VESTURE

substantif féminin

[T-L : vestëure ; GD : vesteure ; DECT : vestëure ; FEW (XIV, 352b) : vestire ; TLF (XVI, 1086a) : vêture]

I. -[En lien avec vestir, vestement]

A. -Tenue vestimentaire, mise, garde-robe, manière de s'habiller.

Et se il me convient parler des meurs et des condicions de lui, certes il me desplaira en si grant prince de faire mencion de l'orgueilleuse mutation de sa royale vesture, du desir des flateries de ceulz qui devant lui s'estendoient a terre -- lesquelz n'estoient pas grevez seulement aus victeurs, mais aus Macedonienz vaincus --, des abhominables tourmens et des mors et occisions que il faisoit entre les vins et les viandes de ses propres amis et aussi de la vanité de ce que il se voulsit dire mençongierement estre fil de Jovis. (Bers., I, 9, c.1354-1359, 18.4, 33)

Et aucune foiz faignent il et font teles humilitéz pour vaine gloire et par venterie, si comme firent les citoiens de Lacone en leur vestemens ou vesteure. (Oresme, E.A., c.1370, 269)

Et en vestëure, les uns se vestent trop court, les autres trop lonc, les uns trop cointement, les autres trop rudement (Oresme, E.A.C., c.1370, 266)

Si donna li rois d'Engleterre grasce à ses gens d'armes et arciers de retraire vers Londres... pour yaus rafreschir et renouveler de vesteure, d'armeures et de tous aultres ostilz necessaires pour leurs corps (Froiss., Chron. L., IV, c.1375-1400, 138)

Et, se vous veez un bon homme d'armes qui soit povres et en petit estat de vesture ou de monteure, donnez lui du vostre selon ce que vous sentirez vostre aisement et selon ce qu'il sera de value. (Arras, c.1392-1393, 85)

Mais ne fu mie contrefaite En sa vesteure, ne mignote (Chr. Piz., M.F., I, 1400-1403, 91)

...d'elle il n'y a rien mien que le derriere : si l'ay houssé comme il appartient a mon estat. Le demourant ay je houssé de vesture qui est deue a femme desloyale et deshonorée. (C.n.n., c.1456-1467, 323)

...[ils] se entreaymoient autant ou plus que pourroient faire deux freres germains ensemble ; car de vestures, harnois et habillemens estoient tousjours d'une façon (C.n.n., c.1456-1467, 385)

Le tiers est que l'omme seignié doit eviter toutes choses froides tant au dehors comme dedans, comme l'air froit, viandes froides, baing froit, petite vesture, le froideur des piez, de la teste et toutes aultres samblables (Rég. santé corps C., 1480, 160)

Ce qui sert à couvrir le corps, habit, vêtement.

...envoiez bonne erre Ou desert le preudomme querre, Car peut estre qu'encore vit, Ou de sa vesture un petit Ou de ses os. (Mir. st J. Cris., c.1344, 280)

...Et qui sara la lettre lire Et dire l'exposition Clerement, sans deception, Ses dieus et ses deesses jure Qu'il ara riche vesteüre De pourpre. 'Après moy et mon hoir, De mon regne, de mon avoir Sera li tiers toute sa vie Et ma grace ara sans partie'. (Mach., C. ami, 1357, 26)

Il avoient (...) Robes riches et curieuses, Pleinnes de pierres precieuses, De rubiz, de saphirs, de pelles, Mais n'i acontoient deus melles, N'il ne metoient pas leurs cures En porter teles vesteüres. Or voy que li roy et li conte, Li prince et li duc n'ont pas honte De vestir un povre pourpoint Qui leur est fais trop mal a point. (Mach., C. ami, 1357, 130)

A Guillemin de Bitot, vallet deschanconnerie (...) et Gaultier Siret, vallet de cuisine (...) pour don à eulz fait pour aide à avoir leur chauceure et vesture (Compte Navarre I.P., 1367-1371, 172)

...lesquelz dirent que veu l'estat et vesture dudit prisonnier qui estoit et est homme vacabond (...) ycellui prisonnier devoit estre mis à question et en furent d'oppinion. (Reg. crim. Chât., II, 1389-1392, 458)

Sa vesteure toute doree Fu semee de marguerites Et de precïeuses eslittes Pierres (Chr. Piz., M.F., III, 1400-1403, 34)

Sa vesteure toute doree Estoit, luisant et esmeree, Toute semee estoit d'affiches Moult precieuses et moult riches. (Chr. Piz., Chem. estude P., 1402-1403, 104)

...et pourverront à icelle femme et comme de raison à ses enfans de vivres, vesteure et de toute autre maniere d'alimens necessaires et pertinens (Baye, II, 1411-1417, 247)

...et ot ledit Jouhan Daboville pour sa part de la vesture et despoulle et de ladite espée dudit Anglois (Chancell. Henri VI, L., t.1, 1425, 264)

Aussi les Nobles et puissans, Et autres à ce suffisans, Doivent lors porter vestéure D'escarlate, ou de soye pure, Pour leurs vies mieulx préserver (La Haye, P. peste, 1426, 139)

En particulier. Habit monacal.

NOSTRE DAME. (...) Ceste vesteure vestiras : Mon fil et moy en serviras De miex en miex d'ore en avant. (Mir. femme roy Port., c.1342, 199)

Par métonymie. Cérémonie de la prise d'habit par un postulant à un ordre religieux.

Remarque : Doc. c.1400-1500. In : C. Hippeau, Usages observés dans l'abbaye Saint-Étienne de Caen pour la réception des novices, in : Mémoires de la Société des Antiquaires de Normandie, 1855, 439 (Item, le lendemain, jour de sa vesture, il [le profès] est encoires à la messe Notre-Dame)

B. -Par analogie.

[À propos d'un cheval] Parure.

Chevaulx houssez de veloux, de drap d'or, Bardés d'acier, d'asur, d'acre et pointure, Ung songe estoit de voir le grant tresor Qu'ilz comportoient sur leur riche vesture (La Vigne, V.N., p.1495, 218)

RELIGION [À propos de Marie] Parure.

Mais je dy que elle y est en vesteure d'or ; en quoy est noté aornement de biauté. (Mir. chan., c.1361, 139)

...sa femme se para de bougueran ; par quoy je n'entens mais que la pure virginité de Marie : et ceste vesteure elle a departi aus vierges conme a ses damoiselles. (Mir. chan., c.1361, 139)

Et pour ce se tu as ces deux choses, force en pacience et biauté de continence, tu seras vestu et vestue de double vesteure, car pour ta pacience, tu aras vestement de pourpre, pour ta continence vesteure de bougueran. (Mir. st Val., c.1367, 123)

Garniture, étoffe dont on couvre un mur.

...à lui, pour 32 aulnes de semblable drap dont on fist le chiel de la chappelle ledit jour et audit pris, 17 livres 12 solz ; à lui, pour le tour et vesture du cuer 206 aulnes au pris dessus dit, sont 113 livres 6 solz (Comptes Etat bourg. M.F., t.1, 1420, 475)

C. -Par métaphore.

En la passion du benoit Jhesu elle ot la vesture de force, car la douleur que Jhesu souffri de fait elle senti en soy par compassion (Mir. st Val., c.1367, 123)

Ceuls ci tissent la saincte toile De religion et le voile ; D' icelle sont vestus et sains Et des baudrez ont leurs dos sains Qui restraingnent les vicieus Mortelz pechiez luxurieus. La vesteure est perceverance De bonnes euvres sanz doubtance Longuement poursuir et traire, A quoy toute ame se doit traire (Desch., M.M., c.1385-1403, 251)

...il faloit a l'oeuvre vesture de parolles dont il ne se sentoit pas bien pourveu (Percef. I, R., t.1, c.1450 [c.1340], 72)

Au figuré. Apparence.

Or avez la figure Des faulx cuers desloyaux soubz belle vesteüre (Gir. Ross. H., c.1334, 191)

JÉSUS À DIEU. '...Ge prendray une vesteure Soubtille, clere, nete et pure...' (Guill. Digull., Pèler. âme S., App., p.1358, 375)

...et ainsi le sage prince, sanz user de simulacion soubz vesteure fainte, certainement tourna ses meurs en tous vertueux offices (Chr. Piz., Faits meurs Ch. V, S., I, 1404, 37)

II. -DROIT FÉODAL [En lien avec investiture] Droit à payer au seigneur lors de la prise de possession d'un bien.

...les amendes de ladite ville et les vesturez de ladite ville, qui puelent valoir environ quarante solz, et vont toutez ces choses à crois et à descrois (Trés. Reth. S.L., t.2, 1345, 55)

...aus seigneurs foiaudaux, des quiex les dites choses meuvent et sont tenues, en quelque maniere que ce soit, et aus quiex les vesture et saisine en doit appartenir, que des dites choses il vestissent et saisissent le dit acheteur (Doc. Poitou G., t.2, 1348, 405)