SAGEMENT

adverbe

[T-L : sagesagement ; GDC : sagement ; DECT : sagement ; FEW (XI, 203a) : sapidus ; TLF (XIV, 1411a) : sagement]

A. -À la manière de qqn qui sait ou sait faire, qui dispose d'un certain savoir, de connaissances, ou d'un certain savoir-faire, qui est habile, adroit, expérimenté.

Mais leurs regars, Merci donnant par samblant, aus musars N'estoit mie folettement espars ; Car quant lancier voloit un de ses dars, Si sagement Le savoit faire et si soutivement Que nuls savoir nel peüst bonnement, Fors cils seur qui il chëoit proprement. (Mach., J. R. Beh., c.1340, 70)

Ma chiére dame debonnaire, Sagement parlez et a point. (Mir. abbeesse, 1340, 71)

Et leur compte toute la maniere comment il leur avoit compté leur fait, en denoncant que ce seroit aumosne de aidier a la damoiselle, sans que les deux freres sceussent qu'il feust de rien tenu a elle. Vrayement, dirent les deux barons, c'est tres saigement besoingnié. (Arras, c.1392-1393, 151)

Qu'en sa [du marquis] court y a maint saige homme. Si loeroie, voir, que, comme La chose soit bonne et loisible, Nous en preïssons un sensible Qui la parole prononçast Pour tous et au marquis moustrast Ceste besoigne saigement. (Gris., 1395, 9)

Qant li Hainnuier perchurent que li hoos s'estourmissoit, quoique il se tenissent tout ensamble, sans euls desrouter, il criierent : 'Fauquemont a la retraite !' et se retraissent bellement et sagement et se missent sus les camps et se trouverent tout, sans ce que il euissent riens perdu (Froiss., Chron. D., p.1400, 381)

Et cevaucierent le bon matin tout sagement pour venir au Pont a Tresin, car par la convenoit passer (Froiss., Chron. D., p.1400, 440)

Et avec la grant escience, Qu'il avoit en bien gouverner, Moult savoit sagement mener Une nef en toute saison. (Chr. Piz., M.F., I, 1400-1403, 40)

Longtemps regna, bien gouverna Son pays, sagement mena Ses guerres (Chr. Piz., M.F., IV, 1400-1403, 71)

...attendu que ledit N. a longuement, louablement, notablement et sagement et aussy loyaument exercé sondit office (Baye, I, 1400-1410, 119)

...la Court, qui est moult sage en telx et autres cas et qui trop bien et sagement scet trouver la verité de telx cas (Baye, I, 1400-1410, 284)

Sans lesqueles [causes] avant cognoestre Nul Médicin, tant soit bon Maistre, Ne peut par art ne sagement Curer le mal aucunement (La Haye, P. peste, 1426, 20)

Flaminus, fut esleu dittateur, et mena sy saigement l'ost des Rommains que c'estoit l'omme de Romme que Hanibal hay et creniy le plus (La Sale, Salade, c.1442-1444, 34)

... [la servante] s'adressa au clerc qu'elle queroit ; et (...) luy fist son message bien et sagement, ainsi que sa charge le portoit. (C.n.n., c.1456-1467, 571)

Et, avecques les nobles seigneurs, cappitaines et seneschaulx de ladicte armée, y estoit aussi monseigneur le cardinal d'Albi, qui moult bien et sagement se y gouverna. (Roye, Chron. scand., I, 1460-1483, 296)

Johan netoye la robe De sa femme qu'est crotee, A prins la verge en sa main Saigement l'a nectoyéee. (P. Jouh. D.R., a.1488, 21)

B. -À la manière de qqn qui est doué de bon sens, d'intelligence, de clairvoyance, qui est raisonnable, avisé, prudent ; d'une manière avisée, clairvoyante, prudente.

Se j'ay tourment, Aligement N'en vueil, fors souffrir humblement Ma douce maladie. Celeement Et sagement, Patienment Et nettement Iert et trés amoureusement Dedens mon cuer norrie (Mach., R. Fort., c.1341, 23)

Je les met d'onneur en la voie ; Je leur doing cuer et hardement D'entreprendre hardiement ; A haute honneur les fais venir ; Amoureus les fais devenir ; Je les fais sagement parler, Rire, jouer, chanter, baler ; Je les tieng gais et envoisiez ; Je rapaise les despaisiez ; Je les norri ; je les alaite ; Je leur sui mere, amie et gaite (Mach., R. Fort., c.1341, 78)

Et, biau sire, Bonne Esperence Qui moult a valour et puissance, Comme sage et bien doctrinée, Loial, juste et bien avisée, Vous a consillié sagement, Ce m'est avis. (Mach., R. Fort., c.1341, 139)

Dame, il n'en convient point doubter Qu'a grant estat d'onneur ne viengne, Mais qu'a court sagement se tiengne Et humble soit. (Mir. st J. Cris., c.1344, 266)

Et le faisoit secretement, Sagement et meürement, Sans trop parler, sans trop plaidier, Par quoy il s'en peüst aidier. Car il ne pooit autrement Joïr de son fait bonnement. (Mach., P. Alex., p.1369, 12)

[En parlant de la conférence avec les rois de Hongrie et de Pologne] '...En Cracoe la metterons Et, se Dieus plaist, nous y serons Sans querir essoinne, n'alongne Pour parler de ceste besongne ; Car la matiere est grosse et grande. C'est bien raison qu'on y entende, Et qu'on la traite sagement, Si qu'elle ait bon definement.' Quant il ot finé sa parole, Chascuns dit : 'Sagement parole.' (Mach., P. Alex., p.1369, 39)

Et en tout et par tout se contendra et fera sagement et prudentement comme celui qui est veritablement bon et tetragone senz vitupere. (Oresme, E.A., c.1370, 134)

Mais ly pays du royaume d'Albanie estoient moult esbahiz qui celle dame [la reine Présine] estoit, combien qu'elle gouvernast saigement et vaillaument. (Arras, c.1392-1393, 9)

... li rois d'Escoce... lor remonstra, ... moult sagement de point en point, les articles de ses imaginations. (Froiss., Chron. D., p.1400, 236)

...li evesques de Lincole et li baron respondirent bien et sagement, et tant que li dis contes s'en contenta. (Froiss., Chron. D., p.1400, 249)

Qant li prelat et li baron qui la estoient, l'orent honnouré et fait seoir jus, il fu moult sagement examinés, pour quoi il estoit la venus, et requis que il le vosist dire (Froiss., Chron. D., p.1400, 479)

La premiere [pucelle] se nomme discrete et saige Verité ; la seconde pure et nette Virginité ; la tierce obeissant Humilité. La premiere fut celle qui la fist penser sagement quelle estoit la salutation de l'ange, et enquerir diligemment la manière d'acomplir son annunciation (Gers., Annonc., a.1400, 232)

...aussi ceulx qui se donnent a estude ou a contemplacion et mesmes a indiscrete oroison sans prudence et cuident acoup et tantost y estre parfais et ne procedent pas saigement et atrait en faisant grief a leur ymaginatiue qui se doit conduire tout en paix (Cib., p.1451, 213)

... [le meunier] se conduisit si bien et si sagement que oncques mondit seigneur ne se perceut qu'il se doubtast de la tromperie qu'il luy avoit faicte (C.n.n., c.1456-1467, 42)

...[elle] jugea que maniere et façon de faire estoient sagement advisées, et ne povoient venir que d'homme bien sage. (C.n.n., c.1456-1467, 578)

L'EMPEREUR. (...) Pour et affin que mieulx on y pourvoye Et que le cas sagement je prevoye, En la presence de notables preudoms, Si a nully quelque chose debvoye, A celle fin que poinct ne se desvoye, Je vous feray maintenant de grans dons. (La Vigne, S.M., 1496, 243)

Et, s'il tourne de vostre costé, tenez vous seur que nous luy serrerons la queue ; mais nous attendons bien à vous bonnes discrections que vous y conduirés si saigement que ne mettrés riens en hazart, et comme sçavez que le roy le desire. (Le Clerc, Interp. Roye, c.1502, 371)

Courtoisement, poliment.

Si m'appella La dame, et puis m'enquist et aparla Moult sagement dont je venoie la. (Mach., J. R. Beh., c.1340, 104)

Mais il ne fu pas esbahis De li requerir humblement Confort et aïde ensement, En li disant tout son affaire Et tout ce qu'il avoit à faire. Quant li roys ot fait sa requeste, Li marquis, par maniere honneste, Li respondi moult sagement : 'Sire, bien ay oy comment Le saint voiage avez empris, Dont je vous lo forment et pris, Si que à moy me conseilleray Et seur piés vous responderay...' (Mach., P. Alex., p.1369, 28)

Et quant ly chevaliers vint devers le conte, si lui fist la reverence tres saigement. Beau sire, dist ly contes, vous soiez ly tres bien trouvez. (Arras, c.1392-1393, 38)

A toutes ces paroles et remonstrances parla li chevaliers moult doucement et sagement, et tousjours en reconfortant la dame. (Froiss., Chron. D., p.1400, 60)

Avec délicatesse.

...la mere l'enferma et tira l'huys, et luy pria qu'il se gouvernast sagement avec sa fille. [Un soir de noces] (C.n.n., c.1456-1467, 497)

Avec réserve, avec mesure.

...se tu chantes de pensee et sagement mesures encore si melodieusement que pour l'articulacion des notes on entende moins la lectre... (Foul., Policrat. B., I, 1372, 116)

...par aventure le saint juste si risist aucune foiz. Mais ce fu si sagement que nulle chose temporelle et desconvenable n'i moustra disolucion quelconques (Foul., Policrat. B., V, 1372, 317)