APPAREIL

substantif masculin

[T-L : apareil ; GD : apareil2 ; AND : apparail ; DECT : apareil ; FEW (XXV, 26a) : *appariculare ; TLF (III, 260a) : appareil]

I. -[Comme action ou comme résultat] Préparatifs.

A. -Au propre.

1.[Comme action]

a)Faire (son) appareil. Faire des préparatifs, rassembler, mettre en place des éléments divers.

[Pour une entreprise milit., un voyage]

Quant il ot fait son appareil, Tel qu'onques mais ne fist pareil, Fors à la prise d'Alixandre, Li gentils roys, sans plus atendre, (...) Dedens sa galée monta, Et toute sa gent avec li. (Mach., P. Alex., p.1369, 130)

Et moult li demanda dou roy, Et s'il faisoit aucun arroy Pour eaus secourir et conforter. Le tricoplier prist à jurer Qu'il faisoit si grant appareil Que piessa ne vit le pareil. (Mach., P. Alex., p.1369, 170)

Li nobles roys, qui n'a pareil, En Chypre fist son appareil Tel comme il faut à si grant homme, Car il s'en vuet aler à Romme. (Mach., P. Alex., p.1369, 219)

...pour ce que les Anglois faisoient grant appareil de guerre (Baye, I, 1400-1410, 306)

...au roy Anthiocus, qui moult heoit les Rommains et faisoit grant appareil pour les combattre. (La Sale, Sale D., 1451, 37)

...lesdicts de Tournay ont à considerer l'appareil que font les Anglois, anciens anemis du royaulme, et l'intelligence qu'ils ont audict duc d'Austriche pour faire guerre audict royaulme. (Lettres Ch. VIII, P., Pièces justif., t.3, 1489, 401-402)

Ce point vuidé par gens de grant conseil Fut advisé de faire l'appareil Et le pourchaz de l'emprise terrestre (La Vigne, V.N., p.1495, 137)

[Pour une réception, une cérémonie...]

...alez hui mais jesir Et reposer (...) Jehan, et demain l'appareil Sera fait, ne vous en doubtez, Que serez evesque sacrez De ceste ville. (Mir. st J. Cris., c.1344, 285)

...li rois d'Engleterre faisoit son grant appareil pour rechevoir les signeurs (Froiss., Chron. L., III, c.1375-1400, 38)

Et endementiers la dame fist son appareil en la praierie dessus la fontaine, si grant et si noble qu'a dire voir, rien n'y failloit de chose qui appartenist a honnour, et feust pour recevoir un roy atout son estat et vous en parleray ca avant plus plainement. (Arras, c.1392-1393, 37)

Alain fu tout esbahi quant on lui compta le grant arroy et le grant appareil que ces gens faisoient, et ne scot que penser. (Arras, c.1392-1393, 52)

La fu mandé uns evesques, qui les fianca [l. fiança] . Et commenca [l. commença] la feste grant. Quant on le scot par la ville, si orent grant joye, et fu toute la ville tendue a couvert de riches draps et fist on grant appareil comme pour une telle feste. Et fu ordonné que les nopces se feroient sur le champ ou maistre pavillon. (Arras, c.1392-1393, 190)

Et lors font faire grant appareil pour recevoir le duc Anthoine et le roy d'Ausaiz et leurs gens. (Arras, c.1392-1393, 194)

Et estoit le gallaffre venus, et avoit tout fait traire ens es vaisseaux ; et le soudant de Barbarie et le roy Anthenor d'Anthioches et l'admiral de Cordes orent fait l'appareil ; et n'y avoit a monter que les chiefs et les grans seigneurs. (Arras, c.1392-1393, 216)

[Le marquis] D'uy en quinze jours sanz faillir Femme a marïage prendray. Saichiez que plus n'y attendray Puis que le mien cuer s'i assent, Se Dieu sanz plus le me consent. Si en faites l'appareil faire. Je vous commant que cest affaire Soit ordonné tres richement. (Gris., 1395, 19)

...et le mena en ses chasteaulx et citez, ou il avoit fait grant appareil pour sa venue (Bouciquaut L., 1406-1409, 231)

Grant fut l'appareil et noble que l'en faisoit par la praerie pour mieulx voir le tournoy (Percef. IV, R., c.1450 [c.1340], 24)

b)(Faire) l'appareil de qqc. Préparer qqc..

De vostre siége est l'appareil La jus tout fait, dame des cieulx (Mir. emp. Julien, 1351, 194)

Dehors fait l'omme l'appareil Des charrues et des labours (Desch., M.M., c.1385-1403, 179)

c)Faire son appareil à/de/pour + inf. Se disposer, se préparer à faire qqc..

Or vous diray de Cycero l'astronomien, qui celle nuit avoit fait son appareil pour regarder au cours des estoilles entre lui et Cipio son compaignon, et mirent tout leur entendement et leur engin a savoir par qui le tresor avoit esté emblé. (Bérinus, I, c.1350-1370, 414)

Et se l'en voit que il [les faisans] aient mengié, se il sont a descouvert, si fai ton apareil pour tendre un engin qui est apelé le pavelon. (Henri Ferr., Modus et Ratio, Livre deduis T., c.1354-1377, 289)

Et a cest propos s'affermerent tous les prouchains et lors prindrent journee de faire leur appareil de y aler le tiers jour aprez. (Arras, c.1392-1393, 210)

Pour ce, m'avint que chargié de sommeil Je me trouvay moult fort, une vespree, Pour la peine que j'avoye portee Le jour devant : si fis mon appareil De me couschier, sitost que le souleil Je vy retrait et sa clarté mussee. (CH. D'ORLÉANS, Ball. C., c.1415-1457, 99)

JUDAS. (...) Or sont les princes de la loy, Pour le jour d'uy, tout en conseil ; Si vueil fayre mon apareil De leur aller mon maistre vendre (Michel, Myst. Pass. J., 1486, 246)

d)Faire les/des apparaux. Faire des préparatifs.

Et de première venue, ceulx de dedens saillirent contre leurs ennemis et adversaires, mais tantost furent des autres reboutez dedens leur ville. Et tost après ledit duc fist asseoir ses gros engins devant les portes de Pontoise, et avec ce fist commencer à faire plusieurs apparaulx pour iceulx subjuguer. (Monstrelet, Chron. D.-A., t.3, c.1425-1440, 213)

Et se loga le duc et ses gens en une belle plaine et y fist tendre tentes et pavillons, et puis fist faire tous les apparaulx qu'il appartenoit pour grever ladicte ville. (Chron. anon. Ch. VI, D.-A., c.1431, 239)

...et se logèrent en l'abéye de Saint-Bertin, où les apparaulx avoient esté fais, moult sollempnelz, pour recepvoir ledit duc d'Orliens. (Monstrelet, Chron. D.-A., t.5, c.1444-1453, 438)

Et crois bien que le chevalier l'entendit assez bien, car on voyoit et oyoit tous les jours les apparences et les apparaux qui s'en faisoient [pour une croisade] (Chastell., Chron. K., t.4, c.1456-1471, 362)

ELOY. Chascun face ces apparaux. RADON. Nous levons pierres et quarreaux. GADEBERT. Nous sommes ouvriers non paraulx, Nous avons toutes nos chosettes. (Molinet, Myst. st Quentin C., c.1482, 388)

e)Mettre qqc. en appareil. Mettre qqc. en place, disposer qqc..

Metz ces banquiers en appareil, Ses coissins, ces bancs, ces scabelles Et puis leur porte les nouvelles Qu'ilz entrent hardiement dedens. (Gréban, Pass. J., c.1450, 204)

Se mettre en appareil. S'équiper, se préparer.

Ysembers, tres bien dit avez ; Chascun se mette en apareil. Nous en yrons, par mon conseil. Qui vouldra, nous suive le pas. (Gréban, Pass. J., c.1450, 73)

Mectez vous tous en appareil, Roillart, Dentart et Gadifer ; Prenez ces gros mailletz de fer Et vous en venez le grant trot. (Gréban, Pass. J., c.1450, 207)

Mectre vous fault en apparel, Sire de Biaufort, mon compere, Et vous, de Duyng, mon trés chier frere, Pour thyrer tantost ceste part. (Myst. st Bern. Menth. L., c.1450, 15)

Sy se mirent en tout aigre appareil Bourgongnons, Picars et Flamengs auprès leur prince, et vinrent en fier contenement atout leurs eschelles, manteaux, pavais et fagots, jusques à leurs murs qui jà estoient tous garnis et préparés (Chastell., Chron. K., t.1, c.1456-1471, 109)

Se mettre en appareil de qqc. Se mettre en disposition de.

Chascun ad ce fait si prochasse Et se mecte en bon apareil De deffence, je le conseil, Pour nous monstrer loyaulx vassaulx. (Pac. Job M., c.1448-1478, 256)

Se mettre en appareil de + inf. Se mettre en disposition de.

Dont ne doi ge pas si ramage Estre contre vostre consel, Ains me doy mettre en aparel De vostre vollente [l. vollenté] volloir Et de secourir Franc Volloir. (Livre amour. all. F., c.1398-1430, 67)

[D'un animal] Mettre son appareil en qqc. S'occuper de qqc., effectuer qqc. (ici l'accouplement).

Car chascune beste l'année En certain temps est ordonnée, Non pas pour delectacion, A faire generacion Et a sa femelle assambler Pour faon qui puist ressembler A eulx en leur fourme et pareil : En ce mettent leur appareil Seulement, non pour delicter (Desch., Oeuvres R., t.8, c.1370-1407, 307)

2.[Comme résultat visible]

a)Travaux militaires, mouvement de troupes.

Si estoit ainsi que, oÿes les nouvelles que les olz estoient en si grant peril, l'en avoit commencié a faire le delect ; mais quant il sorent que celle honteuse dedicion avoit esté faite, il lessierent tout l'appareil que il avoient commencié (Bers., I, 9, c.1354-1359, 7.7, 12)

Mais il n'avoit nulle craincte, qui me semble une très grande espesse de follie, de ne craindre son ennemy ne vouloir croire riens, veü l'appareil qu'il veoyt. (Comm., I, 1489-1491, 197)

Ordre de bataille.

Quant les Sarrasins virent le sage appareil et le grant hardement du vaillant chevetaine et de sa gent, ilz doubterent et grant semblant en firent (Bouciquaut L., 1406-1409, 241)

Grand fut l'assemblement à merveilles de gens d'armes qui luy vinrent de toutes pays [sic éd.] ; et les faisoit moult beau voir en leur appareil. (Chastell., Chron. K., t.1, c.1456-1471, 105)

b)Apparat, pompe (pour une cérémonie).

Ly aparans [l. aparaus] fu biaus qui fu à ce jour-là [Correction due à Gilles Roques] . (God. Bouillon R., t.2, c.1356, 412)

Et fu moult noble le appareil pour le landemain faire l'obseque. (Arras, c.1392-1393, 290)

LE MARQUIS. (...) Si semondrez solennelment Et par personnes solennelles Seigneurs, dames et damoiselles, Et tous noz parens et affins, Et noz bienveillans et voisins, Que tous vïegnent a ceste feste. SECONT BARON. Sire, c'est chose manifeste. Ne pas de ce ne me merveil, Qu'il y convient grant appareil. (Gris., 1395, 19)

Puis vint la duchece à Paris en molt riche appareil, où du roy, de la royne et de tous fu receue à grant honneur et chiere. (Chr. Piz., Faits meurs Ch. V, S., II, 1404, 145)

...et les choses des nopces preparees en grant appareil il [Rollon] print en mariage selon la coustume crestienne la fille de son tant excellent roy dessus nommé (Juv. Urs., T. crest., c.1446, 66)

Sy devez sçavoir que l'appareil fu moult grant, car les six roys sy tindrent compaignie au chevalier Pallidés et aussi firent Pergamon et ses freres et grant plenté de chevalerie, et la belle Camille (Percef. III, R., t.2, c.1450 [c.1340], 150)

Meismement Herculés, pour qui la feste se faisoit, les bienvegna. L'appareil doncques estoit grant en Thebés [sic] a ce jour. Le roy tinst court ouverte. Les roys et les princes, dames et damoiselles mengerent de bonne heure. (LEFÈVRE (R.), Hist. Jason P., c.1460, 127)

Et eussent les choses dessusdictes esté plus triumphantes se n'eust esté le temps, qui moult fut plouvieux et mal advenant pour la belle tapisserie et le grant appareil fait en la court dudit hostel (Roye, Chron. scand., II, 1460-1483, 127)

Et fut festoyé l'Empereur par le duc à moult grant ricesse et appareil. (La Marche, Mém., I, c.1470, 135)

Or nous partons, par la Dieu grace, Sans mener joye ne resveil, Ne desployer nostre appareil Par aulcune solemnité, Jusques sachions la verité De nostre entreprinse certainne. (Myst. Pass. Troyes B., a.1482, 232)

Par métonymie. Cérémonie.

Herode, roy de Galilee, Fait demain la solempnité Du jour de sa nativité (...). Demain, en son palays real, Se fera le grant apareil. (Michel, Myst. Pass. J., 1486, 97)

J'en ay ouy faire grant bruyt [la mort de Lazare] ; Voluntiers verray l'apareil Et, s'on veult croire mon conseil, Nous yrons. (Michel, Myst. Pass. J., 1486, 187)

c)Appareil de. Déploiement de (choses, personnes).

... [les Anglais trouvèrent] grant apparel de chars en hastiers, a moitié quites [que les Ecossais en fuite avaient abandonnées] (Froiss., Chron. D., p.1400, 709)

Mais encores lui estoit plus d'autre chose, car il commença a regarder vers le chastel et y vey le noble appareil des nobles pucelles assises en sieges royaulx, dont la belle Cresille estoit au millieu (Percef. III, R., t.1, c.1450 [c.1340], 249)

Et regardoient la douceur du temps et l'appareil des tentez, des trefs et des pavillons, avecquez les loges et foeillies qui estoient illecq par la praerie a tous lez (Percef. IV, R., c.1450 [c.1340], 3)

Et pour abregier la chose, vous ne pourriés croire le grant appareil de hourdis qui la furent preparez pour seoir les dames et pucelles (Percef. IV, R., c.1450 [c.1340], 445)

Ung appareil de haulte consequence, Tant des nobles que d'autres en effect, Ne plus ne moins qu'on eust sceu faire en France A sa venue, saichez qu'il luy fut fait. (La Vigne, V.N., p.1495, 158)

d)Apprêts (parures, vêtements) destinés à montrer le rang de qqn.

...et son gent appareil Qui simples fu n'avoit point de pareil (Mach., J. R. Beh., c.1340, 104)

Et son dous accueil Voy et son cointe appareil, Simple et sans orgueil (Mach., Les lays, 1377, 427)

Il est trop chetis qui se vent Et livre son corps a traveil, Sanz porter sur lui appareil De quoi on puist estre honourez. (Desch., M.M., c.1385-1403, 281)

Et cy me tairay de la feste et vous diray comment Melusigne fist l'appareil de ses enfans. (Arras, c.1392-1393, 151)

De sa vesteure et abillement n'est mignot ne desguisié, quoy que son appareil soit propre et net (Bouciquaut L., 1409, 415)

e)Ornements, fioritures.

Mon escript est en langage tout plain Sans appareil comme tu congnoistras : La science de bien le congnoistre as. (Robertet, Oeuvres Z., c.1450-1500, 103)

f)Train, arroi, équipage.

...si que je conseil - J'ay ja prest tout mon appareil - Que sanz delay nous en alons (Mir. enf. ress., 1353, 12)

Un riche bourgeois voy venir, Ce me semble a son appareil ; L'aumosne demander li vueil. (Mir. Pierre Changeur, c.1378, 257)

MARDOCHEE (second Pharisïen). (...) Il [Jésus] ne scet parler sans mesdire De nostre appareil suffisant. Luy qui est povre homme et meschant, Comment a hardement en soy De blasmer princes de la loy (Gréban, Pass. J., c.1450, 180)

La pour certain l'air doulx et planctureux Pare et reveist de clarté purpuree Les champs joyeulx et la terre honnouree ; La les estoilles cognoissent leur soleil, Qui fait son cours en riant appareil. (Saint-gelais, Enéide VI, B., c.1500, 348)

3.Par extension.

a)Réparation, mise en état, remise en état de qqc..

...pour sa paine de redrécier et nétoier autre vaisselle d'argent dudit messire Symon, froissiée de piez, à la dicte feste ; ouquel redrecement et appareil entra une once d'argent (Comptes argent. rois Fr. D.-A., I, 1352, 123)

...pour appareil de la selle de la hacquenée envoiée audit seigneur par Jacquet Rouault, laquelle estoit rompue en deux lieux et pour embourreure d'icelle V s. (...) Pour ung panneau neuf de ladite selle et pour la rembourrer XV s. (Comptes roi René A., t.2, 1451, 171)

b)MÉDECINE Intervention médicale ou chirurgicale.

...et si n'avoient admené nulz mires avec eulx, par quoy plusieurs navrez moururent par deffaulte d'appareil (Journal bourgeois Paris T., 1435, 308)

Que nul ne nulle de quelque estat qu'il soit, ne autre que lesdicts Cirurgiens en icelle nostre ville de Rouen, ne puisse appareiller doresenavant une personne plus d'une fois, navré ou blecé, où il aura plainte ou harou ou malefaçon à sang et plaie, sur peine de dix folz tournois d'amende ; pour lequel appareil, celuy qui l'aura fait aura cinq folz tournois tant seulement (Ordonn. rois Fr. B., t.14, 1453, 282)

...et s'il n'est trouvé souffisant en cirurgie, ou qu'il ne voulsist estre examiné que du mestier de barbier, lesdits jurez lui pourront faire deffense de non besongner de cirurgie fors le premier appareil, sans appeller ung des jurez en sa compaignie (Ordonn. rois Fr. P., t.15, 1461, 244)

c)[À propos d'un texte lat. trad. en fr.] (Vouloir dire) en appareil. (Signifier) en suivant l'ordre du texte' (Éd.).

Cecy veuls dire en appareil : 'Bethlëen, terre de Judee, Tu n'es pas la meindre fondee Entre les princes de Juda...' (Myst. Pass. Troyes B., a.1482, 298)

Remarque : Ou faut-il comprendre '(vouloir dire) en équivalent (français)', appareil étant rapproché de pareil ?

B. -Au figuré. [Comme action ou comme résultat]

1.[Comme action]

a)Préparatifs.

Comme dist saint Ambrose : 'La grace de Dieu n'a cure de tardifz apparaulx'. (Daudin, De la erudition H., c.1360-1380, 241)

b)Par extension. Entreprise, comme résultat d'un ensemble d'actions.

LUCIFER (en chëant et trebuchant a terre). Je me repens, je me repens D'avoir brassé cest appareil. (Gréban, Pass. J., c.1450, 15)

Sy trouva Passelion qui brulloit orelles au feu et Benuicq les rotissoit sur le charbon. Si tost qu'il vey l'appareil, il fut tout esbahi ; sy leur dist que trop mal avoient fait et leur proumist qu'il les feroit batre a leur dame. (Percef. IV, R., c.1450 [c.1340], 698)

La force, la grant proviresse Ad ce estat ne font pas moult, Savoir et prudence [font] tout A conduyre mon apareill. (Moralité cincq pers. B., 1484, 99)

2.[Comme résultat]

a)Provision de qqc..

Mais Neptunus est nostre beau soleil ; De bon conseil avoit tel appareil Que de traveil serons brief delivrés : Pour ung perdu aurons deux recouvrés. (Molinet, Faictz Dictz D., 1467-1506, 411)

b)Disposition morale.

De la fontaine de conseil Sourt la vaine et doulz appareil De soulas (Desch., M.M., c.1385-1403, 213)

Amours ce vouloir me presente, Qui veult que tout mon appareil Soit miz a servir soir et main Loiauté, et moult me merveil Comment homs a le cuer si vain Qu'il a a Fausseté reclain (Cent ball. R., c.1388-1396, 101)

Se vo conseil avoie eslit Qui des faulx est le non pareil, Et du faire sans contredit Eusse juré lune et soleil, Mon cuer sens de tel appareil Et si au contraire fermé Qu'a vous ne seroit accordé Pour tout l'avoir Ottevien. (Cent ball. R., c.1388-1396, 187)

...sans nulle doubte, il n'est homme qui pitié n'en eust, et tandis qu'ilz estoient en cest appareil, vinrent ou dit hermitaige quatre fors larrons escouter que c'estoit que ilz ooient (Wauquelin, Gir. Ross. M., 1447, 165)

Chevaliers, je suis retourné, Pas longuement n'ay sejourné Et si ay trouvé le conseil Qui estoit en bon appareil, Lequel m'a dit qu'il est tout prest De venir au roy sans arrest (Pac. Job M., c.1448-1478, 247)

Estre de grand appareil. Être orgueilleux, manquer de simplicité.

Ne soyes de grant appareil Et tiens compaignie a pareil. (Alecis, ABC P.P., 1451, 11)

Au pluriel. Hauts apparaux. Présomption, orgueil.

Ils vivent de vie en volupté et en délectation de la chair. Purement obéissent à leur inclination ; n'ont riens démonstré en eux fors orgueil et haulx apparaux ; vestent le dehors précieusement, dont le dedens n'est que fien (Chastell., Avert. duc Ch. K., 1467, 321)

c)Situation, état, comme résultat d'une conjonction d'éléments, de circonstances.

Je ne pourroie descripre Ne tous dire Ses grans biens, Il n'a pareil Et veult en tout appareil Ce que je vueil. (Chr. Piz., Cent ball. amant dame C., c.1409-1410, 61)

En tartaricque infection Est maintenant nostre appareil, En lieu de jubilacion Et de tout triumphe eternel. (Myst. Pass. Troyes B., a.1482, 23)

Par ironie. Agencement, état surprenant.

...lors mist la main a la couverture, disant : 'Veez cy pas bel appareil ? ...' [Rentrant chez lui un mari trouve sa femme, qui se dit malade, dans un lit en grand désordre] (C.n.n., c.1456-1467, 244)

Nostre bon gentilhomme, quand il vit cest appareil... [Le 'gentilhomme' vient de voir son chapelain rejoindre sa propre femme dans un lit] (C.n.n., c.1456-1467, 333)

Tous les apparaux. Tous les détails, toute la situation (?).

A luy vint Marsebille qui le cueur ot loyaux Et luy a demandé trestous les appareaux Coment s'est maintenu contre les paiens faulx. 'Dame, ce dit Florent, j'ay heu moult de grans maulx...' (Flor. Octav. L., t.2, c.1400, 565)

II. -[Comme chose concrète] Agencement, appareillage.

A. -[Gén. au sing.]

1.Agencement (en particulier de matériaux de construction).

Dementiers c'om façoit celle sainte abbaÿe Qui au sonc la montaigne est autement drecie De tres grant apparot par mervoilluse estude (Gir. Ross. H., c.1334, 266)

...si je voulloye reffaire et rediffier tout de nouvel latrines, touz ou dalles, et je ne les peusse autrement curez ou rediffier sans rompre le pavement de mon voisin par soubz lequiel lesdiz touz, latrines ou dalles se nestoient et courroint en allant aval, lors je pourroye faire rompre ledit pavement et appareil de mon voisin dessusdit pour faire mon ouvre en le reffaisant rappareiller (Cout. instit. Anjou Maine B.-B., t.2, 1437, 389-390)

Appert aussi en l'istoire de Josephus De Judaico Bello que lui, qui fist le Temple en Jherusalem, le fist par constellacions en evitant les infortunes de Saturne et de Mars, car onques fer n'y toucha en l'appareil d'icelui, come dit Josephus : 'Sine ferro autem constructa erat nec nunquam eam ferrum tetigerat etc...' (Simon De Phares, Astrol., c.1494-1498, f° 34 r°)

2.Préparation culinaire.

Mais elle respont que 'sa loy Briseroit, se quelconque aloy Ou appareil d'aucun mengier Lui estoit fait par estrangier, Qui de sa loy mesmes ne fust...' (Chr. Piz., M.F., II, 1400-1403, 224)

La haulteur de la verité theologienne qui est ung ray de la souveraine lumiere esclarcissant l'entendement et comme ung appareil de viandes royales delicieuses repaissant et refectionant le desir affectueux de la creature raisonnable (Somme abr., c.1477-1481, 98)

Manassés, je ne vy jamais Si grand apareil de cuysine Que fait Architriclin. (Michel, Myst. Pass. J., 1486, 67)

...pour quoy vous ne devez point blasmer les viandes ne l'appareil d'icelles (Tardif, Facéties Pogge M., c.1490, 45)

Item, on fist merveilleux appareil, Considerant noz occupacions, D'ypocras blanc et ypocras vermeil, Avecques vins de toutes nacions. (La Vigne, V.N., p.1495, 183)

Au pluriel. Préparations culinaires.

...mais quant a vous, abbé, nous vous prions que de voz grans appareilz de viandes vous deportez, car sans faulte vous en avez esté outraigeux et n'en voulons plus. (La Sale, J.S., 1456, 253)

Et sur grans litz et aornées tables Ont appareilz et viandes notables En habundance reale et magnifique. (Saint-gelais, Enéide VI, B., c.1500, 344)

3.Préparations médicales.

Tel fait de bien grands apparaux Pour moy, me cuidant embasmer, Qui ne cognoist mes admiraux (Molinet, Faictz Dictz D., 1467-1506, 201)

...aprés soyt mise la pouldre et plumaceaulx bien faitz de draps qui soient appliqués ung en chascun costé et l'autre dessus qui compreigne tout le nés baignees ou premier appareillement avec album d'euf et aprés es aultres appareilz avec vin blanc chault. (Panis, Guidon, 1478, tr.III, doct.2, chap.2)

4.Dispositif, mécanisme.

Dont on doit mieuls prisier son appareil [l'orloge] , Ce que les aultres instrumens ne font pas, Tant soient fait par art et par compas. (Froiss., Orl., 1368, 83)

L'en voit souvent que lavandier Font leurs draps desur le gravier Laver premiers en l'eaue froide, Pour ce qu'elle est un petit roide, Puis en la chaude et au souleil Pour seichier leur font appareil. (Desch., M.M., c.1385-1403, 218)

Ainsi que le chevalier approuchoit le lieu gasté, lequel estoit tout encloz de grans fossez, mais de pont pas n'y avoit fors l'appareil d'un pont levys, il lui sault au devant d'un espinoy ung serpent moult hideux (Percef. IV, R., c.1450 [c.1340], 663)

5.Ensemble d'éléments qui forment un équipement.

[Pour un soldat]

Si avoient .II. os ['armées'] dont [l'un] avoit escus poins a or reluisant, li autres a argent ; et si estoit la fourme de leurs escus telle car la partie soveraine estoit plus large pour couvrir le piz et les espaules, la basse partie estoit agüe pour plus legierement movoir ; et si avoit esponge par desouz au droit du piz et en la senestre jambe avoient il jambierez de fer et leurs hyaumez avoient cretez pour sambler plus grans estre(...). Li Romain, tout avant, avoient bien sceu que l'apareil des ennemis estoit de tel façon (Bers., I, 9, c.1354-1359, 40.4, 73)

[Pour un cheval]

Son destrier, en noble appareil (...) Fist traire hors (Chr. Piz., M.F., III, 1400-1403, 100)

B. -Au pluriel.

1.Ensemble d'ustensiles, de pièces de vaisselle.

Ensement se devisent li halt baron entre aulx. Et Lion lez servoit, li faitis jovanciaulz, D'or et d'argens lour fait apporter cez vaissialz : Couppe d'or et boutaille, escuelle et plaitialz ; Chescun s'an amerveille ou prant tez aperraus. (Lion Bourges K.P.F., c.1350, 230)

2.Ensemble d'éléments qui constituent un équipement.

Et en a juré Dieu qui est celestïaux, Qu'i l'ira demain voir droit a ses tref royaulx, Et s'elle le mocqua pour sez lais apparaulx Demain luy moustera ses atours tous nouveaulx (Flor. Octav. L., t.1, c.1356, 110)

Appareils de guerre

...car li Samnicien oultre les autres appareils de leur guerre firent et ordenerent que il feussent resplandissans par novelles manierez d'armez. (Bers., I, 9, c.1354-1359, 40.1, 73)

...les avoirs, bestaill et appareils de guerre estanz ès-terres et forteresse desdiz pupilles demouront à ladicte damme oudit nom. (Cartul. Laval B., t.3, 1419, 40)

3.Ensemble d'outils, d'instruments.

[Pour l'archit.]

Geometrie est ars bien autentiques De mesurer et de faire apparaulx Pour maisonner, forgier choses antiques, Compasser tours, eglises et chasteaulx (Desch., Oeuvres R., t.7, c.1370-1407, 23)

[Pour la méd.]

...apareils resonnables du medicin (Prevost, Cir. Guill. Salicet, 1492, II, 5)

4.Par métonymie. Ensemble d'instruments de torture' ; 'tortures.

Or va a Ysaie enquerre Qu'elle fera aux infernaulx : Elle y ara durs apparaulx (Desch., M.M., c.1385-1403, 193)

5.[Forme spécialisée pour désigner le gréement d'un navire] Voir apparaux

Orthographe	Genre	Nombre	Phonétique
appareil	masculin	singulier	\a.pa.ʁɛj\
appareils	masculin	pluriel	\a.pa.ʁɛj\