VERDIER

substantif masculin

[T-L : verdier1 ; GD : verdier ; FEW (XIV, 510b) : viridis ; TLF (XVI, 1014a) : verdier2]

A. -Officier ayant la garde et la juridiction d'un domaine forestier.

Si donnons en mandement au verdier ou garde de la dite forest, qui hores est et qui pour le temps avenir sera, que les diz freres, leurs diz hoirs et successeurs en ceste partie ils facent et laissent, se mestier est, joir et user de leurs diz ardoir et usage à touz jours mais dores en avant (Doc. Poitou G., t.2, 1344, 275)

Le seigneur des boiz du Molley Bacon, es mectes de la verderie du Bur le Roy, a son verdier es diz boiz tenuz à tiers et danger du roy, sa jur[i]dicion, povoir de vendre à son prouffit le mort boiz d'icelle forest du Mollay, et tout autre boiz, reservé chesne, fou, pommiers de bosc et houx (Hector De Chartres, Cout. R.B., 1398-1402, 63)

Item, ont droit de demander en ladicte forest de Lions (...) le vert boiz en gesant et le sec en estant ; boiz pour maisonner et faire ediffice, par livrée du verdier, sans en païer amende (Hector De Chartres, Cout. R., 1398-1408, 4)

Et entre autres choses, en tant que regardoit le fait de la marchandise de busche, furent passées et commandéez lettres oudit Conseil (...) pour vendre ou faire vendre par les verdiers (...) IIJc arpens de bois chauffage, à coper et abatre es forests du Roy de Bondis (Fauq., I, 1417-1420, 204)

Item, ou hault siege des gens d'eglise soient assiz les abbés, prieurs et autres gens d'eglise selon leurs degrez et dignitez. (...) Item, que ès autres bancs, au dessoubz desd. gens d'eglise et d'iceulx barons et chevaliers, soient assis les verdiers, officiers en justice qui doivent comparence et autres nobles personnes qui vendront oudit Eschiquier. (Echiq. Normandie S., 1423, 113)

...et se les baillifz avoient la charge dudit office et que il y eust verdiers, il n'y fauldroit ja maistre des eaues et des forestz (Juv. Urs., Verba, 1452, 342)

...tous les autres offices deppendans desdictes Eaux et Forestz, non fieffez et héréditaulx : soient enquesteurs, mesureurs, procureurs, gruiers, verdiers, gardes, subzgardes, sergenteries, soubzsergenteries (Cartul. Laval B., t.3, 1466, 246)

A Ymbert Boesselier, verdier de la forest de Chinon - pour une grant truye sauvage qu'il avoit nourrie long temps, laquelle ledit seigneur à fait chasser à ses chiens et levriers (Comptes hôtel rois Fr. D.-A., 1478-1481, 374)

B. -Jardinier.

...le vergier en soy et generalment pris segnefie le monde (...) ouquel Nature plante et seme tres ordeneement pluseurs choses moult beles (...) en la maniere que le sages verdiers aourne son vergier et embelit d'arbres qui portent fruit et de herbes et de fleurs de diverses manieres. (Evr. Conty, Eschez amour. mor. G.-T.R., c.1400, 436)

Et pour ce faint l'acteur du livre rimé dessusdit dont nous voulons parler, et aussi fait le 'Rommant de la Rose', que Deduit est closier et droit verdier du vergier amoureux ou on ne quiert que gieux et joye et delectacions, et Leesce est s'amie. (Evr. Conty, Eschez amour. mor. G.-T.R., c.1400, 578)