FAÇON

substantif féminin

[T-L : façon ; GD : façon ; GDC : façon ; AND : façun ; DECT : façon ; FEW (III, 359a) : factio ; TLF (VIII, 564b) : façon]

I. -Travail de fabrication, d'exécution ; manière de travailler, manière de faire, manière d'être.

A. -Travail d'un artisan qui met en oeuvre une matière, qui exécute un ouvrage, fabrication, réalisation, exécution....

1.[Dans la construction]

A l'entrer du chastel qui est de fiere façon, Encontrent Margalie qu'aloit en la prison. (Tristan Nant. S., c.1350, 735)

...si comme d'un temple la masonnerie est autre que n'est la charpenterie, et la charpenterie autre que n'est la façon du temple. (Oresme, E.A., c.1370, 505)

Ce qu'es .II. belles faces vis, Et des .II. portaulx les façons Qui ne furent fais de maçons. (Chr. Piz., M.F., I, 1400-1403, 96)

Et en faisant icelle tour, où il y avoit grant nombre d'ouvriers, fist son assamblée grosse, par mer, le plus secrettement qu'il peut. Pendant le fachon de laquelle tenoit ses galées sur mer en grant nombre, aveuc foizon d'autres navires, comme craques, hurtes, brigantilz et autres vaissiaux (Escouchy, Chron. B., t.2, a.1465, 51-52)

2.[Dans les travaux agricoles, le labour...]

...les executeurs de feu maistre Jehan Luillier devoient aud. Noel Le Simple pour coultiveures de terre et facons dont il n'avoit pas eu les despuelles (Livre raison St-Martin-de-Pontoise D., 1338, 66)

Item, les charretiers qui ont prins et prendront terres a faire en tache, ne pourront avoir ne prandre, pour la façon d'un arpent de terre a blé de IIII façons, que XXIIII sols et non plus, des plus fors a faire et des autres a l'avenant ; et pour faire mars, en fors terres, d'une bonne façon que VIII sols (Mét. corp. Paris L., t.1, 1351, 28)

Ont esté paié les debtes et lais qui sensuivent : A Pierre de Conty vigneron, demourant a Beauvés, pour la fachon de vignes appartenant aud. defunct pour l'an et vendenges derrain passés (Invent. test. beauv. L., 1401, 64)

3.[Dans le textile, l'habillement...]

Eustace du Brulle, tailleur et vallet de chambre du Roy nostre sire, pour la façon des robes et garnemens pour le corps dudit seigneur (...) pour plusieurs autres mises, voitures et despens fais en ce terme par ledit Eustace pour le fait de la taillerie, par son compte rendu à court, séellé de son séel (Comptes argent. rois Fr. D.-A., I, 1352, 89)

Item, je vueil et ordene que, tantost après ma mort ou au plus tost qu'il se pourra faire, l'en reveste en la parroisse de Coulommiers treze povres creatures (...), de cotte, de chaperon, de chausses, de solers, de braye et de chemise, quant aux hommes, et de chemise, quant aux femmes, tous neufs ; et que on les leur face faire, et que on paye les façons, et que on leur encharge de prier Dieu pour Richarde et pour moy (Test. Parlem. Paris T., 1411, 536)

...fachon et estoffes de deux robes de drap d'or, fourrées de menu vair que MdS avoit fait faire par lui pour vestir les ymages de Nostre Dame de Tournay et son enfant (Comptes Lille L., t.1, 1412, 64)

4.[Dans l'artisanat]

...Une couronne y ot qui n'est pas de laton, De fin or et de perles fut fete, se dit on ; Mille livres valloit sans priser la façon. (Tristan Nant. S., c.1350, 237)

Car tousjours est meilleur la fin qui ensuit l'autre, si comme un instrument de musique qui est chose faite vault mieulx que la façon ou operacion, et le biau son pour quoy il est fait est plus digne que n'est tel instrument. (Oresme, E.A.C., c.1370, 104)

Comme P. Roy, de La Faoyle, demandast contre G. Langles li estre sastifet de la fasson de L tonneaux a fuer de XVIII de. la piece, ledit. Guill. excepta que par convenances faiz il devoit prendre en paiement desdits tonneaux a fuer de IX t. la piece, tant il fut paié de la fasson (...) [XII sous dus a Julien Doysse, clerc] de fasson et de seaus de letres sellees du scel le roy (...) ...fasson d'une huisserie (Doc. 1390. In : P. Rézeau, R. Ling. rom. 78, 2014, 418-419)

Cedit jour, le graphier a delivré et baillié cinquante frans sur le salaire de la façon des aumoires que l'en fait en la Tournelle à Guillaume Cirasse, charpentier ou hucher (Baye, I, 1400-1410, 88)

A Adam La Carriere, doridier, soixante souls tournois pour la valeur et façon d'une arbaleste d'argent a donner a celui qui aura le pris des compaignons arbalestriers de la ville, LX s. t. (Doc. 1419. In : P. Rézeau, R. Ling. rom. 78, 2014, 415)

...les orfevres (...) seront par lesdiz gardes examinez, tant sur la matiere dont ilz doivent ouvrer que sur la façon, c'est assavoir, à quans deniers et grains ilz doivent ouvrer, et s'ilz scevent aloyer leur argent (Fauq., II, 1421-1430, 305)

À Pierre Bourdet, orfevre, demourant à Paris, la somme de 4 l. 2 s. 6 d. p. à luy deue, c'est assavoir : pour ung arc d'argent pesant 2 onces 5 estrelins, avecques une arbalaistre, et une verge, et pour la façon et dorure, 62 s. 6 d. p. (Comptes Paris V.L.D., t.1, 1424-1425, 51)

De (grosse) façon. Qui a nécessité un travail d'art.

...Et tenoit une lance de moult grosse façon. (Tristan Nant. S., c.1350, 661)

'Ha, Durendal !' dist il, 'Espeë de façon...' (Gir. Vienne D.B., c.1350-1400, 190)

5.[Dans la création artistique, littéraire]

À Collart Filliot et Thomas Voisin, clercs, pour la façon et escripture de IIJcIIIJxxX lettres closes qui ont esté scellées pour le hastif mandement de MS (Comptes Lille L., t.1, 1430-1431, 257)

...l'estoffe, taille et fasson d'icelles [les nouvelles du recueil] est d'assez fresche memoire et de myne beaucop nouvelle. (C.n.n., c.1456-1467, 22)

B. -Manière de travailler, manière de faire.

1.Méthode (pour réaliser qqc.).

...car les unes fins sont les operacions, les autres sont aucunes oeuvres ou choses faites hors les operacions ou façons, et ces oeuvres sont meilleurs que les operacions par quoy il sont faites. (Oresme, E.A., c.1370, 103)

2.Manière dont une chose est faite et dont elle est perçue ; forme donnée à qqc. sur le plan esthétique.

Mais la maison Sus la roche est si bien qu'onques mais hom Ne vit autre de plus belle façon ; Car il n'y a nesune meffaçon. Et la fonteinne Est en la court, qui n'est mie villeinne, Eins est vive, de roche clere et seinne, Froide com glace et plus douce que Seinne. (Mach., J. R. Beh., c.1340, 110)

'...Faites moy unes armeüres, Bonnes et belles et seüres, Qui seront pour cest enfançon. Et si les vueill de tel façon Que li ouvrages croistera Selonc ce qu'il amendera.' Vulcans respont comme avisez : J'oy bien ce que vous devisez. Si feray tout vostre plaisir... (Mach., P. Alex., p.1369, 7)

Pimalions qui moroit pour amer Pria ses dieus par tele affection Que la froideur de l'image tourner Vit en chalour et sa dure fasson Amolir, car vie avoit Et char humeinne et doucement parloit. (Mach., L. dames, 1377, 183)

Et les façons des parties different l'une de l'autre d'espece. (Oresme, E.A., c.1370, 505)

...une pinte d'or, armoyée par la pance des armes d'un pape, et est d'ancienne façon (Invent. mobilier Ch. V, L., 1379-1391, 67)

...ung autre calice et deux burectes, de nouvelle façon, cizellez à fleurs de bourresches (Invent. mobilier Ch. V, L., 1379-1391, 127)

...deux petiz chandeliers de chappelle, d'argent, dorez, tout les tiges sont torses et les piez d'ancienne façon, à bestes enlevées (Invent. mobilier Ch. V, L., 1379-1391, 192)

Ce jour ou environ, me fu baillez en garde par maistre Bertran Thioche, pour monseigneur de Tours, un gobelet d'or (...) et est ledit gobelet couvert et de estrange façon, à IIJ pelles sur le couvercle. (Baye, I, 1400-1410, 58)

...et aussi declareront les dessus nommez la façon des calices qu'ilz ont perdus pour savoir que sera à faire (Fauq., III, 1431-1435, 127)

...ung meschant comptouer de sapin avec le siège où il n'y a point de façon, 5 s. (Aff. Jacques Coeur M., 1453-1457, 416)

Madame, qui cognoit la façon de son parler, lui dist : 'Mon ami, je qui vous ay pour moy servir sur toutes autres choisy, vous prie encores que ne vous sociez fors que de estre liez et joyeux...' (La Sale, J.S., 1456, 79)

Déroulement (d'une action).

Et quant Saintré eust bien leu et advisé ledit seellé, ledit Saintré devant chascun publiquement retourna incontinant a l'eglise remercier Dieu devotement, puis audit roy demanda devant tous toute la façon de son delivrement et qui estoit cellui qui emprins l'avoit a delivrer. (La Sale, J.S., 1456, 101)

Façon de qqc. Forme de qqc..

[Un combat singulier se prépare] ...entre deux compagnons vallets, armés tant seullement et cousus chascun en une pel de cordawen jointissé depuis la cheville du pié jusques au dessous le menton à la façon du corps tant estroite que nulle main n'y poroit pincer desus (Chastell., Chron. K., t.3, c.1456-1471, 38)

[À propos de tissus]

...deux autres draps de soye d'oultremer, lesquelz sont neellez, ouvrez à ouvraiges en façon de fustaine rèze. (Invent. mobilier Ch. V, L., 1380, 343)

De la façon de + nom de ville. À la manière de....

...II tapis ouvrés à or, de la fachon d'Arras (Comptes Lille L., t.1, 1385-1386, 5)

... [ils] mal prindrent et emblerent une piece de drap pers de la façon de Beauvaiz, contenant XIJ aulnes (Reg. crim. Chât., I, 1389-1392, 293)

À la façon que + ind. À la manière dont, comme.

Et estoit ledit roy d'Angleterre vestu d'une robe de drap d'or moult riche, laquelle estoit baguée, faicte à la façon que on portoit les robes à chevauchier durant le temps du bon roy Charles VIIe. (Le Clerc, Interp. Roye, c.1502, 343)

[À propos d'objets] À/en (la) façon de qqc./de qqn/d'une ville. Avec la forme de qqc., qui ressemble à qqn./qqc., à la manière de qqc./dune ville.

...ung reliquiaire fait à la façon d'un treffle, ou mylieu duquel est l'Annonciacion, et sur le pié sont saincte Marguerite et saincte Katherine (Invent. mobilier Ch. V, L., 1379, 278)

...une salière d'or, à façon de coquille (Invent. mobilier Ch. V, L., 1379-1391, 78)

...une petite bouteillette, en façon d'une poire, d'argent véré, à mectre pouldre (Invent. mobilier Ch. V, L., 1379-1391, 240)

...ung grant voirre, ouvré en la façon de Damas par dehors (Invent. mobilier Ch. V, L., 1379-1391, 240)

...et oultre, [il] y trouva XX choses de drapeau rons, longs et gros comme la moitié d'un doy d'un homme, ou plus, fais en la façon d'un doytier à quoy les orfevres mettent leurs anneaux. (Reg. crim. Chât., I, 1389-1392, 424)

Et lors elle qui parle, à ses mains, fist de ladite cire et poix un voult de cire en façon d'enfant, et, en le faisant, appella par trois fois en son ayde ledit Luciafer (Reg. crim. Chât., II, 1389-1392, 329)

Item, elle laissa au dict Ragault ung gobelet d'argent a fachon de cuvecte (Invent. test. beauv. L., 1431, 68)

...un casier, c'est ung garde menger a la façon d'une huche (C.n.n., c.1456-1467, 443)

...et, à la hune du mast de ladicte nef, qui estoit en façon d'un liz, yssoit ung roy en habit royal que deux anges conduisoient. (Roye, Chron. scand., I, 1460-1483, 27)

En ladicte année, le duc de Bretaigne envoya acheter à Millan certaine quantité de harnois, comme curasses, sallades et autres harnois, qui furent enfardellez en fardeaulx en façon de draps de soye et autres marchandises fort enveloppez de cotton, et tellement que à remuer les fardeaulx ne faisoient point de noise. (Roye, Chron. scand., II, 1460-1483, 108)

Adonc apperçoit le franc archier ung espoventail de cheneviere, faict en façon d'ung gendarme, croix blanche devant et croix noire derrière, en sa main [tenant] une arbaleste. (Fr. arch. B., c.1468-1480, 38)

Par ma foy, je croy bien cela Car elle porte aussi penson Chapperon fort a la façon De ceulx des femmes de bordeau. (Sots mal., c.1480, 88)

[À propos d'une partie du corps] De telle façon comme de qqc.

Un seul oeil ha emmi le front, Grant et gros, orrible et parfont ; Com(me) feu rouge e[s]t soubz la paupiere ; Ha plus dou tour d'une paviere. Si surcil sont de tel façon Com de la pel d'un heriçon. (Mach., Voir, 1364, 620)

De nouvelle façon. De nouvelle facture.

Lequel armé et vestu de sa cote d'armes batue a or, il monta sur son coursier, prist son heaulme de nouvelle fachon a tout ung lupart d'or sur le sommet et environné de deamans, fremaulx, saphirs et rubis (Jehan d'Avennes F., c.1465-1468, 60)

3.Locution adverbiale. locution conjonctive.

a)Locution adverbiale.

En mainte façon. De plusieurs manières.

Dieu n'est pas plus recongneu ne loué Qu'il estoit lors, mais sans tremeur et crainte Il est nié, juré, desavoay Et offencé par tout en façon mainte. (Cene dieux, c.1492, 114)

En quelque façon. De quelque manière.

CUPIDO. Premierement que je m'informe Du procès en quelque façon. Il fault dirë une chançon Et puis après qu'on y revienne. (P. moyne, a.1500, 48)

En telle façon. De telle manière, de la sorte.

Me vint ung vouloir de briser La tres amoureuse prison Qui faisoit mon cueur debriser. Je le feiz en telle façon, Voyant celle devant mes yeulx Consentant a ma deffaçon Sans ce que ja luy en fust mieulx (Villon, Lais R.H., c.1456-1457, 12)

D'Isaye j'ay veu l'escript Que de Messïas parloit, Et en telle façon disoit : Dominus ipse veniet et salvabit nos (Pass. Auv., 1477, 120)

[À propos d'aliments] En toutes façons. (Apprêtés, accommodés) de toutes les manières.

Bons vins [les grands maîtres] ont, souvent embrochez, Saulces, brouestz et groz poissons, Tartes, flans, oefz fritz et pochetz, Perduz et en toutes façons. Pas ne ressemblent les maçons Que servir fault a si grant peine : Ilz ne veullent nulz eschançons, De soy verser chacun se paine. (Villon, Test. R.H., 1461-1462, 39)

Par nesune/nulle façon. En aucune manière.

...je ne vous prins mie par nessune fachon Que pour vo corps logier en la cité de nom. (Cip. Vignevaux W., p.1400, 72)

...elle ne Gadiffer par nulle façon ne pouoient estre veus. (Percef. III, R., t.2, c.1450 [c.1340], 116)

b)Locution conjonctive.

[Loc. limitée à un constat]

En (la) façon que + ind. De la manière que.

En la fasson qu'avez oy se combatit ce bon chevalier au dyable (C.n.n., c.1456-1467, 430)

Et est assavoir que les Bourguignons ne faillirent point d'aller au droit de la barriere, où il y avoit une de leurs enseignes, là où il fut vaillamment combatu tant par monseigneur de Nerbonne que par le grant maistre et ses gens ; mais c'estoit en façon qu'il sembloit qu'ilz desirassent plus de garder leur honneur que de saulver leurs vies. (Le Clerc, Interp. Roye, c.1502, 271)

De telle façon comme

Lors que li Rommain eurent passé ce pont, si trouverent en une place un arbre de tel façon comme vous avez oÿ devant, quant Gieffroy le devisa a Berinus (Bérinus, I, c.1350-1370, 134)

[Loc. impliquant une conséquence, à l'indic. ou au subj.]

De telle façon que

A cez parollez se resvertuerent de telle fachon que tout trambloit devant eulx (Comte Artois, c.1453-1467, 11)

Par telle façon que. De telle manière que.

Il nous fault fort drecer chemin Et nous haster par tel fasson Que nos freres trouver puisson (Gréban, Pass. J., c.1450, 413)

...ne sçay qui me tient que je ne me leve et vous egratigne le visage par telle fasson qu'[a] tousjourmés aurez memoire de m'avoir sans cause villennée. (C.n.n., c.1456-1467, 244)

En (telle façon) que. De telle sorte que.

...n'avoit ailleurs son cueur, son estude, ne tous ses pensers, que a se venger de luy, s'il savoit, en fasson telle ou semblable qu'il deceust sa femme. (C.n.n., c.1456-1467, 43)

...et lequel feu le vent acueilli tellement qu'il s'envola et dispersa au long d'icelle charpenterie et couverture, en telle façon que, sans y povoir remedier, tout fut bruslé et ars. (Roye, Chron. scand., I, 1460-1483, 267)

Et pour ce je vous faitz responce que si aucunes choses avés à me demander, que quant vostre plaisir sera de vous trouver en mon party et devant mon juge et que vous m'en accuserez que vous y respondré ainsi que en tel cas ung gentilhomme doit faire et en façon que, au plaisir de Dieu, mon honneur y sera bien gardé. (Le Clerc, Interp. Roye, c.1502, 356)

C. -[À propos d'une pers. (ou d'un animal)] Manière de se comporter, manière d'être.

1.Comportement, habitudes de comportement, façons.

Par foy, dist l'escuier, qui moult avoit veu en son temps, ce sont tout adroit gens d'armes et de conqueste. Lors entre en l'ost et demande le logeis de cellui qui a le gouvernement de l'ost, et tantost y fu menez. Quant il vint devant Anthoine, si fu moult esbahiz de sa facon et de sa fierté (Arras, c.1392-1393, 179)

...vostre filx a fait mainte folle façon : Il ochist Bauduïn sans trouver ocquoison (Huon Bordeaux B., c.1400-1450, 21)

...de gesir adz champs n'est point vostre fachon (Cip. Vignevaux W., p.1400, 72)

Le vray et loial amoreux (...) qui jour et nuyt tent a l'amoreuse queste et grace de sa tresbelle dame et par les VIJ façons contraires aux sept pechiés mortelz (La Sale, J.S., 1456, 29)

Ilz ne scavoyent plus que dire, Vont ilz sur les dames mesdire ? La façon n'est bonne ne belle... (S. fol, c.1480-1490, 7)

DANDO. Elles se hourde(me)nt gourdement, Senglees com enfans sont en langes. MAISTRE ALIBORUM. Les façons n'en sont pas estranges C'est pour fort retenir le bas, Leurs culz fourrez cherroient embas S'elles n'estoient ainsi senglees. (Sots Magn., a.1488, 196)

L'hoste n'est plus asseuré chiez son hoste, Le filz combat contre le pere et joxte L'homme a la femme, et la femme son homme La mort desire, et n'y a ung seul joxte D'amour entre eulx, vela toute la somme, La vraye façon et la maniere comme Le peuple vit en dissolucion... (Cene dieux, c.1492, 114)

Voz gloutonnies et voz ventrees Et façons tresmal acoustrees Ont esté veues et remonstrees En la cene des dieux desraine. (Cene dieux, c.1492, 133)

LA FILLE. J'aymeroye mieulx la mointié Avoir amy d'aultre façon, Pour me fourrer mon peliçon, Je demande ung tel amoureulx. (P. moyne, a.1500, 46)

En particulier. Comportement convenable, conforme à l'usage.

Maistre, maistre, est ce la façon de fuir les dames ? (La Sale, J.S., 1456, 61)

[Avec une idée de qualité] De (grande) façon

De bonne société, de bonne compagnie, noble, de qualité.

ELŸASAR. (hoste) ...de bon vin a l'avenant, Vous en arez une leesson. LUCANUS. C'est parlé d'oste de façon. (Gréban, Pass. J., c.1450, 93)

...l'empereris en son hourt a la senestre, acompaignie de maintes princesses et d'autres dames de grant façon (La Sale, J.S., 1456, 266)

...[elle] se vint rendre a une sienne voisine, femme de bien et de grand façon, et desja sur l'eage (C.n.n., c.1456-1467, 347)

...il mengeoit au disner, en une grande compaignie de ses amys et aultres gens de grand façon. (C.n.n., c.1456-1467, 570)

...et pluseurs autres capitaines et gens de grant faczon (Gruel, Chron. Richemont L., c.1459-1466, 62)

Et, quant il fut sceu qu'il estoit ainsi venu en ladicte ville, plusieurs officiers du roy et gens de façon d'icelle furent fort ymaginatifz comment ne pourquoy il estoit ainsi venu que dit est. (Roye, Chron. scand., I, 1460-1483, 10)

Et avoit le roy devant ladicte ville la plus belle et noble armée qui onques fut gueres veue, car il y avoit de bonnes gens de guerre et de grant façon XXIIIIm hommes et mieulx. (Roye, Chron. scand., I, 1460-1483, 52)

Et y soupperent avecques lui plusieurs gens de grant façon, invitez et mandez avecques leurs femmes. (Roye, Chron. scand., I, 1460-1483, 136)

Et estoit ceste damoiselle femme d'un advocat nommé... (...). Si pleut moult a ceste dame son accointance et en fit grant feste, et par le moien d'elle vint en l'accointance encoires d'aultres beaucop, les plus femmes de fachon de la ville, comme de la prevoste de la ville, la Cosinote, et aultres grant nombre (Chastell., Chron. IV, D., c.1461-1472, 238)

...une fois moy estant en devises avecques une dame de moult haulte fachon nommee Marguerite de Valois, seur naturele a cestui roy Charles (Chastell., Chron. IV, D., c.1461-1472, 311)

De qualité (dans l'exercice d'une activité), compétent.

Et estoient en nombre de cincq cens chevalliers de grant façon, et vont chasser devant eulx les sommiers par bonne entreprinse. (Bagnyon, Hist. Charlem. K., c.1465-1470, 142)

Je ordonne duc d'Alanson Pour mon lieutenant general, Aveques gens de grant facon Et tant a pié comme a cheval, Vous servir a mont et a val A tout vostre bon plaisir faire, Enjoinct, en especial, Du tout vostre plaisir parfaire. (Myst. Siège Orléans H., c.1480-1500, 518)

Quant ung homme estrangier Entre en une maison Pour voir se l'ostellier Est homme de fasson, Sans demander son nom Congnoistra le mistere : A la case puet on Cognoistre le messere. (Prov. rimes F.M., c.1485-1490, 73)

Je feïz incontinent ce qu'il m'avoit commandé et fuz très esbahy quant je veïz ledict serviteur, car il ne me sembloit de taille ne de façon propice à une telle oeuvre. (Comm., II, 1489-1491, 41)

[À propos d'un animal] Manière d'être.

...Car je me pris a avancier Dou gent esprivier mettre a plain. Et quant je le parvi de plain Et seur mon poing le pos tenir, Je congnus a son maintenir, Au plumage et a sa façon, Qu'il seroit de bonne duiçon, Car tout trés bien li avenoit. (Mach., D. Aler., a.1349, 275)

...l'en ne peust nulle chose deviser proprement telle comme il appartient a faucon afetier, qui ne voit et connoist son estat [var. sa façon] et sa maniere (Henri Ferr., Modus et Ratio, Livre deduis T., c.1354-1377, 181)

S'ai deulz orselés d'un aage, D'une façon et d'un courage Qu'ai trouvés en une monta[i]gne, Si dis : 'Jusque ma dame va[i]gne Seront gardé cil orselet, Car cest present veuil je qu'elle et.' (Mach., Voir, 1364, 638)

Bouc n'est pas comune beste que chascun connoisse, et pour ce vueill je devisier de sa nature, faisson et vie. (Gast. Phébus, Livre chasse T., 1387-1389, 69)

Manière d'agir, de faire.

LE SEIGNEUR DES NOPCES (de Cana). Je n'entens point ceste façon. Mais dont pueult ce bon vin venir ? (Gréban, Pass. J., c.1450, 153)

Nostre souverain seigneur, il est de coustume a tous nobles hommes de acroistre leurs honneurs par le tresnoble mestier d'armes et en pluseurs façons (La Sale, J.S., 1456, 86)

...desirant, comme je doy, complaire a toutes voz treshaultes et tresnobles intencions en façon a moy possible, ose et presume ce present petit oeuvre (...) vous presenter (C.n.n., c.1456-1467, 22)

...maistre Jehan, ne voiez vous aultre fasson pour la recouvrance de la santé de madame ? (C.n.n., c.1456-1467, 140)

...si par aucune fasson je ne parvenoye a vostre bonne grace, il ne m'estoit pas possible de longuement vivre en ce doloreux martire. (C.n.n., c.1456-1467, 210)

...s'il scet trouver voye ne fasson (...) il s'accointera de sa dame et se fera privé d'elle. (C.n.n., c.1456-1467, 228)

L'on me fait entendre que la façon du faire est tant plaisante que je plains et complains mon gent et jeune corps qu'il fault pourrir sans avoir eu ce desiré plaisir. [Il s'agit de l'amour] (C.n.n., c.1456-1467, 348)

Si jugea que maniere et façon de faire estoient sagement advisées, et ne povoient venir que d'homme bien sage. (C.n.n., c.1456-1467, 578)

Et quant le roy vint en Ytalie, ilz ne pouvoient croyre qu'on prist ainsi les places ne en si poy de temps, car ce n'est point leur façon (Comm., III, 1495-1498, 113)

Situation (qui résulte d'une certaine façon d'agir).

Et quant li gentilz duc oyt la faisson, Il jurait Dammedieu qui souffrit passion Que tout droit a Pallerme la citeit de renom Yrait le roy secour a fforce et a a bandon (Lion Bourges K.P.F., c.1350, 802)

Aÿ ! Clarice damme, or voy bien la fasson : Advenue est yssi la vostre advision, Car venu sont escouffle, corbaut et li hairon (Renaut Mont. B.N. V., c.1350-1400, 307)

Et les veneurs, quant ilz voient la façon, sy le courirent dire a l'oust, et ont dit tout la veriteit. (JEAN D'OUTREM., Myr. histors G., a.1400, 107)

Segneurs, pour cel anel que nous icy vëons, Parfurniray mon gré, (...) Car le gaiant me dist bien la conclusïon, Et si me recorda les poins et la fasson, Et me dist qu'il n'a prince jusqu'en Carphanaon, Qui osast a celuy meffaire ung seul bouton, Qui avroit chest anel en sa possessïon (Huon Bordeaux B., c.1400-1450, 80)

Quant le conte de Flandres aperchupt la faichon Ne fut mais si dolans en ung an de saison. (Cip. Vignevaux W., p.1400, 168)

...en quelque façon d'armes que vous soiez, que vous gayniez ou perdez honnestement et lyement. (La Sale, J.S., 1456, 94)

Charles l'empereur, qui vist la façon, descent a terre moult courrociez en son couraige et mist son escu devant luy, l'espee au poin, et ses barons aprés luy vindrent contre ce jayant. (Bagnyon, Hist. Charlem. K., c.1465-1470, 148)

La façon y estoit telle des deux coustés que l'amytié ne pouvoit guères durer (Comm., III, 1495-1498, 47)

Point d'une progression.

Et puis apriès orés, de façon en façon, Comment Acre asséga Godefroit de Buillon (God. Bouillon R.B., t.3, c.1356, 128)

Bonne façon. Manière d'agir efficace.

... [une dame] fut tant esprinse de son amour que plus on ne pourroit, et, par trop bonne fasson qui trop longue seroit a descripre, fist tant que ce bon chevalier s'en apperceut (C.n.n., c.1456-1467, 474)

Male façon. Méfait, mauvaise action.

...Amours me moustra par feauté Qu'il estoit des oiseaus assez, Et que point ne fusse lassez D'entre les oiseaus pourquerir Aucun qui me peüst garir, Et loe qu'einsi le face on, Car point n'i a male façon, Dès qu'on ne puet, par bien ouvrer, Ce qu'on a perdu recouvrer. Et dès qu'Amours le me loa, J'eus droit, se mes cuers l'avoua. (Mach., D. Aler., a.1349, 292)

Comparoir lui feray sa tres male façon. (Gir. Vienne D.B., c.1350-1400, 205)

En ce temps avoit grant ranqune entre le roi d'Engleterre et les Espagnols, pour auqunes malles façons et pillages que li dis Espagnols avoient fait sus mer as Englois. (Froiss., Chron. D., p.1400, 880)

En male façon. En délit (de pâturage illicite).

...item, doivent garder les bestes qui sont prinses es malles fachons d'icelle forest (Hector De Chartres, Cout. R., 1398-1408, 45)

Façon subtile. Ruse.

...la dame fut advertie de la fasson subtile qui son mary abuseroit. (C.n.n., c.1456-1467, 96)

Estre de telle façon que de + inf. Agir en faisant telle chose.

Et fut la desconfiture très grande, car la deliberation du roy Edouard estoit, quant il partit de Flandres, qu'il ne seroit plus de ceste façon que de crier que on saulvast le peuple et que on tuast les gens de bien, comme autresfoiz il avoit fait en ses batailles precedentes, car il avoit conceü une très grande hayne contre le peuple d'Angleterre, pour la grant faveur qu'il veoit que ledict peuple portoit au conte de Warvic, et aussi pour autres raisons. (Comm., I, 1489-1491, 214)

Faire sa façon. En faire à sa tête.

Il [Galien] a traicté [l. traicte] l'espee (...) Ja l'en eüt feru [Ganelon] ung si grant horion Que jamaiz ne lui covensit ne mire ne poisson, Se ne fut Ogier et le bon duc Naymon, (...) Qui lui ont destourbé a faire sa faichon. (Galien D.B., c.1400-1500, 50)

Possibilité, moyen d'agir, de faire qqc..

Façon de vivre. Moyen de subsistance.

...fist brusler toutes les maisons et rompre tous les moullins à fer lesquelz estoient au pays, qui est la plus grant façon de vivre qu'ilz ayent, et cerchèrent le peuple parmy les grans forestz où ilz s'estoient cachéz avecques leurs biens, et y en eut beaucoup de mors et de prins, et y gaignèrent les gens d'armes largement. (Comm., I, 1489-1491, 167)

Avoir façon de + inf. Avoir la possibilité, les moyens de.

...et me semble que ung saige prince ayant povoir de dix mil hommes et façon de les entretenir est plus à craindre et estimer que ne seroient dix qui auroient chascun six mil tous alliéz et confictz ensemble, pour autant que, des choses qui sont à desmesler et à accorder entre eulx, la moytié du temps se pert avant qu'il y ait rien conclud ne accordé. (Comm., I, 1489-1491, 91)

Donner façon de + inf. Donner la manière, le moyen, la possibilité de.

...force leur est [aux dames] de monstrer doulcement le bon vouloir que elles ont, et par ce donnent façon de proceder (La Sale, J.S., 1456, 35)

Faire qqc. de (grande/bonne) façon. Faire qqc. comme il faut, convenablement, bien.

Quant il furent là venu, si l'assegièrent de grant façon, et se misent tantost à l'assallir par bonne ordenance. (Froiss., Chron. R., VIII, c.1375-1400, 52)

Sire Manassés, ne vous chault ; Il parle de bonne façon. (Gréban, Pass. J., c.1450, 118)

Ay je bien party de façon ? Voicy quatre pars devisees Et si justement composees Qu'on n'y sçaroit oster ne mettre. (Gréban, Pass. J., c.1450, 342)

Aprés que Charles fut retourné en France, il convoca plusieurs gens d'armes et puis s'en vint a la cité d'Agian et l'assega par grant façon l'espace de sept mois. (Bagnyon, Hist. Charlem. K., c.1465-1470, 186)

Mettre qqn en façon que + subj. Le disposer de telle sorte que.

Ceste pouvre fille (...) ne se vouloit accorder nullement qu'on la meist en fasson que son mal fust apperceu [Elle souffre d'hémorroïdes] (C.n.n., c.1456-1467, 33)

Pourchasser les façons de + inf. Chercher les moyens de.

LE CHRESTIEN. (...) A l'oeil nous voyons Que bref n'on n'a rien Que ne pourchasse les façons D'avoir d'autruy avec le sien ['si l'on ne cherche pas les moyens d'ajouter le bien d'autrui à celui qu'on possède' (Éd., 162)] . (Mir. st Nic. juif, c.1480-1500, 74)

Trouver façon de + inf. Trouver la manière, le moyen de.

...après qu'il eut trouvé façon d'avoir vers elle accointance, il compta son cas (C.n.n., c.1456-1467, 315)

Si ne dormoit ne nuyt ne jour, de force de penser a sa dame et de trouver la façon et maniere de parvenir a sa grace. (C.n.n., c.1456-1467, 315)

...[il] trouva façon de prendre les braies du prestre sans ce qu'il fust de ame apperceu. (C.n.n., c.1456-1467, 333)

...la doleur estoit qu'ilz ne savoient trouver fasson ne maniere d'estre a part et en lieu secret, pour a loisir dire et deceler ce qu'ilz avoient sur le cueur [De deux jeunes amants] (C.n.n., c.1456-1467, 434)

Et, après le partement dudit Dampmartin, il trouva moien et façon de prendre et avoir sur Geoffroy Cuer, filz de feu Jaques Cuer, les places de Saint-Forgeau et Saint-Morisse (Roye, Chron. scand., I, 1460-1483, 41)

...qu'il le gardast bien [un calice volé] et trouvast facion de le rendre et remectre en point (Lettres rémission René II P.D.H., 1486, 157)

Et, pendant ledit temps, ung gentilhomme, nommé Colinet de la Croix, du païx de Caulx, serviteur de mons. de Berry, qui trouva façon d'avoir des navires soudainement et secrettement, [les] avitailla (Le Clerc, Interp. Roye, c.1502, 201)

Trouver façon que

...je trouveray façon que Monseigneur, Madame et messeigneurs mes beaus oncles de Anjou, de Berry et de Bourgoigne, et autres seigneurs de nostre sang, chascun vous aidera (La Sale, J.S., 1456, 79)

Herodïas, Jehan vous diffame ! Treuve façon qu'il preigne mort. (Pass. Auv., 1477, 92)

Trouver façon + interr. indir.

Vous veez comment il vous est advenu de la guerre que le prince de Castellongne a entrepris vers vous et sy n'y reste fors de trouver fachon par subtil moyen comment on le puist tost achever a nostre prouffit et confusion de noz ennemis. (Comte Artois, c.1453-1467, 38)

2.Manière d'être, apparence....

a)Apparence extérieure, aspect physique, allure.

...cil qui la estoient, Qui estoient bel a devis De corps, de façon et de vis, Li darrein et li premerein, Comme a leur signour souverein, Feste, honneur et grant reverence Li faisoient de leur puissance. (Mach., D. verg., a.1340, 21)

Et se vous di Qu'onques encor en ma vie ne vi Corps de dame si trés bien assevi. Mais elle avoit quatorze ans et demi Ou environ. Si que, dame, quant je vi sa façon Qui tant estoit belle sans meffaçon, Dedens mon cuer la douce impression De sa figure Fu telement empreinte qu'elle y dure, Ne onques puis n'en parti, dont j'endure Meinte doleur et meinte durté dure. (Mach., J. R. Beh., c.1340, 72)

Vous avez d'un meuldrier la façon et le vis (Hern. Beaul. D.B., c.1350-1400, 34)

Les grandes povretez des .IIII. filz Aymon Muërent tellement leur vis et leur fasson, A paine fu il hons de leur estracion Qui point seüst a dire se se sont il ou non. (Renaut Mont. B.N. V., c.1350-1400, 235)

...Son menton, sa gorge polie, Son col plus blanc que noif negie, Et de son gent corps la façon En qui n'a point de meffaçon. (Mach., C. ami, 1357, 77)

Avis m'estoit que je vëoie En mon dormant ou je songoie Deus dames de tele fasson Qu'il n'est ne peintre ne masson Qui leur biauté peüst escrire [var. descrire] , Ne bouche qui le sceüst dire, Ne cuer qui penser le peüst... (Mach., F. am., c.1361, 199)

...Piquus fu rois de Laurente ; Et si fu de façon si gente, Si biaus, si cointes, si jolis, Si gens, si apers, si polis Et pleins de si tresbon affaire Com Nature le savoit faire (Mach., Voir, 1364, 616)

Par amours [Polyphème] amoit Galathee, Qui le haoit plus que riens nee Pour sa façon ville et horrible Qui estoit hideuse et terrible... (Mach., Voir, 1364, 622)

Vezcy venir Pepin li roys. A sa façon bien le congnoys Et a sa chiére. (Mir. Berthe, c.1373, 208)

Einsois ay mis tout mon cuer et m'entente En vous servir, tres douce debonnaire, Et en amer vo noble fasson gente (Mach., L. dames, 1377, 124)

Item, dist que Guillemin de Lorraine, frequentant vers Couloimiers en Brye, et aucune foiz à Paris, à l'enseigne de la Chaiere, devant Saint-Andrieu des Ars, lequel Guillemin est du grant et de la façon de lui, a IJ petis barbillons de barbe tant seulement, aagié de XX ans ou environ (Reg. crim. Chât., I, 1389-1392, 110)

Alez a la garde de Dieu, dist Anthoine. L'escuier se part et vint en la cité et recorda au duc tout ce que vous avez ouy, et la facon et le gouvernement de l'ost, et dist : Sire, certainement ce sont les gens que je veisse oncques qui plus font a prisier et a doubter. (Arras, c.1392-1393, 179)

Si tost que l'empereur ot choisi la fachon Et le beaulté de lui, se lui a dit... (Cip. Vignevaux W., p.1400, 72)

Quant Ciperis le voit oncques n'ot tel fachon, De la grande destresse queÿ en paumison. (Cip. Vignevaux W., p.1400, 84)

'...Pensés vous qu'i me doye aidier a mon beson (...)' 'Oïl, dist Malabron, n'en aiés soupeson : Tant que justes serés, et loiaux et preudhon, Et sans vous parjurer en coeur ni en fason...' (Huon Bordeaux B., c.1400-1450, 84)

...de vestures, harnois et habillemens estoient tousjours d'une façon au plus près que ilz pouvoient (C.n.n., c.1456-1467, 385)

[D'un animal]

Bucifalus [Bucéphale, cheval d'Alexandre] ot tel fachon : Tout plain de cornes ot au fron (Renart contref. R.L., t.1, 1328-1342, 107)

En façon de + inf. En faisant semblant de.

Lors print l'espingle de sa poitrine et en façon de curer ses dents fist son signal (La Sale, J.S., 1456, 68)

[D'une manière de s'habiller, d'un objet] À la façon de (d'un pays, d'un endroit particulier, d'un moment....) À la mode de, selon la manière de.

Par quoy je concluz que mieulx vault nostre mestier et est mieulx convenable, meismement à gens de vostre estat et du mien, que d'aller baguenaulder à la court et regarder qui a les plus belles pointes, les plus gros bourreletz ou le chappeau le plus pelé à la façon de maintenant. (Bueil, I, 1461-1466, 55)

...se misrent au chemin (...) habillez a la fasson d'Alemaigne, bien et gentement (C.n.n., c.1456-1467, 171)

Il portoit la robe courte, chausses tirées, a la fasson de court (C.n.n., c.1456-1467, 530)

Et estoient lesdictes communes que on appelle Suisses, assez communement habilliez de jaques, de paus, de habregerie, de glachons et de chappeaux de fer à la fachon d'Allemaingne. (Escouchy, Chron. B., t.1, c.1444, 21)

Et les autres, qui s'estoient mis en fuite, se rassamblerrent et mirrent ensamble, en ung pré fermé de hayes plantices, qui estoient fors garnis de longues piques, à la fachon du pays, et aussi de archiers et arbalestriers, qui fort entamèrent et blecherrent les gens dudit duc, à entrer dedens ledit pré. (Escouchy, Chron. B., t.2, a.1465, 90)

À la nouvelle façon. Selon la nouvelle mode.

Sa femme convient mectre en estat ainxin qu'il appartient et a l'aventure el avra le cuer bon et goy et avisa l'autre jour a une feste ou el fut les autres damoiselles, bourgeoises ou aultres femmes de son estat qui estoient abillees a la nouvelle fasson (Quinze joies mar. R., c.1390-1410, 7)

En façon de qqn. Sous l'apparence de qqn.

Et lors (...) s'apperu à elle un annemi en façon et estat des ennemiz que l'en fait aus jeux de la Pacion, sauf tant qu'il n'avoit nulles cornes. (Reg. crim. Chât., I, 1389-1392, 356)

En façon de qqc. Sous la forme de qqc..

Icy soit fait ung grant son a maniere de tonnerre et doit descendre le Saint Esperit en façon de feu et de langues. (Gréban, Pass. J., c.1450, 447)

Avoir façon de + inf. Avoir l'air de.

'Se vous le veyeez, vous diriez bien : cest homme cy a bien façon et ordonnance de estre droit hommes d'armes.' (Froiss., Chron. M., XII, c.1375-1400, 35)

b)[À propos d'une chose]

[À propos de plantes, d'aliments...] Espèce, sorte.

De vins, de viandes de diverses façons ne fault point escripre, car chascun le doit pensser. (La Sale, J.S. E., 1456, 253)

... [la matrone] fait virer et revirer puis ça, puis la, la tresdolente patiente (...) et puis la medicine de cent mille fassons d'herbes (C.n.n., c.1456-1467, 32)

...estoit le beau buffet fourny d'espices, de confictures, et de bon vin de pluseurs façons. (C.n.n., c.1456-1467, 249)

Adonc les damoyselles feirent marcher avant, sy veirent les dessusditz tant de manieres de fruictz que racompter nulluy ne sçavroit, c'est assavoir pommiers, poyriers, grenadiers, figuiers (...) et d'autres mil fassons d'arbres estranges desquelz n'y a nulz par deça la mer sy non dedans cedit parc la tant seullement. (RENÉ D'ANJOU, Cuer am. espris W., 1457, 207)

Vin de façon. Vin de grande qualité.

Parle a moy ung peu, hé ! ça viens, Fay aporter fiel et aysil Et sois au destemprer soubtil, Et si empli une bouteille, Et avec ce je te conseille Que tu emplisses ung flascon Ou deux de bon vin de façon. (Marcadé, Myst. Pass. Arras R., a.1440, 183)

II. -[Essentiellement dans les textes épiques et souvent dans des formules figées] Visage ; personne. (synonyme face)

A. -Visage.

Dy moi se t'as veü le corps et le fachon De Flourenche, la fille a l'empereur Otton. (Flor. Rome W., c.1330-1400, 138)

Et je qui fui mervilleus pour quoy c'iere, Dis bellement : 'Trés douce dame chiere, Pour quel raison Ne volez vous entendre a ma raison ?' Et la tiray par le pan dou giron. S'en tressailli, dont sa belle façon Coulour mua. Si respondi, que plus n'i arresta, Et durement envers moy s'escusa De son penser a quoy elle musa. (Mach., J. R. Beh., c.1340, 115)

Ensi disoit Saudoines a le fiere fachon (Bât. Bouillon C., c.1350, 41)

Sire, dist la puchelle, qui clere ot le fachon... (Bât. Bouillon C., c.1350, 72)

Quant Tristan l'entendi, sy seigna sa façon (Tristan Nant. S., c.1350, )

Florantine la belle a la clere faisson (...) Vint droit au lit de son pere que blan ot le grenon. (Lion Bourges K.P.F., c.1350, 243)

Ly ung a l'autre dit : 'Vecy noble baron, Il aura Frigonde a la clere façon...' (Hern. Beaul. D.B., c.1350-1400, 18)

Vient a une fenestre, la tourna sa fachon (Renaut Mont. B.N. V., c.1350-1400, 382)

Quant la franque roïne a entendu Huon Qui avoit mis à mort le riche roy Hugon, (...) De le grande merveille en saingna se fachon ; Oussy firent ly prinche qui furent environ. Cescuns en ot merveille en se condision (Hugues Capet L., c.1358, 84)

Il roueille lez yeulz et rougy se fachon (Hugues Capet L., c.1358, 217)

Il me souvient moult bien (...) Qu'apriés le façon de ma dame Je fis pourtraire voirement Un ymage notoirement Par I. pointre sage et vaillant (Froiss., Joli buiss. F., 1373, 65)

...en celle roche ou sont li compaignom Avoit une croiste et arbres environ, C'om ne povoit veoir ne leur fachom ne le corporom. (Galien D.B., c.1400-1500, 69)

... li vieux Fromons (...) mourdri (...) se fame Ermengart a le clere fachon. (Jourd. Blaye alex. M., a.1455, 29)

Voir qqn en façon. Voir qqn en face de soi.

Se li roy me veoit devant lui en faisson, Si bel l'aparrleroie que j'aroie pardont. (Lion Bourges K.P.F., c.1350, 5)

Or suis liés a mon coeur quant vous voy en fasson (Huon Bordeaux B., c.1400-1450, 108)

...le roy les vouloit tous veoir en fachon. (Cip. Vignevaux W., p.1400, 63)

B. -Par métonymie. Personne.

Vo filx m'avoit prïé, par bonne intencïon, Que j'allasse en gibier avoeucques sa fasson (Huon Bordeaux B., c.1400-1450, 12)

En façon, en ma façon, en sa (propre) façon. En personne.

...A vous me plaing et doeil du Bastart de Buillon (...) : Mon enfant m'a ochis, a grant destruction, Dont je me plains a Dieu, et a vous en fachon (Bât. Bouillon C., c.1350, 135)

Nous yrons à Paris, à bien courte saison, S'y manderay Fedry en ma propre fachon. (Hugues Capet L., c.1358, 177)

...tels se presenta cellui jour en fachon Se ce fust pour argent n'y mesist le talon. (Cip. Vignevaux W., p.1400, 195)

...se le roy meismes en sa propre façon Ne se fust amonstrés à la colation Dou quemun de Paris, tantos et sans pardon Il estoient entrés en telle abusion Qu'il eussent mis à mort tous ciaus de la mason (Geste ducs Bourg. K., c.1410-1419, 276-277)

...li rois fist droit là revenir en façon Le bon duc de Bourgongne (Geste ducs Bourg. K., c.1410-1419, 355)

Remarque : Cf. J. Renson, Les Dénom. du visage en fr. et dans les autres lang. rom. t.1, 1962, 336-344.

Orthographe	Genre	Nombre	Phonétique
façon	féminin	singulier	\fa.sɔ̃\
façons	féminin	pluriel	\fa.sɔ̃\