CLYSTERE

substantif masculin et féminin

[T-L : clistere ; GDC : clistere ; AND : clistere ; FEW (II-1, 801b) : clysterium ; TLF (V, 946b) : clystère]

Lavement, clystère.

Item les herbiers de la ville et suburbes dessusdis jureront administrer bien et loyaument et faire leurs clistaires, emplastres, jus ou herbers, selon l'ordenance du phisicien qui escrira. (Mét. corp. Paris L., t.1, 1353, 505)

...[il] faut grand medecine, car il faut premier un fort vomissement, un cristere et une forte medecine, et pour attremper la dolour un bain medicinal (Mézières, Vertu sacr. mar. W., c.1384-1389, 235)

...car pour seignée ne pour cristoire, ne pour bonne garde, nul ne nulle qui fut frappé de la boce qui pour lors couroit n'en povoit point eschapper, senon par la mort (Journal bourgeois Paris T., 1433, 295)

Enema, c'est clistere (...) et est notable aide comme dit Avicen a bouter hors les superfluités qui sont es intestins premierement et ensuyvement de tout le corps et pource supplie les offices des medicines et a seureté car ne passe pas par la bouche ne par les membres nobles et est bouté hors assés a plaisir et vault es passions des intestins et des rongnons et des membres de dessus. (Panis, Guidon, 1478, tr.VII, doct.1, chap.2)

...car il sont quatre medecines remollitives, c'est assavoir maulve, bismaulve, la marcure ou vinette, et brache ursine, desquelles communement sont faites cristeres remollitives pour lachier les feces endurcies. (Rég. santé corps C., 1480, 110)

Ce n'est point de ces broulleriaux Qui forgent ciropz et cristelles Et tuent trop mieulx que bouriaux Les gens de pocions mortelles (Molinet, Myst. st Quentin C., c.1482, 85)

Bailler/donner/faire clystere (à qqn)

Et, si pour cela il [le chien] ne garist, fetes li un cristoire, einsi que feriez a un homme, de mauves, de bletes, de mercuriel, une poingnïe de chascunne, et de rute et d'ensanz, et soit tout cuit en yaue, et metez dou bran dedanz. (Gast. Phébus, Livre chasse T., 1387-1389, 122)

...et la cause de sa maladie (...) fut pour ce que son médecin lui bailla un clistère trop fort, et environ douze jours après fina sa vie. (Monstrelet, Chron. D.-A., t.3, c.1425-1440, 67)

Quelque maladie qu'on luy apportast ou denunçast, tousjours faisoit bailler clisteres (C.n.n., c.1456-1467, 467)

Et se il ne peut aler a chambre, luy soyent faitz suppositoires ou clisteres (Panis, Guidon, 1478, tr.III, doct.1, chap.1)

Je ne sçay quelz appoticaires M'ont donné de si grans clistaires Qu'il ne m'est peu riens demeurer. (Astr. P., 1498, 1498)

Prendre clystere

Le costé d'angoisse li fent, Si fault pour purgier la matere Boire poison, prandre cristere (Desch., Oeuvres Q., t.5, c.1370-1407, 198)

Prenderay je ung aultre cristere [var. clisetere] ? (Path. D., c.1456-1469, 108)

[Dans un cont. grivois]

SECOND MARY. Il luy fault prendre ung [bon] clystere Pour luy alleger le cerveau. (Deux hommes deux femmes T., c.1500, 425)

[Dans un cont. métaph.]

Luxure est fiere Sans don luy faire, Ce dist Ovide, C'est ung clistere, Pillule amere, Qui bourse vuide (Alecis, Blas. faulses am. P.P., a.1486, 215)

Orthographe	Genre	Nombre	Phonétique
clystère	masculin	singulier	\klis.tɛʁ\
clystères	masculin	pluriel	\klis.tɛʁ\