RELATER

verbe

[T-L : relater ; GDC : relater ; FEW (X, 229b) : relatus ; TLF (XIV, 710a) : relater]

Emploi transitif.

A. -Rapporter, exposer qqc. (à une autorité, officiellement) ; faire un rapport auprès d'une autorité, faire un rapport officiel.

Gieffroy le Routier est mors sanz hoir, et avant son trespassement se parti du païz comme furtif et mourut par povreté, si comme par Gervese Tierry, sergent d'Ennet, est relaté à Messeigneurs par ses lettres patentes. (Compte Navarre I.P., 1367-1371, 435)

Messire Gilles Galois, maistre d'ostel, pour plusieurs messaiges envoiez par lui aux receveurs de Normandie et en plusieurs autres lieux, si comme il est venu relater au bureau devant les maistres d'ostel. (Comptes hôtel rois Fr. D.-A., 1383, 222)

...par ledit mons. le prevost fu rapporté et relaté la question qui est de telz et samblables clers qui ne scevent lire ou cognoistre lettre aucune (Reg. crim. Chât., I, 1389-1392, 247)

... [elle] avoit deposé et relaté, à l'intercession et priere de Macete, femme Hennequin de Ruilly dessus nommé, que ladite Gilete, demourant à Paris, avoit ensorcelé icellui de Ruilly (Reg. crim. Chât., II, 1389-1392, 311)

...et pour eschever toutes manieres de debas et descors se sont ycelles parties soubzmises a l'ordenance de ce qui par nous en sera ordené, sicomme relaté nous a esté par Jehan du Bois Aurein, sergent a verge et audiencier du roy nostre sire en son Chastellet de Paris, a ce commis (Chartes Abb. St-Magl. T.F., t.3, 1393, 669)

Sur quoy a dit la Court que ce qu'ont dit sera relaté au Roy ou à son Conseil qui en ordonnera ce que voudra. (Baye, II, 1411-1417, 13)

En icellui moys, monseigneur de Craon, maistre Pierre d'Oriole, general des finances, maistre Olivier Le Roux, conseiller et maistre des comptes, et autres ambasseurs du roy, par lui envoiez pardevers ledit duc de Bourgongne, retournerent devers le roy lui relater ce que fait avoient avec lui et de la tresve qu'ilz avoient ainsi faicte, qui devoit durer jusques audit XVe jour de juing ensuivant. (Roye, Chron. scand., I, 1460-1483, 267)

...si le demandeur n'a en jugement sa requeste en la main pour la lire, ou son obligacion pour la lire aussi quant il n'y a eu point de requeste par escript, non obstant qu'il l'ait baillée au sergent et que le sergent le relate, ou que le deffendeur en ait eu la copie, se non obstant le deffendeur doit avoir deffault (Cout. instit. Anjou Maine B.-B., t.3, 1463, 295)

Remarque : Doc.1362 ds GDC X, 530a.

Par extension. Rapporter, exposer.

...ne pensons mie a relater et dire de rechief tout ce que dit est devant, car peine seroit sans necessité et a anuy pourroit tourner aux lisans. (Chr. Piz., Trois vertus W.H., c.1405, 121)

Or le fault estre en doubte des amis, De bruit de gens, de rapport d'ennemis, Obeïssant, triste, coy et remis, Son cuer mater, Dangier cherir et envïeux flater Qu'ilz ne puissent de lui mal relater (Chart., D. Fort., 1412-1413, 188)

Et le jour precedent, avoit esté dit et relaté communement à Paris que l'election dudit de l'Aitre avoit esté confermée par le Pape, qui lui a plus cousté que proufité. (Fauq., I, 1417-1420, 373)

Souffise toy se nous te relatons ce que les docteurs en ont escript, et demeure sur le point ou il se sont arrestés. (Chart., L. Esp., c.1429-1430, 159)

SAINCT MARTIN. (...) En mon cueur et mon pencement Ay tousjours une volunté De pourchacer mon saulvement En la foy de crestïenté. J'ay en moy ce vouloir enté ; Pour tant vous prie, chier seigneur, Que par vous me soit relaté La bonté de Nostre Seigneur. SECOND PRESTRE. C'est celuy seul qui enseigne heur Et toute chose pardurable, Desquelles je suis enseigneur Et a tous humains doctrinable. (La Vigne, S.M., 1496, 150)

Remarque : Jourd. Blaye alex. M., a.1455, 22561.

Relater qqc. estre + attr.

Et a dit, juré et affermé ledit Gachie tout ce ces miracles qu'il a relatés estre vroy, en la presence de messire Georges Guiot, prestre, et de frere Jehan Dan, gardes de ceste chapelle, de messire Estienne Jordain, prestre, Thomas Briend, cierger, et pluseurs aultres (Mir. ste Cath. Fierbois C., 1470-1483, 104)

B. -[Latinisme] Relater en. Rapporter à.

Lysez a traict et bellement Il n'y fault riens contrelarder, Du scavoir ne vous puis garder Advisez pourquoy ne comment, Veez a bon entendement, Croyez qu'il n'y fault autrement, Et avec le nom et surnom Reprendrez le lieu proprement Relatant mon gouvernement En office de grant renom. (Régn., F.A., 1432-c.1465, 6)