REDEVANCE

substantif féminin

[T-L : redevance ; GDC : redevance ; FEW (III, 21b) : debere ; TLF (XIV, 572a) : redevance]

A. -Fait d'être obligé à qqn ; obligation vis-à-vis de qqn.

Dont quant au premier point, qui est de la reverence que par droite redevance leur devez, est escript que anciennement un roy fut en Grece que on nommoit Ligurgus, qui maintes belles loys trouva (Chr. Piz., Trois vertus W.H., c.1405, 201)

Avoir redevance à qqn. Avoir des obligations vis-à-vis de qqn.

...tout le droit de hommage et serment de feaulté, ressort, justice et juridicion, feage et droiz de fief avec tous les honneurs, services, legences et autres droiz, devoirs et reddevances quelzconques que lesdiz Pierre Frotier, et Prigent, son filz, et chacun d'eulx avoient et avoir povoient et devoient, et qui a eulx et chacun d'eulx povoient et pourroient pour le temps avenir competter et appartenir à cause de la seigneurie de Preuilly (Doc. Poitou G., t.9, 1447-1456, 284)

Devoir redevance de qqc. à qqn. Être redevable de qqc. à qqn.

Mont me sent obligié a toi Et redevance grant t'en doi. (Guill. Digull., Pèler. J.-C. S., 1358, 361)

Faire redevance (à qqn). Se reconnaître l'obligé de qqn.

...et maintes citéz, villes et terres, comme La Rochelle, la cité de Poitiers et autres, et en Picardie la conté de Pontieu, celle de Guines qui sont les drois fiefs de France, et plusieurs autres terres que les Anglaiz tenoit sans redevance faire quelconques, comme choses à l'espée conquises. (Chr. Piz., Paix W., 1412-1413, 108)

B. -Montant ou taxe en argent ou en nature dont on est redevable.

1.Montant payé en argent ou en nature à échéance régulière à titre de rente.

...et laquele granche les diz curé et escuier et ceulz meesmes dont il avoient cause et comme ceulz qui a ce faire estoient tenus et obligiez, eulz et leurs biens, pour raison de la redevance que il prenoient chascun an es dittes dismes, comme dit est, avoient plusieurs fois reffaite, rappareillié et redefiee, sans ce que onques mais le contredeissent a faire (Chartes Abb. St-Magl. T.F., t.3, 1330, 24)

...et ne pourront yceulz mariés, l'un de eulz, leurs hoirs ou ceulz qui de eulz auront cause, chargier ladite maison en aucunes autres charges ou redevances, en aucune maniere, ou temps a venir, oultre les cinquante soulz de crois de cenz ou rente dessus dis. (Chartes Abb. St-Magl. T.F., t.3, 1339, 83)

...sanz nulle autre charge, redevance ou rente (Chartes Abb. St-Magl. T.F., t.3, 1344, 125)

...et confesserent avoir vendu, quitté, delaissié, desorendroit a touz jours perpetuement, et promistrent, chascun pour le tout, garantir de touz troubles, debtes, obligacions, arrerages et autres empeschemens quelconques, a leurs couz, toutes foiz que mestier sera, a Symon Hery, sergent a cheval du Chastellet de Paris, et a Roberge, sa femme, a leurs hoirs et a ceulz qui d'eulz auront cause, une maison et toutes ses appartenances et appendences, sicomme tout se comporte et extent de toutes pars, que la dite Jehanne se disoit avoir de son heritage, seant a Paris, en Huleu, tenant, d'une part, a l'ostel du Val Nostre Dame et, d'autre part, a Guillaume le Breton, en la censive des religieux de Saint Magloire, chargié en six solz et six deniers par.. que fons de terre que croiz de cens ou rente sur le tout, chascun an paiez par les quatre termes a Paris acoustumez, sanz nulle autre charge ou redevance quelconques, pour le pris de dix franz d'or que les diz vendeurs en confesserent avoir eu et receu des diz acheteurs, dont il se tindrent a bien paiez (Chartes Abb. St-Magl. T.F., t.3, 1368, 382)

Mez, ja soit ce que lez clers devant diz soient en leurs persones exemptés, si devent ilz poïer lez cenz et aultres redevances de leur terres et possessions, car se l'Eglise achete une terre censive, ce n'est pas raison que le seigneur doie perdre son cens ne sa rente. (Songe verg. S., t.1, 1378, 43)

Quicunques tient aucun fief d'aucun seigneur doit estre investi et establi ou fief par celluy seigneur et doit au seigneur aucune redevance, conme il appiert et est noté (Songe verg. S., t.2, 1378, 59)

...ne que ladite piece de bois, pré, terre appartenans audit prieuré et prieur soient de plus grant sonme, charge ou reddevance chargés envers ledit escuier, ses hoirs successeurs et aians cause ou temps a venir, que d'icelle sonme de vint et quatre solz par. (Chartes Abb. St-Magl. T.F., t.3, 1381, 512)

Et si leur fault leur redevance Paier au seigneur naturel. (Desch., M.M., c.1385-1403, 323)

Disoit oultre ledit procureur que ilz fussent forcloz et deboutez a tousjourmais de plus y avoir droit de mener ne faire mener leursdiz bestaulx ne de y prandre merrain pour maisonner ne pour leur ardoir esdiz Boys des Coustumes sans en faire rente et reddevance a mondit seigneur, comme faisoient les autres habitans du pays d'environ. (Chartes Abb. St-Magl. T.F., t.3, 1397, 711)

...les reddevables desdictes rente ou reddevance de bled, avaine, poules et argent (Trés. Reth. L., t.3, 1456, 376)

2.Taxe payée en argent ou en nature en contrepartie d'un droit.

Et se ilz queuvrent leurs maisons d'essende au dessus de la palne, ilz en paient V s., et au dessoubz II s. VI d. ; et chacun feu un pain à Noël, et autres menues redevances. (Hector De Chartres, Cout. R., 1398-1408, 12)

...et l'evesque de Paris et autres qui prennent peage ou autre redevance sur lesdiz pons (Baye, I, 1400-1410, 225)

3.Montant ou bien en nature qui est dû au seigneur en signe d'hommage.

Et lez troys roys de Couloingne si le recogneürent conme Roy terrien et luy firent redevance de troys presens, d'or, d'ensenz et de mierre, et n'avoit cure de redevance ou de honmage verbal, car il estoit venus pour aultre cause, c'est assavoir pour nostre sauvement. (Songe verg. S., t.2, 1378, 60)