SOUHAIT

substantif masculin

[T-L : sohait ; GDC : souhait ; DECT : sohait ; FEW (XVI, 125a) : *haitan ; TLF (XV, 744b) : souhait]

Désir, ce qu'on souhaite, souhait.

Et quant je pers le soulas et la joie De ce tres dous regart qu'avoir soloie, Se je me plein et souspir et larmoie, Je n'en puis mais, Car s'en ce monde un seul souhait avoie, Riens plus fors li je ne souhaideroie. (Mach., F. am., c.1361, 152)

Au prince bailla VJ. galées, Bien garnies, bien estofées. Li princes avoit la premiere, Qui estoit aperte et legiere, Si que c'estoit uns drois souhais. (Mach., P. Alex., p.1369, 138)

Car lonc temps vous ay servi Et obei Et honnouré et cheri De cuer d'ami. Et se le faites einsi, C'iert mon souhait, Et s'en vaurra miex aussi Tout ce que j'ay pour vous fait. (Mach., L. dames, 1377, 220)

Et se l'aim tant que s'en ce monde avoie Un seul souhait, einsi souhaideroie Que s'amour fust envers trestous d'un fuer, Fors vers celui qui l'aimme de mon cuer. (Mach., Motés, 1377, 505)

...si Dieu luy eust donné ung souhait a choisir, il eust demandé la mort de sa femme (C.n.n., c.1456-1467, 490)

Pour accomplir vostre soet, Sire Josep, veez la le corps ! (Pass. Auv., 1477, 262)

Par mon souhait. Conformément à mon désir, comme je l'aurais voulu.

Quant a moy, le cas me desplait Que j'ay fait. Dieu scet bien que l'ay fait envis ; Pas ne l'ay fait par mon soit. (Pass. Auv., 1477, 109)

Maistre, mon filz, Qui est demoniacle, sourt et muet, Tes disciples par leur soet N'ont peu guarir a ma requeste. (Pass. Auv., 1477, 162)

Locution. À/par souhait. Comme on peut le souhaiter, comme il est souhaitable, au mieux.

ENVIE. ...Mies[me]ment quant i'aie regardé Mon voisins en prosperité Et qui ses bien vient à souhait, Grant doeul et grant annuy m'en fait ; Et se ie oys de luy mesdier, Ie ne le voy point escondir, Mains souent en voy mesdisant Et se valoir amenrisant. Par maluaise detraction, Auoir luy fay mauais renon (Sept péchés C., c.1300-1350 [p.1478], 229)

Loez en soit treshaultement La vierge puissant, qui ce fait ! Elle nous fait plus qu'a sohait, Ne que nous n'avons desservy. (Mir. enf. diable, c.1339, 20)

... je ne sceu quel part aler Ne a mon chemin assener, Quant j'encontray vostre varlet Qui m'a, aussi que par sohait, Si admené. (Mir. femme roy Port., c.1342, 157)

LE ROY. Je tien ce conseil a honneste ; Ainsi iert fait. LA CHASTELLAINE. C'est si bon conseil qu'a sohait. (Mir. femme roy Port., c.1342, 181)

BAUDOIN. (...) Alons ment Avant qu'orage sourde point, Et que nous avons vent a point (...). DEUXIESME CHEVALIER. Alons : par sohait sur le sueil Fussions du palais l'emperiére ! (Mir. emper. Romme, 1369, 280)

... les marronniers avoient vent et temps à souhet , et ne furent ... que V . jours sus la mer (Froiss., Chron. M., XII, c.1375-1400, 309)

Se quanque Diex en monde a fait Et quanque Nature a pourtrait Povoient avoir, par souhait, Sens, entendement, congnoissance, Plus certein que science n'ait, N'aroient il jamais retrait Dou bon et bel qu'aim sans retrait La bonté ne la grant vaillance. (Mach., Les lays, 1377, 362)

La veissez ferir Chaundos Qui cel jour y acquist grant los, Warrewik et le Despenser, Mountagu qui fuist a priser, Cils de Mawne et cil de Basset Qui bien combatoient a souet (Héraut Chandos, Vie Prince Noir T., c.1385, 84)

...aucunes foys es grans batailles dez roys et dez princes encontre lez anemis de la foy, par la permission divine lez victoires ne vendront pas tousjours a souhait, ceste sainte Chevalerie, a la lettre regulee et experte en fait d'armes et en tous perilz, aura souverainement et diligaument la cure possible des mors et des navres (Mézières, Sustance H., 1396, 49)

...si eulrent tellement le vent a souhait que en peu de tampz il ariva en Flandres (Wauquelin, Manequine C.T., a.1448, 164)

Quant Chacun a joué son jeu, Et a eu le Temps a souhait, Il se treuve en temps et en lieu Payé de tout ce qu'il a fait. (Sots triumph., c.1475, 49)

Il fait un beau jour a souhet. (Myst. Pass. Troyes B., a.1482, 905)

La fut le roy de gens de tous estatz Honnestement recueilly a souhaict, Tant de l'eglise que d'autres ung grant tas (La Vigne, V.N., p.1495, 156)

À droit souhait

... li Englès ... disent que à droit souhet il ne vosissent mies mieulz, quant il les tenoient oultre le rivière (Froiss., Chron. L., IV, c.1375-1400, 107)

Et tant a, à droit souhait, Corps gent et joint, par mesure pourtrait, Qu'en beauté n'a pareille ne seconde ; Mais de son bien, certes, c'est tout le munde. (Mach., L. dames, 1377, 177)

Et costiierent Frisse, et ne savoient bonnement a dire li maronnier ou il estoient. Au tierch jour, vens lor revint a droit souhet, et qui les mena et bouta droit contre Engleterre, et tant que li maronnier en orent la congnissance. (Froiss., Chron. D., p.1400, 72)

À fin souhait. Autant qu'on peut le souhaiter, au mieux.

Tres bien le croy ; dont je ne vous porroie Si biau don guerredonner, Et vous peüsse à fin souhait donner Quanque desirs en ce monde saveure, En lieu dou cuer, amis, qui me demeure. (Mach., Bal., 1377, 544)

Et en la fin Remondin descendy a pié, et print sa lance qui gesoit par terre, et en vint le grant pas vers son ennemy, lequel se destournoit de lui, et le faisoit aler après lui parmy le champ, car il avoit si bien cheval a main qu'a fin souhait. (Arras, c.1392-1393, 63)

Se j'ayme et sers la belle [la Grosse Margot] de bon het, M'en devez vous tenir ne vil ne sot ? Elle a en soy des biens affin soubzhet ; Pour son amour seins boucler et passot. (Villon, Test. R.H., 1461-1462, 124)

À pur souhait

Jamais de vostre eage ne se releveront les Escoçois. Vostres coses vous viennent a plain et pur souhet (Froiss., Chron. D., p.1400, 787)