TERTIO

adverbe

[FEW (XIII-1, 269b) : tertius ; TLF (XVI, 144a) : tertio]

Troisièmement, tertio.

Oultre a requiz, que pour ce que l'en puet reporter au Roy ou aultres seigneurs pluseurs paroles sinistres de ceulx qui sont es offices de justice, que s'aucune parole sinistre est dicte auxdiz seigneurs de aucun desdiz officiers, que foy ne soit faicte à telx rapporteurs sans oïr la personne contre qui sera telle parole dicte. Tertio, a requiz qu'il soit commendé au prevost de Paris et aux bailliz royaulx qu'ilz obeissent à la Court, afin que justice soit faicte, afin que l'en puist dire : ... (Baye, II, 1411-1417, 43)

. C'est ce que contenoit en effect la creance desdictes lettres du Roy. La creance sur les lettres du duc de Bourgongne exposée par ledit Gelinier contenoit trois ou IIII poins en effect. Primo, recommendacion, et qu'il est à Provins en la compagnie du Roy et de la Royne, qui sont en bonne prosperité, et n'a point entencion d'aller oultre ou esloingnier Paris, se n'est par neccessité, etc.. . Secundo, a exposé les diligences qu'il a fait ou temps passé pour venir defendre et secourir ce royaume et faire que paix et union y feussent, et que à lui n'a pas tenu, et que les empeschemens fais et exquiz au contraire sont advenuz par autres, par le fait desquelz les grans inconveniens, pertes et dommages irreparables sont advenuz et adviennent de jour en jour en ce royaume. Tertio, a signifié les mandemens que a fait de touz ses parens, feaulz, subgiez et aliez pour venir resister à l'entreprinse des ancians ennemis de ce royaume. (Fauq., I, 1417-1420, 258)