RAPAISER

verbe

[T-L : rapaisier ; GD : rapaisier ; FEW (VIII, 94a) : pax ; TLF (XIV, 353a) : rapaiser]

I. -Emploi transitif.

A. -Rapaiser qqn. Calmer, apaiser qqn (après une colère, une frayeur...).

Congié pris, et puis j'avalai Tous les degrés et m'en alai Gais et jolis et envoisiés Et de mes maulz tous apaisiés, Car la belle me rapaisa Que mis en moi toute paix ha. (Mach., Voir, 1364, 260)

Je respons (...) Afin que je vous en rapaise : ... (Le Fèvre, Respit Mort H., 1376-1380, 4)

Et pour ce, se tu me croiz, ce ne feras tu mye, car tu ne pourroye jamaiz rapaisier ton mary. (Ménagier Paris B.F., c.1392-1394, 91)

JANICOLA [à sa fille Griseldis] Si preng en gré, puis qu'ainsi est, Qu'en fortune n'a point d'arrest. Soies en du tout rapaisie, Car, se tu n'ez a droit aisie, Ne d'abit richement paree, Ne seras tu ja separee De l'amour de Dieu, s'il lui plaist. (Gris., 1395, 87)

Et Adriana, soy longuement complaignant de ce que Bachus avoit surespousé la fille du roy de Inde, il la rapaisa par accolemens et flateries. (Premierfait, Cas nobles hommes G., 1409, 129)

Touteffoys mect il paine à la rapaiser au mieulx qu'il peut et tant lui dist de belles parrolles que, petit à petit, la refraint de son grant couroux. (Cleriadus Z., c.1440-1444, 187)

...madame l'abbesse fut en pou d'heure rappaisée, dont son couvent fut tresjoyeux (C.n.n., c.1456-1467, 144)

...[ses amis] misrent peine de le rappaiser le mieulx qu'ilz sceurent, quand ilz le virent ainsi troublé. (C.n.n., c.1456-1467, 263)

...la dame de Lalaing sa mère, (...) le baisa moult de fois à son partement, en pleurant moult tendrement, et en faisant ses regrets et complaintes. Le seigneur de Lalaing, par douces et amiables paroles la rapaisa au mieux qu'il put. (Faits Lalaing K., c.1470, 91)

Apaiser, consoler qqn.

...A haute honneur les fais venir ; Amoureus les fais devenir ; Je les fais sagement parler, Rire, jouer, chanter, baler ; Je les tieng gais et envoisiez ; Je rapaise les despaisiez ; Je les norri ; je les alaite ; Je leur sui mere, amie et gaite ; Je leur sui phisicienne et garde ; De tous maus les deffen et garde (Mach., R. Fort., c.1341, 78)

Apaiser, réconcilier (des pers.).

...nous te prions et supplions que lez cuers de noz ministres et officiers, qui sont enssemblez a decort, et encordés dez temptacions de l'Anemi d'Anfer de plus acquerir et conquester que a eulx n'apartient, tu voeilles perfaitement enluminer, rapaiser et acorder, et la corde de l'Anemi depecer et decorder, si que il n'ait plus pover de semer entre eulx aucune division (Songe verg. S., t.1, 1378, 5)

Rapaiser un animal

Et quant li lions les parçut, Certes, moult grant doleur reçut Et commença son dueil a faire, Si com oy m'avés retraire. Mais la dame, ou toute pais a, De ses dous ieus le rapaisa, Si que tost en joie revint Et de son dueil ne li souvint. (Mach., D. Lyon, 1342, 223)

B. -Rapaiser qqc. Calmer, apaiser, adoucir qqc. .

1.[Les éléments]

Tant fu receüs à grant joie, Tant aourez, tant conjouis, Que depuis le temps saint Loys, Quant en France revint de Tunes Et qu'il ot rapaisié les dunes De la mer, ne fu telement Roys veüs, ne si richement. Il le mena en son chastel, Sus roche taillie à sissel. (Mach., P. Alex., p.1369, 35)

[Le bruit]

Pareillement, au loger, le chief doit demourer aux champs avecques ung nombre de gens, tant que tous soyent logiez et que le bruit soit passé et tout bien rapaisé et que les escoutes et guetz soient aux champs (Bueil, II, 1461-1466, 34)

Emploi pronominal à sens passif. [De cris]

Et alors trompectes de sonner et les cris du peuple tellement que a peine se peurent rapaisier et par ainsin chascun tresbien rompit sa lance. (La Sale, J.S., 1456, 117)

[Un dommage]

...car la Puissance Vegetative jamais ne repose, avecquez ses filles Nutritive, Formative, Assimilative et Unitive, qui sont en continuel oeuvre en leurs forges, dont les souffleiz bouffent par les membres espris de vie, de mouvement et de congnoissance, pour rapaisier le dommage de l'umeur radical, dont partie se consomme et degaste en chacun moment. (Chart., L. Esp., c.1429-1430, 24)

2.[Un sentiment, la tristesse, la colère...]

Mais estre liés je ne povoie Se ma dame a meschief savoie, Et sa lettre tant me plaisoit Que ma tristesce rapaisoit (Mach., Voir, 1364, 164)

Et en la bouche les baisa, Dont son ire moult rapaisa. Et aussi tous IJ. le baisierent, Si qu'à tant de là s'en alerent. (Mach., P. Alex., p.1369, 265)

LA MARQUISE. Pere, saichiez quant ce complaist Au marquis qu'en [de son palais] soye partie, Dueil ne courroux de ma partie N'en sera fait ; ains loe et vueil De franche voulenté son vueil De cuer et bouche sanz desdire. S'en vueilliez rappaisier vostre yre Affin que courroux ne vous nuise. (Gris., 1395, 87)

Aux freres mineurs qu'on dit 'Ara celi' Le bon seigneur ouÿt leans sa messe, Car c'est le lieu et la montaigne expresse Ou la Sibille monstra a l'empereur Pour rapaiser sa superbe fureur, C'un maistre avoit qui estoit nompareil (La Vigne, V.N., p.1495, 232)

Quant ledit chevalier eust tout bien remonstré audit admiral les choses devant dittez, si rappaisa ung peu sa fureur et appella ledit Voyaul, qui estoit tout pensif, et luy dit qu'il dit hardiment audit conte que si le roy le tenoit qu'il feroit menger son cueur aux chiens. (Le Clerc, Interp. Roye, c.1502, 145)

[Un débat, une situation conflictuelle..]

En guise deue Rapaisera debat d'amis (Chr. Piz., Chem. estude P., 1402-1403, 183)

...madame la duchesse de Bourbonnoys a esté pendant ledit temps par devers le roy audit Saint-Poursayn, pour rapaisier le fait envers lui. (Lettres Louis XI, V., t.2, 1461-1465, 312)

[La conscience]

Mais beneuré est l'omme qui, Sire, pour l'amour de toy donne a toutes creatures licence de s'en aler, qui fait force a nature, et qui par ferveur d'esperit crucefie toutes les concupiscences de la char tellement que, sa conscience rapaisie, il te offre dignes oroisons (Internele consol. P., 1447, 213)

Rapaiser des paroles. Calmer, faire cesser des paroles blessantes.

Et pour ce que lesdis Julien et sondit filz rapaisoient lesdictes parolles au mieulx que ils povoient, en requerant audit Michiel Jehan que il les laissast en paix, lequel pour ce donna audit filz d'un godet ou verre de sidre par le visage (Chancell. Henri VI, L., t.1, 1423, 5)

II. -Emploi pronominal.

A. -[D'une pers.] Se rapaiser. Se calmer, s'apaiser.

Se bien scëusses qui je sui, Je croi que point ne plourasses Et tantost te rapaisasses (Guill. Digull., Pèler. J.-C. S., 1358, 79)

...Mais sa main prins sans detrier Et moult humblement la baisai, Dont un petit me rapaisai ; Et quant un po fui rapaisiés Et d'a li parler plus aisiés, Je prins congié et me parti (Mach., Voir, 1364, 212)

Dont il harpoit si proprement Et chantoit si devotement Hympnes, psautiers et orisons, Einsi comme nous le lisons, Que sa harpe a Dieu tant plaisoit Et son chant qu'il se rapaisoit. Orpheüs mist hors Erudice D'enfer, la cointe, la faitice, Par sa harpe et par son dous chant. (Mach., Prol., c.1377, 10)

...l'en diroit que elle [la sainte escripture] se conforme en ceste partie a la maniere de commun parler humain aussi comme elle fait en pluseurs lieus, si comme la ou il est escript que Dieu se repenti et que il se courrousa et rapaisa et teles choses qui ne sont pas ainsi du tout comme la lettre sonne. Et meisme pres de nostre propos, lisons nous que Dieu queuvre le ciel de nues : Qui operit celum nubibus, et toutevoies, selon verité le ciel queuvre les nues. (Oresme, C.M., c.1377, 530)

Tost se course et tart se rapaise, En ce monde a trop petit d'aise. (Desch., M.M., c.1385-1403, 209)

MARIE. Cousines, avez point veu Mon enfant ? je l'ay perdu (...) dedans la presse (...). AGAR. Dame, veulliez vous rapaisier, Espoir est il en Nazareth Avec Joseph. (Marcadé, Myst. Pass. Arras R., a.1440, 69)

Se vo conscience est troublée, Rapaisiez vous et congnoissiez Que Jhesus fu crucifiés A juste cause, car il dist Maintes choses contre l'escript De no loy qu'avons de Moyse (Marcadé, Myst. Pass. Arras R., a.1440, 225)

...la vengence que la deesse Minerve fit pour eulx (...) et puis comment elle se rappaisa (La Sale, Sale D., 1451, 18)

Y convient que on se rapaise Sans demener tel desplaisir ; De ce dommaige ce nous poise, Et en sommes tous bien marriz. (Myst. siège Orléans H., c.1480-1500, 481)

SAINCT MARTIN. L'avez vous desja mys en biere ? LA BOURGEOISE. Las, menny, encor est il la. SAINCT MARTIN. Rapaisez vous, m'amye chiere ; Ou peult il estre ? LA BOURGEOISE. Voy le vous la. Trois jours y a qu'il ne parla Pour ce que pendu il s'estoit. (La Vigne, S.M., 1496, 390)

[De Dieu] Se rapaiser (à qqn). Se réconcilier avec qqn, se montrer conciliant (envers qqn).

Plaisant a Dieu dame, or te plaise Qu'a nous par toy Dieu se rapaise (Mir. pape, 1346, 396)

...se les deux personnes susdictes et le conseil general, sans faveur desordonnee, hayne ou ambicion, avarice ou emulacion, orgueil ou obstinacion, laissans les argumens apparans en la dicte besoingne, traicteront plainement de bonne foy et de bone entencion et procederont humblement, mon Pere Jesucrist sera rapaise et rapellera sa sentence. (Mézières, Songe vieil pèl. C., t.2, c.1386-1389, 295)

B. -[D'une chose] Cesser d'être en mouvement, revenir au repos.

...elle [Justice] les mist [les écrits de S. Benoît] Es balances, l'un(e) a destre, L'autre autre part a senestre. Un pou la destre s'avala, Mes (tan)tost l'autre se rapaisa (Guill. Digull., Pèler. âme S., c.1355-1358, 82)

[Des éléments] Se calmer, sortir de l'agitation.

...et fu li temps seri et la mer coye et rapaisiee, par quoy Aigres fu un pou plus rasseürez (Bérinus, I, c.1350-1370, 244)

...et quant ce vint pres du souleil couchant, le vent calla avecques le souleil et ne fut pas si aspre comme il avoit esté, neantmoins que les undes estoient haultes et grandes encores assez forment, et que la mer n'estoit encores du tout appaisee ne acquitee, mais peu a peu sailloit en soy adoucissant par telle faczon que ains qu'il fust nuyt, voire nuyt obscure, le vent fut cessé et la mer rapaisee (RENÉ D'ANJOU, Cuer am. espris W., 1457, 105)

Voir aussi repaisier