ANGOISSEUX

adjectif

[T-L : angoissos ; GD : angoissos ; GDC : angoissos ; AND : anguissus ; DECT : angoissos ; FEW (XXIV, 575a) : angustiosus ; TLF (III, 25b) : angoisseux]

A. -Sens actif.

1.Qui tourmente, qui cause du tourment ; violent, cruel, poignant.

a)[De choses concr.]

Les oiseaulx en eulx se ferirent, Monlt en porterent et perirent, C'oncquez puis l'heure que ilz vindrent Sy horrible estour ne soustindrent, Sy mal, si chault, si angoisseux, Sy pesme, ne si doloureux. (Renart contref. R.L., t.1, 1328-1342, 159)

Or ne poeut plus porter la sayecte angoisseuse (Livre Rossignol. N., c.1400-1420, 77)

Et dura la bataille si angoisseuse et si perilleuse des deux pars des l'eure de prime jusques a soleil couchant que on ne pouoit savoir qui en avoit le meilleur. (Chev. papegau H., c.1400-1500, 52)

Et s'entredonnerent sy anguoisseux copz qu'il n'y eut escu ne haubert qui ne fut perché (Percef. III, R., t.1, c.1450 [c.1340], 365)

Ja soit ce, tres hault et puissant prince, que la froide, merveilleuse, trenchant et angoisseuse bize ait convertit mon encre en glace, ma plume en corne et mon pappier en pierre blanche (Molinet, Faictz Dictz D., 1467-1506, 277)

Jamais je n'euz angoisseure [l. angoisseuse ?] traverse Que par ses deux trop heureuses armeures. (Antitus, Poés. P., c.1500, 9)

b)Douleur, deuil, peine, maux, déplaisir... angoisseux

Mais Rosane sur tous d'iceulx Mena ung fort doeul angoisseulx. (Renart contref. R.L., t.1, 1328-1342, 175)

...car aucunes fois les tristeces et les douleurs que l'en actent ou que l'en creint sont grandes et angoisseuses. (Oresme, E.A., c.1370, 178)

Et vous devez savoir que les bonnes gens du pays, qui orent leur seigneur perdu, furent moult doulens (...). Or il est bien verités qu'il n'est douleur, tant soit angoisseuse, qui ne s'adoulcisse sur le tiers jour. Les barons du pays conforterent la dame et ses enfans a leur povoir, et tant firent que leur douleur s'assouaga. (Arras, c.1392-1393, 29)

Las ! toutesfoiz mon mal present et celuy de lors ne sont pas a comparer, car je soustiens tres plus angoisseuse peine que celle du monde. (Gers., Déf., 1400, 228)

Cueur, a qui prendrez vous conseil ? A nul ne povez descouvrir Le tresangoisseus desplaisir Qui vous tient en peinne et traveil ! Je tiens qu'il n'a soubz le soleil, De vous plus parfait vray martir. (...) Ce n'est que mort d'ainsi languir (CH. D'ORLÉANS, Rond. C., 1443-1460, 308)

...se je ne voy le gracieux mire de mon mal angoisseux. (Comte Artois S., c.1453-1467, 106)

...tant et si tres tant sont les angoisseuses peines et dengiers (La Sale, J.S., 1456, 28)

Toutesvoyes ledit chevallier, par maladie d'amour aggravée, longuement norrye en son cueur, a souffert l'angoisseuse et travaillable paine qu'il n'estoit plus puissant de porter ne souffrir (La Marche, Mém., III, c.1470, 155)

Il te vient bien de cuer parfont Et d'une bonté merveilheuse De pardonner a ceulx qui t'ont Donné poine si angoysseuse ! (Pass. Auv., 1477, 216)

Et ta povre mere piteuse, Voyant ceste peine honteuse Qu'on te faisoit, Dieu scet lors s'elle se taisoit, Voyant douleur tant angoisseuse. (Myst. Pass. Troyes B., a.1482, 832-833)

D'angoisseux dueil me veiz circonvenu (Guill. Crétin, Déplor. Okergan, c.1495-1499. In : Chrestom. R., 282)

La fut certes la turbe de tous ceulx, Qui ont eu playes[,] souffert maulx angouesseux, Et enduré meinte mortelle offence (Saint-gelais, Enéide VI, B., c.1500, 350)

c)[De la mort (cliché)]

A mort, lasse ! , voire honteuse, Et si laide et si angoisseuse Que du penser m'esbahis toute. (Mir. enf. ress., 1353, 70)

Et morroient de mort honteuse, Dure, diverse et angoisseuse (Mach., Voir, 1364, 3189)

...par quoy destinez Estes a mort perpetuelle, Si angoisseuse et si cruelle Que bouche ne la pourroit dire (Mir. st Ign., 1366, 97)

Contre toy, Mort doloreuse et despite, Angoisseuse, maleureuse, maudite, Et en tes fais merveilleuse et soudaine, Ceste complainte ay fourmee et escripte (Chart., Compl., 1424, 321)

Bien est voir qu'en temps et en lieu Par sa grant doulceur, le vray Dieu Pour sauver home devint homme, Qui s'estoit forfait par la pomme, Et en la crois laide et honteuse Souffrit mort dure et engoisseuse, Toute vois bonne et profitable. (Mart. st Pierre st Paul R., c.1430-1440, 142)

...contre Vous, Seigneur Dieu, j'ay grandement mespri(e)s, peché et offensé et tellement que je suis digne de souffrir ceste dure mort, et cent foys plus angoisseuse. (Belle Maguel. C., 1453, 33)

LE CRESTIEN [à Saint Nicolas] . (...) Ressuscité a ton adveu Ay esté de mort moult piteuse, Douloureuse, Angoisseuse, Pris des mains du faulx ennemy (Mir. st Nic. juif, c.1480-1500, 155)

d)[Dans le domaine de l'amour]

Je sui jalous et acoupi, S'ai l'angoisseuse flame ou pis, Qui autant m'art et grieve et cuit Que tous li feus d'enfer, ce cuit (Mach., Voir, 1364, 7139)

Je meurs de soif en couste la fontaine ; Tremblant de froit ou feu des amoureux ; (...) Je joue et ris, quant me sens douloreux ; Desplaisance j'ay d'esperance plaine ; J'atens bon eur en regret engoisseux ; Rien ne me plaist, et si suis desireux (CH. D'ORLÉANS, Ball. C., c.1415-1457, 156)

e)[De pers.]

Femmes ont mal espirement, Lour coraige va comme vent. Tropt grandement sont perilleuses. Elles font guerres et content, Quart [var. car] plus sont males que serpent. Diverses sont et engigneuses [var. angousseuses] (Dupin, Mélanc. L., c.1324-1340, 149)

Remarque : On peut ajouter aussi l'ex. suiv. :

Helas ! helas ! dist-il, que poroy devenir, Quant de tous costeis voy mon paiis envaiir ! A tous costeis me sunt angosseus, repentir Ne me puis des mals que j'ay volut bastir (JEAN D'OUTREM., Geste Liège B.B., t.5, a.1400, 616)

Scheler, Gloss., 29, traduit par 'Des ennemis qui me pressent'. L'Éd. propose de lire angosses (angoisses).

[D'une abstraction personnifiée]

Car Desplaisir avec Dueil angoisseux M'acompaignent combien que seul je soye. (Régn., F.A., 1432-c.1465, 156)

2.Qui cause de l'angoisse, angoissant.

L'estrange est puis de mauvese onde, Angoisseus et tresperilleus (Desch., M.M., c.1385-1403, 198)

...pour la instruction des personnes desirans resister contre (...) faulces opinions et mouvans questions en la foy catholique, vasillacions doloreuses et persuasions angoisseuses (Crap., Cur Deus, De arrha B.H., c.1450-1460, 161)

3.Hostile, contraire à qqc..

[Un courtisan flatteur prédit à Xersès ce qui adviendra à ses ennemis] Et l'autre disoit que les mers estoient angoisseuses aux navires [des ennemis] , les chasteaux aux chevaliers, la terre ruide et champestre aux gens de pié et le ciel aux saiettes des Medois. (Colart Mans., Dial. créat. R., 1482, 144)

B. -Sens passif.

1.[D'une pers., de son âme, de son coeur...]

a)Qui est pressé d'angoisse, d'anxiété ; angoissé.

Si n'i osa mettre son eve Ne comment passer ne saveit, Quer pont ne planche n'i avoit. Angoessous fu, si pria Dieu Que il peüst passer cel lieu. (Vie st Evroul S., c.1350, 154)

...quant je me vy tout seulx, Triste devins et angoisseux Et tant dolent, voir vous diray, A po ne me desesperay. (Mir. st J. Paulu, c.1372, 134)

Les Rommains (...) Se logierent hors de la plaine, Entre la riviere et yceulx, Qu'ilz feront mas et angoisseus. (Chr. Piz., M.F., IV, 1400-1403, 2)

LE PEUPLE. Haa, mere, jadiz habondant et plantureuse de prosperité et ores angoisseuse et triste du declin de ta lignee (Chart., Q. inv., 1422, 20)

DIEU. Or, est mon chier filz venerable Passé le pas tres destresseux De la mort, las et angoisseux, Par piteuse excecucion. (Gréban, Pass. J., c.1450, 348)

Dolente moy, maleureuse, Las, comment suis engoyceuse ! Jamais je n'y aray liesse, Maisque tousjours toutes tristece. (Pass. Autun Biard F., 1470-1471, 119)

Estre angoisseux de coeur

... [la comtesse de Montfort, assiégée dans Hainnebont et sans espoir de secours était] moult angousouse de coer (Froiss., Chron. D., p.1400, 523)

[Dans le domaine de l'amour]

Mais ce qui plus le fait [mon coeur] estre angoisseus Et qui plus croist la dolour qui me dure, C'est qu'à chascuns est humbles et piteus Vos gentis cuers, helas ! et il ne cure Ne pité n'a de ma dolour obscure (Mach., Bal., 1377, 543)

Je n'ay nul mal fors que par vous, Ne ne puis guerir que par vous. Helas ! je sui si angoisseux Que je ne fine, ainsi m'aist Dieux, De dire, mais ce n'est qu'a vous - (Belle, pourquoy ne m'amez vous ?) (Garenc., Poésies N., 1400-1415, 63)

...les tres angoisseux cuers des loyaus amans (La Sale, J.S., 1456, 28)

b)Tourmenté, harcelé.

Ilz jugent nices ceulz qui mettent toute leur cure a oyr parler de Dieu par Escripture ou sermon, a parler a luy par saincte oroison et meditacion, et sont nus, familleux, povres, souffreteurs, angoisseux, hayz, moquez pour son amour (Gers., P. Paul, a.1394, 515)

Remarque : Il est difficile de distinguer les acceptions a) et b).

2.[De la manifestation d'un sentiment pénible, d'une souffrance...] Qui est causé par l'angoisse.

...des beaus parlers (...) je me passe pour venir aux secrez plains, pleurs et tres angoisseux souspirs que le tresdoloreux cuer de Madame faisoit du partement de son ami (La Sale, J.S., 1456, 240)

Et puis, après icelle lictiere, aloient à pié, deux et deux, tous les officiers de l'ostel dudit defunct, aussi tous vestus de dueil angoisseux lesquelz il faisoit moult piteux veoir (Roye, Chron. scand., I, 1460-1483, 22)

Or est vray qu'aprés plains et pleurs Et angoisseux gemissemens, Aprés tritresses et douleurs, Labeurs et griefz cheminemens... (Villon, Test. R.H., 1461-1462, 29)

Remarque : Cf. aussi

Icy commence l'oroyson De parfayte devocion Que [Bede] venerable prestre Escrisist de Jhesus son maistre ; Des sept paroles trespiteuses, Treshumbles et tresangoyseuses, Qu'il dist en l'Abre de la Croys. (Les sept paroles du Christ en croix, c.1400-1500. In : Romania 111, 1990, 269)

Orthographe	Genre	Nombre	Phonétique
angoisseuse	féminin	singulier	\ɑ̃.ɡwa.søz\
angoisseuses	féminin	pluriel	\ɑ̃.ɡwa.søz\