ADRESSE

substantif féminin

[T-L : adrece ; GD : adrece ; DECT : adrece ; FEW (III, 84b-86a) : *directiare ; TLF (I, 739b, 741a) : adresse1, adresse2]

A. -[Idée de rendre droit, de redresser]

1.Objet droit (qui permet de redresser et de soutenir), tuteur.

[Dans un cont. métaph.]

[Le père de saint Martin parle de son fils] C'est le baston de ma grande viellesse, C'est mon adresse, celuy seul qui redresse Par sa jeunesse tous mes griefz douloureux. (La Vigne, S.M., 1496, 141)

2.Au figuré.

a)Action de corriger, d'amender.

Et pour ce qu'il peut advenir que, par la cause de ma viellesse ou le commendement de ce hault Dieu tout puissant à qui toutes personnes de chascun estat sont subjectes, soit en mort, en vie, en santé ou maladie, ou que peut estre je n'aray loisir de parfaire mon emprinse et mon bon vouloir, je supplie à ceulx qui auront charge de vostre noble personne et de voz affaires, qu'ilz veuillent, en deffaulte de moy, recueillir mon euvre pour la vous presenter en temps et en lieu, et tant faire, en charité de noblesse, que mes memoires soient visitées avant la presentacion d'icelles devant vous, pour leur donner, selon leur merite, correction, reboutement ou addresse. (La Marche, Mém., I, c.1470, 16)

Mettre qqn en adresse. Redresser qqn.

Raison demourer ne vouldroit Avecques homme se maistresse N'estoit pour le conduire a droit Et de tort le mettre en adresse. (Martin Le Franc, Champion dames III, D., 1440-1442, 101)

b)Droit, justice.

Adont Melyador parla Comme sages et avisés, Et respondi : 'Je croi assés, Ma damoiselle, par ma foy, Que toute adrece arés ou roy Et que vous le trouverés tel, Ossi tous chiaus de son hostel...' (Froiss., Méliad. L., t.2, 1373-1388, 20)

Ne voulut point toutevoies estre hastif en tirer vers luy, sans avoir pris conseil premier de ce qui seroit à faire ou à laissier, afin que quelque chose qui en avenist, bonne ou autre, la charge ne lui fust imputée de l'avoir fait sans aveu, et partant montant à cheval prestement, s'en alla à Dijon là où le duc son maistre avoit son conseil en la chambre des comptes, et venu devers eux leur monstra les lettres reçues, lesquelles ils visitèrent, et délibérèrent dessus avecques luy, disant qu'en luy faire toute l'adresse, l'honneur et service qu'on pourroit, il n'y pouvoit avoir que bien (Chastell., Chron. K., t.3, c.1456-1471, 181)

B. -[Idée de (se) diriger, de prendre une direction donnée]

1.Action d'aller, de se tourner vers qqn ; résultat de cette action.

Rencontre, venue.

Maudite soit ta venue et adresse, L'eure et le jour et fruit qui t'a porté, Tant me donnes d'amertume et d'angoisse, De desplaisir au cuer et de rudesse Que je vouldroie, feust ma joye ou detresse, Estre ou seray dedens mil ans bouté. (Hautev., Compl. B., c.1441-1447, 27)

LE DUC [au messager] . Dy a ton seigneur, quoy qu'i tarde, Que brief l'yrons servir sans faille. Or, tiens, ces cent florins te baille Pour ta bien venue et adresse. (Myst. st Adr. P., c.1450-1485, 38)

[Avec une connot. hostile] Faire une adresse à qqn. Faire un assaut contre qqn.

Cesar qui sceut cest opprobre et rudesse Par Ciceron qui le faict lui conta, Luy en personne avecques sa noblesse Revint vers toy faire une ruide adresse, Car vaillamment te print et conquesta, L'orgueul de toy par armes surmonta (Molinet, Faictz Dictz D., 1467-1506, 183)

2.Ce qui permet d'aller directement qq. part.

a)Au propre.

Voie, chemin, sentier.

Alons nous ent par ceste adresce : C'est nostre voie. (Mir. Berthe, c.1373, 184)

...mesires Phelippes de Bourgongne prist une adrece parmi les camps et broça coursier des esporons (Froiss., Chron. D., p.1400, 749)

De celle compaignie fu chevetaine et conduiseur, pour ce que le pays savoit et les destours et les adresces, un chevalier qui au dit siege estoit (Bouciquaut L., 1406-1409, 46)

Bien sorent les adresces et les chemins tourner. (Geste ducs Bourg. K., c.1410-1419, 430)

En ceste paine fut jusques au point du jour et, quant il vit entour lui, il quist les adresses de la forest et fist tant, à quelque paine, que il en yssit dehors (Cleriadus Z., c.1440-1444, 369)

La sept[iè]me [chose] est de avoir bonnes et loyalles guides et qui bien sachent les passaiges et adresces du pays. (La Sale, Salade, c.1442-1444, 242)

Juste chemin, voie à suivre pour aller à un endroit, direction.

Je ne te porai retenir Que tu ne viegnes en l'adrece Dou joli Buisson de Jonece. (Froiss., Joli buiss. F., 1373, 87)

...il ne soit castiaus ne fortereche Ou mesdisans puist avoir son adreche (Froiss., Joli buiss. F., 1373, 211)

...et si n'avoient mie a aler plus de .VI. milles a estre en l'adrece du vent qui conduit les eust droit en Alexandrie (Bouciquaut L., 1406-1409, 232)

Des perilz de mer saichent les destours et voyes et aussi les adresses de tous les portz et passaiges, et bien soient congnoissans en la carte et ès signes et estoilles du ciel où mariniers prennent leur regart et qui les adressent. (Bueil, II, 1461-1466, 55)

...contempler des estoilles l'adresse. (Cene dieux, c.1492, 111)

[Dans un cont. métaph.]

La te resgarde, la te mire [dans le 'mireoir d'onneur'] , La estudie, la te tire, La met cuer et corps et entente, La soit ton adresse et ta sente (Mach., C. ami, 1357, 139)

Si n'est leësse Qui en mon cuer sache voie n'adresse, Mais bien y scet le droit chemin tristesse (Mach., F. am., c.1361, 157)

Dame, Vierge et Mere appellée, (...) De joie adresse et sente (Mach., Lays, 1377, 398)

Et Drogue la bonne maistresse, Qui point ne cesse De monstrer aux amans l'adresse En son hostel au Puis d'Amours, Ung bien peu au dessus de l'Ours. (Régn., F.A., 1432-c.1465, 206)

Si vous avez entretenu ung gentilhomme en cas d'amours, ce n'est pas chose defendue en la court d'honneur, mesme est la sente et la vraye adresse de y parvenir (C.n.n., c.1456-1467, 165)

b)Locution.

Locution adverbiale.

À l'adresse. Tout droit, au juger.

Adont singlerent ils a l'adrece, ensi que li vens les menoit et que Dieus proprement les conduisoit (Froiss., Chron. D., p.1400, 74)

De prime adresse. Directement, tout droit.

Or le porta aventure [messire Jehan de Rebremettes] de prime adresse jusques en Castille, la ou le roy d'alors avoit meu guerre alencontre du roy de Garnade (Chastell., Chron. IV, D., c.1461-1472, 78)

Locution verbale.

Mettre qqn en adresse de qqc. Indiquer le chemin, la direction de qqc. à qqn.

...Quant il ressucita de mort, Et nous mist des cieulx en l'adresce. (Mir. abbeesse, 1340, 85)

...tant veoir vous desiroye Que j'en ay empris longue voye, Par le renom de vo proece, Qui de ce me mit en l'adrece (Chr. Piz., M.F., III, 1400-1403, 143)

Se mettre à l'adresse. Se mettre en chemin.

... [apprenant que quarante lances d'Anglais chevauchent dans la région, un capitaine gascon prétend leur en opposer autant et les combattre] Il se mist à l'adresche ad ce que il avoit de gens. (Froiss., Chron. M., XIV, c.1375-1400, 197)

Dont mon aventure fut telle que puis que je fuz entré en la Forest Darnant et je regardoie ou je devoie aler, je vous veoie, ce m'estoit advis, ou parfont de la forest moy assigner et tantost me mectoie a l'adrece aprés vous. (Percef. II, R., t.2, c.1450 [c.1340], 235)

Prendre (l')adresse devers/vers qqn. Prendre le chemin vers qqn.

Goullias nous mettroit a mort, Se vers luy prenions adresse. (Myst. Viel test. R., t.4, c.1450, 121)

SAINCT MARTIN. (...) Mes amys, quel vent vous admayne ? PERE. Nous prenons devers vous l'adresse Pour vostre bonté souverayne Qui nous a esté si humayne Qu'a payne le puis exposer. (La Vigne, S.M., 1496, 469)

Prendre la droite adresse vers. Se diriger directement vers.

Puis preïrent la droite adresse Vers la cité de Famagouste (Mach., P. Alex., p.1369, 171)

Prendre son adresse (+ indication de lieu). Se mettre en chemin (vers).

Si que tantost pris parmi l'erbe drue Mon adresse ay, Et mon chemin droit vers li adressay. (Mach., J. R. Beh., c.1340, 115)

N'onques d'errer je ne cessay, Ains pris mon chemin et m'adresse Jusqu'a la cité de Edesse. (Mir. st Alexis, 1382, 364)

...a partir de la pour prendre leur adrece tout droit en Alexandrie, vent leur estoit trop contraire (Bouciquaut L., 1406-1409, 230)

Priés pour paix, doulce Vierge Marie, (...) Faictes prier (...) Saints et saintes, et prenés vostre adresse Vers vostre filz, requerant sa haultesse (CH. D'ORLÉANS, Ball. C., c.1415-1457, 123)

Au pallais prendray mon adresse, Ou son hault regnom bruit et court, Et jamais je ne prendray cesse Tant que soie entré en la court. (Myst. Viel test. R., t.4, c.1450, 393)

Et, pour fournir au demourant A la Vierge, vostre maistresse, Gabrïel, prenez vostre addresse Et d'elle prenez cure et soing, Car il luy sera bon besoing De vostre consolacion, Quant viendra l'execucion De son cher filz aterminer. (Myst. Pass. Troyes B., a.1482, 691)

3.Au figuré.

a)Voie, moyen qu'il faut suivre pour arriver à un but.

Or me couvient, Entroes que j'ai sens et memore (...) Kanivet et penne taillie (...) Que je remonstre avant me mort Comment ou Buisson de Jonece Fui jadis, et par quel adrece. (Froiss., Joli buiss. F., 1373, 47)

...mes ch'en est l'adreche Li jolis Buissons de Joneche. (Froiss., Joli buiss. F., 1373, 165)

[Les Anglais perdus en Ecosse] esperoient a avoir aucun confort et aucune adrece pour euls et pour lor chevaus aisier, pour mengier ou pour logier (Froiss., Chron. L., I, c.1375-1400, 58)

Joie, deduit, soulas, lïesse Sont le droit chemin et adresse De venir a mondain plaisir (Narcissus, p.1426, 289)

Locution.

Adresse oblique. Moyen détourné, habile pour atteindre un but.

... [si le roi d'Angleterre n'est pas belliqueux et ne répond pas à l'image que ses sujets se font d'un roi] il (...) le disfameront et querront sur lui voies et adreces obliques, ja soit il preudons en consience, par quoi il le destruiront. (Froiss., Chron. D., p.1400, 221)

Estre à / en l'adresse de + inf. Être sur la voie, être sur le point de faire qqc..

...se de vous me fault partir, Ma tresgracieuse maistresse, Sans que je puisse avoir loisir De vous raconter ma destresse, Crëez que je sui a l'adresse De me devoir desesperer (...). Car mon bon espoir me fauldra, Qui jusques cy m'a conforté, Et desespoir me guerrira, Qui autresfoys m'a guerrié. (Garenc., Poésies N., 1389-1415, 80)

Quant j'ay nompareille maistresse Qui a mon cueur entierement, Tenir me vueil joyeusement, En servant sa gente jeunesse. Car certes je suis en l'adresse D'avoir de tous biens largement (CH. D'ORLÉANS, Chans. C., c.1415-1440, 206)

Prendre l'adresse de + inf. Se disposer à faire qqc..

Courez lui sus, sans craindre riens, A Dangier qui souvent vous blesse. Si tost que vous prandrez l'adresse De l'assaillir, il se rendra (CH. D'ORLÉANS, Ball. C., c.1415-1457, 49)

Quant voiés que riens ne tenoit Vers vous de chacune promesse Et [que] ce qu'elle promettoit Tournoit en folie et simplesse, Pourquoy ne preniez vous l'adresse De vous departir vistement, Sans perdre ainsi vostre jeunesse Sans savoir pour quoy ou comment ? (Abuzé D., c.1450-1470, 95)

Mettre le coeur de qqn en l'adresse de + inf. Disposer qqn à faire qqc..

La grant beaulté de ma belle mestresse, Sa grant doulcour et son bel maintenir, Ont mon cuer mis ardanment en l'adresse D'elle voulloir de mon pouoir servir (Lannoy, WERCHIN, Ball. P., 1404, 348)

Se mettre à une adresse de + inf. Prendre la décision de faire qqc..

Mes cuers, qui estoit travilliez En pensée de grief tristesse, Se mist tantost a une adresse D'entrer en un courtois propos (Mach., D. Aler., a.1349, 292)

b)Ce qui aide qqn à savoir qqc., indication, discours.

Peuple, sçavez vous pourquoy esse Que vous avez seigneurs divers ? Je vous en donneray adresse En moins langaige que dix vers (Meschin., Lun. princes M.-G., c.1461-1465, 59)

Lors nous dirons par francigene adresse, Puis que raison a ce faire vous dresse : Marchez, marchez, car le temps trop s'aproche. (La Vigne, V.N., p.1495, 154)

Sy luy respond assez en briefve adresse Celle ancienne et longeve prestresse : 'Filz d'Anchises, divine geniture, Entens et note ceste triste adventure...' (Saint-gelais, Enéide VI, B., c.1500, 317)

Par l'adresse de qqn. Sur les indications de qqn.

...les plus anciens d'iceulx firent tant devers les jennes qu'ilz yssirent en pluiseurs lieux des forests, puis vindrent querre les terres et les maisures ou leurs peres et meres habiterent, et par l'adresse des anciens ilz commencerent a sarter les buissons et les ronsses qui creus y estoient grans et drus. (Percef. IV, R., c.1450 [c.1340], 907)

c)Ce qui aide qqn à faire qqc..

Faire adresse (à qqn). Donner (à qqn) les moyens d'arriver au but, faciliter les affaires à qqn.

Si dist le duc : 'Vous nous estes les biens venus en ce pays ; nous yrons demain devers le roy et vous ferons toute adresce, car c'est raison.' (Froiss., Chron. M., XII, c.1375-1400, 244)

[Négociation entre des chevaliers écossais et le roi d'Angleterre] Li rois respondi (...) que (...) toute l'adrece que il poroit faire, fust de trieuves ou de paix, salve l'onnour de li et de son roiaulme, il meteroit. (Froiss., Chron. D., p.1400, 203)

Par quoy (...) [le duc de Milan] prestement manda a tous les ostelens par ou il [le duc de Cleves] devoit passer que riens ne prensissent de ly ne de ses gens, et que (...) il lui fissent [et] a tous les siens toutes aisances, services et addresses de ce quil leur plairoit (Chastell., Chron. IV, D., c.1461-1472, 242)

D'aultre part le seigneur de Cry et les siens faisoient plus grant adresse à monseigneur le daulphin qu'il ne sembloit bon audit conte pour son prouffit, et avoit habandonné le faict du conte pour celluy de monseigneur le daulphin. (La Marche, Mém., II, c.1470, 415)

Donner adresse à qqn pour... Apporter son aide à qqn pour.

Salomon, qui eut le don de sapience, ne se attendoit pas a son sens seulement, mais prioit a Dieu qu'il luy donnast adresce pour gouverner son peuple (Fillastre, Traité Conseil H., c.1472-1473, 196)

[Formule de recommandation] Dieu lui donne adresse. Que Dieu le protège, lui donne aide.

LA MERE. Sans doubte, Car sa personne fort redoubte, Veu qu'el est en fleur de jeunesse. Dieu luy vueille donner adresse Ainsi comme nous l'entendons. (Myst. jeune fille L., c.1413-1445 [c.1530], 21)

d)Ce qui tend à diriger la conduite de qqn, avis, conseil.

Mercy, sire, a la pecherresse Qui requiert pardon et adresse Avoir de vous. (Mir. mère pape, c.1355, 367)

Espoir, trouveroit elle en yaus tout confort et bonne adrèce (Froiss., Chron. L., I, c.1375-1400, 20)

...en yaux vous trouverés toutte adrèce de bon conseil (Froiss., Chron. L., I, c.1375-1400, 227)

...une multitude povre, esperdue et despourveue, sans force, sans adresche et sans cueur (Chart., L. Esp., c.1429-1430, 81)

Je sçay bien que Amours n'a point de regard a noblesse ou degré car tout luy est ung, mais j'ose dire devant tous que trop haultain vouloir peut autant de deffaultez et de dommagez porter a ung josne cuer qui ne se congnoit qu'il fait d'adressez et d'avancement donner (Comte Artois S., c.1453-1467, 114)

Le roy en ce temps-icy recommença à devenir amoureux, et soubs les addresses dudit Guillaume qui savoit les lieux, secrètement servit amours. (Chastell., Chron. K., t.4, c.1456-1471, 116)

Par métonymie. Personne qui guide, indique une orientation morale, secours, guide.

Ha ! Mere Dieu, de grace plaine, Des desolez conforterresse, Qui est des desolez adresse (Mir. enf. ress., 1353, 72)

Vierge (...) Des desvoiez adresce et port, Dame, donnes nous ton confort (Mir. femme, 1368, 203)

Plourez, plourez les armes de Champaigne, Tous Champaignois, clers et gens de noblesce Dont l'escu mort voy, cri, baniere, enseigne, Le bon Loys de Sancerre, l'adresce Des chevaliers, qui print mainte fortresce Sur les Anglois, ja mareschal de France, Connestable depuis pour sa vaillance, Et qui fut fait par bonne election. (Desch., Oeuvres Q., t.6, c.1370-1407, 142)

Philosophie y vi assise Moult haultement, en tel devise Que bien semble haulte maistresse Et des autres toutes l'adresse (Chr. Piz., M.F., II, 1400-1403, 104)

Son seurconduit, sa guide et son adresce (Chart., B. Nobles, c.1424, 397)

...et quelque amour qu'ilz eussent a messire Enguerrant, tenir ne se pouoient que ilz ne deissent de Saintré que vraiement il estoit bien la monjoye et l'adresse de tout honneur et de humilité. (La Sale, J.S., 1456, 129)

Mon bien, ma lÿesse, Ma joye, mon addresse, Mon filz, ma plaisance, J'ay dueil et destresse De veoir ton oppresse Par griefve insolence. (Myst. Pass. Troyes B., a.1482, 116-117)

Vous nous soyés la bien venue, Nostre confort et vraye addresse, Et ses dames de grant noblesse Qui vous ont voulu compaigner ! (Myst. Pass. Troyes B., a.1482, 997)

e)Ce vers quoi on se dirige, ce qu'on se propose d'atteindre.

Fin, but, destination.

Hellas ! que feray je ? que diray je ne où yray je desormais en avant, quant j'ay perdu la plus belle, la meilleur, la plus adornee de toutes belles et bonnes taches qui fust, pour femmes mortelles, en cest monde et celle qui estoit commencement et moyen de tout mon bien et mon honneur et l'adresse de tous mes affaires ? (Cleriadus Z., c.1440-1444, 348)

Regardant donques que de son bon vouloir ne pouvoit traire proufit, ne de son quérir, addresse de son désir (Chastell., Chron. K., t.3, c.1456-1471, 246)

...on luy amena [au vieillard] la belle jeusne fille, cuidans tous deux d'avoir bonne addresse et veritable, le viel la vielle et la jeusne son jeusne mary. (Chastell., Chron. IV, D., c.1461-1472, 230)

Succès, réussite.

...et chacun se prépara, l'un plus lentement, l'autre plus tost, sur toute aventure de ce qu'il adviendroit, faute ou adresse. (Chastell., Chron. K., t.4, c.1456-1471, 440)

C. -[Idée de qualité pour arriver à qqc.] Qualité nécessaire pour obtenir un résultat, habileté.

Pour ce en pitié veuilléz apercevoir La grief douleur qui tourmenter ne cesse Mon povre cuer, qui met tout son pouoir, Son loyal veuil et sa songneuse adresse A bien servir vostre doulce noblesse, Et me veuilléz vostre merci donner (Recueil galant. V.-B., c.1350-1400, 119)

La roÿne d'Amasonie (...) D'armes savoit toute l'adrece. (Chr. Piz., M.F., III, 1400-1403, 141)

De grande adresse. De grande habilité.

Et en ce pais de Hainnau, ce sont gens, chevaliers et esquiers, de grant adrece et qui demandent les armes. (Froiss., Chron. D., p.1400, 56)

Celluy Priam eut pluseurs enfans et grant lignie, et dont l'un qui n'estoit point l'aisné fut appelé Marchomires, moult bon, vaillant, saige et renommé prince, et chevalier de grant conduite et adresse. (La Marche, Mém., I, c.1470, 18)

Orthographe	Genre	Nombre	Phonétique
adresse	féminin	singulier	\a.dʁɛs\
adresses	féminin	pluriel	\a.dʁɛs\