VAINEMENT

adverbe

[T-L : vainvainement ; GD : vainement ; GDC : vainement ; FEW (XIV, 164b) : vanus ; TLF (XVI, 889a) : vainement]

A. -En vain, inutilement.

Li aultre sont trop remplis et pesant, enfermés et endormis a cause d'avoir trop longement esté en l'enfermerie ou maladerie de la charnalité, par trop boire ou mengier ou parler vainement (Gers., Montagne contempl. G., 1400, 44)

Conclusons dont fermement et non pas vainnement en disant que chouse tres convenable est que, ainsy comment le pechié de l'omme et la cause de nostre damnacion sy commença a la femme, ainsi la medecine [du pechié] et la cause de nostre salvacion devoit naistre de la femme, c'est de la glorieuse vierge Marie. (Crap., Cur Deus, De arrha B.H., c.1450-1460, 217)

Par bonne et congrue raison, a laquelle contredire ne puis, tu monstres que oncques en aucun temps ne fut, depuis que l'omme est fait, que ou monde ne fut aucune chose appartenans a la reconciliacion, sans laquelle vainement seroit fait l'omme. (Crap., Cur Deus, De arrha B.H., c.1450-1460, 238)

...car quoy Dit le second commendement ? Qu'on ne jure Dieu vainement (Fr. arch. B., c.1468-1480, 42)

Remarque : Ex. d'a.fr., cf. TLF.

B. -D'une manière vide, vaniteuse.

Uanidicus (...) : vainnement parlant (Aalma R., c.1380, 431)

Et pleust a Dieu que tous ceulz qui vouldroyent yci prendre exemple de [vai]nement soy louer, en usassent aussy sobrement selon le cas comme fist saint Pol ! (Gers., P. Paul, a.1394, 502)

Vanidicus (...) : vainnement parlans. Vanidice (...) : vainnement (Le Ver, Dict. M.E., c.1420-1440, 517)

Vanidice - adverbium : vainnement (Le Talleur, Vocab. E.M., c.1490, 408)