DOMAINE

substantif masculin et féminin

[T-L : demaine2 ; GD : demaine2 ; GDC : domeine ; AND : demeine1 ; FEW (III, 130b) : dominium ; TLF (VII, 393b) : domaine]

A. -Pouvoir.

Pres que tuit dansent a sa dance [de Fortune] , Fors aucun qui ont souffisance Et qui ne veulent plus avoir D'onneur, de profit ne d'avoir, Car Franchise et Raison les mainne : Telz gens sont hors de son demainne. (Mach., Voir, 1364, 754)

Retenez moy pour la vostre belonde, Je me soubzmetz en vostre droict demaine. (Feste roys, c.1475-1500, 307)

SATURNE. Les rummeurs des dieux et les haines Vers les creatures humaines, Procedant des faultes villaines Par eulx faictes et parpetrees, Contre les bontez souveraines D'iceulx dieux comme en leurs demaines Puis je ne scay quantes sepmaines Par escriptures trescertaines Ont esté prouvees et monstrees. (Cene dieux, c.1492, 133)

...Car tout estoit soubmis a son demayne, A son vouloir et son obeissance. (La Vigne, V.N., p.1495, 227)

Avoir qqc. en son domaine

...Charlemainne Qui l'empire ot en son demainne... (Mach., D. Lyon, 1342, 205)

L'empereur dist : 'Foy que je doy L'espée de saint Charlemainne, Qui l'empire ot en son demainne, Qui tramble quant on la tient nue, J'ay grant joie de vo venue...' (Mach., P. Alex., p.1369, 34)

Tenir qqc. en son domaine

Ceste amour qui si me demaine, Qui mon cuer tient en son demaine... (Mir. abbeesse, 1340, 69)

Einsi si piet la gent demainne, Cui elle tient en son demainne ; Car il sont chaucié d'Aligence, Lacié a laz de Diligence. (Mach., J. R. Nav., 1349, 279)

...Charlemainne Qui tint l'empire en son demainne (Mach., C. ami, 1357, 99)

...le roy de Poulainne, Qui tint Cracouve en son demaine (Mach., P. Alex., p.1369, 41)

Or vous ay je dit en brief comme Vint le commencement de Romme, Qui puis fu cité si haultaine Que tout le monde en son demaine Tint (Chr. Piz., M.F., III, 1400-1403, 185)

En particulier. [Dans le lang. de l'amour]

Car s'elle scet qu'en son demainne Sui tous, de douceur est si pleinne Qu'envers moy sera plus humeinne Qu'elle ne suet. (Mach., Compl., 1340-1377, 247)

...une dame ainsi demaine L'amant qu'elle ha en son demaine. (Mach., Voir, 1364, 180)

Sans departir est en mon cuer entrée Nouvelle amour par si noble maistrie Que la millour et la plus belle née Qui onques fust amée ne servie Vuet que mette sens, temps, cuer, corps et vie, Penser, desir en son tres dous demainne Et qu'elle soit ma dame souverainne. (Mach., L. dames, 1377, 216)

Et se je sui de li lonteinne, Ma pensée li est procheinne Et mes amoureus cuers procheins, Qui tous demeure en son demeinne, Sans partir heure ne semeinne, Com fins, vrais, loiaus et certains. (Mach., Les lays, 1377, 449)

Par analogie. Pouvoir sur soi-même.

Hee, Dieu, qui consouler porra La pouvre mere [Marie] de pitié vaine ? Je croy que de doleur morra, Ains qu'elle soit a son domaine [Estre à son domaine semble signifier 'reprendre ses esprits, reprendre possession de soi-même (après un violent choc émotionnel)'] . (Pass. Auv., 1477, 256)

B. -Ensemble de terres (et de droits ou revenus qui y sont attachés).

1.Territoire sur lequel s'exerce un pouvoir seigneurial, en partic. ensemble de terres et de droits qu'un seigneur (laïc ou ecclésiastique) conserve pour en assurer la gestion directe et en percevoir le produit, seigneurie.

A poul de terre, a poul demainne... (Dupin, Mélanc. L., c.1324-1340, 215)

Son onclë y estoit qui tenoit le demaine. (Hern. Beaul. D.B., c.1350-1400, 7)

...et que l'amende contre yaulz jugié soit et appartiengne à nous, selonc et par la maniere que anchiennement en a esté usé et au devant que la dicte chastellenie venist ou fust mise au demaine de nostre dit conté (Hist. dr. munic. E., t.1, 1362, 369)

...pour les quelles choses a convenu que le Roy ait perdu pluseurs de ses demaines (Instruct. ambass. Ch. V, D., 1368-1369, 126)

Si vous ordene a estre garde De ma terre et vous prendre en garde Et des rentes et du demaine (Mir. emper. Romme, 1369, 247)

...j'ay le demaine D'Espaigne et la terre perdu A ce besoing. (Mir. Oton, c.1370, 328)

Loys duc de Bourbonnois, conte de Clermont et de Fourestz, per et chamberier de France, savoir faisons a tous presens et avenir que pour la reparacion et bonne ordonnance du dommayne de notre duché et pays de Bourbonnois, de nos contez et de toutes autres notres besoignes de notredit pays pour icelles estre tenues et gardées doresenavant en bon estat et ordonnance, (...) par très grant et meure deliberation de notre grant conseil que nous avons assemblé sur ce à Molins (...) avons ordonné et ordonnons que dores en avant nous aurons une chambre de comptes qui se tiendra continuellement en notre hostel de Sovigny, en laquelle nous voulons que tous noz terriers, escriptures et lectres queulxconques (...) y soient mis. (Titres Bourbon H.-B., t.1, 1374, 574-575)

'Regardés comment il tiennent Brest : il n'ont nulle volenté de le vous rendre, qui est de vostre droit demainne et heritage.' (Froiss., Chron. R., X, c.1375-1400, 30)

...Nicolas Fouquerent, povre varlet que, comme cestuy an present, lui estant varlet du curé de Saincte Waubour ou diocese de Luçon, eust prins en une demaine et dangier du dit curé son maistre certaines bestes qui estoient à Guillaume Landerea (Doc. Poitou G., t.5, 1384, 229)

Et pour tant, mes chiers seigneurs, il est ainsi que en la marche de Lotrinche et d'Ardenne, a une riche contree et noble appellee la duchié de Lucembourc, laquelle duchié a longuement gouvernee, comme son propre demaine et heritaige, uns tres noble et vaillans homs. (Arras, c.1392-1393, 150)

Li contes esploita si bien que li chastiaus li fu rendus, car c'est dou domainne des dus de Bretagne. (Froiss., Chron. D., p.1400, 472)

...depuis l'aage de cent ans et plus (...) ne fu le royaume de France plus riche (Dieu soit louez !), plus le demaine et les fiez accreus (Chr. Piz., Faits meurs Ch. V, S., I, 1404, 166)

...telle somme que icellui viagier ou viagiers aura ou auront eu et receu sur ladicte ville, et ce jusques à la mort du derrain viagier acheteur, apres le trespas duquel ladicte revenue retournera entierement au demaine d'icellui seigneur, ainsi comme elle estoit au jour que ledit appointement fu fait (Comptes Etat bourg. M.F., t.3, 1416-1418, 229)

C'est assavoir es parties deça le far de Messine, qui deppart les royaumes de Sicile et de l'isle de Trinacle, lequel il [Tancrède] deffendit comme son propre dommaine et seignourie. (La Sale, Salade, c.1442-1444, 170)

Auquel obeïrent pluiseurs seigneurs et citez du demaine, comme Sforce, grant connestable dudit royaume et pere du conte Francisco [correction de F. Desonay d'apr. la version imprimée ; ms. : du Maynne] (La Sale, Salade, c.1442-1444, 195)

Et, en ces choses faisant, le roy fist eschange avec ledit conte de Dampmartin d'un sien chastel qu'il avoit en Gascongne, nommé Blancaffort, et, à l'encontre, le roy lui bailla tout le demaine et souveraineté qu'il avoit es villes de Gonnesse, Gournay sur Marne et Crecy en Brye. (Roye, Chron. scand., I, 1460-1483, 154)

...possesseur du demaine De Desconfort (Saint-gelais, Séj. honn. D., c.1490-1495, 117)

En Calabre tint trois places ; l'Amentie et la Turpie, anciennes Angevynes, levèrent les banières du roy ; mais, pour ce qu'il les donna à Monsr de Persi et ne les voulut recepvoir au domayne, levèrent les banyères d'Arragon. (Comm., III, 1495-1498, 96)

[Opposé à fief (en tant qu'il est confié par le suzerain)]

'Parmi lequel acort, entre les aultres coses, nostre frère de France et son filz devant dis sont tenu et ont prommis baillier et delivrer et delaissier à nous, nos hoirs et successeurs à tous jours, les cités, contés (...) rentes et revenues et aultres coses qui s'ensievent (...) à tenir et possesser perpetuelment (...) ce qui est en demainne, en demainne, et ce qui est en fief, en fief.' (Froiss., Chron. L., VI, c.1375-1400, 6)

Domaine du roi. Ensemble de la fortune privée et des revenus publics du roi, tout ce dont il dispose pour vivre et pour régner.

...ont esté banni (...) du royaume de France ; et touz leur biens declaré estre confisquez et appliquez au domeine du roy. (Conf. Jug. Parlem. Paris L.L., 1343, 154)

Et quant au surplus demourra la Chambre des Comptes, à qui apartient de veoir et pourveoir au domainne du Roy nostre Sire (...) chargée de aviser et pourveoir à l'acomplissement de l'ouvrage desdiz pons. (Baye, I, 1400-1410, 251)

Pour avoir advis et deliberacion sur certaines ordonnances autresfois faictes, pour yceulz advis avec les ordonnances dessusdictes touchans le fait de la justice et domaine du Roy, renvoyer à monseigneur le Dauphin. (Fauq., I, 1417-1420, 4)

...qui disoit lors que la matiere estoit grande et de grant chose, qui regardoit l'alienacion de ladicte duchié et du demaine du Roy (Fauq., I, 1417-1420, 161)

...et en toutes autres causes regardans l'alienacion du dommaine du Roy, desquelles la Court a eu et doit avoir la congnoissance. (Fauq., I, 1417-1420, 162)

2.Par métonymie.

a)Possession d'un tel domaine, pouvoir qui s'exerce sur ce domaine.

...li rois d'Engleterre et ses ainsnés filz renonceront expressement (...) à l'ommage et souverainneté et demainne de la ducé de Normendie. (Froiss., Chron. L., VI, c.1375-1400, 42)

...il escrisoient et rescrisoient au roy de France, en suppliant pour Dieu que il ne les volsist mies quitter de leurs fois ne eslongier de son demainne ne mettre en mains estragnes. (Froiss., Chron. L., VI, c.1375-1400, 58)

...il se rendoient purement et liegement à tousjours mais liege au roi de France et dou demaine, et voloient estre de foi, d'ommage et d'obeïssance. (Froiss., Chron. R., XI, c.1375-1400, 64)

Alors obtindrent paisiblement l'empire dudit royaume en l'an de nostre seigneur mil CIIII^xx et IX. Après ceste royne succeda monseigneur Fedrich, son filz, lequel vesquist en demaynne et seignourie dudit royaume de Sicile deça et dela le far de Messine LI an, et de l'empire des Rommains XXXII, et du royaume de Jherusalem XXVIII. (La Sale, Salade, c.1442-1444, 171)

b)Ensemble des revenus perçus sur un tel domaine.

Et nous donnons en mandement au seneschal et receveur de Poitou et à chascun d'eulz que de la dite disme, (...) baillent tantost la saisine au dit prieur (...) et à nos genz des comptes à Paris, que yceus ostent de nostre demaine (Doc. Poitou G., t.2, 1335, 128)

...li rois d'Engleterre ne faisoit compte de sa fenme ne de ses enfans. Et convenoit la roine vivre de son demainne, car les roines d'Engleterre ont grans drois et biaus hiretages de lors doaires en Engleterre. (Froiss., Chron. D., p.1400, 49)

Outre, le roy mist et fist pour lors de la monnoye nouveau maistre Moreau aux dommaines (La Vigne, V.N., p.1495, 258)

c)Redevance, droit perçu sur un tel domaine.

[Par le roi (le roi de France, le roi d'Angleterre...)]

...Jehan Falle, clerc de ladite ville et receveur des rentes et revenus du Parlouer aux Bourgeois et autre demaine d'icelle ville (Comptes Paris V.L.D., t.1, 1426-1427, 141)

Dudit Robert Louvel, receveur dudit domaine et autres aides octroyés par le Roy nostre sire à ladicte ville, que mesdits seigneurs Prevost des marchans et eschevins de ladicte ville lui ont mandé et expressement ordonné prendre sur la recepte desdites aides, pour ce que ladicte recepte du demaine ne peut fournir aux charges, devoirs et autres necessites qu'il a à supporter (Comptes Paris V.L.D., t.1, 1442-1443, 318)

...avec toutes les appartenances et appendances de toutes les choses dessus dictes, ainsi qu'elles se comportent et extendent, tant en droit de chastel et chastellenie, justice et juridicion haulte, moyenne et basse, hommes, hommages, fiefz, arrèrefiefz, prés, terres, boys, forestz, rivières, cens, rentes, revenues et autres dommaines quelzconques, droit de guet, de patronnage, collacions de benefices, pasturages, peages, passaiges et destroiz, que autres droiz et devoirs quelzconques (Doc. Poitou G., t.11, 1474, 421)

... [nous les] affranchissons pour nous et nos dis successeurs Roys, de l'aide et composition d'Artoys et de toutes tailles, aides, subsides, impos, demaines forains, gabelles, quars de sel, emprunpts et autres subsides et subvencions quelxconques (Hist. dr. munic. E., t.1, 1481, 465)

Car, comme vous avez ouy, les roys d'Angleterre ne lièvent riens que leur demaine, si n'est pour ceste guerre de France. (Comm., II, 1489-1491, 76)

Pour ce, n'avoit point grant besoing de faire ceste poursuytte, et les devoit desirer povres (car il ne prenoit riens en son pays que ung petit dommaine), eu regard à la grandeur et richesse dudit pays et son spirituel. (Comm., II, 1489-1491, 196)

...lesdicts de Lyon veullent que (...) tout billon se puisse transporter hors nostre royaume et mectre hors icelluy toutes marchandises sans paier noz droiz et dommaines anciens (Lettres Ch. VIII, P., t.3, 1490, 8)

[Par le duc de Bourgogne]

Autre recepte faite par le receveur sur aucunes parties des demaine, rentes et revenues appartenans au duc de Bar et autres seigneurs, situez et assiz ou pays de Flandres que monseigneur pour certaines justes et raisonnables causes a fait mectre en sa main et recevoir à son prouffit pour le temps de ce present compte. (Comptes Etat bourg. M.F., t.3, 1418-1420, 497)

C. -Par extension.

1.Possession.

Sire, d'Aurelian ferez Vostre ami (...) Et lo que du vostre demaine Li soit livré conme a message De Clovis (Mir. Clov., c.1381, 236)

Jamais n'en aurez le demayne (La Vigne, S.M., 1496, 578)

Du domaine de qqn. En la possession de qqn.

Se l'avoir que j'ay en mer mis Dieu a port de salut m'amaine Et n'aye riens de mon demaine, Si sui je riche homme a touz jours (Mir. march. juif, c.1377, 208)

2.Territoire, lieu.

Il deüst avoir mesuré L'estat dou gent corps honnouré De celle dame souvereinne ; Qu'en tout le crestïen demeinne N'a homme, s'il la congnoissoit, - C'est bon a croire qu'einsi soit - Qui hautement ne l'onnourast... (Mach., J. R. Nav., 1349, 261)

Oncques ne fut si sumptueux demayne Pour voir autant de choses decorees, Grans escussons a fleurs de lis dorees Sur l'eschauffault a dextre et a senestre Gectans fumees de senteurs odorees : Somme, c'estoit ung paradis terrestre ! (La Vigne, V.N., p.1495, 168)

[En parlant du paradis] Glorieux domaine

Vierge royal que Dieu voult (...) D'anges servir et de sains honorer En son glorieux demaine (Mir. prev., 1352, 280)

Au figuré. Lieu où s'exerce l'action d'une personne.

Prince [Jésus] , puis que vostre domaine Et vostre siege est en croix, Le merite de vostre paine A tous sera doulx et cortoix. (Pass. Auv., 1477, 217)

Orthographe	Genre	Nombre	Phonétique
domaine	masculin	singulier	\dɔ.mɛn\
domaines	masculin	pluriel	\dɔ.mɛn\