FAIBLE

adjectif

[T-L : foible ; GD : foible ; GDC : foible ; AND : feble ; DECT : foible ; FEW (III, 615b,616a) : flebilis ; TLF (VIII, 584b) : faible]

A. -[D'une pers.]

1.Au propre.

a)Qui manque de vigueur, de force physique.

Après desirs ne me laisse durer. Si n'ay pas corps pour tel fais endurer, Car foible sui, dont piessa fusse morte, S'espoirs ne fust qui un po me conforte. (Mach., Compl., 1340-1377, 255)

Et s'estoie flewes assés Et de maladie lassés, Ne nulz ces meschiés ne savoit, Qu'aveuc moy personne n'avoit A qui je m'osaisse complaindre. (Mach., Voir, 1364, 86)

...Car par la grant force dou vent, Li gentils roys cuidoit souvent Que sa galée fust plungie, Et aussi toute sa maisnie. Et quant en son païs revint Li bons roys, si foibles devint Pour ce qu'il ne pooit mengier Et s'avoit souffert le dangier De la mer... (Mach., P. Alex., p.1369, 131)

Car vraiement, dame, se je perdoie L'esperence de joie recouvrer, Par autre amer, desesperez seroie, Car foibles sui pour tels cops endurer ; Ne je n'os penser Que vous n'Amour me peüssiez garir, S'il avenoit, fors seulement morir. (Mach., L. dames, 1377, 166)

...disant qu'il ne povoit pas estre sy tost à Paris comme eulx, pour ce qu'il estoit homme impotent, foible et anxien (Reg. crim. Chât., I, 1389-1392, 454)

...sa dame, femme de sondit pere, est trop fesble et vielle, et n'eust icellui peu apporter à Paris. (Reg. crim. Chât., II, 1389-1392, 248)

...ledit Baudet (...) batant et freant de la pamme et des poins elle qui parle, laquele, en soy revengant et debatant, fu si floibe que elle ne se pot plus aider (Reg. crim. Chât., II, 1389-1392, 511)

...ce qui n'a pas esté maindre miracle mais trop plus grant, que se ung simple homme feble et nus, sans armeures et sans ayde, seurmontoit et vaincoit ung grant paÿs (Gers., P. Paul, a.1394, 494)

...attendu que ledit Boschet estoit bien aagiez et foible et maladiz, et ledit Marle fort et laborieuz (Baye, I, 1400-1410, 64)

Or suis floibe et vielle obstineee (Mir. ste Genev. S., c.1410-1420, 160)

...et après [Sertorius] prist ung foible viellart et lui commanda qu'il sachast la queue du cheval fort et puissant, tout bellement, poil a poil l'un après l'autre (La Sale, Salade, c.1442-1444, 27)

...le clerc (...) la trouva si foible que a grand peine povoit elle aller par la maison. (C.n.n., c.1456-1467, 577)

A mort mes membres se transportent, En vigueur plus ne se deportent Tant suis foible et debilité (La Vigne, S.M., 1496, 565)

Faible sexe. Sexe faible.

Je m'en retourne au foible sexe des femmes. (Foul., Policrat. B., VII, 1372, 504)

[D'un animal]

...en ces deux moys lievres sont plus flebes [var. fiebles] que il ne sont en toute la saison (Henri Ferr., Modus et Ratio, Livre deduis T., c.1354-1377, 69)

Et pour ce que ledit cheval estoit trop petit et feible, vendi ou eschanga sondit cheval en la ville de Villers-Adam (Reg. crim. Chât., I, 1389-1392, 285)

...la contesse (...) fist la laissier tous les foibles cevaus et renouveller d'aultres. (Froiss., Chron. D., p.1400, 518)

Faible de corps

Ceulx qui se sentoient entechié de maladie et foible de corps, et qui desiroient à renouveler l'air, sy departirent du plus tost qu'ilz peurent (Froiss., Chron. M., XIV, c.1375-1400, 109)

Et se je considere au vray ces choses, je me treuve, quelque bonne voulenté que je aye, tres foible de corps pour souffrir grant abstinence et grant peine, et foible d'esperit par fragilité et inconstance (Chr. Piz., Trois vertus W.H., c.1405, 26)

[Dans un cont. grivois] Impuissant.

Pour jouster ung coup de lance, Ce n'est riens que de sa puisance A l'encontre d'ung bon escu. Or, veu que vous avés vescu Et, a bien vous veoir vis a vis, Vous estes foible, a mon advis, Mon oppinion en est telle. [Opposition entre la force du moine et l'impuissance du gendarme à qui cette réplique s'adresse] (P. moyne, a.1500, 50)

Estre faible à + inf. Manquer de forces pour.

PREMIER VENEUR. (...) A ! gentilz levriere Esperance, Nous faulras tu a ce besoing ? Se tu l'attains, m'amour te doing. Or y parra, Caridamas ! A ! Yvorine, mar y vas, Tu es trop foible a l'entreprendre [le cerf] . (Gris., 1395, 26)

Emploi substantival.

Les pucelles sont violées, Les anciennes gens perillent, (...) Et le feible est mengié du fort. (Mir. st Guill., c.1347, 39)

L'AINSNÉ. ...des povres l'alegement Et des febles l'enforcement Et des creans l'amour certaine Estes, sire Diex (Mir. ste Bauth., c.1376, 155)

...on dist un parler qui bien est avérés : Le plus fort vaint le fuevele, et forche paist le pré. (Geste ducs Bourg. K., c.1410-1419, 562)

...il se occupoit a oster les flebes non puissans d'entour lui en quoy il s'enuelopoit tellement qu'il estoit prins. Et adonques lui couroient sus ses ennemis sans pitié ne sans regart raisonnable. (Best. hérald. H.E., c.1435-1450, 489)

Prince, vous verrés batailler Encontre les loups les aigneaux, Les flebes les fors detailler, Quant tous amans seront leaux. (Poés. lyr. court. XVe I., c.1454-1456, 170)

Commencement a febles et a fors De vie estes, sans vous riens ne pourroient. (Cene dieux, c.1492, 114)

...la grande famine qui fut en Angleterre, qui fut si très vehemente que les hommes et femmes s'entremengeoient et le fort mengeoit le feble. (Simon De Phares, Astrol., c.1494-1498, f° 112 r°)

[Pour exprimer une totalité] Le faible et fort /ni fort ni faible. Tout le monde ; personne.

Je suis comparez a la mort, Car je pren le foible et le fort, Que nuls ne m'en puet eschaper, Qu'il ne le couveingne passer Par mes las ou par mi mes mains. (Mach., D. verg., a.1340, 24)

En sa vie ot moult grant honneur, Maiz tant que ce livre faisoye Et que grant part fait en avoye, Le bon chevalier devïa Qui grant honneur en sa vie a. On ne puet rien contre la mort, Elle prent le foible et le fort (Coudrette, Mélus. R., c.1401-1402, 330)

Par mort convient brief trespasser Grans et petis, le foible et fort. (Meschin., Lun. princes M.-G., c.1461-1465, 53)

D'oppinion je suis celuy Que on doit mectre tout a mort, Sans avoir mercy de nulluy Ne espargner foible ne fort. (Myst. Siège Orléans H., c.1480-1500, 249)

Pour vin que ayent prins au matin les grommetz, Ne quelque oudeur qu'ilz ayent voulu eslire, Ne pour dormir tant qu'il prannent leurs metz, Ne pour soleil qui puisse(nt) sur eux luyre, Ne pour beaux motz qu'ilz puissent aux saintz dire, N'en espargnez plus ne foible ne fort, Car il convient tout homme desconfire Se humains ne font envers Dieu leur accord. (Cene dieux, c.1492, 139)

Aller du faible au fort. Procéder progressivement.

Item du commencement on ne doit point administrer fors digestes ne fors evacuatis mais on doit aler [ de ] degré en degré, du foible au fort (Gordon, Prat., c.1450-1500, I, 6)

Proverbe. Sens maistrie et faible et fort

Gardez que Chievre Loup n'efface, Car sens maistrie et fesble et fort. (Renart contref. R.L., t.1, 1328-1342, 25)

Il advient souvent que le faible desconfit le fort et le petit le grand

...car, ainsi que dit Chaton, il advient souvent que le foible desconfit le fort et le petit le grant (Bueil, II, 1461-1466, 72)

b)[Dans un cont. militaire] Vulnérable.

...il sentoient les chevaliers foibles et non fait de la guerre (Froiss., Chron. D., p.1400, 857)

...se il vous clooient les pas en Flandres et les entrees, vous en seriés plus foibles et averiés plus d'ennemis (Froiss., Chron. D., p.1400, 641)

[D'un pays] Peu capable de résister (à un ennemi).

Congnoissant que tous les seigneurs du royaulme se declairoient contre luy, au moins contre son gouvernement, se delibera de courir sus le premier au duc de Bourbon, qui luy sembloit s'estre plus declairé que les autres princes, et que son pays estoit foible, par quoy tantost l'auroit suppedité. (Comm., I, 1489-1491, 17)

Faible partie. Adversaire peu dangereux.

...je te dis qu'il est aucune maniere de guerre que les assaillans ont l'avantaige. Et sces tu quant c'est ? Quant le capitainne ou le conduiseur est plus malicieux et duit de guerre, et il a afaire a foible partie et simple, non usagiee de guerre. (Chr. Piz., Déb. R. Rose H., 1401-1402, 137)

[D'une armée] Peu performant.

Et l'armée qui estoit en Rommaigne, combien qu'elle fust la plus foible, toutesfoiz leur cas prosperoit et commencèrent poy à poy à reculer don Ferrand, duc de Calabre. (Comm., III, 1495-1498, 44)

c)[Domaine politique] Qui a peu d'autorité ou peu de moyens pour l'affirmer.

Celuy qui ne leur est que voysin, s'il est fort et aspre, ilz le laissent vivre ; mais s'il est foible il ne scet où soy mectre, et luy diront qu'il a soutenu leurs ennemys ou ilz vouldront faire vivre leurs gens d'armes en leurs pays ou achatteront querelle ou trouveront occasion de le destruyre ou soustiendront son voysin contre luy et luy presteront gens. (Comm., II, 1489-1491, 215)

d)Faible de qqn/qqc. Peu fourni en, démuni de qqn/qqc..

Pirrus si sot bien, par enquerre, Que Fabricïus moult grant terre Ne tenoit (...) Et que d'avoir ert povre et foible (Chr. Piz., M.F., III, 1400-1403, 205)

Et estoit Guillaume puissant de gens et argent et avoit Anglois, Normans et grant partie de François, et Phelippe estoit ung homme pusillanime, et avoyt Loys son filz bon courage, mais il estoit foible de gens et argent (Juv. Urs., T. crest., c.1446, 83)

Pour ce que foible je me sens, Trop plus de biens que de sancté, Tant que je suis en mon plain sens, Sy peu que Dieu m'en a presté, Car d'autre ne l'ay emprunté, J'ay ce testament tres estable Fait, de derreniere voulenté, Seul pour tout et inrevocable. (Villon, Test. M., 1461-1462, 28)

e)Locution adverbiale. Fort et faible/par fort ou par faible. D'une manière ou d'une autre.

Vien ça, Flaterie ! Au Povre Peuple t'en yras Et par bon moyen luy diras Que luy et Bon Renon, tous deux, Viennent ung peu devers Pluseurs. (...) Se tu te treuve en l'escar, Gette a Bon Renon ung broquart Et fais tant, par fort ou par foible, Qu'il delaisse le Povre Peuple. (Pouvre peuple H., c.1450-1492, 175)

Et porta la resolution que, s'ilz pooyent passer fort et foible par la ville de Nomyny (...) ilz parvenroyent legièrement à leur desir. (Molinet, Chron. D.J., t.1, 1474-1506, 149)

Et fut practiqué legierement que le Roy, vostre pere, nostre sire, entreroit en sa ville de Gand fort et feble, et que là vous luy seriez remis par monsieur Adolph de Cleves, sieur de Ravestain, qui lors vous avoit en gouvernement. (La Marche, Mém., I, c.1470, 171)

Dont pour soudain a celuy fait pourvoir, Le mareschal de Gyé y fut voir Avec plusieurs des seigneurs dessus dictz Qui dedens Napples, sans aucuns contreditz, Incontinent fort et foible luy mirent, Et grant honneur en y entrant luy firent. (La Vigne, V.N., p.1495, 248)

2.Au figuré.

a)Sans force de caractère.

Et ne cuide l'en pas que il soit impotent et foible, mais il est semblable a celui qui est mescheant et impotent. (Oresme, E.A., c.1370, 389)

Si vostre nature est foible, vaincquez la par roiddeur et constance de cueur (C.n.n., c.1456-1467, 577)

[Dans un contexte religieux] Qui cède facilement à la tentation.

Devant toy, Sainte Trinité (...) qui ne desires la mort des pecheours mes la repentance, moy, chetif et foible pecheour, ne me repellisses de ta souveraine pitié. (Gast. Phébus, Livre oraisons T., c.1380-1383, )

Mais qui plus est, voiant que tu es enferme, foible et enclin a pechie [l. pechié] , il te fait paour par ses menasses et te propose les verges de quoy il bat ses enfans, et non pas seulement ses enfans, mais aussi les bastons et fleaux desquelz il punist les mauuais rebelles affin que tu le craignes a offenser: vraiement il quiert bien ton salut par toutes voies, aucunes fois il te rit, aucunes fois il se monstre courroucie [l. courroucié] a toy, maintenant il te donne consolacion, après affin que tu nen [l. n'en] abuses il te laisse cheoir en affliction, et puis affin que tu ne desesperes il reuient a toy et te donne reconfort. (Cib., p.1451, 188)

Emploi substantival.

Et des incontinens ceuls qui sont excessis, c'est a dire prevolans et hastis, il sont moins mauvais que ne sont les foibles qui ont raison et deliberacion en leur fait et ne demeurent pas en leur deliberacion (Oresme, E.A., c.1370, 392)

b)Faible de qqc.

Faible de sens. Peu intelligent.

...s'en fut uns fis, nommeis Johans de Moufrien, qui fut marieis à damoyselle Johanne de Noirfontaine, dont ilh est une filhe toute arsée et floive de sens. (Hemricourt, Miroir Hesb. B.B., 1353-1398, 140-141)

Faible d'esprit. Dont l'esprit manque de fermeté.

Et se je considere au vray ces choses, je me treuve, quelque bonne voulenté que je aye, tres foible de corps pour souffrir grant abstinence et grant peine, et foible d'esperit par fragilité et inconstance (Chr. Piz., Trois vertus W.H., c.1405, 26)

c)Faible à + inf. Peu empressé de.

Ilz ressemblent l'asne, qui est fort derriere et foible devant, ou est la croix ; car ilz sont foibles a bien faire et a acomplir ce que gens vertueux doyvent faire, mais ilz sont puissans a tout mal (Juv. Urs., Loquar, 1440, 407)

B. -[D'une chose]

1.[Au propre]

a)Fragile, qui offre peu de résistance au choc, qui manque de solidité.

[D'un objet, d'un matériau]

Ha ! Fortune, trop sui mis loing de port, Quant en la mer m'as mis sans aviron En un batel petit, plat et sans bort, Foible, pourri, sans voile et aviron. (Mach., Motés, 1377, 498)

Et mon pere le fery du pommeau de l'espee en la temple grant coup. A ce qu'il estoit fors et aspres chevaliers, et la coiffe d'acier estoit feble et mal seure, et le pommel de l'espee estoit pesant, l'aventure fu telle qu'il le tua tout mort estendu a la terre. (Arras, c.1392-1393, 58)

[Dans un cont. métaph.]

...A tous besoins me truevent preste Par penser, sans autre requeste, Car j'oubeï a leurs pensées, Se trop ne sont desordenées. Mais tant sont de foible [var. floibe, fieble] marrien Que sans moy il ne puelent rien. (Mach., R. Fort., c.1341, 79)

C'est une ville si pueplée Qu'on y voit à une assamblée Cent mille hommes en une place, Biaus et gens de corps et de face ; Mais tant sont de foible marrien Qu'en armes il ne valent rien, Eins s'en fuient comme chevriaus. (Mach., P. Alex., p.1369, 62)

b)Mince.

[D'une substance]

Mais je tien que tel moien ne est en rien cause efficiente de tel mouvement, soit naturel, soit violent, et ceulz qui tiennent le contraire ne pourroient par ce salver pluseurs experiences ; si comme d'une secte qui seroit tracte fort parmi une fieble pel, elle seroit meue bien oultre non-obstant que la pel eust arresté le aer qui la suivoit (Oresme, C.M., c.1377, 610)

[D'un matériau]

Je ne sçay rien en marbre, mais en tendre Foible papier mes fables et mes comptes. (Robertet, Oeuvres Z., c.1450-1500, 102)

[D'un endroit]

...a ceste grant tour dont je fais mencïon, Avoit ung huis de fer qu'au plus flebe coron Avoit ung pié d'espes, sy con lisant trouvon. (Tristan Nant. S., c.1350, 450)

c)[Du corps, d'un organe] Qui est défaillant.

...Et si me prist par la main destre De la sienne, blanche et polie, Pour mieus savoir ma maladie ; Si senti mon pous et ma veinne Qui estoit foible [var. floibe, floieble] , mate et veinne. (Mach., R. Fort., c.1341, 57)

...elles scévent qu'en un trop feible et fresle vaissiau, c'est assavoir en leur corps qui ne sont que terre, elles portent un tresor precieux (Mir. nonne, 1345, 314)

...ilz ont tant mengé de celle chair mal cuite que leurs estomacs leur semblent estre wapes et flebes (Le Bel, Chron. V.D., t.1, 1352-1356, 51)

Hé ! mére Dieu, com le corps m'est Devenu povre, feible et las. (Mir. mère pape, c.1355, 390)

Je l'avoie lors si endoivle [le chef] Et le coer si mat et si foivle Qu'a painnes pooie parler (Froiss., Espin. amour. F., c.1369, 91)

Tout homme aiant foible poictrine, Mal estomac ou dolent cuer, Doit mains user de tel liqueur (La Haye, P. peste, 1426, 126)

Maiz tous ceulx qui ont foible teste Doivent garder de leur moleste, Et aussi ceulx expressément Qui seulent vivre souefment, Et qui souvent et volentiers Endurent corporaulx dangiers (La Haye, P. peste, 1426, 128)

...mes yeulx ne sont assez fermes, ains fort fiebles (Alecis, Dial. crucif. pèler. P.P., 1486, 28)

...et congneut, par les influences, la mort prouchaine d'un roy et ne povoit trouver qui il estoit, pour ce que jà avoit feble veue. (Simon De Phares, Astrol., c.1494-1498, f° 60 r°)

d)[D'un son] Peu audible.

...mais la parrolle du chevalier estoit basse et foible pour la douleur que il sentoit. (Cleriadus Z., c.1440-1444, 508)

2.Par analogie.

a)[D'un arc, d'un fil] Peu tendu.

Et doit l'archier querre les bestes tout seul a cheval, et se il les treuve, il doit tendre son arc, lequel doit estre plus fieble et plus eesié que celui de quoi l'en trait a pié. (Henri Ferr., Modus et Ratio, Livre deduis T., c.1354-1377, 131)

Et la meitié du fillé, quant il sera bien ouvert, sera atachié a la verge du tumberel a fil bien fieble (Henri Ferr., Modus et Ratio, Livre deduis T., c.1354-1377, 161)

b)[D'un édifice] Qui est sans défense.

...Car raisons li moustre a congnoistre Ce qu'il sent, pour sa joie acroistre Par le grief ou il a esté. Il ist d'iver, s'entre en esté, De povreté entre en richesse Et de flesve hostel en fortresse, De tenebres vient a clarté, Et de paour en seürté, D'amertume en douce liqueur, De fragilité en vigueur... (Mach., D. Aler., a.1349, 298)

c)En particulier. [Domaine militaire]

[D'une place, d'une fortification] Peu fortifié, facile à prendre, vulnérable.

Maix a ung lez estoit la fermeteit jollie Flebe trop durement (Lion Bourges K.P.F., c.1350, 497)

Pour ce doit chascun deffendre de ceste part ou il scet que son chasteau est plus foible, pour soy combatre contre cellui vice que il voit dont il est plus assailly. (Ménagier Paris B.F., c.1392-1394, 41)

...por abatre la fortrece, qui plus floyve estoit que cely d'Awans ne fuist. (Hemricourt, Guerres Awans B., c.1398, 6)

La place estoit très foible (Comm., III, 1495-1498, 71)

Mais pour ce qu'il congnoissoit le Quesnoy, où il estoit, estre foible place, et aussi que les places voysines estans en l'obéissance du roy estoient en dangier de jour en jour d'[estre] prinses par les Bourguignons, se bonne provision n'y eust esté mise, il n'en volut partir ne abandonner le pays jusques ad ce qu'il eust faict bien fortifier ledit Quesnoy (Le Clerc, Interp. Roye, c.1502, 380)

[D'un système de défense] Qui n'est pas capable de résister longtemps.

Et ja feust la besoingne mal tournée quant cellui chevalier vint, qui bien apperceut l'assault et la feble deffense de ceulx de dedens. (Arras, c.1392-1393, 182)

Emploi substantival. Le faible d'un système de défense. L'endroit vulnérable, le moins résistant.

Pour ce ne demora pas que li contes de Hainnau ne venist de l'un des costés avoecques ses Hainnuiers et Hollandois, et li Valenchiennois d'autre part, et fu Mortagne assallie a deus portes et a deus lés. Li sires de Biaugeu [chef de la forteresse] estoit au plus foible, au lés deviers Mande, a la porte qui oevre sus le Scarp ; et ses cousins li sires de Saint Gorge estoit a la porte d'Escaut, par ou on va a Antoing et en Hainnau. (Froiss., Chron. D., p.1400, 424)

Le comte valeureusement fit battre les tours et les murailles en son plus foible (Chastell., Chron. K., t.1, c.1456-1471, 96)

[Dans une tournure impers.] Il fait faible (à tel endroit dans une bataille) La bataille manque de vigueur, risque de mal tourner à tel endroit.

Si eurent ce soir conseil que à l'endemain on assauroit en trois lieus, et que il metteroient le grignour partie de leurs gens d'armes et arciers à l'endroit où il faisoit le plus foible. (Froiss., Chron. L., IV, c.1375-1400, 14)

Li dis messires Pières ou ses gens couroient priès tous les jours jusques as portes de Chaalons et autour de le cité. Si ne pooit estre que il ne imaginassent et considerassent là où il faisoit le plus fort et le plus foible. (Froiss., Chron. L., V, c.1375-1400, 152)

d)[D'un vin ; p. oppos. à fort] D'une teneur en alcool peu élevée.

Si fait boire en grant abondance, Et qui veult lors de vin user Le doit choesir sans abuser, Tel qu'il soit cler et odorant, Soubtil et meur et savorant, Fort ou foible jouxte l'usage De son vivre, s'il est bien sage, Et, s'il est fort, est chose seure Qu'il soit attrempé d'eaue pure Pour mieulx blandir nature à droit, Maiz plus en esté qu'en temps froit. (La Haye, P. peste, 1426, 99)

[D'une sensation] Peu intense.

...maiz avec ce la quantité de la douleur, si comme s'elle estoit forte ou foible, grant ou petite, et aussi l'espesse de la douleur, si comme s'elle est pongnant ou perforative (Saint-gille, Comment. A.Y. L., 1362-1365, 157)

Quant chaleur est foible adonc ne s'engendre point ventosité, car elle ne se peult resolver, mais quant elle est claudicant, adonc s'engendre ventosité (Gordon, Prat., c.1450-1500, V, 11)

e)[D'une monnaie] Qui a subi un abaissement autorisé du titre et du poids.

Encore y a chose qui m'est po belle, C'est maletoste et subcide et gabelle, Foible monnoie et imposition Et dou pape la visitation. (Mach., Compl., 1340-1377, 251)

...et une queue de vin vermeil de Bourgoigne valoit plus de L livres parisis ; mais la monnoie estoit foible, car un escu valoit bien XLVIII soulz parisis, et assez tost apres valut LII soulz parisis. (Chron. Jean II Ch. V, D., t.1, c.1375, 249)

Et encores avec ce fist le roy Philippe courir fieble monnoye. (Chron. Valois L., c.1377-1397, 8)

...par quictance des gliseurs de ladicte eglise cy rendue à court, 50 solz parisiz febles, valent fors... 37 s. 6 d. (Comptes Etat bourg. M.F., t.3, 1416-1418, 176)

Et aussi jasoit que le IXe jour de may MCCCCXX fut fait le nouvel pié de la foible monnoie, de laquelle foible monnoie l'en donnoit pour marc d'argent 26 l. t. et que ad ce pris ledit monseigneur de Tournay deust avoir esté paié pour rate de temps depuis ledit IXe jour de may jusques audit jour de saint Jehan MCCCCXX (Comptes Etat bourg. M.F., t.1, 1420, 292)

...ayons mis sus et fait forger plus feible monnoye que n'avyons fait ou temps passé (Ordonn. rois Fr. V.B., t.11, 1420, 107)

Faible de poids

Et aussi estoient les diz deniers foibles de pois III quars de denier pour marc, qui se monte XVI s. t. pour marc ou environ. Lequel flebage ilz n'ont mie escript ne mis en leurs pappiers comme ilz devoient. (Ch. VI, D., t.1, 1399, 161)

3.Au figuré.

a)[D'une chose abstr.] Peu important.

De che dist Quintilien en son livre : 'Cheux ne sont pas a souffrir qui dient l'art de gramaire flebe et vaine...' (Daudin, De la erudition H., c.1360-1380, 77)

Mais toutesvoies, se il a opinion et non pas science et la suspicacion ou opinion ou assentement n'est pas fort contre ce a quoy l'appetit trait, mais est foible et remis, aussi comme ont ceulz qui doubtent (Oresme, E.A., c.1370, 366)

...il est homme de très-petite et foible renommée (Reg. crim. Chât., II, 1389-1392, 142)

...si dit [Quintilien] que 'ceulx Mal estudiens et parceux Ne font mie a soustenir, qui Droit jugier ont si relenqui Qu'ilz cavillent et calompnient Gramaire tenue et foible, dient D'elle comme jeunette et tendre, Car, se veulx a science tendre, Sanz de Gramaire fondement, Quanque ediffieras nullement Ne tendra, ains trebuchera De legier qui y touchera...' (Chr. Piz., M.F., II, 1400-1403, 127)

Médiocre.

Gens furent de flesve valour (Renart contref. R.L., t.1, 1328-1342, 161)

Au regart du premier point, je vous monstreroye voulentiers a mon povoir ce que roy doit faire et comment vous devez aider et conforter vostre peuple, mais mon entendement est si foible que a paine le pourroit il concevoir (Juv. Urs., Loquar, 1440, 371)

Trop fut sa parolle legiere Et mise en flebe fondement. Tulle n'a baillié la maniere De parler ainsy lourdement. (Martin Le Franc, Champion dames III, F., 1440-1442, 73)

...je soubz le mantel de crainte me suis aventuré et non soubz l'appuy et confiance de mon foible engin et rude stile, ains soubz l'ombre de ton benigne et gracieux support, à toy ouvrir mon corage et monstrer mon amour par ceste lettre inculte, te priant que par ta bonne coustume veulles excuser mon ygnorance et rudesse. (Robertet, Oeuvres Z., c.1450-1500, 119)

Par quoy, je te prie, o tresaorné homme, par l'amour que tu oncques portas au trespassé, dont le deces piteusement je regrette, que tu donnes pardon à ma folle audace et legiere entreprise, excusant les faultes de ceste petite et foible escripture en laquelle si riens a de louable soit attribué à l'honneur et merite du mort (Robertet, Oeuvres Z., c.1450-1500, 176)

[Oxymore involontaire] Faible force

Elle [la saignée] est faite pour trois chosez : la premiere est faite pour garder la santé du corps de la personne, la IJe est faite pour garder la personne de la maladie acoustumee, la IIJe est faite pour oster la maladie jà parfaicte. Les deux premieres sont dictez electivez pour ce que nous eslisons le temps, heure et air et la disposicion du malade qui est neccessere de savoir et ce nous contraint mainteffoiz de saignier la personne en foible force et vertus, et pour lors nous convient faire petite saignee deux ou trois fois l'une apres l'autre, ce qui seroit à une fois à une personne vertueuse et forte. (Le Lièvre, Traité saignée W., a.1418, 18)

Discret, modeste, peu insistant.

'Pluiseur prelat, baron, chevalier (...) se sont trait en nostre court, pour avoir droit sus aucuns griés et molestés indeus, que vous, par foible conseil et simple information, leur avés proposé à faire.' (Froiss., Chron. L., VII, c.1375-1400, 95)

...ou IIII^e mon povre petit et foible advis de ce que avez a faire, auquel je ne dy mie que vous devez arrester, car vous avez de trop et plus notable conseil que n'est le mien. (Juv. Urs., Loquar, 1440, 371)

Impuissant.

...mais justice est en vostre royaulme trop foible, et vous ne savez pas tout ne povez savoir, car point n'en enquerez ne demandez (Froiss., Chron. M., XIV, c.1375-1400, 30)

Décevant.

Hélas, ma dame, est ce a bon essiant, ou pour moy essayer, que si feible response m'avez faite, qui suis cellui qui tant vous ay amee, et suis cellui qui onques ne vous desobeÿ ? (La Sale, J.S., 1456, 273)

b)[D'une durée] Court, bref.

Je vous ay dicte la maniere De la belle face premiere, Sy diray de celle d'emprés, Qui ne la ressemble de pres, Ainçois y a grant differance En beauté et en apparence, Et plus est de foible duree, Si n'est ne painte, ne doree. (Chr. Piz., M.F., I, 1400-1403, 90)

...et que le bien de renommée soit tendre à haultes choses, approchans des biens non corruptibles, appert, comme choses terrestres soient de foible durée, excepté bon nom, lequel peut acquerir degré de perpetuité (Chr. Piz., Faits meurs Ch. V, S., I, 1404, 10)

L'age faible. L'enfance.

Il y convient aussi garder mesure afin que la correction ne soit pas sans maniere, selonc le dit de Orace ou livre des Epistres : 'L'eage feble a acoustumé d'estre doulcement traitié'. (Daudin, De la erudition H., c.1360-1380, 192)

Faible age. Âge peu avancé, jeunesse, adolescence.

L'un et l'autre en moy s'enbrasoit et ravissoit mon feble eage en confusion par les desers de couvoitise et m'en plongeoit ou goufre de pechié. (Daudin, De la erudition H., c.1360-1380, 271)

c)[Dans un cont. religieux] Misérable.

...il [Dieu] cognoit et ait cognut nostre poure fragiliteit et nostre feble condition (Gast. Phébus, Livre oraisons T., c.1380-1383, 103)

Esveille toy, et n'oublie pas nostre povre et foible impotence besongneuse de ton secours. (Chart., L. Esp., c.1429-1430, 97)

Bonté et sapience premierement appartienent a Dieu, et il en communique aux hommez telle part comme la foible condition en peult recevoir. (Chart., L. Esp., c.1429-1430, 157)

Faible de foi. Qui manque de fermeté dans sa foi.

Le dyable si est bien soubtis A gent qui sont feyble de foy. (Myst. st Bern. Menth. L., c.1450, 49)

C. -Locution. Le fort porte le faible

1.[À propos de personnes, dans le cas d'un impôt à payer, d'une contribution financière] Le fort (le riche) compense le faible (celui qui a peu de moyens), le fort paye plus que le faible, l'impôt est prélevé au prorata des ressources.

Ce duc d'Irlande se confioit tellement en la grace et en l'amour du roy que il ne cuidoit pas que nul le puist nuire ; et y estoit mise hors une commune fame parmy Angleterre que on feroit une taille et que cascun feu paieroit un noble ; si porteroit le fors le foible. (Froiss., Chron. M., c.1375-1400, 23)

L'umble supplicacion de noz (...) habitans (...) de Romans, avons receue, contenant que (...) à la nouvelle venue en noz pays de nostre (...) compaigne la daulphine, lesdiz supplians eussent donné de leur bon gré à nostredicte compaigne la somme de cent marcs d'argent, pourveu que tous et chascuns les habitans en icelle (...) fussent tenuz à y contribuer chascun pour sa part et porcion et le fort portant le foible, consideré que ce n'estoit point taille mais seullement don gracieux. (Lettres Louis XI, C., Pièces justif., t.1, 1436-1461, 236)

2.[À propos de choses]

a)[Dans une évaluation chiffrée] Le fort porte le faible. Le plus grand compense le plus petit.

...contenant iceulx trous, les ungs 4 piés, les autres 6, et les autres 8, 9, 10 et 12, tous avalués les ungs avecques les autres, le fort portant le faible, à 8 toises (Comptes Paris V.L.D., t.1, 1440-1441, 228)

b)Une chose forte porte la faible. Une chose forte compense la faible, ici une saison forte (où le commerce marche bien) compense une saison faible (où le commerce marche moins bien).

A la Porte de Paris a ..XIX.. bouchiers qui par estimacion commune vendent pour le sepmaine eulx tous, l'un temps parmy l'autre et la forte saison portant la foible : ..XIX.. cens moutons, ..IIII.. cens beufz, ..IIII.. cens pourceaulx et ..II.. cens veaulx. (Ménagier Paris B.F., c.1392-1394, 170)

Orthographe	Genre	Nombre	Phonétique
faible	masculin	singulier	\fɛbl\
faible	féminin	singulier	\fɛbl\
faibles	masculin	pluriel	\fɛbl\
faibles	féminin	pluriel	\fɛbl\