DESCONNOISSANCE

substantif féminin

[T-L : desconoissance ; GD : descognoissance1, descognoissance2 ; FEW (II-1, 846a) : cognoscere]

I. -[Des- au sens d'un éloignement par négation]

A. -Méconnaissance, ignorance.

...aussi comme par une alienacion et descognoissance de soy deffaillant des biens de dedenz soy (Foul., Policrat. B., I, 1372, 98)

...quant ce veismes entre nous trois seurs, Raison, Droicture et Justice, muçames noz faces de honte de veoir si deconvenable extimacion et tant aveuglee decognoiscence en court que on dit autentique (Chr. Piz., Trois vertus W.H., c.1405, 80)

Et combien que ces choses soient assez evidentes et cognoistre, si y errent les pluseurs. Car, en racontant les faiz qu'ilz cognoiscent a l'oeil, ilz demeurent en descognoissance de la cause. (Chart., Q. inv., 1422, 4)

Si est a doubter que la verge de punicion divine soit sur nous pour noz pechiez, et que l'oscurté de noz vies et corrumpues meurs aveugle en nous le jugement de raison et noz parciaulx desirs refroident l'affection publique, ainsi demourons nous en la descongnoissance de nostre fortune advenir et a noz ennemis, par pusillanimité et failly couraige, donnons sur nous victoire plus que leur proesce ne leur en acquiert. (Chart., Q. inv., 1422, 6)

Pour ce te dy que de la grant planté de biens et des richesses du temps paisible les puissans et les nobles hommes ont usé en gast et dissolution de vie et en ingratitude et descongnoissance de Dieu, qui a suscité contre eulx le murmure du peuple. (Chart., Q. inv., 1422, 37)

...lors que les biens et les richesses multiplioient par le royaume et que les finances y habondoient comme sourse d'eaue vive, voz pompes desmesurees, voz oisivetez aouillees de toutes delices et la descognoissance de vous mesmes vous avoit ja et a bestourné le sens, si que ambicion d'estaz, convoitise d'avoir et envie de gouverner, vous commençoient a mener a la confusion ou vous estes. (Chart., Q. inv., 1422, 38)

Il n'en y avoit que ung [membre du Conseil] , avuglé par Vengence, Folle erreur et Vraye descongnoiscence, et tous les aultrez estoient ses aliés. (Juv. Urs., Aud. celi, 1435, 190)

De le lance refiert l'enfant sans demorance .I. gran cop mervilleux par se desconnissanche, Mais a l'enfant ne fait nesune mesceanche. (Jourd. Blaye alex. M., a.1455, 635)

Par/pour desconoissance. Incognito, sans être reconnu, pour ne pas être reconnu.

Tu feras plus sens que folie, Se le fol par descongnoissance Fais ou lieu ou preis naiscence Afin que nulz ne t'aperçoive (Mir. parr., 1356, 9)

Remarque : Percef. III, R., t.1, c.1450 [c.1340], 187/31 et 318/45.

En particulier. Fait de ne pas reconnaître qqn, de l'ignorer.

Quant ma dame ne m'a recongneü, Je doy moult bien scens perdre et congnoissance. Avoir me doit joie descongneü, Quant ma dame ne m'a recogneü. Car com son serf lige adès congneü M'a ; or me muir pour sa descongnoissance. (Mach., L. dames, 1377, 141)

B. -Manque de reconnaissance, ingratitude envers qqn.

Si comme il advint de ceulx de Cartaige, par ceste lettre de Vallerius qui recite de leur très deshonneste descongnoissance qu'ilz heurent contre Hanibal, leur duc cytoyen (La Sale, Sale D., 1451, 77)

Car digne n'est de possider vertus Qui mal voudroit au royaume de France ! Hommes failliz, bersaudez de raison, Desnaturez et hors de congnoissance, Desmis du sens, comblez de desraison, Folz abusez, plains de descongnoissance, Qui procurez contre vostre naissance, Vous submettans a detestable mort Par lascheté, las ! que ne vous remort L'orribleté qui a honte vous maine ? (Villon, Poèmes variés R.H., c.1456-1463, 62)

Remarque : MARTIN LE FRANC, Estrif D., 1447-1448, 121/11.

Marque d'ingratitude.

...par leurs propres filz ilz oyent et reçoivent tel descongnoissance... (Mamerot, Romuleon D., 1466, 121)

Déloyauté.

Remarque : Livre Regnart S.-H., c.1460, 18.

II. -[Des- au sens d'un éloignement par opposition] Signe distinctif, différence.

...on ne pourroit choisir n'eslire Entre hommes (...) Telz deux hommes com cel Amille Et moy sommes quant a samblance, Et (...) on n'i scet descongnoissance Trouver en privé n'en commun (Mir. Amis, c.1365, 4)

Remarque : GD II, 558c, descognoissance² (ex. d'a.fr. ; l'ex. de Percef. est à mettre sous descognoissance¹, v. supra).

Orthographe	Genre	Nombre	Phonétique
déconnaissance	féminin	singulier	\de.kɔ.nɛ.sɑ̃s\
déconnaissances	féminin	pluriel	\de.kɔ.nɛ.sɑ̃s\