REDOUTER

verbe

[T-L : redoter1 ; GDC : redouter ; DECT : redoter1 ; FEW (III, 170a) : dubitare ; TLF (XIV, 580a) : redouter]

A. -Emploi transitif. Redouter qqn/qqc. Craindre, redouter qqn/qqc..

Dame, (...) Moult voulentiers le garderoie [l'enfant] , Se l'ennemy ne redoubtoye, Qu'il ne le me venist tolir (Mir. enf. diable, c.1339, 16)

Il avoit un roy ou royaume de Palmoine, en ce temps, qui estoit fier et orgueilleux et si esprouvé d'armes que par tout païs il estoit craint et redoubté, et avoit a nom Abilans (Bérinus, I, c.1350-1370, 327)

Ce baillif redoubt come fouldre Qui si s'aire et si s'esfoudre Contre moy. (Mir. femme, 1368, 213)

Et moult redoubtoient Gieffroy pour sa fierté ; mais pour neant le doubtent, car il les gouvernera bien et doulcement. (Arras, c.1392-1393, 274)

Semblablement le grant roy de Perse, Anthiocus, et aussi l'empereur Xerces, et grant nombre d'aultres, qui tant estoient grans et poissans que il n'estoit quelconque chose en ciel ne en terre que ilz redoubtassent (Chr. Piz., Trois vertus W.H., c.1405, 19)

Mais ou cas qu'ilz [mes exécuteurs testamentaires] s'en excusassent [de la charge de s'occuper de ma succession] En redoubtant les premiers fraiz, Ou totalement reffusassent, Ceulx qui s'enssuivent cy aprés Institue, gens de bien tres : Phelippe Bruneau, noble escuier ; Et l'autre ? Son voisin d'emprés, Sy est maistre Jacques Raiguier. (Villon, Test. R.H., 1461-1462, 146)

L'EMPEREUR. (...) Vous sçavez bien qu'entre tous les humains Empereur suis, le trop plus redoubté Pour procurer divers maulx inhumains. Encor a naistre est celuy qu'ay doubté, Ains par mes faiz ay plusieurs roys dompté, Batu, frappé, foullé, rué par terre. (La Vigne, S.M., 1496, 242)

[Dans un cont. grivois]

...ou elle povoit desploier ses armes, elle se monstroit vaillant et pou redoubtant horions. (C.n.n., c.1456-1467, 521)

Redouter à + inf. Appréhender de.

...il n'est riens (...) Qui me garisist qu'une chose, Qui vous seroit de si grant coust Que, certes, je vous la redoubt Moult a nommer. (Mir. Amis, c.1365, 59)

Son frére (...) a ja le corps si pourry Que ceulx mesmes qu'il a norri Le redoubtent a approuchier (Mir. emper. Romme, 1369, 300)

Item, autre cause est car ceuls qui ne sont vertueus ilz ne pueent faire oeuvres de vertu communelment senz tristece et les redoubtent a faire. (Oresme, E.A.C., c.1370, 475)

LE PRESTRE. (...) Honnorez le sainct et doubtez Et de l'offencer redoubtez, Entretenez ce lieu et place Ou vous avez receu tel grace (Mir. st Nic. juif, c.1480-1500, 157)

Redouter + inf.

Item, encore dit il plus volentiers verité la ou il a tele difference, et la cause est car il craint et redoubte mentir (Oresme, E.A., c.1370, 268)

Las ! j'ay failli à mon tres dous desir, Pour ce que trop m'est Fortune contraire, Et tant redoubt le veoir et l'oïr Des mesdisans qui tant me font de haire Que je ne m'os devers ma dame traire ; Dont je me muir à dolour et langui, En desirant de li joie et merci. (Mach., L. dames, 1377, 81)

Redouter que... ne

D'autre partie, l'en doit regarder et redoubter que a son amy bienfortuné l'en ne face indelectacion ou appeticement de sa delectacion, par ce que par aventure il avroit opinion que celui qui le visite est trop charchant et trop ennuyeus. (Oresme, E.A., c.1370, 493)

Emploi absolu.

Se loyautés a vertus ne puissance Ne bien amer ne celer sagement N'amer de cuer, en pure obeissance Ne redoubter n'endurer humblement, Bien me devroit venir aligement, Car par ces sept ay ma dame servie Et serviray tous les jours de ma vie. (Mach., L. dames, 1377, 116)

Redoutant. Craintif, timoré.

...ains sera tousjours couars et redoubtans. (Percef. III, R., t.1, c.1450 [c.1340], 101)

B. -Participe passé en emploi adjectival. Craint, révéré, vénéré.

...quel tres grant ordonnance en toutes choses, quel pontificaleté, quel sens, quel gouvernement, quel representacion de prince, quel faconde, quelle eloquence et quelle redoubtée et reverent personne estoit cellui à veoir, qui heure ou temps ne passoit sans l'occupacion d'aucune bonne euvre (Chr. Piz., Paix W., 1412-1413, 70)

[Comme marque (protocolaire) de respect à l'adresse ou à propos d'un personnage de haut rang]

Vesci la superscription de la lettre que le signeur de Lesparre envoia au roy de Chypre. 'à mon tres honnouré et tres redoubté seigneur, le Roy de Iherusalem et de Chypre.' (Mach., P. Alex., p.1369, 228)

LE ROY. (...) Et ce te sera grant prouffit Qu'y as esté. PREMIER BARON. Dieu vous croisse honneur et bonté, Mon treschier et redoubté sire (Mir. ste Bauth., c.1376, 103)

LIEVIN. (...) Ma redoubtée dame et chiére, Diex vous gart ! faites bonne chiére Et haulte, dame. BAUTHEUCH. Lievin, conment te va, par t'ame ? Bien puisses tu venir, amis ! (Mir. ste Bauth., c.1376, 121)

...il vous plaise, très-redoubté sire, pour pitié et aumosne interroguer sur ce ladite Marion qui est prisonniere ou Chastelet pour autre cas (Reg. crim. Chât., II, 1389-1392, 431)

Si prie a mon Createur que mon tres redoubté seigneur le veulle prendre [le traité] en gré, et aussi tous ceulx qui l'orront lire. (Arras, c.1392-1393, 1)

Si requier a mon Createur qu'il Lui plaise que mon tres noble et redoubté seigneur le vueille prendre en gré, et aussi sa tres noble seur Marie, fille du roy de France, duchesse de Bar et marquise du Pont, ma tres redoubtee dame, et le noble marquis de Morave, cousin germain de mon dit seigneur, qui a fait requerre qu'il lui veulle envoyer ceste histoire. (Arras, c.1392-1393, 308)

SECONT BARON. Tenez, mon redoubté seigneur, Ma foy pour tous ceulz qui ci sont, Que sanz doubtance il vous tendront Enterinement ceste chose [promesse] (Gris., 1395, 18)

...et qant la congnisance en sera venue a mon tres redoubté signeur, monsigneur le roi d'Engleterre,... (Froiss., Chron. D., p.1400, 794)

Lequel messire Henry de Marle respondi : 'Ainsi le jure je, mon trés redoubté seigneur.' (Baye, II, 1411-1417, 132)

...tres excellent et tres redoubté prince Loys (Chr. Piz., Paix W., 1412-1413, 59)

Redoubté et haud empereur, Vous dieu Mahom vous doint honne[ur]. (Myst. st Sébast. M., c.1450-1500, 177)

Lors au partir a la fin des heures fut damp Abbés acompaigniez des prieurs et couvent, qui a genoulz ly dist : 'Nostre tres redoubtee dame, vous soiés la tresbien venue en vostre maison...' (La Sale, J.S., 1456, 246)

Le mien seigneur et prince redoubté, Floron de lis, roialle geniture, Françoys Villon, que Travail a dompté A coups orbes, a force de batture, Vous supplie par ceste humble escripture Que luy faciez quelque gracïeux prest. (Villon, Poèmes variés R.H., c.1456-1463, 50)

En l'an mil IIIIc quatre vingts et deux, le jeudi... jour de may, environ l'eure de IIII à V heures de..., très noble, puissante, saincte et des bonnes vivans l'exemplaire, c'est assavoir ma très redoubtée dame madame Jehanne de France, femme et espouse de Mons. Jehan, duc de Bourbonnois et d'Auvergne, expira et rendit l'ame à Dieu en son chasteau de Molins en Bourbonnois, par le moien d'une forte fievre si merveilleuse que l'art de medicine n'y peut pourveoir (Roye, Chron. scand., II, 1460-1483, 112)

[Maistre Jehan de Clugny, ambassadeur du duc de Bourgogne, au roi de France :] ...aussy comme de ce faire m'en ont fait le commandement de par mon tresredoubté seigneur, monsieur le duc de Bourgoingne, mes treshonnoréz seigneurs, monsieur de Cymay et monsieur de Montigny (Chastell., Chron. IV, D., c.1461-1472, 34)

Et le bastard (...) prist a dire ces parolles : 'Mon tresredoubté seigneur [le duc de Bourgogne] , vecy messire Jehan de Rebremettes (...). Cely messire Jehan de Rebremettes present se vient offrir et presenter a son jour assigné pour faire et parfurnir alencontre dudit messire Henry tout ce qu'il vous plaira a ordonner et commander. Et en faisant ce il vous supplie, mon tresredoubté seigneur, qu'il vous plaise avoir sa personne pour recommandee...' (Chastell., Chron. IV, D., c.1461-1472, 162)

Je suis au point ou je doibs estre, Principal, mon redoubtay maistre (Sots gard., a.1488, 103)

...je, vostre tres humble obeyssant orateur et chappellain Antitus, chappellain et sommelier de la chappelle de tres hault, tres puissant et tres redoubté prince monseigneur le duc de Savoye, Philibert second de ce nom (Antitus, Poés. P., c.1500, 50)

Par quoy à icellui que par droit de heritier nous doit succeder, nostredit très redoubté seigneur monseigneur le roy, comme avons dit devant, en l'onneur de la passion de Nostre Seigneur Jesu-Crist supplions tant comme plus povons (Le Clerc, Interp. Roye, c.1502, 283)

'Mon très redoubté et souverain seigneur, tant et si humblement que faire puis ne sçay, me recommande à vostre grace et misericorde...' (Le Clerc, Interp. Roye, c.1502, 368)

Voir aussi redoutable