REDONDER

verbe

[T-L : redonder ; GD : redonder ; FEW (X, 184a) : redundare ; TLF (XIV, 576b) : redonder]

A. -Déborder, s'écouler.

Tous fleuvez entrent en la mer (...), Mais la mer pour ce ne redonde (Le Fèvre, Respit Mort H., 1376-1380, 54)

...et firent fortifficacion telle, que par bastardeaulx la rivière estoit espandue aux champs et si avant qu'elle redondoit dedans la ville près de la porte de Chastelet (Chart. J., Chron. Ch. VII, V., t.1, c.1437-1464, 183)

Et aucunes fois advient que ce dit canal se mue plus d'une fois l'an, par lequel qui veult entrer en la rivière du Nyl il fault entrer et yssir, et est moult périlleux à l'entrée et plus à l'issir pour la mer qui redonde contre le courant de la rivière (Lannoy, Voy. amb. P.H., p.1450, 133)

Et avient pour le pis et pour apostume du pis quant la matiere de l'apostume redonde oultre les pannicles et vient aussi pour les ulceres du pis et pour matiere qui vient d'apostume du polmon et pour fendure et apercion et incision et corrosion, adistencion de veines (Gordon, Prat., c.1450-1500, IV, 6)

...pour ce que ceulx de la ville avoient fait escluses qui faisoient redonder l'eaue jusques a une lieue au dessus de la ville. (Le Bouvier, Chron. Ch. VII, C.C.J., c.1451-1455, 126)

Remarque : MONDEVILLE ds T-L VIII, 533. JEAN D'OUTREM., Myr. histors B.B., a.1400, I, 121 (GD VI, 707b).

B. -Au figuré.

1.Abonder, être en abondance.

a)Redonder (qq. part)

Tant habondoient Mes plaisirs, qui d'un seul sourdoient Et en un mesmes redondoient, Que tous les ennuis confondoient (Chart., L. Dames, 1416, 243)

...tous les pechés qui oncques furent ou monde et qui sont ou qui tous temps mais estre pourront, vendront et redonderont en toy (Crap., Cur Deus, De arrha B.H., c.1450-1460, 230)

Ne veez vous comme par le monde La foy crestienne il redonde, Et n'y a ville ne cité Qu'il n'y ait tresgrant quantité De crestiens et de bigars Qui en partent de toutes pars ? Car maintenant, pour deux payens, Ilz sont neuf ou dix crestiens (Myst. st Adr. P., c.1450-1485, 139)

Grant doleur au cueur me redonde Commant je m'en puisse chevir. (Myst. st Sébast. M., c.1450-1500, 253)

...Vostre proesse (...) Par tout le monde redonde (Myst. siège Orléans H., c.1480-1500, 97)

GABRÏEL. Le Sainct Esperit pur et munde, En tout cecy, te surviendra, Car telle grace en luy redonde Que sur toutes te obumbrera (Myst. Pass. Troyes B., a.1482, 156)

Marie, ce n'est pas scïence De prendre destresse infeconde, Car, par coustume, elle redonde Au cueur de cil qui plus en prent. (Myst. Pass. Troyes B., a.1482, 494)

Être en surabondance.

Et che qui en vellant habonde En dormant volentiers redonde. (Froiss., Joli buiss. F., 1373, 227)

Être total, complet.

...si la victoire ne fust si tost avenue à mondit seigneur le Daulphin, laquelle redonda, comme dit est (Ecorch. Ch. VII, T., 1445, 146)

Être abondant (par ses propriétés).

Roy triumphant en tout honneur et bien, Roy magnificque, vostre non fort redonde, De roys, de roynes qui sont ceans je tien Que vous estes par dessus eulx viconde, En excellance vostre valleur habonde, Plus que nul autre de cela suis certaine. (Feste roys, c.1475-1500, 307)

Être abondant (par ses paroles).

...on ne pourroit a jamais estimer Comment Echo pour vous louer redonde. (Saint-gelais, Séj. honn. D., c.1490-1495, 172)

b)Être submergé.

Dieux scet que Thybauld ne veoit pas ce qu'il serchoit quant sez yeulz regardoient ceulz qui rapvissoient sa dame, quand sez oÿes oÿrent la lassee voix de sa souveraine joye par pammoisons defaillir d'eloquence et de son, quand il entendoit le cuer de sa bien amee redonder et envoyer souspirs et sougloux en grant habondance (Fille comte Pontieu B., c.1465-1468, 82)

c)Redonder de qqc. Présenter, avoir en abondance, abonder de qqc..

Au sage tout l'avoir du monde Est subget, tant qu'il en redonde (Thomas Maillet, Prov. Alain H., c.1375-1400, 53)

d)Redonder en qqc. Être submergé, envahi de qqc..

Quant me souvyent des brouharies Qui sont au monde, Le q en grant peur me redonde. (Myst. st Sébast. M., c.1450-1500, 150)

2.Jaillir de ; rejaillir sur.

a)Redonder de. Jaillir de, venir de.

De toi vient, de toi redunde Tout le bien qui nous habonde ; N'avons autre tirelire (Guill. Digull., Pèler. vie hum. S., c.1330-1331, 334)

Car tu ne sceiz quel gaing espirituel redonde de ce temporel dommage, ne quel pechié passé et couvert se tappist soubz celle justice reposte (Chart., L. Esp., c.1429-1430, 51)

b)Redonder à/en/sur/dessus

Redonder à/sur qqc. Rejaillir sur qqc..

Et pour ce, se de sa franche et liberale volenté Il espant de son bien et de sa grace en ses creatures et fait aucunes choses pour elles secondairement et comme pour fin de seconde intencion, si comme nous disons : Qui propter nos homines et propter nostram salutem, etc., ce ne redunde et ne fait en rien a sa bonté ne a sa perfection. (Oresme, C.M., c.1377, 364)

...il convient que le bien ou le mal en vertus ou en vices, la sancté ou la maladie du chief (,) qui gouverne tout redonde sur les membres. (La Sale, Sale D., 1451, 267)

Redonder à/contre/en/sur/dessus qqn. Rejaillir sur qqn (en lui causant un bienfait ou un préjudice).

Car les narracions que l'en fait en telz rommans ou ditiez ne muent en rien la felicité de ceulz qui vivent et les escoutent, et les faiz qui aviennent presentement redondent encore moins a ceuls qui sont mors qui rien n'en sentent ne riens n'en scevent ne rien n'en oÿrent dire. (Oresme, E.A.C., c.1370, 138)

Car en veant sa biauté, sa façon Et son maintieng qui de douceur seuronde, J'y preng assez bien pour devenir bon, Car le grant bien de li en moy redonde Par grace de fine amour Qui me contraint à haïr deshonnour Et tout vice ; si puis dire sanz blame : Je voy assez, puis que je voy ma dame. (Mach., Bal., 1377, 562)

Et pour le pechié de Saül, es montaignes de Gelboe, la coulpe redunda ou pueple. (Songe verg. S., t.1, 1378, 225)

Belle seur, ainsi veez vous que le sage homme fleschi son courage pour saulver l'onneur de sa femme qui redondoit a luy et a ses enffans. (Ménagier Paris B.F., c.1392-1394, 109)

...son sentement Et sa sagece redondoit A ses subgiez (Chr. Piz., Chem. estude P., 1402-1403, 219)

Et pour parvenir à sa dampnable entencion controuva faulsement, malicieusement et contre-vérité plusieurs cas et crimes contre la personne du Roy, redondans à sa noble généracion et lignée. (Doc. 1408. In : MONSTRELET, Chron. D.-A., t.1, c.1425-1440, 240)

...resveillez-vous, juges, levez-vous, procureur et advocas royaulx et toutes cours de justice à venger tel crime, autrement il redundera sur vous (Baye, II, 1411-1417, 261)

...la gloire des uns redonde et reflechist es autres (Chr. Piz., P.V.H., 1416-1418, 47)

Par semblable le vice qui du prince redonde sur ses subgietz pervertit l'ordre, trouble l'office et empire la condition de tous les estatz de son peuple (Chart., L. Esp., c.1429-1430, 45)

...car maintes fois advient que la guerre, par battaille ou par aultre peril, resdonde plus sur le seigneur que sur ses gens (La Sale, Salade, c.1442-1444, 11)

...dont l'onneur en redonde a la pucelle (Percef. III, R., t.1, c.1450 [c.1340], 182)

...car tout le mal que je orroye racompter qu'elle auroit souffert redonderoit contre mon cuer tant angoisseusement qu'il... (Cligès C.T., 1455, 137)

Doncques, quant ce duc de Bourgoingne perceut arriere de nouvel que ce conte d'Ermignac estoit descendu en ses pays et, soy estant emblé de la prison du roy, s'estoit venu rendre et joindre avecques le daulphin, prestement pensa que ceste charge arriere poroit redonder en ly, et que le roy, qui lui imputa l'eslongance de son filz, lui imputeroit arriere l'emblage de son prisonnier pour fin d'aucun malice (Chastell., Chron. IV, D., c.1461-1472, 256)

...celi en qui ton saint conclure devoit redonder tu trouvoies capable et digne de ton bien faire (Chastell., Chron. IV, D., c.1461-1472, 305)

Vostre fonde A bien l'innocent deffait, Le plus saint, le plus parfait En son fait Que jamais en vous se fonde : si(l) convient que tel meffait, Tant mal fait, Dessus vous aultres redonde. (Myst. Pass. Troyes B., a.1482, 812)

Remarque : GILLES LE MUISIT, Poésies K., t.2, c.1347-1353, 13 (T-L VIII, 533).

c)Emploi transitif. Redonder qqn. Rejaillir sur qqn, toucher qqn.

Dire que les fortunes des filz ou neveus ou amis ne redondent ne ne touchent en rien ceuls de qui lignage ou amisté ilz sont, ce semble chose neent amiable et seroit contre les communs opinions. (Oresme, E.A., c.1370, 137)

d)Emploi pronominal. Se redonder à qqn. Rejaillir sur qqn.

Et est voir que se il se redonde as mors aucune chose pour les fortunes de leurs amis vivans, soit bien soit mal, celle chose semble estre fragile et petite et simplement petite de soy ou petite quant as mors. (Oresme, E.A., c.1370, 138)

3.Aboutir à.

a)Redonder à qqn. Aboutir, revenir à qqn.

Touteffoiz, après le déceps des deux parties, ce qu'il compecte et appartient à la couronne redondera et reviendra à l'oir naturel de France. (Doc. 1450. In : CHART. J., Chron. Ch. VII, V., t.1, c.1437-1464, 202)

b)Redonder qq. part. Aboutir qq. part, avoir des conséquences qq. part.

Et la vertu donc du ciel dont la complexion de l'omme se deppend fait son impression ou corps, qui en l'ame redonde aucunement et se monstre souvent, pour ce que l'ame ensuit le corps voulentiers par nature (Evr. Conty, Harm. sphères H.P.-H., c.1400, 27)

c)Redonder à/en qqc. Aboutir à qqc., avoir qqc. pour conséquence, conduire à qqc., être cause de qqc..

...pour lezquellez choses il avient souvent que plusieurs persones, et sanz cause, sont cytees devant eulx [les officiaux des prélats] , seulement afin que ilz rachetent leur vexacion et travail de grant quantité d'argent ; laquelle chose est et redonde ou tres grant prejudice du Roy et de sez subjés. (Songe verg. S., t.2, 1378, 173)

... [pratiques] qui redondent au très grant vitupère, honte et deshonneur de nous (Ch. VI, D., t.1, 1411, 336)

Et en pourroit le Pape encourir infamie et deserviroit d'estre privé de tout honneur, qui redonderoit ou deshonneur, et in dedecus filiorum Ecclesie. (Fauq., III, 1431-1435, 45)

Ce jour, les recteur et deputez de l'université de Paris et le prevost des marchans firent dire et remonstrer audit Chancelier et aux presidens et conseilliers de Parlement (...) qu'ilz avoient entendu que on vouloit instituer, establir ou fonder en la ville de Caen estude de lois et de decretz, et comment ce pourroit redonder ou grant dommage ou prejudice du Roy et de son royaume (Fauq., III, 1431-1435, 111)

O ma bonne ame, ne congnoiz tu point quant puante, quant orde premierement tu estoie, en quelle difformité, dissipee de tous honneurs et plaines de toutes enormités, redundans en tous vices ? (Crap., Cur Deus, De arrha B.H., c.1450-1460, 279)

...sans nulle fole ne prodigue despense, qui redonde trop plus a honte que a honneur, a dommaige que a proffit (La Sale, J.S., 1456, 75)

Redonder à/en qqc. à qqn. Aboutir à qqc. pour qqn, être cause de qqc. pour qqn.

Toutesfoiz le duc d'Acquitaine, filz et lieutenant du Roy, par l'induction d'aucuns, aiant en sa mémoire et considéracion la désolacion de si noble cité et qui estoit la supellative de toute la région d'Auvergne et de Berry, de laquelle il devoit estre hoir, et que ce lui pourroit redonder à grant dommage, fist commandement et défense aux cannoniers et à ceulx qui se mesloient de gecter pierres et de telz engins gouverner, qu'ilz n'en gectassent plus contre ladicte cité, sur peine de perdre la teste. (Monstrelet, Chron. D.-A., t.2, c.1425-1440, 282)

Mesme que c'étoit souvent contre sa voulenté [celle du roi] que ladite Agnès portoit si grand estat. Mais pour ce que c'estoit le bon plaisir d'icelle royne, il temporisoit au mieulx qu'il pouvoit, combien qu'il cognoissoit et apercevoit bien que la chose luy redondoit et tournoit en opprobre. (Chart. J., Chron. Ch. VII, V., t.2, c.1437-1464, 182)

...et comme l'on leur a donné à entendre de leur faire sier, couper et aracher leurs vignes et blés, laquelle chose leur porroit reddonder en trop grant inconveniant, doumaige et prejudice irreparable (Gruel, Chron. Richemont L., Pièces justif., 1439, 264)

Car bien vois que formant acroit La loy de ce Crist par ce monde, Qui a grant perte nous redonde Et redondera, se briefmant Vous n'y mectés empeschement (Myst. st Adr. P., c.1450-1485, 3)

Et expellit tous les payens virtueusement, que tout luy redonda a grant honneur. (Bagnyon, Hist. Charlem. K., c.1465-1470, 23)

...s'aucun inconvenient en avenoit, ce nous pourroit redonder à deshonneur (Lettres Ch. VIII, P., t.3, 1490, 125)