VENGER

verbe

[T-L : vengier ; GDC : vengier ; DECT : vengier ; FEW (XIV, 467a) : vindicare ; TLF (XVI, 982a) : venger]

A. -Venger ; se venger.

1.Emploi transitif. Venger.

Venger qqc.

Tenons les bons en amitié, Et des mauvais aions pitié, Car onques homs ne fu parfais Qui volt vangier tous ses tors fais. (Mach., J. R. Nav., 1349, 178)

Car as princes appartient vengier les injures et pugnir les maulz. (Oresme, E.A.C., c.1370, 263)

Et li mandèrent que il volsist ouvrir les pas et les destrois de son royaume... as pelerins de Dieu qui avoient empris, et par devotion d'entrer et aller ens ou royaume de Grenade, pour vengier la souffrance Nostre Signeur (Froiss., Chron. L., VI, c.1375-1400, 189)

Ne desirez pas a vengier tous voz tors faiz, mais prendre amende. (Arras, c.1392-1393, 86)

Par Mahon, trop myeulx ameroye Estre destruit et enraugé Que si je leysoye avangier [l. a vangier] La grant injure qu'il m'on[t] fet. (Myst. st Sébast. M., c.1450-1500, 178)

À ceste cause il fut envoyay par icelui Xerxes amasser gens et navires, pour venger la honte que les Grecs avoient faicte à son pere (Simon De Phares, Astrol., c.1494-1498, f° 46 v°)

Venger le sang de qqn

...le sanc de ceulx vengeray Qui par li ont esté occis. (Mir. Clov., c.1381, 216)

Venger la mort de qqn. Voir mort

A Dieu, a Dieu, mon seigneur chier ! Au jour d'ui vueille Dieu venchier La vostre mort ! (Mir. ev. arced., c.1341, 121)

Proverbe.

...N'en mettons a nos cuers point d'ire, Et ne nous chaille dou dangier Qu'on appelle contrevangier, Car tels cuide vangier sa honte Qui l'acroist et qui plus s'ahonte. (Mach., J. R. Nav., 1349, 178)

Mais, si comme le proverbe dit : Tel cuide vengier sa honte qui l'accroist. (Arras, c.1392-1393, 70)

Venger qqc. sur qqn

La vilenie que j'aray En l'eure sur toy vengeray, Car la langue te trairay hors De la gueule (Mir. Barl. Josaph., c.1363, 282)

Venger qqn de qqc.

Et se j'estoie tel personne Que j'en deüsse vengement Prendre ou faire d'eaus jugement, Les dames bien en vangeroie. (Mach., D. Lyon, 1342, 201)

Ma suer, dist lors chascune, or nous en delivrons, car nous avons grant desir que nostre mere soit vengie de la desloyauté que nostre pere lui a faitte. Lors firent les trois sereurs tant que par leur faee condicion, que elles prindrent leur pere et l'enclouirent en la dicte montaigne. (Arras, c.1392-1393, 12)

Ne vous chaille, dit il, ma mere, je vous en vengeray bien. (C.n.n., c.1456-1467, 325)

LE JUIF. (...) Je congnois bien evidemment Que crestiens si sont parjures. Sainct Nicolas de ces injures Me vengera, quoy qu'il attende, Et si en payera grosse amende En justice, ou je fauldray. (Mir. st Nic. juif, c.1480-1500, 112)

Ou sont les sotz de Triboulet Pour nous venger de cest erreur ? (Copp. lard., a.1488, 172)

Estre vengé de qqc.

Et Diex vueille que l'eure voie Que de leur mort vengée soie (Mir. Clov., c.1381, 231)

...lesdiz Hennequin et sa femme lui avoient fait très-grant desplaisir, et (...) elle ne recevroit jamais son Creatour jusques ad ce que elle en feust venchiée. (Reg. crim. Chât., I, 1389-1392, 259)

...desdites injures à li faites et dites par iceux Rotisseur et sa femme elle en vouldroit bien estre vengiée. (Reg. crim. Chât., I, 1389-1392, 265)

Venger qqn de qqn

De cuer te pri en souspirant De ce faulx renié tirant Par ta sainte pitié nous venge (Mir. emp. Julien, 1351, 193)

Tant la maudiray [vostre fille] soir et main Que Dieu m'en vengera a plain (Mir. Berthe, c.1373, 207)

...elle voudroit bien qu'il feust très-bien batus de batons, sanz cousteaux, et que, sur l'amour que il [Jaquotin] avoit à elle, il le vengast desdiz Rotisseur et sa femme, qui ainsi les avoient injurié. (Reg. crim. Chât., I, 1389-1392, 266)

Estre vengé de qqn

...s'il estoit ainsi que aucune femme eust espousé aucun homme qui batist icelle et menast mauvaise vie, et que icelle femme voulsist bien estre vengée de sondit mary sans le faire mourir (...) convenoit prendre et avoir environ demi-livre de cire blanche (Reg. crim. Chât., II, 1389-1392, 324)

Et, pour estre ledit du Bust vengé dudit Petit Jehan, se associa ledit du Bust de trois jeunes compaignons demourans à Paris, l'un d'iceulx nommé l'Empereur du Houx, sergent à verge, l'autre Jehan de Foing, fontenier et plombeur, et l'autre nommé Regnault Goris, orfevre, filz de Martin Goris, courtier de goulerie. (Roye, Chron. scand., II, 1460-1483, 59)

Estre vengé de qqn par qqn

Faulx roys, tu m'as failli de convenant, dont il te mesavenra, et m'as perdue a tousjours mais. Et scay bien que c'est par ton filz Mataquas. Et me fault partir soubdainement, mais encore seray je vengié de ton filz, ou de ses hoirs, par ma seur et compaigne la dame de l'Ille Perdue. (Arras, c.1392-1393, 9)

2.Emploi pronominal. Se venger.

Lors dist Jossellins : Or vous alez donques armer et vous mettez en tel estat que nul ne vous puist congnoistre, et nous vous actendrons au dehors de la ville, et si vous menrons en tel lieu ou vous vous pourrez bien vengier a vostre aise. (Arras, c.1392-1393, 57)

...Dieu ne veult pas qu'on se venge (Chr. Piz., Trois vertus W.H., c.1405, 139)

Chascun en soy voye sa mesprison ! Ne nous vengons, prenons en pacïence : Nous congnoissons que ce monde est prison Aux vertueux franchis d'impacïence. (Villon, Poèmes variés R.H., c.1456-1463, 62)

Or, bien, bien, je suis en vostre dangier, sire, et ne me puis encores venger. (C.n.n., c.1456-1467, 505)

Tant plus tost plorer les varrés, Quant ne sçaront ou se venger. (Pass. Auv., 1477, 261)

Se venger de qqc.

Je te di que Typhoeüs Fu uns jaians trop deceüs, Que dechacier volt par sa guerre Les dieus dou ciel et de la terre. Mais li dieu si fort se courcierent Que crueusement s'en vengierent : Ne fu adjournez ne semons, Eins fu mis entre quatre mons Trop pesans et trop mervilleus. (Mach., C. ami, 1357, 84)

Saches souvent la vois dou pueple Quel parole de toy il pueple. S'elle est bonne, ren Dieu loange ; S'elle est mauvaise, ne t'en vange, Car qui se vuet de tout vangier, Son pain ne puet en pais mengier, Mais t'amende, eins que on te somme, Si feras ouevre de preudomme. (Mach., C. ami, 1357, 127)

Li roys dist qu'il s'en vengeroit Et qu'en Surie envoieroit, Car les nav ies et les galées Sont au port toutes aprestées. (Mach., P. Alex., p.1369, 119)

Se vous avez tant de hardement que vous vous osez vengier de ce tort qu'on vous fait, nous vous aiderons trestuit. (Arras, c.1392-1393, 57)

Car adont ne fauldront mie yceulx à lui dire et admonnester comment jamais ne sera drois sires s'il ne persecute fort toute maniere de gent, face copper testes, mourir de malle mort, les autres emprisonné ou exillé, se venche de tous desplaisirs afin qu'il ci soit cremus et que nul n'ose se jouer à lui n'espargne personne. (Chr. Piz., Paix W., 1412-1413, 80)

Par Dieu, madamoiselle, vous m'avez fait cheoir ; mais creez que je m'en vengeray bien (C.n.n., c.1456-1467, 344)

Oudit moys de Juing, advint que le seigneur de Craon (...), qui pour aucunes injures à lui faictes par ledit de Craon qui n'estoit pas de pareille maison de lui, et pour soy venger d'icelle injure, et aussi que le roy qui avoit baillé le gouvernement du pays audit prince et qui avoit aussi esté moien de faire mettre ledit pays en la main du roy, et l'avoit de ce deschargé pour bailler audit de Craon, s'en courrouça fort et trouva moien de faire retourner contre le roy les pays (Roye, Chron. scand., II, 1460-1483, 52)

Se venger de qqn

Et si de toy me vengeray, Que toute abatre la feray [ceste ville] (Mir. emp. Julien, 1351, 179)

...il les fist geter Dedens le lac sans arrester, Et leurs femmes, leurs fils, leurs filles. Mais a ce n'acontent deus billes Li lion, qu'il ont a mengier Assez. Einsi se volt vengier Li rois d'eaus, car il furent mort Tout ensemble de male mort. (Mach., C. ami, 1357, 45)

Il ne pooient recouvrer, Pour penser ne pour labourer, Le grant damage et la grant perte Qui à tous estoit toute aperte, Comment Alixandre fu prise, Et la menue gent occise ; Si ne se pooient vangier Dou roy tant com li estrangier Et les gens d'armes le servissent ; Et s'il avenoit qu'il partissent, Quant li roys bonne pais verroit, Nulles gens d'armes ne tenroit, Dont il porroit estre honnis (Mach., P. Alex., p.1369, 183)

J'ay esleü le roy de France À juge, si que brief et court Combatre me vueil en sa court. Là, se Dieux plaist, me vengeray De Florimont, et tant feray Que jamais en jour de sa vie À roy ne dira villenie. (Mach., P. Alex., p.1369, 234)

...et que elle ne mengeroit ne recevroit jamais Nostre Seigneur jusques à tant que ilz lui eussent admendé, et elle s'en feust vanchée ou fait vancher. (Reg. crim. Chât., I, 1389-1392, 259)

Mes chieres seurs, or regardez la grant griefté et misere ou nostre pere a mis nous et nostre mere, qui eussiemes esté en si grant aise et en si grant honnour. Or n'en est il bon a faire ? Quant a moy, de ma partie, je m'en pense a vengier, car aussi pou de soulaz qu'il a empetré a nostre mere par sa faulseté, je lui pense a faire. (Arras, c.1392-1393, 11)

Hanibal, par semblable maniere, se venga de pluiseurs transfuges qui estoient partis de son ost pour aller aux Rommains. (La Sale, Salade, c.1442-1444, 61)

...[il] n'avoit ailleurs son cueur, son estude, ne tous ses pensers, que a se venger de luy, s'il savoit (C.n.n., c.1456-1467, 43)

Très hault et puissant prince, se je vous escriptz chose qui vous desplaise et que ayez envye de vous en vengier de moy, j'espere que avant que la feste se departe vous me trouverés si près de vostre armée contre vous que congnoistrez la petite crainte que j'ay de vous, acompaigné de la puissance qu'il a pleu au roy me donner, qui n'est pas petite (Le Clerc, Interp. Roye, c.1502, 262)

B. -Par extension.

1.Venger qqc. Punir, condamner, châtier qqc. (un méfait).

Et a touz est chose louable et honnorable de punir et vengier les grieves injures faites aus prestres (Foul., Policrat. B., V, 1372, 302)

...resveillez-vous, juges, levez-vous, procureur et advocas royaulx et toutes cours de justice à venger tel crime, autrement il redundera sur vous (Baye, II, 1411-1417, 261)

...et posé que ladicte escripture ne fust pas erronée en la foy, si est-elle injurieuse et scandaleuse à bonnes meurs et à toute police, et par ce doit estre vengée par la Court, combien que virtualiter elle mesme se condempne en sa mauvaise doctrine (Baye, II, 1411-1417, 262)

Emploi pronominal. Se venger de qqn. Réagir en punissant, en châtiant qqn.

Fols est qui a tels dons s'arrange, Ne tent sa main. Car par tel change elle [Fortune] se vange De ceaus qu'elle flate et losange, Et leur oste honneur et loange D'ui a demain. (Mach., R. Fort., c.1341, 39)

Il n'est pas en escript trouvé Que nul qui ait discorde mis En l'eglise tant ait d'amis Que Dieu ne l'ait puni griefment Et s'en soit venchiez cruelment. (Mir. st Guill., c.1347, 18)

Item Dieu par sa misericorde atend patiaument les pecheurs et les rapelle benignement et dissimule, afin de non pugnir et soy vengier et preserve de pluseurs perilz. (Somme abr., c.1477-1481, 180)

Se venger. Réagir.

...Et comment elles ne le puelent, Comment mettre a la mort le vuelent, Com le diffament, com l'abaient, Poingnent, espient et detraient, Comment il ne s'ose vangier, Comment il vit en tel dangier Qu'il li couvient feindre estre amis A ses plus mortels anemis, Comment humblement les endure (Mach., D. Lyon, 1342, 178)

Or escoute chose notable : Nous trois seiens a une table Pour nossoier et pour mengier. Mais Discorde se vint vangier, Car par despit, c'en est la somme, Getta devant nous ceste pomme, Et pour la court troubler dist qu'elle Fust donneë a la plus belle. (Mach., F. am., c.1361, 216)

2.Venger qqc. Se dédommager de qqc., trouver une compensation pour qqc. qu'on a subi.

Or vous ay dit la maniere comment Amours me fist estre loial amant (...) Comment pris fui, comment on me retint, Comment de moy ma dame ne souvint, Les biens, les maus qu'endurer me couvint Jusqu'au jour d'ui, Comment je n'ay aïe de nelui, Comment vengier ne puis mon grief anui, Dont a par mi me mourdri et destrui ; Si que je di, Se bien m'avez entendu et oy, Que la doleur dont en morant langui, Qui mon viaire a desteint et pali Par sa rigour, Est de vos maus cent mille fois gringnour (Mach., J. R. Beh., c.1340, 90)

Se venger de qqc.

Ce mès vault bien eufs, par saint Cire ; Puisqu'il est ci, j'en vueil mengier ; De la jeune me vueil vengier Que j'ay hui fait. (Mir. Theod., 1357, 96)

L'ESCUIER. (...) Remettre me vueil au chemin, Puis que j'ay beu et mangié : D'estre lassé me suis vengié (Mir. Berthe, c.1373, 244)

...son mary retourna de la ville comme sanchié de son courroux, pource qu'il s'en estoit vengé (C.n.n., c.1456-1467, 265)