ROMARIN

substantif masculin

[T-L : romarin ; GDC : romarin ; FEW (X, 488a) : rosmarinus ; TLF (XIV, 1228b) : romarin]

Plante arbustive méditerranéenne, romarin ; épice tirée de cette plante.

Cestui lectuaire est composé de pluseurs choses, principaument d'une herbe precieuse et de grant valour qui s'appelle rosemarin, dont les (docteurs) acteurs de medecine en ont assés escript car elle est preservative de mainte maladie et especialment de venin. Les Sarrasins dient et les hommes d'Orient que le rosemarin a .LXXIJ. vertus. (Mézières, Vertu sacr. mar. W., c.1384-1389, 269)

Les gardinners dient que la semence de rommarin ne vient point en la terre de France, maiz qui d'un rommarin arracheroit et demenbreroit en devalant aucunes petites branchectes, et les tendroit par le bout et les plantast, ilz revendroient. (Ménagier Paris B.F., c.1392-1394, 124)

Broyez une doulce d'aulx et de la mye de pain blanc sans bruler, et destrempez de vertjus blanc, et qui la veult verte pour poisson si broye du percil et de l'ozeille, ou de l'un d'iceulx, ou rommarin (Ménagier Paris B.F., c.1392-1394, 259)

Nota que pour toutes espices pluseurs n'y mectent fors des feuilles de rommarin (Ménagier Paris B.F., c.1392-1394, 259)

Ou vous mectez comme dessus camomille et marjolaine, ou vous mectez du rommarin, et cuire avec l'escorche d'orenge. (Ménagier Paris B.F., c.1392-1394, 270)

Item le duc d'Aumarle li donna un autre collier acosses a rondiollez et a chacune rondiolle un rousmarin fait a une perle ou millieu et une autrusse et un rubis en l'espaule. (Chron. Rich. II, W., App., c.1400, 110)

Le boiz à ce plus convenable Si est boiz sec et odorable, Comme aiglentier, junièvre et fresne, Ciprez, rosmarin, vigne et chesne, Et, à maire protection, Fault faire fumigation (La Haye, P. peste, 1426, 80)

Rosmarin est une herbe tendant à nature d'abre, de chaulde et sèche nature, et vault contre torsion de ventre et flux de emorroïdes. (La Haye, P. peste, 1426, 224)

Il convient qu'il soit couronné, Et par ce on lui monstrera Le royaulme qu'il dist qu'il a, Mais la couronne pas d'argent Ne sera, ne d'or vraiement, Elle sera de jons marins Qui valent pis que romarins, Des plus agus convenra prendre Et des plus picquans pour entendre. (Marcadé, Myst. Pass. Arras R., a.1440, 167)

...et la attachay mon esquif a ung rommarin qui sur le bort est encores. (La Sale, Salade, c.1442-1444, 152)

Pour troys faitz de romarin, pour faire du feu, en la chambre du roy (Comptes roi René A., t.1, 1476, 43)

...exquis jardin et excellent vergier, lequel estoit fait, composé et constitué plus par euvre divine que naturelle, aorné et decoré de cent mille fleurs, fleurons et fleuretes sentans plus souef que basme, semé de beaulx rosiers, romarins, cyprés, passes roses, violiers, boutons, giroflees, hermignees, aspic, marjolayne, baselic, lavende, mirguet, muguet, et aultres fleurs d'odeurs suppellatives (La Vigne, Ress. chrest. B., 1494, 114)

Ung parc tout clos ou sont maints herbes saines, Beaucoup plus grant que le Boys de Vincennes, Plains d'oliviers, orengiers, grenadiers, Figuiers, datiers, poiriers, allemandiers, Pommiers, loriers, roumarins, marjolaines, Et girofflees sur toutes souveraines (La Vigne, V.N., p.1495, 249)

Remarque : HENRI FERR., Modus et Ratio T., c.1354-1377, gloss. (romemin).

Remarque : Désigne un vin ds l'ex. suiv. (vin de Romanie, vin grec ?)

Claré, romarin, ypocras Y couroit par hault et par bas (Coudrette, Mélus. R., c.1401-1402, 146)