SEULET

adjectif

[T-L : solet1 ; GD : solet ; FEW (XII, 79b) : solus]

[Dimin. de seul]

A. -[En fonction d'attribut ou d'apposition] Tout seul, solitaire, sans compagnie, seulet.

Mais tout einsi, com je me delitoie En son trés dous chanter que j'escoutoie, Je vi venir par une estroite voie, Pleinne d'erbette, Une dame pensant, toute seulette Fors d'un chiennet et d'une pucelette ; Mais bien sambloit sa maniere simplette Pleinne d'anoy. (Mach., J. R. Beh., c.1340, 59)

Lors plus de dis fois ou de vint Resgardai entour la haiette, Mais je ne vi riens fors herbette, Arbres, fueilles, fleurs et verdure. Car il n'i avoit creature Fors moy seulet. (Mach., R. Fort., c.1341, 107)

Mais vers li mesprist si forment Qu'Adriane laissa dormant Seulette en estrange contrée, Lasse, dolente et esgarée, Et en mena la juene touse, Phedra sa suer, s'en fist s'espouse. (Mach., J. R. Nav., 1349, 232)

'...J'ay grant joie de vos venues, Car un po merencolioie, Pour ce que si seulès estoie'. Et aussi nous le saluames Et doucement a li parlames. (Mach., F. am., c.1361, 210)

Nompourquant je me defri Seulette et gemi Souvent à face esplourée, Quant lontainne sui de li Qu'ay tant enchiery Que sans li riens ne m'agrée. (Mach., Ch. bal., 1377, 631)

L'angle trouva Nostre Dame, comme dit saint Bernard, toute seulette en sa chambre, non mie parlant a Berthe ou a Gaultier. (Gers., Annonc., a.1400, 237)

Tout seulet a une lumiere Estudioit en tel maniere. (Chr. Piz., Chem. estude P., 1402-1403, 250)

J'ay veu le temps que pour or në argent N'eusses laissié, ne pour quelqu'autre vueil, A moy veoir, ou fust devant la gent Tout en passant, ou seulet en recueil, Un jour sans plus (Chr. Piz., Cent ball. amant dame C., c.1409-1410, 113)

Si alay tout seulet, ainsy Que l'ay de coustume, et aussy Marchay l'erbe poignant menue Qui toute la terre tissy Des estranges couleurs dont sy Long temps l'yver ot esté nue. (Chart., L. Dames, 1416, 198)

Maiz par l'erbete Chascune aloit toute seulete. (Chart., L. Dames, 1416, 209)

Meistre, je veult ceste vesprée Dormir soullet, ne vous desplaise. (Myst. st Bern. Menth. L., c.1450, 67)

Madame, en vraye charité, Je vous requiers treshumblement Que vous n'y alez nullement Seullette, sans vostre servante (Myst. st Adr. P., c.1450-1485, 106)

Si trouva maniere, tantost après soupper, de se bouter seulette en ce retraict (C.n.n., c.1456-1467, 436)

...triste et pensif retourna en sa maison, et seulet se rendit en sa chambre (C.n.n., c.1456-1467, 555)

Finablement, en escripvant, Ce soir, seulet, estant en bonne, Dictant ces laiz et descripvant, J'ouys la cloche de Serbonne, Qui tous jours a neuf heures sonne Le salut que l'ange predit ; Si suspendis et mis en bonne Pour prier comme le cueur dit. (Villon, Lais R.H., c.1456-1457, 28)

'...Je voy bien a vostre croix blanche Que nous sommes tout d'ung party.' Dont tous les diables est il sorty, Tout seulet ainsi effroyé ? (Fr. arch. B., c.1468-1480, 38)

JAUNE BEC. Estes vous la ou je vous voyz, Bourgeoyse, en vous jardrin, soullete ? (Pipée R., c.1470-1480, 189-190)

Si me trouvay seulet, tout estonné et moult fors esbahy. (La Vigne, Ress. chrest. B., 1494, 141)

Il s'en va devant seulet, puis son valet s'en yra aprés luy, de loing. (La Vigne, S.M., 1496, 212)

Tout seullet s'en ira Martin Sanz compagnie de nully (Myst. st Martin K., a.1500, 227)

Seulet à seulet. En tête à tête, sans témoin.

Et je croy bien fermement que vous sariés bien jouer avec pucelles d'aage en quelque chambre seulet a seullete pour vous bien despourter en amours (Bagnyon, Hist. Charlem. K., c.1465-1470, 76)

Seul, à l'exclusion de toute autre personne.

Le createur de tout le monde, a quy seulet l'on doit reverence en terre et honneur, sault et gard le noble Charlemaigne, puissant, fort et saige empereur, Roland, Olivier et tous les aultres douze pers de France (Bagnyon, Hist. Charlem. K., c.1465-1470, 89)

B. -[En fonction d'épithète]

[Antéposé]

Car vous ne poués guere faire Tant que serés seulle sans pert : Chose qui vaille, bien appert, Ne fait seullette femme nulle. (Myst. st Adr. P., c.1450-1485, 173)

Ung autre escu avoit joignant de cestui, lequel estoit plusgrant et spacieux. Ou dessus avoit une couronne d'or lequel estoit a une souche d'or, plainte par semblant, la pendu et n'avoit ladicte souche que ung seulet vert cyon (RENÉ D'ANJOU, Cuer am. espris W., 1457, 137)

Ne vouldroit ung seullet mot dire Ne faire requeste de bouche Qui pourtast le maindre reproche C'on peust reprochier a sa dame, Ains eymeroit plus que la flame Du feu gregoys tout vif l'ardist. (Lord. Tart Ab. L., a.1465, 176)

[Postposé]

Car en ce temps le noble roy portoit Ces deux couleurs pour ung cas nouvelet, Avec ung C et ung A tout seulet, Signiffïant ensemble Anne et Charles. (La Vigne, V.N., p.1495, 169)

C. -Emploi substantival.

Il se approcha doncques de la femme, qui estoit toute seule, sans homme, pour ce que le diable deceut plus legierement ung seulet qu'il ne fait ung qui a compagnie. (Miélot, Spec. hum. salv. L.P., 1448, 122)