BREF

adjectif et substantif masculin

[T-L : brief ; GD : brief ; GDC : brief1, brief2 ; AND : bref ; DECT : brief ; FEW (I, 520a) : brevis ; TLF (IV, 933b) : bref1 ; TLF (IV, 934b) : bref2]

I. -[Comme adj., comme adv. ou dans des loc. adv., pour marquer le peu d'étendue (rarement dans l'espace, gén. dans le temps, particulièrement dans le déroulement du discours)]

A. -Emploi adjectival. [Dans l'espace] Court, qui a peu de longueur.

Par la quantité, la chose est grande ou petite, longue ou briefve, large ou estroicte. (Somme abr., c.1477-1481, 127)

En particulier. [D'un chemin, d'une distance à parcourir (ce qui rapproche du temps)]

...et m'en sambloit le chemin trop plus brief. (Froiss., Chron. M., XII, c.1375-1400, 57)

Quar contrarieté est distance et toute distance est mesuree par lingne droite comme par la plus brieve. (Oresme, C.M., c.1377, 90)

Anthoine fu moult doulens quant il scot que ceulx de Couloigne faisoient dangier de lui et son ost laissier passer par my la cité. Lors leur manda moult fierement comment il s'en aloit pour lever le siege du roy de Craquo, qui avoit assegié le roy de Bahaigne a LXm. Sarrasins en sa cité de Prange, et que ilz lui mandassent se ilz estoient de la partie des Sarrasins, et il auroit sur ce adviz, et aussi que mal gré leurs dens il trouveroit bien passage, mais non pas si brief que par leur ville, et que, se ilz se destourboient d'une journee, il savoit bien la maniere comment il en feroit retour de quatre. (Arras, c.1392-1393, 175)

...il me semble qu'il y a deux chemins, l'ung par terre et l'autre par mer. Celuy de la terre est bien long et le trouveroit-on plus brief par la mer ; mais nous n'y pourrions passer tous nos chevaulx (Bueil, II, 1461-1466, 163)

B. -[Dans le temps]

1.Emploi adjectival.

a)Qui est de courte durée.

[D'un intervalle de temps]

En bref heure. En peu de temps.

...en brief heure tout furent ruet jus, pris et mors (Froiss., Chron. L., III, c.1375-1400, 115)

En brefs jours. En peu de jours, en peu de temps.

Et puis nagièrent vers le Rocelle, et fisent tant en briefs jours qu'il arrivèrent à Garlande, et là se misent a terre. (Froiss., Chron. L., III, c.1375-1400, 13)

Lors les monstra a Gillebert, qui moult lui pleurent, et, pour abregier, en briefs jours le bracelet fut fait. (La Sale, J.S., 1456, 82)

Cestui Halaon prenostica en ce temps que quel grande chose adviendroit en bref jours en icelle terre, ce qui fut, car, tantost après, se apparut le chevalier blanc (Simon De Phares, Astrol., c.1494-1498, f° 103 r°)

En bref temps. En peu de temps.

Ren au grant Dieu grace et loange, Qui aporté ci par son ange M'a en brief temps de longue voie. (Mach., C. ami, 1357, 42)

Et quant à l'autre pourveance, Firent il tele diligence, Qu'en brief temps furent assevi à tous poins (Mach., P. Alex., p.1369, 55)

Et bastirent ou lieu et pays desert pluseurs fors, villes et habitacions firent, et fu le pays en assez brief temps assez peuplez. (Arras, c.1392-1393, 15)

Et au chief de V. jours se mistrent les barons en mer, et en brief temps arriverent en Chippre (Arras, c.1392-1393, 144)

...n'est nul qui doye doubter que ceste conversion que fist saint Pol en si brief temps et par tant de pays, maugré tous contredisans qui estoient sans nombre, fut par singuliere grace de nostre Seigneur (Gers., P. Paul, a.1394, 495)

...maiz puisque nous ne pouons tout dire en si brief temps, tournons, s'il vous plaist, les yeux de nostre consideration a regarder la disposition de Nostre Dame (Gers., Annonc., a.1400, 232)

En assez bref temps il vint a Romme (C.n.n., c.1456-1467, 283)

...y avoit gens assez pour en brief temps prendre et mettre en la main du roy toutes les villes et places dudit de Bourgongne (Roye, Chron. scand., I, 1460-1483, 332)

...disoit ce, pour ce qu'il trouvoit des estoilles fixes, qui ont nature de eslever les hommes à grande sublimité et en bref temps et souldaiment descheoir et venir à villaine mort ou mendicité (Simon De Phares, Astrol., c.1494-1498, f° 76 r°)

Cestui fut mandé par le pappe Honnoré, malade et n'y voulut aller, synon qu'il eust cent ducaz pour jour, qui lui fut accordé et y alla et fist tellement, au moïen de la science de astrologie et medicine, que le pappe fut en bref temps rendu sain, lequel lui donna, oultre ses journées, dix mil ducaz. (Simon De Phares, Astrol., c.1494-1498, f° 127 r°)

Pour le bref temps. En raison de la courte durée.

Et lors s'acompaigna dudit Cousin, avecques lequel, pour le brief temps qu'il ont eu ensemble, il n'a aucune chose gaigné ou prouffité (Reg. crim. Chât., I, 1389-1392, 97)

...et ne fu pas parfaicte ladicte election pour le brief temps, mais remise à demain après disner. (Baye, I, 1400-1410, 297)

[D'une action ou de son résultat, d'un état, d'une propriété...]

La vie est briefve, l'art est lonc, le temps estroit et court, l'experient paourable ou faillable, le jugement plain de difficulté. (Saint-gille, A.Y., 1362-1365, 53)

Et par ce brief et court martire Verrez sanz fin Dieu nostre sire (Mir. st Val., c.1367, 156)

Et se nous reciton aucunes choses devant dites, nostre procés en sera plus cler et plus brief. (Oresme, E.A., c.1370, 515)

Et, certes, je ne doubt mie Que, s'à droit m'eüst Resgardé, ma brief vie Fenie ne fust (Mach., Lays, 1377, 417)

...combien que je ne die pas que on doye reffuser bon traictié, qui le puet avoir, mais qu'il soit brief [dans son effet] , ou si longs qu'il soit a tousjours... (Arras, c.1392-1393, 87)

Mais aussy il y a beauté painte et vaine de la cher qui est tres decevable et tres plus briefve et muable que la fleur d'un jour (Gers., Concept., 1401, 417)

...si jamais le jour vient ou je doye non seullement commectre desloyauté en nostre mariage, mais sans plus en avoir une breve pensée de le commettre (C.n.n., c.1456-1467, 565)

Sire, dit le Mareschal, les gens meurent, quant il plaist à Dieu. Et la longue vie et la briefve est tant comme il lui plaist. (Bueil, I, 1461-1466, 176)

Qui demande peu de temps.

La ont il planté de deffaut Et si ne scevent qu'il leur faut. Et s'on les sert de brief refus, Estre n'en puelent que confus (Mach., D. Aler., a.1349, 338)

Une chose te requerray, Qui est assez ligiére et bréve, Et qui a faire point ne gréve (Mir. st Val., c.1367, 140)

...et lui enjoint la Court qu'il administre bonne et brieve justice aux parties. (Fauq., III, 1431-1435, 127)

b)[D'un moment ou d'un fait, par rapport à un repère] Proche (par rapport à un repère).

[Dans le futur (par rapport au présent ou au passé)] Proche, prochain.

Or vueilliez dont entendre ma clamour Et avec ce considerer l'amour Dont je vous aim, car brief seroit ma fin, Se ne m'amiés de cuer loial et fin. (Mach., Compl., 1340-1377, 254)

La penitence qu'as empris Pour ce que vers Dieu as mespris, Ne la repute pas a gréve, Car la fin si en sera bréve (Mir. st J. Paulu, c.1372, 124)

Et lors vint une espie qui lui dist : Sire, soiez sus vostre garde, car ceulx de la ville attendent a avoir brief secours. Par mon chief, dist le roy, je ne scay ne ne puis adviser lieu dont secours leur puisse venir. Je ne m'en doubte pas que je ne les aye ou par force ou par famine. (Arras, c.1392-1393, 152)

...le cueur m'est troublé de freeur et les yeulx obscurciz de larmes, quant je voy sur nous les coups feruz qui sont signes de mort et donnent ensaignes de la divine indignacion, se nous n'y querons briefves medicines ['des remèdes qui viennent sans délai'] . (Chart., Q. inv., 1422, 5)

...dont Dieu les veulle garder et leur doint brefve delivrance (Juv. Urs., Aud. celi, 1435, 157)

Et quant ils estoient au preau assemblé, dont pour le tres brief partement estoient mains durs soupirs et maintes larmes gectees. (La Sale, J.S., 1456, 94)

Je te supply me faire brief delivre (Meschin., Lun. princes M.-G., c.1461-1465, 16)

Et leur monstra par où ilz se retireroient et par où leur pourroit donner le secours le plus brief ['le plus proche dans le temps, le plus rapproché'] (Bueil, II, 1461-1466, 16)

...Romme Ou [il] n'y eult depuis femme ni homme Qui sa venue bien briefve n'attendist (La Vigne, V.N., p.1495, 138)

[D'un intervalle de temps]

En breve saison. Dans un temps proche, sous peu, peu de temps après.

Par quoy en bien briefve saison il recouvra et remist en son obeyssance toute la duchié de Normandie (Bueil, I, 1461-1466, 28)

En bref temps. Dans un temps proche, sous peu, peu de temps après, bientôt.

Là le Tricoplier atendoit, Et souvent de li demandoit à ses privez, tant qu'il avint Qu'en brief temps en Rodes revint. (Mach., P. Alex., p.1369, 202)

Maiz diverses bestètes mues, Dès l'eure qu'elles sont yssues, Dehors des ventres de leurs mères (...) Et se drecent et se soustiennent, Et en brief temps quièrent jouer, Et aucunes scevent nouer Qui en l'eaue les bouteroit, Que un enfant jamès ne feroit (La Haye, P. peste, 1426, 67)

...aprés luy [Jean-Baptiste] en brief temps Devoit venir le redempteur. (Pass. Auv., 1477, 114)

En bref termine. Sous peu, peu de temps après, bientôt.

Fortune est sa dure voisine, Et Amours l'assaut et le mine, Dont morir cuit en brief termine Sans autre blasme. (Mach., R. Fort., c.1341, 53)

Qu'envis puet on deraciner Un grant arbre, sans demourer De la racine, Qu'on voit puis flourir et porter Et ses branches croistre et geter, En brief termine. (Mach., L. plour, 1349, 284)

Tout en l'eure vous i menray. Alons : veoir la vous feray En brief termine. (Mir. Berthe, c.1373, 210)

Dedans bref(s) jour(s). Sous peu.

...car il voloit aler, dedans brief jour, devers le roy son oncle. (Froiss., Chron. L., I, c.1375-1400, 165)

Si ay grant paour que il ne me viengne aucune perte dedens brief jour, ou a Perrin, mon filz (Arras, c.1392-1393, 310)

Nequedont que chil de Bruges, d'Ippre et de Courtrai lor fuissent contraire et rebelle, il pensoient bien tant a esploitier, et dedens briefs jours, que li pais seroit tous en une unité. (Froiss., Chron. D., p.1400, 262)

Dedans bref temps. Sous peu, peu de temps après, bientôt.

Beaulx enfans, pensez de bien faire, car vostre pere vous accorde vostre requeste, et je si fais. Et ne vous soussiez, car dedens brief temps j'auray ordonné de vostre fait telement que vous m'en saurez gré. (Arras, c.1392-1393, 83)

Dedans bref termine. Sous peu, peu de temps après, bientôt.

Le mal que reçoy, Car son plaisant maintieng coy Par desir mon cuer affine, Toute ensement com la mine S'affine en feu ; dont je croy Morir dedens brief termine, N'autre garison n'i voy. (Mach., Lays, 1377, 316)

Sus bref terme. Sous peu.

...li contes voloit sus brief terme retourner en Bretagne dont il se nonmoit dus (Froiss., Chron. D., p.1400, 482)

DROIT À trois brefs jours. Dans les limites de trois jours.

... [il] commanda aus sergens de Montlehery, ou à aucun d'iceulx, que se ilz le trouvoient en personne, ilz le admenassent ès prisons de Montlehery, ou, se trouver ne le povoient, il feust adjournez à trois briefs jours là où ilz pourroient savoir sa residance (Reg. crim. Chât., I, 1389-1392, 505)

Assigner / prendre ... un bref jour. Fixer une date proche.

...et prisent un brief jour de estre ensamble à Gand (Froiss., Chron. L., II, c.1375-1400, 40)

Et assignèrent un certain jour et bien brief, que on couronneroit l'enfant (Froiss., Chron. L., VIII, c.1375-1400, 231)

...la Court lui dist qu'elle lui feroit assigner ung brief jour à l'encontre du procureur du Roy (Fauq., II, 1421-1430, 87)

[Dans le passé] Récent.

Maiz trop plus greve Le mal et la pensee greve Qui viennent aprés joie breve [ou est-ce 'de courte durée' ?] (Chart., L. Dames, 1416, 249)

...lesquelles [lettres] , tant pour cause du brief trespassement de feu mondit seigneur, comme pour l'absence de son chancellier, lequel par longtemps avant ledit trespas a esté hors de la compaignie dudit seigneur et dudit pays de Bourgoingne, n'ont point esté seellees (Comptes Etat bourg. M.F., t.2, 1420, 747)

2.Emploi adverbial. [Comme adv. ou en loc. adv.]

a)En peu de temps, en une courte durée, rapidement, vite.

Bon homme, sanz vous ci tenir Il vous fault jusques ça venir. Or faites brief. (Mir. st Panth., 1364, 346)

Sire, il nous fault penser et brief Conment noz noces se feront (Mir. Amis, c.1365, 46)

Or nous delivrons de faire nostre mandement si brief et si celeement que on ne le saiche se le moins non que on pourra. (Arras, c.1392-1393, 70)

...nous avons intencion de combatre le soudant et mettre brief ceste guerre a fin, car pour ce sommes nous venus par deca. (Arras, c.1392-1393, 99)

Pour ce, vous dis que brief s'aproche L'eure et le jour de mon trespas (La Vigne, S.M., 1496, 557)

b)[Par rapport à un repère] Peu de temps après, sous peu.

[Dans le futur (par rapport au présent ou au passé)] Sous peu, bientôt, prochainement.

Lors me dist il, sans delaier, Que je me ralasse sëoir, Car il se voloit pourvëoir Quel penitence il me donroit, Et que brief m'en delivreroit. (Mach., J. R. Nav., 1349, 276)

Faictes-le brief, je vous en pry. (Froiss., Chron. M., XV, c.1375-1400, 31)

Brief venra le jour Que tes cuers desire (Mach., Lays, 1377, 419)

...Signifians que brief mourroit Et que son royaume perdroit (Desch., M.M., c.1385-1403, 14)

N'avoient vouloir de mesprendre Vers le paÿs, ni faire grief, Ains y pensoient estre brief (Chr. Piz., M.F., III, 1400-1403, 31)

A mourir brief suis comdampné (Hautev., Conf. Test. am. tresp. B., c.1441-1447, 92)

...et trouva qu'elle devoit brief departir (Percef. IV, R., c.1450 [c.1340], 99)

Se damp Abbés veult le grant harnois, si lui laissiés, mais le petit et les deux haiches, a Jaquet les rendez et lui dictes qu'il vienne a moy brief. (La Sale, J.S., 1456, 299)

Mon mary ! dit elle ; helas ! il est bien loing d'icy ; Dieu le ramaine a joye et bref. (C.n.n., c.1456-1467, 112)

...et qu'il mourroit en la poursuite ou que brief en aroit le bout (Roye, Chron. scand., I, 1460-1483, 69)

...la mort a laquelle ilz devoient brief venir (Colart Mans., Dial. créat. R., 1482, 194)

Assez bref. Vite, peu de temps après, sous peu.

Seigneurs, bien soiez vous venuz ! Assez brief vous baptiseray (Mir. Barl. Josaph., c.1363, 299)

En ce party admenerent Remondin au paveillon, et fu couchiez assez brief. (Arras, c.1392-1393, 41)

Bien bref. Très vite, sans délai.

Je vous ay ja, dame, endité Que le roy vient pour verité, Et sachiez ci bien bref sera (Mir. ste Bauth., c.1376, 127)

... [elle] dist à ceulx qui la venoient prier et requerre que elle garrisist ladite Agnesot, que au plaisir de Dieu, et bien brief, elle le garriroit. (Reg. crim. Chât., I, 1389-1392, 505)

...et leur dirent comment le soudant faisoit assaillir la ville, et comment elle estoit en adventure d'estre prinse, s'elle n'estoit secourue bien brief (Arras, c.1392-1393, 111)

Faictes les [nos enfants] bien nourrir, et aussi sachiez que je m'en prendray garde, combien que je ne veulle pas que vous ayez esperance nulle que, moy [Mélusine] de cy partie, laquelle chose sera bien brief, vous [Remondin] me voiez jamais en forme femmenine. (Arras, c.1392-1393, 258)

...car par continuation de telx tailles ne pourroient durer et faudra que s'en fuyent bien brief (Baye, II, 1411-1417, 12)

Pas longuement je ne vivray, La mort auray Bien brief (Régn., F.A., 1432-c.1465, 194)

Et se de cecy vous vous gouvernez bien et gentement, bien brief, au plaisir de Dieu, je vous feray mieulz. (La Sale, J.S., 1456, 50)

...aiez au mains compassion de moy qui meurs sur bout si je ne voy bien bref ma dame. (C.n.n., c.1456-1467, 176)

...et aussi que le duc de Berry mandoit au conte qu'il avoit esperance de soy trouvoir bien bref devant Paris à toute une grant puissance de gens (Le Clerc, Interp. Roye, c.1502, 170)

Et, si je suis bien tenu à vous des services que m'avés faitz, encores le seray je plus, et vous en merciray, mais que je vous voye, qui sera bien bref, au plaisir de Dieu, car j'espere avoir bientost parachevé par deça. (Le Clerc, Interp. Roye, c.1502, 297)

Si bref

Aprés ceste lettre presente Ne fist mie moult longue attente Ma dame bonne, belle et sage, Ainçois delivra mon message Si brief, que ce fu la journee Que ma lettre li fu donnee (Mach., Voir, 1364, 596)

(Le) plus bref. (Au) plus vite.

...n'en peurent adonc avoir aultre response ; si le vosissent il bien avoir plus brief, se il peuist estre, mès nennil. (Froiss., Chron. L., III, c.1375-1400, 99)

...le Roy et le duc de Bourgongne escripvoient aux dessusdis, afin de le faire partir et avancier le plus brief que faire se pourroit (Fauq., I, 1417-1420, 244)

Car quant les orgueilleux sont en hault eslevez, tant trebuchent il plus bref et durement. (Chart., L. Esp., c.1429-1430, 50)

...et Dieu me aydera et plus brief que tu ne cuides. (Juv. Urs., Aud. celi, 1435, 197)

À bref. Au plus vite.

Je ne vous vueil mie desdire, Mais m'i assens a brief et court. (Mir. st Alexis, 1382, 316)

...il s'efforce sans sejour De noz subgéz traire et seduire. A brief il le nous fault destruire Ou tout nostre fait ne vault rien. (Gréban, Pass. J., c.1450, 181)

Au plus bref. Dès que possible, au plus vite.

...et que le residu il avoit volunté et entencion de païer, au plus brief que bonnement porroit (Reg. crim. Chât., II, 1389-1392, 457)

...je termine la premiere partie de nostre sermon ou nous avons oÿ su(s) figure poetique faicte au plus cher et au plus brief, au plus vray que j'ay peu, la maniere de la concepcion nostre glorieuse Dame (Gers., Concept., 1401, 408)

Lesquelles armes ainsin publiees, Madame, sans plus y penser, fist a soy Saintré venir et tout coyement au plus brief qu'elle peust lui dist... (La Sale, J.S., 1456, 146)

...au plus bref que je pourray je vous verray. (C.n.n., c.1456-1467, 287)

...parquoy au plus brief que je pourray, selon la verité, en ensuivant l'abregé de ma ryme, j'en diray en prose ce que je verray (La Vigne, V.N., p.1495, 281)

De bref. Sous peu, au plus vite.

Car aujourduy il y a plus à faire entre les marchands d'estre d'accord du pris de la Monnoie et la évaluacion, qu'il n'y a de marchandise dont ilz traictent. Parquoy l'or et l'argent sont à present venuz à si hault pris, que, si de brief n'y est pourveu de remède, il est à doubter de plusieurs inconveniens grans et moult dommaigeables en la tollerance et souffrance d'icelle (Oresme, Monnoies W., c.1365, III)

Promist aussi, s'il ne retournoit de bref de luy souvent escripre (C.n.n., c.1456-1467, 344)

...et, pour ce, il estoit force qu'ilz entrassent de brief ou payz du Roy (Bueil, II, 1461-1466, 229)

...se l'on vous vient demander Qu'est devenu le franc archier, Dictes qu'il n'est pas mort encor, Et qu'il emporte dague et cor, Et reviendra par cy de brief. (Fr. arch. B., c.1468-1480, 46)

...il avoit fait faire plusieurs reparations bien necessaires esdictes trois maisons, et que encore il estoit necessité y en faire de brief d'autres (Comptes Paris M., t.2, 1470-1471, 232)

Secourez moy tost et de brief (Mir. st Nic. juif, c.1480-1500, 138)

Pour mettre gens et de brief en besongne (La Vigne, V.N., p.1495, 277)

Dedans bref. Sous peu, au plus vite.

Et qu'esse d'un corps fors que un sac a fiens, une viande a vers dedans brief [on peut comprendre ainsi : 'une chair très vite à vers'] , et une charonne vile, puant et abhominable ? (Gers., Annonc., a.1400, 238)

...dedans bref je leur feray savoir ce que m'avez escript. (Lettres Louis XI, V., t.5, 1473, 182)

En bref. Au plus vite, sans délai, aussitôt.

Et pour lors estoient les sciences chier tenues et prisiees plus qu'elles ne sont ores. Et les haulx princes veoient plus cler en leurs affaires par les sciences qui lors estoient aprinses en temps deu, que s'ilz feussent innocent des sciences, et sentoient en brief le vif des conseulx que on leur monstroit. (Arras, c.1392-1393, 17)

...passés vous en brief du deduit des dames,car fol est qui s'y endort (Percef. IV, R., c.1450 [c.1340], 1137)

Et en brief les ennemiz le sceurent (Bueil, II, 1461-1466, 6)

Ycy viendront les gens en brief, Lesqueulx veulent avoir mon chef. (Pass. Auv., 1477, 88)

Se vous n'estes en ce cas pourvoyans, Ilz vous viendront en brief crever les yeulx. (Cene dieux, c.1492, 110)

...laquelle [comète], comme il dit, vit circuir par tous les signes et estre grande, quasi comme une Lune à longue et grande queue, par derriere crinée et sintillée à merveilles, laquelle il predist estre fort dommageable aux roys et haulx hommes puissans et qu'elle signiffioit venir en bref et apparoistre hommes qui se efforceroient de muer ou changer les loyx et en mectre de nouvelles, ce qui fut veriffié tost après (Simon De Phares, Astrol., c.1494-1498, f° 36 r°)

Cestui prenostica sur la vision et apparicion d'une commecte, qui aparut 'sub Minore Ursa, sine ullo splendore, perpalidus' et dist que en bref en lieux maritins grande effusion de sang, ce qui advint tost après, car les François prindrent deux navires du roy Edoart (Simon De Phares, Astrol., c.1494-1498, f° 134 v°)

Douleur a si tresgrant regence Sur mon corps que je n'en puis plus, Si en brief je n'ay l'exigence D'aulcun bon remede. (La Vigne, S.M., 1496, 453)

Ledit conte d'Armignac est à Lestore, et, si je puis, je l'encloray, comme je vous ay tousjours escript, et croy que, en brief, vous feray scavoir bonnes nouvelles de tout, au plaisir de Dieu. (Le Clerc, Interp. Roye, c.1502, 237)

Pour le plus bref. Dès que possible, au plus vite.

Par mon chief, pour le plus brief, il faut ma niepce marier. Or lui querez un mary qui soit digne de gouverner son royaume (Arras, c.1392-1393, 188)

Sur le bref. Au plus vite, sans délai.

...et l'aucteur ly respondy a sa demande sur le brief (Livre amour. all. F., c.1398-1430, 236)

Assez bref de temps après. Peu de temps après.

...à cause de ladite ointture, icellui de Ruilly, son fiancé, l'espousa plus tost qu'il n'eust fait ; et tant que assez brief de temps après, n'est recorde quel, ilz espouserent li uns l'autre en l'eglise de Saint-Pere aus beufs, en la Cité de Paris. (Reg. crim. Chât., II, 1389-1392, 328)

[Dans le passé] Il y a peu.

Ou environ minuyt nouvelles eut Que brief le duc de Calabre inhumain Si s'en estoit fouÿ de Saint Germain (La Vigne, V.N., p.1495, 245)

Proverbe.

...une chose faicte bref ['en peu de temps' ou 'aussitôt, au plus vite' ?] est aucune foiz meilleure que une qui trayne longuement. (Charles de Hongrie C., c.1495-1498, 152)

C. -[Dans le déroulement du discours]

1.Emploi adjectival.

a)[D'un propos, d'un dire, d'un écrit] Qui occupe peu de temps et comporte peu de mots, qui tient en peu de mots.

LE PRESCHEUR. (...) Ou conmencement de nostre bréve colacion saluons tuit la vierge benoite (Mir. Theod., 1357, 78)

...et aprés disoit une brieve parole ; 'Je l'ai fait car je le vouloie et elle le vouloit, ou elle le vouloit et je ne le vouloie'. (Oresme, E.A., c.1370, 310)

...Dont je t'ay raconté la vie Cy dessus en briefve substance. (Desch., M.M., c.1385-1403, 136)

Selon quatre manieres de temples, desquelz parle l'Escripture saincte, nostre sermon se pourroit diviser en quatre briefves parties (Gers., Purif., 1396-1397, 60)

A la fin, a faire brief conte, Sanz que tous leur faiz je raconte, Femmes, enfens, tous y occirent Rommains (Chr. Piz., M.F., IV, 1400-1403, 4)

Par ainsy je fine la seconde partie de nostre sermon, et viens a la tierce que je despescheray tres briefment par respondre a deux briefves questions bien appartenentes et convenables. (Gers., Concept., 1401, 420)

...nostre brief sermon qui parlera de la paix qui fut a ceste nuyt denoncee en terre aux hommes de bonne voulenté (Gers., Noël, p.1404, 300)

Pour faire fin a nos dis ie conclurray ce present liure par une briefue recapitulacion de la matiere diceluy. (Cib., p.1451, 184)

...pour faire le compte bref (C.n.n., c.1456-1467, 580)

Cy commence le cincquiesme livre intitulé des vertus et met au commencement ung brief prologue. (Somme abr., c.1477-1481, 93)

À bref conte. Pour le dire en peu de mots, de manière concise.

L'autrier ot en gageure mis Son royaume, c'est [,] a brief conte, Encontre Berengier (Mir. Oton, c.1370, 352)

À / en bref langage. En peu de mots, de manière concise.

Et soit le poiz, sans passer mie, Une entière dragme, ou demie, D'icelle pouldre, à brief langage, O une once dudit bevrage En oultre terre seellée O compétens liqueurs meslée (La Haye, P. peste, 1426, 132)

S'ensuit le Prologue du second livre qui traicte en brief langaige la substance de yconomique. (Bueil, I, 1461-1466, 57)

Je vous demande, en brief langaige, N'y a il cy que vous deux sotz ? (Sots triumph., c.1475, 35)

Mais, pour vous dire a brief langage, Jamais ne preste riens sans gaige. (Mir. st Nic. juif, c.1480-1500, 88)

Monseigneur, nous acomplirons De tres bon cueur vostre messaige, Et en l'oust des Anglois yrons Leur denoncer en bref langaige. (Myst. siège Orléans H., c.1480-1500, 426)

À bref(s) mot(s). Pour le dire en peu de mots, de manière concise.

Car, a briés mos, elle fu telle Qu'elle sambla esperituele, N'onques mais riens si bel ne vi, Ne si cler (Mach., R. Fort., c.1341, 133)

Boces avoient et grans clos Dont on moroit, et a briés mos, Po osoient a l'air aler, Ne de près ensamble parler. (Mach., J. R. Nav., 1349, 148)

Sire juges, a brief mot court, Cy ne vous amenderons rien. (Mir. prev., 1352, 239)

Si ne font que traire et ruer Pierres, sajettes et garros. Finablement et à briés mos, Chascuns des nostres tant s'efforce Qu'il bouterent, par fine force, Maugré tous, le feu en la porte. (Mach., P. Alex., p.1369, 88)

...a brief mot tout dire [,] telle qui soit digne d'estre ta mere, ta suer, ton espouse et ta mie... (Gers., Concept., 1401, 394)

À un bref mot

Faictes en ce que vous voudrez A vn bref mot ie men descharge Baillez en le fais et la charge A vn qui soit bien suffisant. (Myst. st Martin K., a.1500, 286)

À / en breve parole. Pour le dire en peu de mots, de manière concise.

Car a brief parole solue Homme ne sçay de sa value Ycy entour. (Mir. chan., c.1361, 157)

C'est à dire, en briève parole, Cessant du tout la Parabole, Que j'ay tant fait et estrivé Que, Dieu mercy, j'ay achevé Ceste simple translation à ma povre discrétion (La Haye, P. peste, 1426, 162)

En breve substance

Doncques, tresdevoste assistence, Seullement deux poincts nous aurons, Lesquelz, en bien briefve substance, Vous orrez, puis la fin ferons. (La Vigne, S.M., 1496, 420)

En / sous brefs termes. En peu de mots, de manière concise.

...il recita en briefs termes, en effect, ce que avoit par eulz esté dit et besoingné (Fauq., I, 1417-1420, 218)

...je vous compteray, en brefz termes, en quelle façon fut deceu le plus jaloux de cest royaume (C.n.n., c.1456-1467, 255)

...et soubz brefz termes lui dist de par le commun : 'Tui, inquiunt, comes sumus. Tu nobis est princeps (...)' (Simon De Phares, Astrol., c.1494-1498, f° 145 r°)

Pour (le) faire bref

...mais, pour le faire brief, conquesta celle saison, en Guienne, jusques au nombre de VIxx. et .XIIII. que villes, que chasteaulx, et autres grosses et notables forteresses. (Chr. Piz., Faits meurs Ch. V, S., I, 1404, 138)

...et pluiseurs esbattemens, joustez, tournois y furent fais, de quoy l'istoire se taist, pour le faire brief (Comte Artois S., c.1453-1467, 65)

Et, pour le faire brief, on y a tousjours aucun desplaisir ou aucune merencollie. (Bueil, I, 1461-1466, 50)

Et, pour faire brief à ma matière, je ne vous diray sinon la conclusion du conseil. (Bueil, I, 1461-1466, 220)

b)[P. méton., de la pers. qui s'exprime ou bien de la langue ou du style]

[De la pers. qui s'exprime] Qui s'exprime en peu de mots.

Car il est moult de vertus particulieres dont il ne parle pas, si comme nous voion que en parler les uns sont trop hastifz, les autres trop tardifz, les uns sont trop longz, les autres sont trop briefz (Oresme, E.A.C., c.1370, 266)

...après ung grand tas d'excusances et de refus que pour estre bref je trespasse... (C.n.n., c.1456-1467, 536)

...et nous mismes tous a genolx, et nous fist lever, et dit luy mesmes que nous dissions ce que nous vouldrions et que feussions briefs. (Juv. Urs., Prop. II, 1468, 427)

[De la langue, du style] Qui permet de s'exprimer en peu de mots.

... [il] parle assez bon françois et brief (Reg. crim. Chât., I, 1389-1392, 450)

2.Emploi adverbial. [Comme adv. ou en loc. adv.]

a)[Portant sur un verbe du dire] En peu de mots, brièvement.

Or te vueil dire brief et court De quoy il servent a ma court. (Mach., D. verg., a.1340, 34)

Mais, dy nous brief, sanz delaier, Ou l'en doit ainsi festaier (Mir. ev. arced., c.1341, 127)

Si vous en diray brief et court. (Mach., P. Alex., p.1369, 20)

Et par ce que dit est appert la response aus arguemens qui furent devant mis, car le premier est contre la premiere voie des .III. desus dites, et le secont contre la seconde et le tiers est pour la tierce laquelle je ay de nouvel pensee, et les autres apres la pourront adrecier et plus brief declarer. (Oresme, C.M., c.1377, 344)

Je vous dis brief Que j'ay ung mien enffant ceens, Qui... (Molinet, Myst. st Quentin C., c.1482, 39)

Que diray plus pour parler court et brief ? (La Vigne, V.N., p.1495, 209)

[Avec savoir (au terme d'un dire concis)]

Et sachiez brief : Quant il cuide bien garir son meschief... (Chart., D. Fort., 1412-1413, 186)

À bref dire

L'ange qui ordonné fut messagier isnellement descendit porter les nouvelles a Joachim et saincte Anne. Et a brief dire tant ouvra Dieu et Nature avec les Vertuz dessus nommees que ceste Dame fut conceue et vivifiee tant au corps comme a l'ame sans ce que Pechié quelconque y osast approuchier. (Gers., Concept., 1401, 406)

...a bref vous dire, Il fault que je soye payé ! (Path. D., c.1456-1469, 122)

À / en bref parler

La doulce vierge, a brief parler (...) Pour un murtrier vous y appelle... (Mir. ev. arced., c.1341, 137)

Nous vous dirons en brief parler Qui nous amaine. (Mir. chan., c.1361, 153)

Et, à brief parler, toutes bestes, Maiz que guaires soient parfaictes, Nous sourmontent en quelque chose (La Haye, P. peste, 1426, 68)

A brief parler, j'estoye ainsi Mignon comme cest enfant (Fr. arch. B., c.1468-1480, 38)

En bref. De manière concise.

Pour che en moult de traittiés et de livres souvent, aprés les longues expositions des sentences, on seult recapituler en brief les paroles en ycellui contenues, par quoy on puet tout mettre en memoire. (Daudin, De la erudition H., c.1360-1380, 71)

Et affin que de ceste partie je m'en passe en brief... (Daudin, De la erudition H., c.1360-1380, 250)

Donques, afin que en brief concluons, se nous faisons les choses dessus dictes nous pourrons bien le moien de vertu acquerir. (Oresme, E.A., c.1370, 174)

Disons doncques, se il vous plaist, les louanges de saint Pierre en brief, et puis a celles de saint Pol nous arrestons ung peu plus, pour ce qu'il est patron de ceste eglise. (Gers., P. Paul, a.1394, 486)

...pour ce, m'en passe en brief (Chr. Piz., M.F., III, 1400-1403, 103)

...pour quoy je te vueil en brief reciter ung exemple assez commun, mais proffitable est (Gers., Concept., 1401, 414)

...les deputez de ladicte Université, present le recteur, firent, par ung proposant, exposer en brief le très grant peril et desolacion de la ville de Rouen (Fauq., I, 1417-1420, 215)

...si venons a vous remonstrer en brief que la justice de querelle, posé que ja autre ochoison n'y trouvissez, vous doit rebouter le hardement es courages (Chart., Q. inv., 1422, 17)

...ne cessoit de penser et subtilier voies et moiens pour pervenir a ses attainctes, qui, a dire en gros et en bref, estoient pour faire cela que vous savez. (C.n.n., c.1456-1467, 534)

Le curé en sa defense et excuse parla en bref et dist... (C.n.n., c.1456-1467, 541)

Or, que je vous propose (...) Ung bien petit ma vraye affection (...) et qu'en brief vous expose Mon bon vouloir (La Vigne, S.M., 1496, 188)

b)[Comme adv. de phrase] En peu de mots, en résumé, pour tout dire.

Brief, d'enfer toutes les roïnes Plouroient larmes serpentines, Ce qu'onques mais ne fu veü (Mach., C. ami, 1357, 90)

Brief, elle fist son message tres bien Et sans reprouche. (Mach., F. am., c.1361, 165)

Brief, il ont le conte laissié Sain et legier, preu et hardi (Mach., P. Alex., p.1369, 70)

Vous dites voir, je le sçay bien : C'est chose aussi qui ne peut estre. Brief, il nous y fault conseil mettre Par quelque voye. (Mir. fille roy Hongrie, c.1371, 5)

...il vit devant luy ung grand monstre (...) ayant grandes et longues cornes (...) les braz gros et longs, les griffes agues et trenchans ; et bref c'estoit ung monstre tresespoventable (C.n.n., c.1456-1467, 428)

Il en fut mercyé de celle qui estoit tant gracieuse qu'on ne pourroit plus. Bref il trouva en elle tant de courtoisie... (C.n.n., c.1456-1467, 315)

Pensez qu'il estoit bien a son aise ! Bref il ne savoit trouver fasson d'en saillir [du retrait où il s'est caché] (C.n.n., c.1456-1467, 437)

Et brief, c'estoit merveilleuse chose à veoir du monde qui estoit en armes dehors Paris, et si maintenoient plusieurs qu'il en estoit à peu près demouré autant dedens Paris qu'il en y avoit dehors. (Roye, Chron. scand., I, 1460-1483, 181)

Item, et au Prince des Sotz Pour ung bon sot Michault du Four, Qui a la foyz dit de bons motz Et chante bien 'Ma doulce amour', Je lui donne, avec le bon jour ; Brief, mais qu'il fust ung peu en point, Il est ung droit sot de sejour Et est plaisant ou il n'est point. (Villon, Test. R.H., 1461-1462, 92)

Brief, je feray selon le Temps. (Sots triumph., c.1475, 46)

Brief, ceste chiennë est propice Et me duit bien en ma maison. (Sots mal., c.1480, 77)

Le peuple [,] brief [,] plus n'en povoit (Sots, c.1480-1500, 262)

C'est une chose mervilleuse Du grant bien qui en luy habonde Et de sa vie glorïeuse ; Brief, c'est le nompareil du monde. (La Vigne, S.M., 1496, 554)

Remarque : CHR. PIZ., M.F., IV, 1400-1403, 8 ; CHART., L. Esp., c.1429-1430, 80 ; Mir. st Nic. juif, c.1480-1500, 74 ; 104......

Bref et court / court et bref. Pour le dire en peu de mots.

...en souspirant, court et brief [,] Je li fis escrire ce brief. (Mach., Voir, 1364, 290)

...signeurs, brief et court [,] Il couvient qu'en Chypre en alez. (Mach., P. Alex., p.1369, 123)

J'ay esleü le roy de France A juge, si que [,] brief et court [,] Combattre me vueil en sa court. (Mach., P. Alex., p.1369, 234)

...il envoya vers elle ung gentilhomme (...) affin de luy remonstrer bien au long le desplaisir qu'il avoit d'avoir compaignon en son service ; et bref et court, si elle ne luy donne congé il n'y reviendra (C.n.n., c.1456-1467, 237)

Justice y sourt, n'est aveugle ne sourt Qui, brief et court, n'y ait les bras tendus (Molinet, Faictz Dictz D., 1467-1506, 369)

Chacun de jour en jour enpire, Brief et court (Sots triumph., c.1475, 38)

À / en bref. Pour le dire en peu de mots.

N'ay cure d'estre mariez. A brief, plus ne m'en tariez : Riens n'en feray. (Mir. chan., c.1361, 144)

Dame, elle pense a retenir Son cierge, et m'a dit en ce point Pour certain ne l'offerra point : C'est tout a brief. (Mir. femme, 1368, 228)

Et, pour ce, je vous di, en brief, Que chacun... (Chr. Piz., M.F., I, 1400-1403, 39)

Pour bref. Pour le dire de manière concise.

...se partit de son royaulme (...) bien fourny (...) de marchandises dont le païs d'Angleterre peut les autres servir, comme d'estains, de riz, et foison d'aultres choses que pour bref je passe. (C.n.n., c.1456-1467, 126)

II. -Substantif masculin. [Pour désigner un écrit (relativement bref)]

A. -Abrégé, résumé.

Abrégé scientifique (?).

Je vous dis brief Que j'ay ung mien enffant ceens, Qui tousjours tient ou livre ou brief Et est desja saige et sciens. Vous estes des plus anciens Philosophes de Romenie, Qui scavés plus que Egitiens De science, d'astronomie. Regardés, sa phisionomie Est tant de grace engourdinee Que... (Molinet, Myst. st Quentin C., c.1482, 39)

Bréviaire (ou partie d'un bréviaire), livret contenant, pour une année, l'office de chaque jour et des précisions sur la manière de célébrer les offices.

...ung autre grant Bréviaire entier, très noblement escript et très noblement enlumyné et ystorié, et le psaultier ou mylieu du bréviaire, et se commance la seconde page cognovit bos, et sont les fermouers d'or, et est en l'un ung roy et en l'autre ung ymage à genoulx, et est la pippe ouvrée à une orbevoye ; et en est le brief en françoys. (Invent. mobilier Ch. V, L., 1380, 336)

...ung autre petit Bréviaire, très bel et très noblement escript, sans note, à l'usaige de Paris, dont le bref est en françoys, à deux fermouers d'or à deux boutons de perles (Invent. mobilier Ch. V, L., 1380, 337)

...pour la vente d'un bref en françois, à l'usage de Paris, avec unes vigilles des morts (Comptes Lille L., t.3, 1398, 174)

B. -Lettre ou message relativement bref.

1.Lettre, message (privé ou officiel).

Ses briefs commanda a escripre (Renart contref. R.L., t.1, 1328-1342, 169)

Lors chartres et briefz fist escripre (Renart contref. R.L., t.2, 1328-1342, 155)

A le chité repaire li rois et ses barnéz, Puis a as messagiers tantos ses briefs livréz (Flor. Rome W., c.1330-1400, 141)

Lors fist le duc ses briefs escrire (Tomb. Chartr. Trois contes S., c.1337-1339, 77)

Ung bref fist sceller (Tristan Nant. S., c.1350, 101)

Ung brief a fait escripre, a Regnaut l'envoya (Renaut Mont. B.N. V., c.1350-1400, 328)

...en souspirant, court et brief Je li fis escrire ce brief. (Mach., Voir, 1364, 290)

L'ystoire dit que ly chevaliers fist faire un brief ou il mist toute la venue de Uriien et de son frere, et de leurs gens, et comment les freres avoient a nom, et de quel pays ilz estoient. (Arras, c.1392-1393, 93)

Le duc fist escripre ses lettres et ses briés ; il manda partout son pooir (Hist. seign. Gavre S., c.1456, 141)

2.En particulier.

a)Lettre de change, chèque (?).

Car pour monnoie ne despent on riens en tout son royaume, fors une manière de brievez qui la vault en tout son pais monnoie. (Jean Le Long, Voy. Odoric C., 1351, 380)

b)Courte lettre émanant du Pape, qui traite de sujets moins importants que la bulle.

Remarque : Lettres Louis XI, V., t.6, 1477, 227 ; 228.

c)Écrit, message auquel on attribue un pouvoir magique, amulette.

Si li enquistrent l'achaison De cest segret deslïement Et s'il portoit segretement Ou aucun brief ou caraudiere, Qui li feïst en tel maniere Contre touz lïens delivrance. (Tomb. Chartr. Dix-huit contes K., c.1337-1339, 202)

Lors le mareschal les fist jurer sur sains Euvangiles que (...) ilz ne portoient ne savoient chose sur eulx, ne entendoient a porter, ne porteroient, comme briez, parolles, charmes, herbes, conjuracions, ne autres diaboliques operacions de mal engin (La Sale, J.S., 1456, 125)

Hellas, qui me baillast ung brief, Je croy qu'il m'osteroit ce meschief. (Bien avisé Mal avisé B., c.1487-1490 [1396], 81)

Qui croit en brief ne en sorciers, En charmez ne en telz mestiers, En viellez qui font beneichons Pour dens, pour yeulx et pour fiachons [façon, au sens de 'visage' ?] , Est en voye d'aller à diffame, Et de perdre et corpz et ame. (Bien avisé Mal avisé B., c.1487-1490 [1396], 82)

C. -DROIT Acte écrit qui porte un constat ou une convention.

...duquel marchié et contrat ledit Jehan de Vrisy cognut avoir passé un brief par devant les tabellions de nostredit seigneur, pour en faire si bonnes lettres comme bon sembleroit au conseil desdis conjoins (Trés. Reth. S.L., t.2, 1387, 346)

...les briefz des questions hereditaulx doient estre terminées en assise (Rouen temps Jeanne d'Arc L., 1431, 205)

Region. (Normandie) Bref de fief lai et d'aumosne. Mandement délivré exclusivement par l'autorité royale (bailli ou procureur du roi), à l'occasion d'un procès, pour convoquer un jury chargé d'établir si le cas relève de la justice ecclésiastique ou séculière.

...a l'encontre de laquele admonicion, de la partie de nostre procureur, a esté pris un brief de fief lay ou d'aumosne, selon la coustume du pais, et par ce est demeuré et demeure ledit prisonnier en nozdictes prisons (Chancell. Henri VI, L., t.2, 1434, 304)

...depuis lequel emprisonnement nous avons esté admonnestez de par l'official de Rouen de lui rendre ledit Dandin disant qu'il estoit clerc portant habit et tonsure, pourquoy le procureur du Roy nostre sire ait voulu prendre brief de lay fieu ou d'omosne, disant que, non obstant que icellui Dandin ait eu couronne et que au temps de sa prinse fust en habit et tonsure, si ne devoit il jouir de privillege de clerc mais estoit bigame (Rouen temps Jeanne d'Arc L., 1439, 341)

Remarque : Cf. aussi Mémor. Echiq. Archev. S., Pièces justif., 1391, 61.

Clameur de bref

...touchans certaines clameurs de briefz de nouvelles dessaisines prinses par lesdiz religieux ou leur procureur sur l'emprisonnement dudit abbé (Rouen temps Jeanne d'Arc L., 1426, 91)

...pour empeschier la rendue d'iceulx clercs nostre procureur audit lieu a prins pluseurs clameurs de briefs de fieu lay ou d'omosmne (Rouen temps Jeanne d'Arc L., 1426, 102)

...mettre et soustenir toutes opposicions en tous cas et à toutes fins, prendre et lever toutes clameurs de brief... (Comptab. Dieppe M., 1479, 113)

Mandement permettant de naviguer pour sortir d'un port ; p. méton. les droits afférents.

...à cause de debvoirs de brieffs des vesseaulx qui viennent à celui port et havre du Legué (Actes Jean V Bret. B., t.1, 1405, 49)

...le port, les brieffs, les bris et autres devoirs d'iceli (Actes Jean V Bret. B., t.4, 1438, 180)

...brieffz et bris de mer (Actes Jean V Bret. B., t.5, 1441, 17)

Remarque : GD I, 732c : 'permission de naviguer que les vaisseaux devaient prendre des juges de l'amirauté pour sortir d'un port'.

D. -Region. (Flandres) Registre sur lequel sont consignés par écrit les rentes fixes, payables en argent, provenant d'une circonscription déterminée des domaines seigneuriaux ; les rentes elles-mêmes.

...maistre Guy de Boeye, receveur des briefs de la notairie (Comptes Etat bourg. M.F., t.3, 1416-1418, 23)

De messire Behoort Kieret, chevalier, receveur heritier des briefz de Locres... (Comptes Etat bourg. M.F., t.3, 1416-1418, 142)

De Thierry de Layackere, receveur heritier des briefz d'Artrique, sur la Renenghe mil quatre cens et dix neuf, en deniers paiez à pluseurs personnes demourans à Bruges, pour ouvraiges par eulz fais à l'ostel de monseigneur illec (...). De damoiselle Marie Busers, recevresse heritiere des briefs de Haeltre... (Comptes Etat bourg. M.F., t.3, 1418-1420, 441)

Grands brefs. Compte général des revenus en espèces.

...Rogier Hellin, receveur des grans briefz (Comptes Etat bourg. M.F., t.3, 1418-1420, 314)

Remarque : Une précédente version de cet article a été rédigée par Edmonde Papin.

Orthographe	Genre	Nombre	Phonétique
bref	masculin	singulier	\bʁɛf\
brève	féminin	singulier	\bʁɛv\
brefs	masculin	pluriel	\bʁɛf\
brèves	féminin	pluriel	\bʁɛv\