SERPENTE

substantif féminin

[T-L : serpente ; GD : serpente ; FEW (XI, 520a) : serpens ; TLF (XV, 397a) : serpente]

A. -Serpente.

Mort pieure Que dragon que tout deveure Ou serpente... (Taillev., Lai mort Cath. Fr. D., 1446, 246)

Remarque : Gloss. lat. fr. (Montp., c.1380) ds GV VII, 395a (Scitalis, uneserpentequi oste sa pel en yver). GRÉBAN, Pass. J., c.1450, gloss. ; Jourd. Blaye alex. M., a.1455, gloss.

[À propos d'une fée, et en partic. Mélusine, transformée partiellement ou totalement en serpent]

Il, par sa curieuseté, la voult veoir, et tantost la faee bouta sa teste dedens l'eaue et devint serpente, n'oncques puis ne fu veue, et le dit chevalier declina petit a petit de toutes ses prosperitez et de toutes ses choses. (Arras, c.1392-1393, 4)

Et ne vy je leur mere, le samedy que mon frere de Forests m'acointa les males nouvelles, en forme de serpente du nombril en aval ? (Arras, c.1392-1393, 253)

Ainsi comme je vous ay dit, s'en va Melusigne en guise de serpente vers Lusegnen, volant parmy l'air et non pas si hault que les gens du pays ne la veissent bien, et l'ouoient encores de plus loing, car elle s'en vient, tel doulour menant, et faisant si grant escroiz que c'estoit grant hideur a veoir et a l'ouïr. (Arras, c.1392-1393, 260)

Il vit, ce disoit il, apparoir, presentement et visiblement, devant son lit une serpente, grande et grosse merveilleusement, et estoit la queue longue de VII. a VIII. piez, burlee d'azur et d'argent. Et ne scot oncques par ou elle entra, et estoient tous les huiz fermez et barrez. (Arras, c.1392-1393, 308)

Et puis m'as fait a la volee Prendre celle femme faee, Celle diffamee serpente. (Coudrette, Mélus. R., c.1401-1402, 234)

Quant elle ot finé sa parolle, Par celle fenestre s'en vole Mellusigne sanz demouree Et s'est en serpente müee. Grande et longue estoit vraiement, Dont tous s'esbahissent forment ; D'argent et d'asur fut burlee La coue de celle faee, Qui devenue estoit serpente, Dont Raimondin moult se demente. (Coudrette, Mélus. R., c.1401-1402, 247)

Le secont entremectz de celle table estoit ung chasteau à la façon de Lusignian, et sur ce chasteau, au plus hault de la maistresse tour, estoit Melusine en forme de serpente (La Marche, Mém., II, c.1470, 351)

Par métaphore.

[Appliqué à une servante dont le rôle consiste à chaperonner la femme d'un jaloux (cf., en fr. mod., une vipère)] ...[elle] n'avoit aultre loisir d'estre hors de sa presence infernale, sinon allant et retournant de la messe, accompaignée d'une vieille serpente qui d'elle avoit la charge. (C.n.n., c.1456-1467, 256)

Ha, perverse femme et cruelle, Faulce serpente venimeuse, Ta volunté libedineuse... (Michel, Myst. Pass. J., 1486, 44)

[Appliqué à Envie]

O faulce Envie, serpente despiteuse, Despit crueulx, plain de forcennement, Fort forcené, coleuvre dengereuse (Pouvre peuple H., c.1450-1492, 194)

B. -Par extension. Dragon, monstre.

Marthe qui Dieu maintes foiz hostela Et qui destruit la serpente punaise A Terascon... [Éd. : 'monstre, dragon, nom appliqué à la tarasque'] (Desch., Oeuvres Q., t.1, c.1370-1407, 114)

...la seconde pourtraicture a ou millieu une Enciancion de Nostre Dame et au costé destre Charlemaine, saint George et la serpente (Comptes Etat bourg. M.F., t.1, 1419, 80)

C. -Par analogie. ARMES, ARMURERIE (Synonyme de serpentine)

...comment elle queru ses ennemis aux pointes des epees, ordonna ses batailles (...), concquist honneur et appoigna les culeuvres et horribles serpentes de ses adversaires jettans feu et flame pour les destruire. (Molinet, Faictz Dictz D., 1467-1506, 156)