier Et moult trés humblement prier Et ramentevoir qu'il repreingne Dous Penser, et qu'il li souveingne De la trés noble biauté fine Qui toutes autres veint et fine, Et dou trés gracieus viaire Qui dou dous regart le vint traire, Et de la maniere jolie Qui en loial amour le lie, Si qu'il met dou tout en oubli Le desir qui l'a assailli. (Mach., D. verg., a.1340, 38)

Et bien pensoie qu'escondire Ne me vorroit pas ma requeste, Car tant fu courtoise et honneste, Bele, bonne, sage, honnourable, Humble, sans orgueil, raisonnable, Douce, debonnaire, po fiere, D'atour, de port simple et de chiere, Que je me commensay a traire Vers son dous gracieus viaire. (Mach., D. Lyon, 1342, 184)

Il a voiz gracieuse et bele Et scet chanter respons et traiz (Mir. st J. Cris., c.1344, 266)

Il n'est dame en ce monde, tant soit biaus ses delis, Se Huez ly daignoit faire ung gracieulx ris, Que ly cuers de son ventre ne soit tous esclarcis. (Hugues Capet L., c.1358, 146)

...pour quoy vi je onques sa biauté, Son corps faitis ne son gracieus port, Ne son doulz vis rient, fres, coulouré, Ne ses vairs yex ? (Mach., L. dames, 1377, 64)

Car, quant je voy son gracieus viaire, D'un dous ottroy me moustre un exemplaire Et si me vuet tenir en son hommage, Ce m'est avis (Mach., Motés, 1377, 491)

Vous m'avez de vostre grace baillé la joyssance de vostre beau et gracieux corps (C.n.n., c.1456-1467, 317)

B. -[D'une chose]

Plaisant, agréable.

Si m'en alay sans point d'atente, Ou j'eus mis pensée et entente, En un moult gracieus vergier, Pour plus tost mes maus aligier. (Mach., D. Aler., a.1349, 385)

Après disner commenca la feste moult gracieuse, et dura jusques au soir. (Arras, c.1392-1393, 121)

Et aprés les dansses et chanssons dictes, vous avrez tout prest le bel et gracieux bancquet, qui sera d'entremez et d'autres nouvelles viandes assez, auquel vous ferez porter le paon (La Sale, J.S., 1456, 83)

...jasoit qu'il soit marié, si n'est il pas pourtant du gracieux service d'Amours osté (C.n.n., c.1456-1467, 80)

...soubz cest arbre il disposa et conclut ses gracieuses armes accomplir. (C.n.n., c.1456-1467, 89)

...après une longue pause, estant en ceste gracieuse contemplacion, dist de rechef... [D'un amant, devant le corps de son amie] (C.n.n., c.1456-1467, 90)

...advint a Troyes, en Champaigne, une assez gracieuse adventure, qui tresbien vault la racompter (C.n.n., c.1456-1467, 449)

...je vous feray en bref et a la verité ung bien gracieux compte d'un chevalier (C.n.n., c.1456-1467, 473)

Et rigolloit l'en l'espousé par gracieuses renvoyseries ; et lui qui estoit sage et courtois et qui ressembloit fort messire Charles en toutes choses, respondit a ceulx qui le rigolloient si gracieusement que tous estoient contens de lui. (Charles de Hongrie C., c.1495-1498, 139)

[Dun propos, d'une façon de parler, d'une voix]

Doux, agréable.

La demouray tous seuls en grant frëour, Si qu'en pensant commensay son atour, Sa grant douçour, sa colour, sa valour A remirer, Son biau maintieng, son venir, son aler, Son gentil corps, son gracieus parler, Son noble port, son plaisant regarder, Et son viaire Qui tant estoit dous, humble et debonnaire Que de toute biauté fu l'exemplaire. (Mach., J. R. Beh., c.1340, 79)

Et Guyon et la damoiselle s'entredirent moult de gracieuses paroles. Et sachiez que, se Guyon eust eu loisir, qu'il lui eust dit aucques sa pensee. (Arras, c.1392-1393, 127)

Cleriadus demoura ung pou derriere pour parler à Meliadice et là se entredirent de gracieuses parolles (Cleriadus Z., c.1440-1444, 586)

...ilz estoient enssamble disans aucunes gracieuses devises, mais la pucelle en fin dist qu'elle doubtoit moult la venue du roy son pere (Percef. III, R., t.1, c.1450 [c.1340], 117)

Jeunesse je veulx mespriser Et despriser, Pour mieulx suyvre vie virtueuse. Pour ce me suis voulu tirer, Pour m'adviser, A Jhesus, qui a voix gracieuse. (Pass. Auv., 1477, 118)

Spirituel.

...j'estoye en ma chambre enfermé en pourpensant quelque chançon ou aucun gracieux mot. (Abuzé D., c.1450-1470, 66)

Proverbe. Il n'est parler que gracieux

Il n'est parler que gracieux. (Miélot, Prov. U., 1456, 195)

Agréable à regarder, à posséder.

...unes les gracieux diamans et rubis et aux autres les verges d'or gentement esmaillies (La Sale, J.S., 1456, 72)

Agréable au goût.

Monsieur, preu vous face ! Vecy du vin blanc gracïeux, Du clairet qui la soif efface, A boire tresdelicïeux. (La Vigne, S.M., 1496, 204)

Agréable, doux.

C'est pour vous oindre Le chief et paindre - d'oignhement doulx et gracïeux. (Pass. Auv., 1477, 254)

[En parlant de sons musicaux] Harmonieux.

...musique (...) nous enseigne (...) A faire gracieuses voix En instrumens et haulx et coys, Et chanter mesureement (Chr. Piz., M.F., II, 1400-1403, 116)

[D'une construction] Bien proportionné, élégant.

Et voient tout contreval les estres, grant foison de cuisines fumoier, et au dessus de la fontaine, la chappelle, belle et gracieuse et bien ordonnee, que oncques mais n'y avoient veue. Si s'en vont moult esmerveillant et dient entre eulx : Je ne scay qu'il advendra du surplus, mais veez la beau commencement et grant apparance de grans noblesces et de grant honneur. (Arras, c.1392-1393, 38)

[De l'art oratoire] Propre à plaire, séduisant.

...et laquelle chose un clerc noblement dictant en escripture (...) declara hautement par gracieus stile (Foul., Policrat. B., III, 1372, 223)

...eloquence gracieuse, Soubtille et artificieuse (Chr. Piz., M.F., II, 1400-1403, 133)

A tres reverend pere en Dieu, Amé de Monfalcon, evesque et prince de Lausanne, Antitus, vostre tres humble chappellain et serviteur, approchant l'an de grace mille cinq cens, considerant que desirez veoir gracieuses inventions poethiques, adresse a vostre tres reverende paternité La Satyre Megere, laquelle se complainct et lamente de la trefve et preparative de paix pourparlee entre l'invictissime roy des Romains tousjours auguste et le tres chrestien roy de France. (Antitus, Poés. P., c.1500, 3)

[Du temps qu'il fait, d'une période] Agréable, calme.

'Encores, derriere la poupe de la nef a ung petit gouvernail, qui est appelle tymon barionnoys, et un officier qui s'appelle tymonnier, par lequel tymon la nef est adroissee et gouvernee faisant son voiage, voire es temps gracieux et non fortunal...' (Mézières, Songe vieil pèl. C., t.1, c.1386-1389, 557)

L'ystoire nous dit que tant suivit ly roys Elinas la dame, que il la rataint en la forestz, ou il avoit grant foison d'arbres haulx et droiz, et estoit en l'esté, que le temps estoit doulz et gracieux et ly lieux de la forest estoit moult delictables. (Arras, c.1392-1393, 8)

Et se logièrent li signeur esparsement par les camps au mieux qu'il peurent. De che estoient il euwireux que il faisoit bel et seck, ne il ne pooit faire plus belle saison ne plus gracieuse. (Froiss., Chron. R., XI, c.1375-1400, 133)

...Je vouldray pescher avec vous. Le temps est gracïeulx et doulx (Gréban, Pass. J., c.1450, 147)

Je m'appense que mes gens font A ce matinet gracïeulx (Gréban, Pass. J., c.1450, 269)

VENUS cantando. Resveille toy, franc cueur joyeux, Tu n'as pas cause de dormir, Car vecy le temps gratieux Etc. (Cene dieux, c.1492, 107)

[D'une qualité, d'un moyen d'agir] Tout en finesse, ingénieux.

L'umeur (...) est actraicte du parfont de la terre, des racines des plantes et des arbres par une vertu appetitive et puis par une gracieuse et soutille distribucion de nature, est digeree et transportee par les membres et les branches des arbres (Foul., Policrat. B., II, 1372, 147)

...par une gracieuse subtilité, elle le bouta hors de sa chambre (C.n.n., c.1456-1467, 4)

...je ne le saroie passer sans vous faire savoir le gracieux tour qu'on luy fist. (C.n.n., c.1456-1467, 255)

...[il] se fist, par gracieux et subtilz moyens, accoincté de celuy dont il vouloit estre compaignon (C.n.n., c.1456-1467, 439)

Orthographe	Genre	Nombre	Phonétique
gracieuse	féminin	singulier	\ɡʁa.sjøz\
gracieuses	féminin	pluriel	\ɡʁa.sjøz\