CELESTIEL

adjectif

[T-L : celestïal ; GD : celestial ; AND : celestial ; FEW (II-1, 34b) : caelestis]

A. -RELIGION Du ciel, qui a rapport au ciel, au divin, céleste.

...ne me faillez point, Doulce vierge celestial ! (Mir. enf. diable, c.1339, 38)

...je m'en revoys es cieulx Vers mon enfant celestiel. (Mir. parr., 1356, 39)

Mere, forment vie cruelle Maine Fïacre pour m'amour. Il ne fera pas grant demour La jus en la vie mortelle : Il ara la cellestïelle, Quar il a assez deservie. (Vie st Fiacre B.C.P., c.1380-1400, 26)

...et nous soit aidant envers nostre Seigneur Jhesu Crist, sa benoicte mere la Vierge Marie, tous les sains et saintes de Paradiz et toute la court celestial (Doc. Poitou G., t.5, 1386, 312)

Ainsy comme je me delictoye a regarder ce delicieux et celestiel champ et tres flourissant jardin de la divine Escripture, planté, anté et ordonné par la propre main du Saint Esperit (Gers., Concept., 1401, 388)

Entendement et franc vouloir, Engin, povoir et bénéfice D'amer Vertu et haïr Vice Dont il peut estre parçonnier Aucunement et héritier De Nature célestiale En délaissant la bestiale (La Haye, P. peste, 1426, 38)

Et tu celestiel Ysaïe qui en la loy de Moyse eubz esperit crestien et sembles mieux escripveur d'Evangile que annunciateur de prophecie, descripsis clerement ceste demonstrance en la persecution que tu predisis sur Egypte (Chart., L. Esp., c.1429-1430, 79)

Je regarde que oncques vous ne me feistes conseiller a nul saint homme de bonne vie, qui m'endoctrinast la loy de Jhesus, ne qui me mostrast la voye de salvation, et les choses celestials, que povent prouffiter a l'arme. (La Cépède, Paris Vienne K., 1432, 138)

De la manne celestiel Repeus les enfans d'Israel XL ans, et puis proprement Les amenas joyeusement En ceste belle region, La terre de promission (Marcadé, Myst. Pass. Arras R., a.1440, 32)

...elle [la méditation] luy rendra tresioyeuse vie car elle donne en tribulation tresgrande consolacion cest celle qui separe lame du bruit et strepillement des choses terriennes, cest celle qui fait ia en ceste vie gouster et sauourer la doulceur du repos pardurable et des ioyes celestielles. (Cib., p.1451, 180)

Ie dy que aucunesfois la personne est menee et esleuee sur soy aussi comme en alienacion, en grandeur de deuocion quant elle est toute embrasee du feu et de lardeur de desir celestiel (Cib., p.1451, 191)

...et en ladicte chapelle où il a ainsi esleu sadicte sepulture, en l'onneur et reverance de la benoiste Trinité et de toute la court celestial de Paradis, et en especial de la glorieuse Vierge Marie, le divin service qui se fait, c'est assavoir par chacun jour de l'an perpetuellement, vigilles de mors à note de neuf seaumes (...) et neuf lecçons, à la coustume et ordinaire dudit jour de l'an oudit moustier et abbaye, avecques les laudes (Doc. Poitou G., t.10, 1462, 377)

Toute la court celestïalle Qui habite le firmament, Venez et comparez briefment, Au mandement du crëateur (Myst. Pass. Troyes B., a.1482, 1071)

[P. oppos. à mondain]

...laquelle porte au [en ?] soy Devocion, Congnoissance, Pitié, Seurté, Amistié et habondance de cellestiaux et mondains de tous biens ['abondance de tous biens célestes et mondains'] . (La Sale, Sale D., 1451, 87)

O vray dieu tout puysant (...) Au quel seul toute creature Celestielle et mondayne Doet honeur et reverance (Oudin, St Genis M.S., c.1490, 60)

D'essence céleste.

Celestial fait devenir Cellui, qui a droit l'a trouvee (Chr. Piz., M.F., I, 1400-1403, 15)

[À propos des dieux]

'...Et de faire honneur a ses ennemys vaincus est faire honneur aux deïtez celestielles, par lesquelz les victoires nous sont prestees'. (La Sale, Sale D., 1451, 111)

B. -ASTR.

1.Du ciel.

Miroir celestiel. Voir miroir

2.Qui est situé dans le ciel.

En la science d'astrologie, qui est art de cognoistre les mouvemens des celestielz esperes et planetes, estoit tres souffisement fondez (Chr. Piz., Faits meurs Ch. V, S., II, 1404, 34)

Corps celestiel. Voir corps

Je di que ceste opinion n'est pas concordable a la philosophie d'Aristote, car tout corps est mobile ou mouvable, si comme il fu dit ou secont chapitre du premier, et meismement tout corps celestiel, si comme il appert en pluseurs lieus en cest livre et en autres. (Oresme, C.M., c.1377, 334)

...es corps celestielz (Chr. Piz., Faits meurs Ch. V, S., II, 1404, 167)

Encore, selon les drois de Nature qui ont leur commencement en la divine providence et l'instrument de leur ouvraige ou mouvement, en la lumiere et en l'influence des corps celestielz, nous demonstrent les maistres de tresinestimable science d'astrologie que ou livre des cieulx (...) se peult cognoistre le cours et la duree des seigneuries et des citez (Chart., Q. inv., 1422, 2)

3.Qui est dû aux astres, au mouvement des astres.

Cause celestielle

Des causes célestieles et primeraines des pestillences, et, par espécial de la grant pestillence qui ou temps dudit Roy régna partout. (La Haye, P. peste, 1426, 23)

Influence celestielle

...par les mouvemens et par les lumieres et par les influences celestielz est gouverné tout cest monde cibas (Oresme, C.M., c.1377, 282)

Musique celestielle. Harmonie des sphères.

On ne doit mie donc ainsy entendre les choses dictes de la celestial musique qu'il y ait a la lettre sons ne consonancies reeles ne sensibles, ne ce n'est pas chose aussy bien ymaginable que Pitagoras ne Platon ne les autres philosophes notables l'entendissent ainsy. (Evr. Conty, Harm. sphères H.P.-H., c.1400, 65)

Regard celestiel. Voir regardSituation respective des astres (dont l'influence sur le destin de l'homme est bénéfique ou néfaste).

Maiz, entre les autres effectz Périlleux, nuisans et infectz, Nous voions souvent apparoir Naistre, régner et eschéoir Troiz grans dangiers espéciaulx Par les regars Célestiaulx Qui tousdiz ont grevé le Monde Par tous les climatz à la ronde, Et miz à mort, avant droit aage, Cent milions d'umain lignage. (La Haye, P. peste, 1426, 9)

4.Qui a rapport à l'astronomie.

Et se les hystoires sont veritables, l'Almageste et aultres principaux livres dez celestieux sciences sont attribués a Ptholomee, roy de Egypte, qui assembla la noble librarie en son pays, dont on ne povoit estimer le nombre des volumes. (Chart., L. Esp., c.1429-1430, 73)

Voir aussi celestieux

Orthographe	Genre	Nombre	Phonétique
célestiel	masculin	singulier	\se.lɛs.tjɛl\
célestielle	féminin	singulier	\se.lɛs.tjɛl\
célestiels	masculin	pluriel	\se.lɛs.tjɛl\
célestielles	féminin	pluriel	\se.lɛs.tjɛl\