GASTINE

substantif féminin

[T-L : gastine ; GD : gastine ; DEAF, G 359) : gastgastine ; AND : gastine ; FEW (XIV, 209a) : vastus ; TLF (IX, 119a) : gâtine]

A. -Terre en friche, lieu inculte et sauvage.

...li pasturages des waustines et signories de Zoustecote vailent XXX livres (Arch. Nord, c.1336, B 1569, f° 63, IGLF)

BAUDOIN. (...) Nous irons en ce desert la : On ne peut miex. DEUXIESME CHEVALIER. C'est verité, si m'aist Diex : C'est une deserte gastine, Et si est près de la marine, Ou nulz, ce tien, pieça n'ala. (Mir. emper. Romme, 1369, 276)

Quant le frument pert sa racine Es champs, lors falt que soit gastine La terre, et si porte en avant L'urtie et la poignante espine (Gower, Miroir homme M., c.1376-1379, 221)

...ses berbis, come malvois pastour, Par les destours, par les gastines, Parmy les ronces et l'espines Laist errer... (Gower, Miroir homme M., c.1376-1379, 227)

Lors par quantité de cens et de milliers furent les assemblees d'iceulz alouez, non estranges mais loyaulz subgiez, qui atout fers aguz de diverses tailles s'embatoient es gastines remplies d'estranges semences non propices a la nature de mes hommes, qui vergiers portans fruis estre souloient. (Chr. Piz., Avision R.D., 1405, 22)

Vous m'avez escript touchant une waestine et heive gisant en Hondescote et Werhem, appartenant a nostre Seigneur. (Arch. Nord, 1417, B 17623, dossier Bergues, IGLF)

Remarque : Doc. c.1350 (.III. quartierz dewastinne), 1429 (La mayson de pierre qui est entre lesgasthines), 1460 (Ung lieu nommé la haye de lavastine) ds GD IV, 243b.

[Comme toponyme]

...et lors le dit Rabaut, faignant qu'il vouloit aler en Gastine, eust prins autre chemin, et après feust venus au dit lieu où la dicte mere estoit, et de fait se feust couchié ou giron d'elle, où il eust esté grant partie de la nuyt (Doc. Poitou G., t.6, 1390-1403, 209)

Au pays de Gastine, quant aucune terre court en rachapt, les cens en argent doublent et redoublent jusques à cinq solz. (Vieux cout. Poitou F., c.1451-1454, 231)

...nous avons (...) donné (...) à (...) Yvon du Fou, le fons et proprietaire de la forest de Gastine, avec l'estang de la Tomberard joignant à ladicte forest, et aussi tout le droit de justice et juridition, haulte, moyenne et basse esdicte forest et estang, et en leurs appartenances (Lettres Louis XI, V., t.8, 1479-1480, 179)

Emploi adjectival. En friche.

...si esse que je fray bon de rendre et payer par an, pour les dictes waestines terres, le somme de VI livres parisis, feble monnoie de Flandres, de si adont que aucuns verra qui plus en donra. (Arch. Nord, 1417, B 17623, dossier Hondschoote, IGLF)

B. -Dévastation, pillage.

Mais comme il ne soit aucun bien sanz envie, voire est que je y vi de grans gastines par places venues et procurees par estranges envieux, par quoy m'apparoit en celle contree avoir esté et estre par fois de grans et fiers persecucions. (Chr. Piz., Avision T., 1405, 77)

...aucuns leonceaux ravissans, mis en aguet pour esgrattiner le gardin et tourner l'arbre en hideuse gastine, voians ses hardies emprinses, retournerent en leurs duyeres, comme fort honteux et camus (Molinet, Faictz Dictz D., 1467-1506, 246)

...aucuns compaignons desdittes guernisons s'espardirent et boutèrent les feus autour de Condé, tellement que madame, à son partement, tirant illec, apperceut bien la gastine et arsure qu'ilz avoit fait la nuit precedente. (Molinet, Chron. D.J., t.1, 1474-1506, 368)

Pour la dommageuse gastine que firent les Alemans, grans rumeurs et tumulte de peuple s'esleva contre le roy (Molinet, Chron. D.J., t.1, 1474-1506, 548)

...laquelle chose ne se pooit faire sans gastine de pays, à la très grant foule, perte et dommage des Bourgongnons (Molinet, Chron. D.J., t.2, 1474-1506, 79)

Orthographe	Genre	Nombre	Phonétique
gâtine	féminin	singulier	\ɡɑ.tin\
gâtines	féminin	pluriel	\ɡɑ.tin\