SOUDAINEMENT

adverbe

[T-L : sodainsodainement ; GDC : soudainement ; DECT : sodainement ; FEW (XII, 335a) : subitanus ; TLF (XV, 719a) : soudainement]

A. -De façon rapide et imprévue, subitement, soudainement.

L'ABBEESSE. (...) Amours m'assault et me guerrie Pour mon clerc qui de cy s'en va, Car sodainement monstré m'a Son maintien, qui par est si gent Qu'il doit bien plaire a toute gent (Mir. abbeesse, 1340, 66)

N'en monde n'a si soutil homme, Tant soit apers, qui sans meffaire Sceüst un amant contrefaire, Qu'il n'i eüst trop a reprendre ; Ne riens ne me feroit entendre Que il peüst soudeinnement Sa couleur muër proprement En quatre manieres diverses, Blanches, rouges, noires, ou perses. (Mach., R. Fort., c.1341, 64)

Et quant je vi Qu'Esperence avoit assevi Tout ce que dire me voloit, Et qu'einsi elle s'en voloit Soudeinnement a recelée, Je cheï en moult grant pensée Et par ordre a recorder pris Tout ce qu'elle m'avoit apris De point en point, car bien pensoie Qu'encor grant mestier en aroie. (Mach., R. Fort., c.1341, 108)

Mais tout einsi qu'elle tenoit Mon doy, soudeinnement venoit Entre nous deus Douce Esperence, Pour parfaire ceste alience, Dont moult lié et moult joieus fumes (Mach., R. Fort., c.1341, 150)

LE MARI. Diex ! Est ce songe ou visïon ? Qu'est la dame ore devenue, Qui cy endroit estoit venue ? Elle s'en va soudainement. (Mir. enf. ress., 1353, 65)

...car, comme dit est, tele benivolence vient soubdainnement et ceulz qui l'ont aimment superficialment et foiblement. (Oresme, E.A., c.1370, 469)

J'ay bien matére de courroux (...) Non pas pour ma mére que voy Qu'est morte si sodainement, Car c'est du juste jugement De Dieu ; mais pour autre achoison. (Mir. roy Thierry, c.1374, 287)

PREMIER CHEVALIER. (...) Un nouvel [empereur] en convient eslire Qui sache bien garder l'empire Et gouverner. LE SIRE DE LISYÉRE. C'est fort de bien y assener Ne savoir si sodainement. (Mir. st Lor., 1380, 148)

...Jehan, duc de Bourgoigne et contes de Flandres (...) chevaucha hastivement et soudainnement à tout sa gent armée de Louvres en Parisis où il avoit geu, en passant par Paris environ VIJ heures au matin (Baye, I, 1400-1410, 138)

...la pugnicion de Nostre Seigneur puet venir soubdainement sur le mauvais. (Chr. Piz., Paix W., 1412-1413, 121)

Tout aussi a haste qu'il vint au monde, aussi soudainement en est party. (C.n.n., c.1456-1467, 130)

[Domaine médical]

[À propos de la manifestation d'une maladie] Sans symptômes préalables.

Or est-il ainsi que le Roy dessusdit, chevauchant de ladicte ville du Mans à aler audit pays de Bretaigne, ses princes et sa chevalerie estant assez près de lui, lui print assez soudainement une maladie, de laquelle il devint ainsi comme hors de sa bonne mémoire. Et incontinent tolly ung espieu de guerre à ung de ses gens, et en féry le varlet du bastard de Lengres, tellement qu'il l'occist, et après occist ledit bastard de Lengres. (Monstrelet, Chron. D.-A., t.1, c.1425-1440, 8)

Et doit sçavoir que appoplexie se differe de dormir qui est grief et parfont que on appelle subeth et se differe de litargie et sincopin de cueur, car ces passions ci viennent petit a petit et appoplexie vient soudainement (Gordon, Prat., c.1450-1500, II, 25)

Tout à coup.

Se aulcun de long temps avoit tremeur de cueur et soudainement vient sincopin, il est despeché, car la cause est ja equate. (Gordon, Prat., c.1450-1500, IV, 12)

[À propos d'une intervention médicale] D'un seul coup.

Nul flux cretique ne doit point estre restraint s'il n'affoiblissoit trop manifestement vertu. Nul flux sinthomat doit estre restraint soudainement, mais petit a petit (Gordon, Prat., c.1450-1500, III, 17)

Mourir soudainement. Mourir de mort subite.

Se les mauvais meurent soubtainement, Joie n'en doiz aucunement. (Le Fèvre, Caton U., a.1376, 105)

Tu dois entendre que aspirer et respirer ne peuent du tout deffallir en appoplexie, car on seroit mort soudainement ainsi que en ceulx qui estouffent et estranglent, mais il peult estre tant foible que nous n'en veons riens, mesmement en ceulx qui ont le cueur froit (Gordon, Prat., c.1450-1500, II, 25)

Brusquement.

...Et selonc l'estat de Fortune Qui les amans souvent fortune, L'un bien, l'un mal, l'autre a sa guise, Selonc ce qu'elle se desguise. Car sans faute, ce qu'elle fait Moult soudeinnement le deffait, Car en li n'a estableté, Amour, pité, ne fermeté (Mach., R. Fort., c.1341, 32)

Souvent estoit dolens et liez, Dont je fui trop esmervilliez, Comment de si trés grant tourment Il pooit si soudeinnement Avoir joie si souvereinne, Car la mutation soudeinne Si est moult malaisie a faire, Si com je l'ay oy retraire. (Mach., D. Lyon, 1342, 183)

Pour ce souvent Mon amoureus pensement Me fait cuidier Qu'il me doie trespercier Soudainnement. L'ueil qui est le droit archier. (Mach., Ch. bal., 1377, 627)

La tierce maniere comment un ange mueroit lieu sanz mouvement successif selon ymaginacion seroit que il fust en un lieu et tantost apres, soudainement et sanz moien, fust en un autre separé et sanz passer par les corps moiens ou par l'espace moienne. (Oresme, C.M., c.1377, 294)

Lors se transfigura en guise de serpente comme devant, et s'en ala debatant de sa queue autour du lit et sur leurs piez, sans nul mal faire, et puis dist qu'elle se party, et la perdy si soubdainement qu'il ne scot oncques par ou. (Arras, c.1392-1393, 309)

Mesmement Entendement qui defferma le guichet de ma memoire lez mescongneust a l'entrer, car encores avoit il ses yeulx esblohis, comme prisonnier qui d'une trouble chartre vient soudainement a la lueur du solleil. (Chart., L. Esp., c.1429-1430, 23)

...il commença tresfort et soudainement a plorer (C.n.n., c.1456-1467, 137)

Or, nottez comme ung bien grant prince et puissant peult très soudainement tumber en inconvenient, et par bien peu d'ennemys (Comm., I, 1489-1491, 153)

'Monseigneur, retirez vous, car voicy le duc de Bourgoigne qui vient' ; qui luy respondit qu'il n'estoit pas vray. Et icelluy de Harmes luy dist : 'Monseigneur, sauf votre grâce, vous en verrez presentement l'experience.' Et lors le grant maistre se retourna tout soubdainement et aperceut venir lesditz Bourguignons approcher, et ne dist autre chose aux François qui alloient devant, synon : 'Tournez, tournez !'ce que firent quinze ou seize hommes d'armes (Le Clerc, Interp. Roye, c.1502, 270)

Inopinément.

Et ma dame m'arraisonna (...) Et m'enquist moult dont je venoie, Et comment tant tenus m'estoie Que je ne l'avoie veü, Et aussi que j'avoie eü, Quant je parti darreinnement De li ; car moult soudeinnement M'en parti, sans penre congié (Mach., R. Fort., c.1341, 129)

Ledict duc luy respondit soudainement et sans y penser : 'S'il ne le veult prendre, mais que vous faciez qu'il soit content, je m'en rapporte à vous deux.' (Comm., I, 1489-1491, 164)

Sans être prévenu.

LE MARQUIS [à Griseldis]. …contrains Suis a faire de mon chier filz Comme de ma fille je fiz, [te l'enlever] (…) Et affin que soubdainement Ton cuer ne le port plus griefment, Paravant le te segnefie. (Gris., 1395, 63)

B. -D'une manière presque mécanique, comme en improvisant.

Mais les choses faites soudainement semblent estre faites selon habit. (Oresme, E.A., c.1370, 216)