SOUTENANCE

substantif féminin

[T-L : sostenance ; GD : soustenance ; FEW (XII, 477b) : sustinere ; TLF (XV, 815b) : soutenance]

A. -Au propre. Ce qui sert à soutenir.

Ostes au plus fort corps du monde la soustenance des piez... (Foul., Policrat. B., V, 1372, 273)

...et ouvrirent le porte et puis avalèrent le pont. A ce que li pons cheï, les cordes qui le portoient rompirent ; car li pons n'eut point d'arrest ne de soustenance , car li baus sur coi il devoit cheoir estoit ostés, et les plancques deffaites au lés devers le ville (Froiss., Chron. R., IX, c.1375-1400, 31)

B. -Par analogie. Ce qui sert à assurer l'existence matérielle de qqn, subsistance, nourriture.

...nous de leur substance Havons et possidons aucune soutenance (Gir. Ross. H., c.1334, 230)

...pour le vivre et la soustenance des povres du dit lieu cinquante sestiers de blé (Doc. Poitou G., t.2, 1335, 128)

...ordenons que toutes les forfaitures, et biens muebles et heritages, qui nous avenront et escherront en notre royaume, (...) soit baillées et distribuées à chascun des dessus dis bourgois et habitans souffissamment pour leur vivre, soustenance et chevance d'eulz (Hist. dr. munic. E., t.2, 1347, 345)

Chiers sires, or est ainsi que vitaille m'est faillie et pour ce sui cy venuz pour ma soustenance pourquerre (Bérinus, I, c.1350-1370, 221)

Sire, pour Dieu mercy, sachiez que je suis une femme qui ne suis pas cy venue pour vostre ennuy ne pour vostre dommage, ains suis une povre creature d'estrange terre et sanz amis, qui, pour gaigner ma soustenance, me suis a folie faire mise de mon corps. (Bérinus, II, c.1350-1370, 10)

Car il n'est qu'un Dieu seulement Par lequel li quatre element Sont fait, dont toute creature Prent soustenence et norriture. (Mach., C. ami, 1357, 48)

Si qu'amis, pren ta soustenance, Mesure et poise en la balance Tant la mauvaise com la bonne. Garde qu'en ton mengier ait bonne Et qu'adès petit a petit Tu reteingnes ton appetit (Mach., C. ami, 1357, 61)

...il labouroient a leur mains, il avoient leur soustenance (Foul., Policrat. B., VIII, 1372, 102)

...a l'eure du sacrement il se assiet en la moienne de son lit par ses aides et atent tant en priant Dieu merchy que le prouvoire luy apporte son Sauveur et la le rechoit devotement. Merveilleuse chose est, car autre soustenance n'a eu depuis ne n'avra (Percef. VI, R., c.1450 [c.1340], 905)

Remarque : GRÉBAN, Pass. J., c.1450, gloss. (soustenance).

Prendre sa soutenance. Se nourrir.

Après vint chascuns en la sale Qui ne fu vileinne ne sale, Ou chascuns fu, ce m'est avis, A point honnourez et servis Einsi de vin et de viande Com corps et appetis demande. Et la pris je ma soustenance, En regardant la contenance, L'estat, le maintieng et le port De celle ou sont tuit mi deport. (Mach., R. Fort., c.1341, 145)

C. -Au figuré.

1.Soutien, appui, protection.

...ce sont une gent Qui u monde tant seulement Ne quierent fors (leur) soustenance Et en Dieu suel ont (leur) fiance. En la mer sont, quar autrement Il ne puent corporelment Vivre, (mes) l'esperitel vie En la mer (il) ne quierent mie. (...) Tel gent resemblent .I. oisel Quë ortigometra j'apel ; Quar quant il doit la mer passer Et traveillie est de voler, A noer en la mer se prent, Mes en noant haut l'ele estent Et en fait voile et gouvernail, A fin quë il n'afonde a val Et a fin que repuist voler Comme devant dessus la mer (Guill. Digull., Pèler. vie hum. S., c.1330-1331, 364)

...il lor faisoit soustenance Par son gracïeux sermonner (Tomb. Chartr. Trois contes S., c.1337-1339, 110)

...C'est ma santé ; c'est ma baudour ; C'est mes confors ; c'est ma valour ; C'est ma dolour ; c'est ma durté ; C'est toute ma bonneürté ; C'est ma pais ; c'est ma soustenence ; C'est mes recours ; c'est ma fiance (Mach., D. Lyon, 1342, 167)

Et j'aussi pas ne l'asseür, Car asseürés ne puet estre Sans vous, qui estes sa main destre, Qui estes toute s'esperence, Ses reconfors, sa soustenance. (Mach., D. Lyon, 1342, 230)

...C'est ma joie et ma soustenance, C'est mes deduis, c'est mes delis, C'est droitement la fleur de lys Dont roy, duc et conte se perent ; Car vraiement tuit la comperent A la fleur de lys en blancheur, A la rose en fine douceur (Mach., Voir, 1364, 136)

Pour ce ne sçay penser que je feroie, Douce dame, s'en vo grace n'estoie, Fors tost morir, qu'autre aligence Ne vorroie n'autre santé N'autre bien n'autre soustenance N'autre joie n'autre amité. (Mach., L. dames, 1377, 169)

Mais au traire n'a pas mestrait, Ne riens n'i vaut mire n'entrait, Car sans mort li fers n'en yert trait, Pour ce que c'est ma soustenance. (Mach., Les lays, 1377, 369)

Et si n'en fais nulle doubtance, Car c'est ma foy, c'est ma creance, C'est ma vie et ma soustenance, Par celle qui par excellance Est fille au pere et dou fil mere. (Mach., Les lays, 1377, 407)

...ce sera tout mon confoert et toute ma soustenance (Ponthus Sidoine C., c.1400, 182)

Et qui a toy s'asseure et determine, Tu le ressours quant il fault et decline Et lui donnes confort et soustenance (Chart., B. Nobles, c.1424, 408)

Vray est que nous povons ça jus aucunes choses esperer, comme la grace de Dieu, son aide, et benefice de protection et de soustenance (Chart., L. Esp., c.1429-1430, 87)

Chivallier suis de grant vailliance. Par la divine ordonnance J'ay acquis ma gentillesse Pour estre la substenance, Par douleur et par puissance, De foy, de loy et de noblesse (Myst. st Sébast. M., c.1450-1500, 107)

2.Soutien, maintien, préservation de qqc..

...en vertues et en graces qe malement sount enploiees en moi et en la sustenaunce de moun cheitif corps et en services de mes proemes (Henri Lanc., Seyntz medicines A., 1354, 1)

Car a bien vivre et a bonne sustenance de nature ne convient pas trop de choses (Oresme, Pol. Arist. M., c.1372-1374, 65)

Mais nous avons pour justice violence, pour misericorde rapine, pour proteccion destruccion, pour soustenance subverssion, pour pasteurs pilleurs et meurtriers, pour deffenseurs persecuteurs (Juv. Urs., Loquar, 1440, 311)

...car en vous est toute ma joye et soustenance de ma vie (Ponthus Sidoine C., c.1400, 50)

Maintien, solidité morale.

Soies de fort corage et ataing a plus grande soustenance (Internele consol. P., 1447, 253)