RESPLENDIR

verbe

[T-L : resplendir ; GD : resplendir ; GDC : resplendir ; DECT : resplendir ; FEW (X, 309b) : resplendere ; TLF (XIV, 971b) : resplendir]

I. -Emploi intransitif.

A. -[D'une chose qui brille par elle-même ou sous l'effet d'une source lumineuse] Briller, resplendir.

La rousée par dessus la verdure Resplendissoit Si clerement que tout m'esbloïssoit, Quant mes regars celle part guenchissoit, Pour le soleil qui dessus reluisoit. (Mach., J. R. Beh., c.1340, 58)

Car sa face blanche et vermeille, Par juste compas faite a point, Si que meffaçon n'i a point, Si clerement resplendissoit Que sa clarté esclarissoit Les tenebres, la nuit obscure De ma dolereuse aventure (Mach., R. Fort., c.1341, 55)

Trop sont grant foison D'ommes, touz en biauté esliz. (...) Tant sont luisans, tant resplandissent, Que tuit li oeil m'en esbloissent. (Mir. emp. Julien, 1351, 195)

Mis ot sus son chief crespe et sor Une coronne gracieuse D'or fin, tant clere et precieuse Que son vis en resplendissoit Si fort que tout m'esbloïssoit, Car a peinne, se Dieus me gart, Pouoie adrecier mon resgart Vers li, pour li bien resgarder. (Mach., F. am., c.1361, 199)

Apres, Juno fu appellée, Qui estoit si tres bien paree Que tous li airs resplendissoit De la clarté qui d'elle yssoit. (Mach., P. Alex., p.1369, 6)

...et du soileil dist que ce est un vaiseau merveilleus et oeuvre de Dieu : Vas admirabile, opus Excelsi ; et de la lune que elle resplendist ou firmament glorieusement (Oresme, C.M., c.1377, 280)

La matinee fu belle et clere, et le soleil resplendissoit sur les bacinez et faisoit resplendir l'or, l'argent et l'azur et les couleurs des bannieres et des pennons. (Arras, c.1392-1393, 161)

La veissiez noble bachelerie et ces bannieres venteler au vent, bacinez, harnaiz de jambes, l'or, l'azur et les couleurs des bannieres et des pennons resplendir contre le soleil. (Arras, c.1392-1393, 183)

Ce estoit une grande biauté que de euls veoir, les armes, hiaumes de quoi on s'armoit adont, banieres et pennons resplendir au solel. (Froiss., Chron. D., p.1400, 383)

Li rois estoit en .I. vassiel moult fort et moult biel ... ; et sus le mast amont avoit une grande couronne d'argent doree d'or, qui resplendisoit et flambioit contre le solel. (Froiss., Chron. D., p.1400, 407)

Beau tres doulx Dieu, je vous rens graces quant vous m'avez amené a vous congnoistre estre tel, tout puissant, tout juste et tout bon, et que dedans les parfondes tenebres de mon cuer vous avez fait resplandir vostre merveilleuse lumiere. (Gers., Trin., 1402, 164)

Item par le soleil ouquel sont trois choses, c'est a scavoir l'essence, par laquelle il est, la clarté, par laquelle il resplendist, et la chaleur, par laquelle il reschauffe et meurist les biens de terre (Somme abr., c.1477-1481, 125)

Resplendissant sur. Qui brille plus que, qui surpasse en éclat....

Delié cuirien Blanc et souëf avoit, sus toute rien Resplendissant, si qu'on si mirast bien ; Vice, tache n'i avoit fors que bien. (Mach., J. R. Beh., c.1340, 72)

Par comparaison.

Fulgebunt justi sicut sol, li juste resplendiront conme le soleil ou regne de leur pére. (Mir. st Guill., c.1347, 4)

Nature en fu bonne ouvriere : Trop l'ay chiere, Quant sa chiere Et sa doucete maniere Resplent plus qu'en soleil or. (Mach., Les lays, 1377, 393)

Par métaphore.

Vierge ou toute gloire resplent... (Mir. st Sev., 1362, 221)

La clarté de vostre bonté Resplent plus que la tresmonteinne Seur toute creature humeinne. (Mach., Bal., 1377, 559)

B. -Au figuré. Briller, éclater.

Mais toutesvoies, en telles grans adversitéz reluist, resplendist et se monstre le bien de la personne (Oresme, E.A., c.1370, 135)

...Einsi le haut bien parfait De ma dame veint tout vice et defait : Par tout resplent sa vaillence et habunde ; Mais de son bien, certes, c'est tout le munde Tant scet, tant vaut, tant puet que c'est la mine Que nuls ne puet espuisier de bonté : Chascuns qui tent à bien y puise et mine ; Mais plus en a, quant plus en a donné. (Mach., L. dames, 1377, 177)

...je vous respons que ce appartient juger, par simple cognescence ou par simple doctrine, aux sages et expers en la Loy divine et humaine, qui resplendissent en science et ont grant et parfaitte eminence de rayson, quicunques ilz soient, prelas, seculiers ou religieus, gradués ou non gradués, povres ou riches. (Songe verg. S., t.1, 1378, 199)

Le nom de preu renlumine les coers precheus et resplendist en ces salles et en ces palais : on l'ensengne au doi, on recorde son bien fait, on li donne glore en ce monde. (Froiss., Chron. D., p.1400, 36)

Et pour ce dit apres Cassiodore bien à propos que la chose publique appert estre beneurée laquelle resplandist et est aournée de mult de citoiens, qui est à dire que c'est signe de cité estre en bon estat, grant, riche et bien gouverné quant on y voit foison de notables bourgois. (Chr. Piz., Paix W., 1412-1413, 123)

...en tous les royaumes et seigneuries du monde, vostre dominacion, estat et auctorité resplendent. Et tant estes dignement consacré et exoinct, que du saint siège apostolique et aussi de toutes autres nacions des royaumes des chrestiens, estes tenu et appellé roy souverain et singulier (Doc. 1410. In : MONSTRELET, Chron. D.-A., t.2, c.1425-1440, 82)

Remarque : FOUL., Policrat. B., V, 1372, 17/108.

Resplendir de

Nompourquant pas ne m'en merveil, Quant le regart de son dous oueil Et son cler vis blanc et vermeil Qui resplendist De biauté plus qu'or en soleil Et son corps gent qui n'a pareil De douceur, de cointe appareil Vers moy guenchist (Mach., R. Fort., c.1341, 46)

II. -Emploi transitif. Illuminer.

Tu es (...) le rubis qui le trosne replent (Mir. prev., 1352, 280)

DIEU. (...) Au tribunal du trosne glorïeux, Trois personnes en parfaicte unyté, Des creatures Createur pondeureux, Dieu supernel, de graces plantureux, De qui despent toute la Trinité, J'ay resplendy de ma divinité Le cueur des cieulx et, en humanyté, L'immunde monde ay fait solacïeux, Le souleil plain de toute amenyté (La Vigne, S.M., 1496, 208)