SEMBLANCE

substantif féminin

[T-L : semblance ; GD : semblance ; DECT : semblance ; FEW (XI, 624a) : similare ; TLF (XV, 292a) : semblance]

A. -Aspect identique (de deux ou plusieurs pers. ou choses), fait d'être semblable, ressemblance, analogie.

...et la cause pour quoy deux personnes qui ne s'entrecognoissent, si tost conme il s'entrevoient, s'entreaiment, les docteurs dient que c'est pour ce qu'il y a dedans eulz une semblance repote, qui a ce les meut. (Mir. femme roy Port., c.1342, 149)

Dont nous pouons icy noter une treble similitude ou semblance estre entre eulx (Mir. march. larr., c.1349, 92)

...se tu veulz enquerir les dictes proprietés des corps absens (...), l'ymaginacion les te pourra presenter par aucune similitude traicte des choses que le sens cognoit ou avra cogneu, la quelle de tant sera plus loyal et veritable comme elle sera plus expresse semblance. (Foul., Policrat. B., II, 1372, 159)

Car la creature consideree en soy pas ne dispose a congnoistre le createur, mais ainçois par tele maniere seroit empeschié la congnoissance, car entre le createur et la creature est plus grant different que n'y a de similitude et samblance. (Somme abr., c.1477-1481, 112)

À la semblance de qqn

...il ne estoient ne engle ne esperit, mais homme fourmet à la samblance de leurs signeurs, et on les tenoit comme bestes, lequel cose il ne voloient plus souffrir, mais voloient estre tout un, et, se il labouroient (...) pour leurs signeurs, il en voloient avoir leur salaire. (Froiss., Chron. R., X, c.1375-1400, 95)

Uniformité.

[Sentence] Semblance est mere de rassasiement

Auchunefois aussi ce fait la varieté des paroles, comme dist Tulle en sa premiere Rethorique : «Il convient par grand labeur changier ou muer la parole, car en toutes choses samblance est mere de rasasiement». (Daudin, De la erudition H., c.1360-1380, 25)

ARITHMÉTIQUE Fait, pour des racines, d'avoir le même exposant.

La semblance ou dissemblance des racines vient de leurs denominations tant seulement comme R².12. et R².17. sont semblables car lune et laultre est R² mais R².12. et R³.12. sont dissemblans en tant que lune est racine seconde et laultre est racine tierce (Nic. Chuquet, Triparty M., 1484, I, 657)

Par métonymie. Objet dont la nature est apparentée à celle de l'âme (la musique)' (Éd.).

...c'est tres juste chose que l'ame soit adoucie et assouagiee par grace de prouchaine semblance et a lui convenable (Foul., Policrat. B., I, 1372, 114)

À la semblance de

Par analogie avec.

Mansuetude est dite a la semblance des bestes privees et debonnaires et signifie mansuet aussi comme acoustumé a la main. (Oresme, E.A.C., c.1370, 260)

À l'instar de, comme.

De mal faire onques [Fortune] n'est geüne. Tout le mont ne prise une prune, Eins le demeinne A la samblance de la lune Qui ore est pleinne, clere et brune, Et fourme ne clarté nesune N'a en quinseinne, Fors tant que n'a mois ne semainne, Jour prefix, ne heure certeinne, Eins est sa venjance soudeinne (Mach., R. Fort., c.1341, 35)

Avoir semblance a/avec/de. Ressembler à, être comparable à.

Pour povre homme nul ne plaide, Tousjours est sa cause laide A plaideur qui a semblance A languete de ballance : Tousjours se trait au plus pesant Et le mendre pese fuiant. (Guill. Digull., Pèler. âme S., c.1355-1358, 29)

Et telz gens ont aucune chose semblable a celui qui est continent en la maniere que le prodige a similitude au liberal ou semblance, et le trop hardi a celui qui a la vertu de fortitude. (Oresme, E.A., c.1370, 395)

Cest voirement grant semblance que ta voulente [l. voulenté] a auecques leternite [l. l'eternité] de Dieu car ta voulente [l. voulenté] ou franc arbitre est incorruptible et immortelle et iamais ne fauldra (Cib., p.1451, 223)

Pecheurs, pecheurs, oués ma voix ! Mes paraboules ont semblance D'un homme semenant. Sa semence, Tumbent sur le chemin, est gatee, Car des bestes tost est mangee. [Réf. à la parabole du semeur (Luc 8, 4-15, et en partic. 11 : 'La semence, c'est la parole de Dieu')] (Pass. Auv., 1477, 137)

Item reluist encores en nous l'ymage de trinité, car en nous sont entendement, congnoissance et amour, par lesquelles trois choses par ordre nous avons samblance et similitude avec le Pere, le Filz et le Saint Esperit. (Somme abr., c.1477-1481, 114)

Estre de la semblance à. Ressembler à.

Icelle gent qui sont de tel maniere sont de la semblance a ce perier de quoy vous nous avez compté, qui trop est de mauvaise nature, car neant plus ne peuent celle gent bien faire ne frutifier, comme li periers vo seigneur, qui nul bon fruit ne puet porter. (Bérinus, I, c.1350-1370, 144)

[D'un animal] Estre de la semblance d' un autre animal. Avoir les mêmes caractéristiques, ressembler à (un autre animal).

Quant la segoingne se fourfait, Et ses males en scet le fait, Je croy bien que moult s'en aïre Et qu'il en a au cuer grant ire ; Mais trouver en puet aligence En ce qu'il en atent vengence. Car il s'en va tantost en serche ; Par les nis des oisiaus reverche A ceuls qui sont de sa samblance, Tant qu'il en a grant habondance ; Puis entour son nif les assamble, Et quant il sont la tuit ensamble, Il y tiennent un grant concire, Puis metent celui a martire De mort qui l'a, ce dit, forfaite ; La est devourée et deffaite. (Mach., J. R. Nav., 1349, 194)

Prendre semblance à qqc. Ressembler à qqc..

Au fort, ce que j'ay fait par cy devant prenne semblance et comparaison aux oiselletz qui font leurs nidz (C.n.n., c.1456-1467, 557)

B. -Ce qui paraît de qqn ou de qqc., aspect extérieur de qqn ou de qqc..

1.[À propos d'une pers. (ou d'un animal)] Apparence, forme extérieure.

Car Souvenirs l'en met en voie Par Dous Penser, qui le ravoie De penser a la ramembrance De la gracieuse samblance De celle a cui il est donnez Ligement et abandonnez. (Mach., D. verg., a.1340, 38)

Pour ce di qu'en ce Nature et Dieus feïrent ignorance, Sauve l'onneur d'eaus et leur reverence, Quant il firent si trés belle samblance Sans loyauté. (Mach., J. R. Beh., c.1340, 87)

Je t'ay pluseurs fois oy dire Que tu ne vosisses eslire Autre bien n'autre souffissance, Fors que de sa douce sanlance Souvenirs et douce Pensée Fussent en toy sans dessevrée, Et que cil dui te garissoient De tous les maus qui te venoient. (Mach., R. Fort., c.1341, 59)

LA DAME. Et veïstes vous Esperence En la fourme et en la samblance Que ci le m'avez devisé ? (Mach., R. Fort., c.1341, 137)

S'en y avoit d'autre façon Telle que paintre ne maçon, (...) Nes Pimalion li soutis, S'il y fust a tous ses outis, Ne sceüssent il les figures, Ne les estranges pourtraitures, Les trés estranges contenences, Ne les desguisées sanlances Paindre, pourtraire, n'entaillier, Qui leur deüst les poins taillier. (Mach., D. Lyon, 1342, 213)

Hé ! dame de vaillance, Vostre douce sanlance M'a pris sans deffiance, Mais au penre sans lance M'a navré durement. (Mach., Ch. bal., 1377, 581)

...on me monstre Que mére sui de plus d'un monstre, Lesquelx ont semblance de chien. (Mir. roy Thierry, c.1374, 264)

Helas ! toudis sans sejour Aour Vo doulz viaire joli, Mais trouver n'i puis douçour N'amour Fors samlance d'anemi. (Mach., Ch. bal., 1377, 595)

...quant elle vouldroit yceulx cire et poix merler ensamble pour en faire aucun voult de cire en samblance ou figure d'homme, que premierement et avant toute euvre, elle appellast en son ayde, comme dit est, par trois fois, icellui Luciafer (Reg. crim. Chât., II, 1389-1392, 324)

Et se fist Gieffroy figurer a la porte, du hault et du grant de lui, et au plus prez que on le pot faire de sa semblance. (Arras, c.1392-1393, 294)

Celle royne tieulx regrais Disoit, en louant Hector tres, Disant que 'bien a sa semblance Apparoit sa haulte vaillance.' (Chr. Piz., M.F., III, 1400-1403, 143)

Expression de visage.

Muer sa semblance. Changer d'expression.

Et quant einsi li os dit ma grevance, Un pou muer vi sa douce samblance, Ce me fu vis ; dont je fui en doubtance D'estre escondis (Mach., J. R. Beh., c.1340, 76)

Et quant le roy l'ouÿ si mua sa semblance, Regarda ses barons qui sont de sa tenance. (Galien D.B., c.1400-1500, 34)

Allure.

Cure n'a d'homme rebelle Ne d'omme qui trop tost fiere, De semblance sure et felle Ne de contenance fiere (Taillev., Psaut. vil. D., a.1440, 122)

De la semblance de qqn. Qui est comme qqn, qui a les mêmes caractéristiques que qqn.

LUCIFER. Quant je me voy en se noble pourpris, Resplendissant sur ceulx de ma semblance, Le cueur m'esmeut et suis formant empris De regenter en plus haulte excellence (Myst. Pass. Troyes B., a.1482, 12)

[De deux pers.] D'une semblance. D'aspect identique.

…c'est moult belle dame (…) Et si vez cy un tresbeau filz. Ne say se ce seroit son frere, Qu'onques maiz ne nasqui de mere Deux enfans mieux d'une semblance. (Gris., 1395, 92)

À la semblance de qqn./à la semblance + adj. Avec l'apparence de qqn, à l'image de qqn.

...li filz Dieu y fu encorporez Virginalment, formez a no semblance (Mir. prev., 1352, 277)

Faciamus hominem ad ymaginem et similitudinem nostram, C'est a dire en la concordance : Faisons homme a nostre semblance (Mir. st Sev., 1362, 227)

Elle desvote les absens (...) et compose ymages de cire a leur semblance et point de menues aguilles leur chief (Foul., Policrat. B., I, 1372, 123)

Il n'estoient ne angle ne esperit, mais homme fourmet à la samblance de leurs signeurs, et on les tenoit comme bestes (Froiss., Chron. R., X, c.1375-1400, 95)

...Dieu t'a fait plus que parfaicte [Marie] , fette A sa samblance (Molinet, Faictz Dictz D., 1467-1506, 118)

Tu es mon filz, ma figure, Mon sang et ma nourriture, Creature Faicte a divinne samblance. (Molinet, Myst. st Quentin C., c.1482, 1)

En semblance + adj. Avec telle apparence.

...l'umble vierge en humaine semblance Gouverna cil dont tout est gouverné (Mir. chan., c.1361, 185)

En semblance de qqn. Avec, sous l'apparence de qqn.

Dont respondi Berinus ainsi que Gieffroy lui avoit introduit, et respondi en semblance d'omme irié : 'Va t'en, fol, ensus de moy, car je n'ay cure de ta genglerie'. (Bérinus, I, c.1350-1370, 78)

Adonc vint ung dïable par devant lui ester, En Semblance d'un home c'est voulu figurer. (Tristan Nant. S., c.1350, 640)

...quant elle vouldroit yceulx cire et poix merler ensamble pour en faire aucun voult de cire en samblance ou figure d'homme, que premierement et avant toute euvre, elle appellast en son ayde, comme dit est, par trois fois, icellui Luciafer (Reg. crim. Chât., II, 1389-1392, 324)

...t's tu mué en samblance de pucelle pour refraindre mon aïr et toy appaisier a moy ? (Percef. IV, R., c.1450 [c.1340], 881)

...L'ancien ennemi de l'humain lignaige (...) se apparut à luy en semblance de saint Jacques l'apostole (Miélot, Mir. N.D. L., 1456, 87)

...le deable en samblance de femme nue le assailloit (Miélot, Mir. N.D. W., 1456, 40)

En sa propre semblance. En personne.

...'Plains estes d'ignorance, Quant celluy qui a mort vo filx plain de vaillance Vëés par devant vous en sa propre samblance, Et si n'en faittes signe d'em prendre la vengance...' (Huon Bordeaux B., c.1400-1450, 10)

Faire semblance de + inf. Donner l'apparence de, faire semblant de.

Nous ferons samblance de traire En Chipre, qui est le contraire ; Par quoy des annemis sceüe Ne puist estre nostre venüe. (Mach., P. Alex., p.1369, 63)

Prendre semblance de qqn. Prendre l'aspect, l'apparence de qqn.

...dont se mist le Deable sur le bort de la nef ou il avoit luitié, et prist fourme et semblance de la tres plus belle damoiselle que l'en peüst dire ne penser (Bérinus, I, c.1350-1370, 255)

Sur ce Aigres print un habit d'un noir moyne, qu'il avoit pourchacié, si le vesty et prinst semblance de moyne, fors tant qu'il n'avoit pas la couronne faicte. (Bérinus, I, c.1350-1370, 413)

Se mettre en semblance de

Jupiter fut amoureux de Leda, Lequel se mit en semblance d'un cine (Baude, Dictz moraulx S., p.1450, 86)

2.[À propos d'une chose]

a)Semblance (de qqc.)

Apparence, aspect (de qqc.).

...Comment Amours m'a secouru, Comment vous avez acouru Pour moy aidier et conforter, Les armes qu'amans doit porter, Et quel fust la signefiance Des couleurs et de leur samblance, Dont moult bon gré sceü vous é, Comment vous m'avez espousé De vostre anelet savoureus Et chanté vos chans amoureus (Mach., R. Fort., c.1341, 86)

Et toutesfois a toutes voz fraudes adjoustez vous tousjours aucune semblance de droit et de justice ! (Bers., I, 9, c.1354-1359, 11.7, 20)

Et pour ce les fors ont semblance de fureur, car fureur est tres impetueuse quant as perilz. (Oresme, E.A., c.1370, 214)

Car la communicacion du pere au filz a semblance et figure de royaume ou de policie royal (Oresme, E.A., c.1370, 436)

Mais c'est retraite et semblance d'oubli De legier croire encontre son ami. (Mach., L. dames, 1377, 174)

Certainement vertu qui vient du ciel, ou habitent les choses pardurables, retient la trace et la semblance du lieu de sa nativité (Chart., L. Esp., c.1429-1430, 46)

Car, quant tu noteras ses batailles desconfites et renouvelees, son ost huy mort et destruyt, et demain restabli vivement, il te semblera que lez occiz revesquissent sur le champ, et que sa desconfiture portast la semblance et la pompe d'une victoire. (Chart., L. Esp., c.1429-1430, 138)

...la paix y estoit pour lors encore et d'amistié la samblance (Chastell., Chron. K., t.3, c.1456-1471, 31)

...point ne vous tendray pour excusé tant que voz parolles avront samblance de verité, car chevaliers vanteurs sont voulentiers de petit fait. (Percef. IV, R., c.1450 [c.1340], 735)

Aspect sonore et visuel (du langage).

Et pour ce sont telz mos appellez equivoques et retrogrades, car en une meisme semblance de parler et d'escripture ilz huchent et baillent significacion et entendement contraire des mos derreniers mis en la rime, si comme il apparra en ceste couple de balade mise cy après : Autre Balade. (Desch., Art dictier R., 1392, 277)

En semblance de qqc.

Aussi fu l'estoile coumée, En semblance de feu couée, Qui de feu et d'occision Faisoit prenostication. (Mach., J. R. Nav., 1349, 143)

b)Représentation.

Sera ci fait par personnages, Se Dieux nous en donne puissance, D'icelle hystoire la semblance. C'est de la vaillant Griseldis (Gris., 1395, 2)

Image.

...se l'oeil se tourne en hault ou en bas, adonc une chose appert deux choses, car une grant partie de la pupille est couverte et la semblance de la chose ne peult aler jusques a la cristalline, se ce n'est par voye de inundacion et pour ce la semblance ne peut estre chancelee en la croix du nerf obtique ou est la droitte veue (Gordon, Prat., c.1450-1500, III, 6)

Statue.

...par trois fois t'ay commandé que tu fasses entaillier ma samblance pour la mectre en autorité. (Miélot, Mir. N.D. L., 1456, 130)

Image, portrait.

Priez aux sainctz, dont j'ay fait les semblances, Que l'eternel painctre pardon nous face (Molinet, Faictz Dictz D., 1467-1506, 825)

...dolent suis du dieu Jhesum Que la samblance de sa face N'est mise en nostre pantheon Avec Mercure et Orpheon (Molinet, Myst. st Quentin C., c.1482, 50)

Image, vision.

...les phisiciens dient que teles semblances qui ainy apperent viennent de enfermeté et maladie de pensee et de corps (Foul., Policrat. B., II, 1372, 149)

c)Illustration, exemple.

Et pour ce vueil je que vous dites a vo seigneur que je lui loue que, se la mouche vient jamais asseoir sur lui et il la puet ataindre, que tantost l'ocie sanz espargnier, ne ja ne soit en doubtance pour le venin qui de lui ystra, car, puis qu'elle sera morte, ses venins n'ara pouoir de lui mal faire. Et par telle semblance, quant aucuns preudons a un traïteur entour lui, il en doit viguereusement prendre justice, car ja, puis qu'il sera destruis, sa mauvaistié ne fera mal a nul homme. (Bérinus, I, c.1350-1370, 143)

Monstrer la semblance (d'une assertion). Offrir l'exemple de, être l'illustration de.

Tout de ce pas Herodïas En a bien monstré la semblance. A ce prophete, qui penitance Preschoit en vie virtüeuse, Elle prist si grant desplaisance, Pour ce qu'est putain luxurieuse, Aultaine et malicïeuse, Que luy a fait coupper la teste. (Pass. Auv., 1477, 110)

d)Feinte.

La se consieuirent des lances, Par si vertueuses samblances Et par si hardi couvenant, Que de ce cop, en leur venant, Les dittes targes pertuisierent (Froiss., Méliad. L., t.2, 1373-1388, 54)

e)Signe, indice (de qqc.).

Et la damoiselle aussi se apparçut a la contenance de Berinus que Amours le destraignoit et monstroit son pouoir sur lui, mais nulle semblance ne lui en monstra. (Bérinus, I, c.1350-1370, 165)

f)Objet qui a l'apparence d'un autre, représentation, simulacre.

LE MESSAIGIER DU JEU. (...) Quoy qu'en honneur soit maintenu, Le corps Jhesucrist n'y est mye. Pour tant, mon amy et m'amye, Ne vous bougez, faictes scilence ; Ce n'est, affin qu'on le vous dye, Que du sacrement la semblance. (La Vigne, S.M., 1496, 566)

3.Locution.

Par semblance

Par simulacre.

...quand lesdiz brigans furent ainsi passez de l'autre part de la riviere, il les commanda par semblance tres affectueusement a Dieu (Chancell. Henri VI, L., t.1, 1424, 70)

D'après ce qu'on peut apercevoir, apparemment, en apparence.

Si eut bien cognissance que combatre le convenroit au prince. Et de ce par semblance estoit-il tout joians (Froiss., Chron. L., VII, c.1375-1400, 11)

... ils avoient deux de leurs varlez, simples hommes par semblance , envoyez... pour trouver service et maistre en la ville (Froiss., Chron. M., XII, c.1375-1400, 22)

Or dit l'ystoire que tant vaucrerent noz crestiens par my la marine que ilz virent approuchier d'eulx, aussi comme d'une veue, une quantité de vaisseaulx, mais par semblance ilz ne povoient pas estre foison. (Arras, c.1392-1393, 124)

Ne vous diroye la deïsme De la force et de la deffence, Qui est en ce lieu, par semblance, Ne du chastel les grans merveilles (Chr. Piz., M.F., I, 1400-1403, 63)

...certes j'endureray, Au desplaisir des jaloux envieux, et me tendray, par semblance, joyeux (CH. D'ORLÉANS, Ball. C., c.1415-1457, 28)

Par semblance de qqn. En prenant l'aspect, l'air de qqn.

Or me tient dolereusement En tourment, Quant son cuer mort et trahi M'a, par samblance d'ami, Et en ottriant mercy Ma mort m'a jurée. (Mach., Ch. bal., 1377, 587)

Sous semblance de qqc. Sous l'apparence de qqc., en feignant qqc..

Avises aussy que aucune fois on cuide recevoir le Saint Esperit et on recoit le mauvais, pour ce que soubs semblance de bien il hurte a l'uis, et faint qu'il soit le bon esperit, et decoit la simple ame, et li fait faire de tres grans pechiez en cuidant bien faire. (Gers., Pent., p.1389, 81)

C. -Ce qui semble à qqn, avis, opinion.

À la semblance de qqn. Selon l'avis de qqn.

Sus fust de lance, ou grand discord se lance, A ma samblance, on ne doit riens planter : Division faict royalme gaster. (Molinet, Faictz Dictz D., 1467-1506, 336)

À ce que j'ai de semblance. À ce qu'il me semble, à mon avis.

Et, a ceo qe j'ay de semblance, Il mist sez gentz par ordinance En sez chasteux trestout entour (Héraut Chandos, Vie Prince Noir T., c.1385, 66)

Par la/les semblance(s) de qqn. Selon l'avis de qqn.

Ses parures, par mes samblances, Estoient ce jour toutes blances, Semées de bleues parselles. (Froiss., Méliad. L., t.2, 1373-1388, 53)

Mais de moy, par vostre semblance, Se je y vois, que presumez vous ? (Myst. siège Orléans H., c.1480-1500, 137)

Selon la semblance de qqn

Vostre baniere est desploye, Tout va bien selonc ma samblance. (Molinet, Myst. st Quentin C., c.1482, 28)