VICTORIEN

adjectif

[T-L : victorïien ; GD : victorien ; FEW (XIV, 418a) : victoria]

Victorieux, vainqueur.

Lors, ramené a l'ostel son ost victoriens, Romulus, comme hons prisiez et magnifiez par ses fays et comme ostenteur et bobanceur d'iceux, fit faire une fiertre a ce couvenable, en laquele il a mis les armes et les despoulles du roy qu'il ot occis. (Bers., I, 1, c.1354-1359, 10.5, 17)

...et par la vertu de ces pierres il sont communalment victorien en meir. (Jean Le Long, Voy. Odoric A.M., 1351, 31)

Tresfort et tres victorien roy, nous avons oÿ tes batailles et comment en touz fais tu as eu felicité et victoire. (Foul., Policrat., IV, 1372, 77)

Et ja a il esté esprouvé et sceu que le gentil rossignol dessus dit estrive aucunefois mesmes contre l'omme tant qu'il le desconfit par longuement chanter, sy que l'omme le lesse par annuy comme victorien (Evr. Conty, Harm. sphères H.P.-H., c.1400, 91-92)

Il advint que lui estant empereur, ceulx de Perse se rebellèrent contre lui. Lors mist sus une puissant armée pour réduire les rebelles en sa subjection, et au départir jura et voa à ses dieux que se il povoit retourner victorien, il destruiroit chrestienté. (Doc. 1408. In : MONSTRELET, Chron. D.-A., t.1, c.1425-1440, 190)

Foible ennemi en grant desconfiture, Victorien et pou debilité... (Baye, II, 1411-1417, 220)

Car depuis fut il victorien en bataillez et porta paisiblement le ceptre royal par toute Escosse. (Chart., L. Esp., c.1429-1430, 143)

...sy s'esvertuerent et, avecquez leurs gens qui tous estoient garnis de hardiesse, mirent tout pour le tout, c'est a dire se habandonnerent pour morir ou estre victoriens (Comte Artois S., c.1453-1467, 77)

Remarque : Aussi DESCH., Oeuvres Q., t.3, c.1370-1407, 87 ; WAUQUELIN, Belle Hélène Const. C., c.1448-1452, gloss. ; Guill. Orange T.H.G., p.1450, gloss. ; MOLINET, Faictz Dictz D., 1467-1506, gloss. ; MAMEROT, Romuleon D., 1466, gloss. ...

Arc victorien. Arc de triumphe.

Et aprés il ont, par destructions et mortifications de vices, eslevee et ennoblie leur vie comme un arc victorien consacré a leur posterité et a leurs successeurs par titres de magnificence de vertus, annonçans et loans Dieu en touz, par vraie confession disans : ... (Foul., Policrat., IV, 1372, 64)

Emploi substantival.

Et certes le tres noble victorien et prince general si sentoit que l'en ne pooit miex vaincre ne seurmonter delices par meilleur maniere que par les fuir (Foul., Policrat., IV, 1372, 56)

...ledit victorien de Monfort (Jean De Montreuil, Traité cheval. G.O.O., 1413, 100)

...les nouveaulx victoriens firent grant joye et menerent grant feste et triumphe pour cause de ceste destrousse (Bueil, I, 1461-1466, 112)

Pour tant appert, messeigneurs, que cellui qui par orgueil entreprent querelle ou guerre sur autruy, supposé qu'il vaincque et viengne au dessus, ne doit pas estre nommé victorien, mais tirant ou persecuteur (Bueil, I, 1461-1466, 124)