BENOIT

adjectif

[T-L : benëir ; GDC : beneir ; FEW (I, 323b) : benedicere ; TLF (IV, 393b) : benoît]

A. -[De Dieu] Glorieux.

L'en pourroit dire, par aventure, que le benoit corps de Jhesucrist est en haut sus en la maniere que seront les autres corps glorifiéz, si comme il est dit ou chapitre precedent (Oresme, C.M., c.1377, 726)

...ce glorieux hoste le benoit Saint Esperit (Gers., Pent., p.1389, 84)

...il veoit bien qu'il estoit à la fin de ses jours, que en l'onneur de Dieu, de la Vierge Marie, et de toute la benoite et sainte Trinité de Paradis, l'on voulsist oïr, escouter et escripre les pechez, larrecins et mauvaistiez par lui faites et commises (Reg. crim. Chât., I, 1389-1392, 26)

...il escript que le benoit Filz de Dieu estoit d'elle nez et formez (Gers., P. Paul, a.1394, 484)

...autant ou plus comme vous feriez en la presence du benoit corps Jhesu Crist, non mie pour ma personne, - hors une telle presumpcion ! - mais pour la majesté de Dieu. (Gers., Trin., 1402, 151)

...nous vous saluerons du salut que le benoist fruit au jour d'uy nez vous anonca par l'ange, et dirons : Ave Maria. (Gers., Noël, p.1404, 292)

Maiz le Seigneur, toudiz benoit, Telz grans effectz monstre et révèle Par la carte célestiele (La Haye, P. peste, 1426, 61)

...vous devés invocquer la benoite Trinité, et luy faire oroisons et prieres. (Juv. Urs., Aud. celi, 1435, 250)

Il nest pas de puissance a entendement humain veoir ou entendre parfaictement ceste saincte et benoiste trinite tant que on est en ceste mortelle vie (Cib., p.1451, 201)

...ce vient non pas de noz propres vertuz, mais de la seulle large et liberale grace de noste benoist redempteur (C.n.n., c.1456-1467, 223)

...La charbieu saincte et beniste ! (Fr. arch. B., c.1468-1480, 45)

Le benoit Dieu des cieulx je prie Qu'ad tous nous veulhe pardonner. (Pass. Auv., 1477, 101)

Benoist Jhesus, tu t'es fait mien En prenent mort et passïon, Et a cel'heure m'as fait tien (Pass. Auv., 1477, 252)

Premierement la benoitte trinité est manifestee par les escriptures principalement. Le pape Leon notable docteur saint et souverain theologien dist : nous creons la benoitte trinité, le Pere, le Filz et le Saint Esperit (Somme abr., c.1477-1481, 124)

Benoist Dieu, que le temps est rouge ! (Rapp., c.1480, 58)

SAINCT MARTIN. Je n'ay pas peur d'y deffaillir, S'il plaist au benoist Jhesucrist (La Vigne, S.M., 1496, 152)

Et, sire, je suis tousjours pour faire et acomplir voz bons plaisirs et tout ce qu'il vous plaira me commander, aydant le benoist filz de Dieu, auquel je prie qu'il vous doint bonne vie et longue. (Le Clerc, Interp. Roye, c.1502, 390)

[Dans une formule optative]

O bon Jhesus, a qui je croy, Qui m'as ce jour a toy tiré, Quant tu pendies a le croix, Benite soit ta charité ! (Pass. Auv., 1477, 252)

La benoite Vierge Marie

...les apostres et les disciples avecque la benoite Vierge Marie estoient enfermez pour la paour des juifs dedens l'ostel (Gers., Pent., p.1389, 74)

...la benoite Vierge Marie (Reg. crim. Chât., I, 1389-1392, 22)

...il [le Christ] volt (...) venir prendre l'umanité de vray homme ès flans de la très benoitte Vierge (La Sale, Sale D., 1451, 22)

...en louant et merciant Dieu nostre createur, la benoiste Vierge Marie, et tous sains et sainctes de paradis de la bonne victoire que avoit eue Henry de Lencastre, roy d'Angleterre, de sondit royaume, à l'encontre de Edouart de la Marche (Roye, Chron. scand., I, 1460-1483, 248)

Ou nom du Pere et du Filz et du Sainct-Esperit, de la benoite Vierge Marie, de monseigneur sainct Michiel l'angle et de tous angles et archangles, ay commencié ce livre à la gloire de Dieu et doctrine des gens de guerre (Bueil, I, 1461-1466, 18)

Ventre benoit (de la Vierge)

A toy, Jhesus, ay du tout foy. Benit ventre que t'as porté Et les mamelles qu'as sussé ! Las, que ta mere est heureuse. [cf. Luc 11, 27] (Pass. Auv., 1477, 165)

[D'un événement de l'histoire sainte]

Apreste toy maintenant a cete benoite journee, a ceste faiste sacree, a ce jubilé, pour le dignement recevoir a l'exemple des apostres qui hodie repleti sunt (Gers., Pent., p.1389, 72)

...vous eustes le cuer si doloreux a l'eure de la benoitte passion comme s'il eust esté party d'un glaive ou d'une espee (Gers., Déf., 1400, 220)

Vendredi benoit. Vendredi saint.

Et assemblerent les traicteurs le venredy benoist, tiers jour du moys d'avril ensuyvant (Chron. Jean II Ch. V, D., t.1, c.1375, 257)

B. -Bienheureux.

La premiere dez troys [pétitions, sollicitations] est a la sanctification et exaltation du nom de Dieu. La seconde a la fruition de la gloire de son royaulme pour les benoistes ames. (Chart., L. Esp., c.1429-1430, 163)

En aucunes choses est possession de vie sans terme et joyeuse, mais pas n'est toute ne parfaite comme ez hommes benois et saulvéz devant le derrain jugement, qui sont benois selon l'ame et non selon le corps. Pour quoy en ladicte diffinition est adjousté 'toute', car proprement une chose est toute qui n'a aucune diminution ne amenrissement et n'a riens dehors de lui. En aucunes choses est possession toute de vie sans terme comme ez benoiz angeles devant le jugement, car selon toute leur substance ils ont vie benoite et sans terme (Somme abr., c.1477-1481, 141)

Emploi substantival.

La tierce ymage est es benois en ceulx qui par clere vision congnoissent dieu et layment par delitable fruicion, lesquelz resemblent moult expressement a dieu qui est naturellement benoist pour ce quil se congnoist et quil se ayme parfaictement (Cib., p.1451, 204)

Encores est a scavoir que Dieu est aultrement ez creatures de ce monde estans en ceste pelerination et passage, et aultrement ez benois, qui sont ou royaume des cieulz et ou pays de repos eternel. (Somme abr., c.1477-1481, 126)

[D'un saint]

Avec les benois sains esleus Les conduit de Dieu preesleus. (Chr. Piz., M.F., I, 1400-1403, 119)

...iceulx exposans meuz de devocion, et pour l'augmentacion du service divin et autres euvres misericordieuses, et aussi pour le singulier refuge et affeccion qu'ilz ont aux benois sains (Paris domin. angl. L., 1428, 284)

Escoute comme paciaument en cremeur de Dieu se maintint le benoist saint Leu de Troyes contre Athilla le roy des Huns, ou temps de ces mesmez persecutions, et tu y trouveras doctrine de humble et proufitable obeissance. (Chart., L. Esp., c.1429-1430, 145)

LE CRESTIEN [au juif] . Par mon serment, Je vous prometz cy en ce lieu, Par autant que je tiens de Dieu Et du benoist sainct Nicolas, De vous les rendre. (Mir. st Nic. juif, c.1480-1500, 92)

LE PREVOST. Quant on a bonne voulenté Envers Dieu et ses benoistz sainctz (Mir. st Nic. juif, c.1480-1500, 154)

[D'une relique]

...en une pierre quarrée de marbre, est l'impression du benoist pié de Nostre Seigneur Jhesu Crist (Voy. Jérus., c.1395, 18)

C. -[D'une chose] Consacré selon la liturgie.

Car une foiz m'espousa, sire, D'annel benoit. (Mir. fille roy Hongrie, c.1371, 78)

...et dist aus dessus nommez que c'estoit mal fait de ainsi batre en lieu benoit un homme. (Reg. crim. Chât., II, 1389-1392, 224)

...quant aus eschaudez et pain que l'en dit benoit iceulx eschaudez sont de la Cesne de deux ou trois jeudiz absolus que elle a gardé, ainsi comme femmes ont acoustumé de faire, et samblablement dudit pain benoit est de celui qui leur fu donné à leurs noces (Reg. crim. Chât., II, 1389-1392, 341)

Et, icelle dicte, lui fut baillé de l'eaue benoiste et du pain benoist dont il menga, mais il ne but ne but point lors ne depuis. (Roye, Chron. scand., I, 1460-1483, 358)

Eau benoite

...que aussi, quant elle yroit au monstier aus dimenches ou autres jours de la sepmaine, elle ne prenist ou jettast sur elle aucune ou point d'eaue benoite (Reg. crim. Chât., II, 1389-1392, 290)

La duchesse Crestienne fu moult lie quant elle scot la venue du duc Anthoine, son mary, et yssy de la ville a belle compaignie de dames et de damoiselles et de nobles du pays. Et toute la bourgoisie venoit a pié contre lui, et le clergié a croix et a gonfanons et a eaue benoite (Arras, c.1392-1393, 194)

Et après disner, Gieffroy s'arma de toutes pieces, et puis demanda une estoile, que le chappellain qui lui avoit chantee la messe, tenoit, et la mist entour son col, et la croisa par devant son piz. Puis print la bourse ou les XXX. pieces d'argent estoient, qui valoient X. solz, et la pent a son col. Puis ceint l'espee, et pend l'escu au col, et puis fist au chappellain gecter de l'eaue benoite sur lui. Puis dist a ses freres : A Dieu vous command. (Arras, c.1392-1393, 297)

...L'amant s'en va l'eglise environner Et l'eaue benoiste a sa dame donner, Et la paix prendre Tout volentiers pour lui porter et tendre (Chart., D. Fort., 1412-1413, 170)

...les chambellans aux seigneurs, et les dames aux grans dames, leur donnoient de l'eaue benoicte quant ilz estoient en leurs liz (La Sale, J.S., 1456, 232)

...dist a son mary (...) qu'elle alloit querir de l'eaue beneiste pour soy partir après. (C.n.n., c.1456-1467, 527)

Aprez vint l'evesque du Don avecques la croix, l'enseigne, l'eaue benoiste et les Chrestiens. (Bueil, II, 1461-1466, 195)

Ilz s'attendoient qu'on sonnast les cloches à leur venue et que on apportast la croix et l'eau benoiste au devant. (Comm., II, 1489-1491, 38)

Orthographe	Genre	Nombre	Phonétique
benoît	masculin	singulier	\bə.nwa\
benoîte	féminin	singulier	\bə.nwat\
benoîts	masculin	pluriel	\bə.nwa\
benoîtes	féminin	pluriel	\bə.nwat\