REMUNERER

verbe

[T-L : remunerer ; GDC : remunerer ; FEW (X, 246b) : remunerare ; TLF (XIV, 780b) : rémunérer]

Emploi transitif.

A. -Remunerer qqn (de qqc.). Payer qqn (de qqc., de son travail, de ses services...).

...pour les grans paines, travaux et perilz de son corps, où il a esté pour ce pluseurs fois, et des grans fraiz et missions qu'il li a convenu soustenir, en faisant et gardant l'onneur et l'estat dudit royaume, dont encore il a esté petitement remunerez (Doc. Poitou G., t.3, 1352, 112)

...voulans pour ce le dit Pierre en aucune maniere remunerer et recompenser des diz services (Doc. Poitou G., t.4, 1369, 10)

...qu'ilz ont bien et grandement servy le Roy à grant diligence en l'exercice desdiz offices, et qu'ilz sont dignes et ont bien deservy d'estre bien paiez et bien remunerez (Fauq., III, 1431-1435, 40)

...ledit appointtement duquel s'estoyent tenuz, tenoyent et tiennent contens, bien et entierement satisfait et remuneré moiennant lesdittes quictance et descharge (Trés. Reth. L., t.3, 1449, 302)

Dédommager qqn de qqc..

Et de fait se départit, et laissa pour capitaine Charles Des Marestz avecques la garnison qui y estoit par avant le siège mis par lesdits Angloiz, en remunérant très-grandement les habitans pour leurs dommaiges et pertes qu'ilz povoient avoir euez et soustenues pour raison dudit siège. (Chart. J., Chron. Ch. VII, V., t.2, c.1437-1464, 42)

B. -Remunerer qqn (de qqc.). Récompenser qqn (de qqc.).

Car telx gens sont ou fussent aucunefois neccessaires et tousjours sont ilz a amer et a remunerer. (Oresme, Divin. C., c.1366, 104)

...il appartenoit bien que ceste glorieuse vierge fust remunerée de si grans biens (Mir. emper. Romme, 1369, 242)

Et se honeur deü ne li est donné, neent moins il se repute et est asséz remuneré en ce que il a fait son devoir. (Oresme, E.A.C., c.1370, 250)

Sire roy, je vous requier, pour tout le salaire du service que je vous pourroye jamais faire, que vous me faciez chevalier de ceste espee, et vous me aurez bien remuneré tout ce que vous dictes que je et mon frere avons fait pour vous, car de main de plus vaillant homme je ne puis recevoir l'ordre de chevalerie que de la vostre. (Arras, c.1392-1393, 118)

Nous avons dit devant que la IIIJe. proprieté de justice pouons prendre en ce que elle s'estent aussi bien à remunerer les bons que à pugnir les mauvais. (Chr. Piz., Paix W., 1412-1413, 101)

... [le roy] a mis justice en nature, qui estoit périe de longue main. Il a osté toute pillerie estans en son royaume ; a pourveu à la division de l'église universelle, tellement que paix, union et bonne concorde par son moyen et pourchas y ont esté mis et observés. Pourquoy Dieu l'a voulu rémunérer en la recouvrance de son pays de Normandie (Chart. J., Chron. Ch. VII, V., t.2, c.1437-1464, 183)

Or alés et n'ayés doubtance Que bien serés remunerée De moy, se la chose accordée Se puelt estre par vo moyen. (Myst. st Adr. P., c.1450-1485, 172)

Dont et de quoy le roy depuis empescha les villes et terres dudit d'Alençon ; mais, bientost après, tout lui fut delivré et par lui tout pardonné comme devant. Et puis après, le duc d'Alençon, pour bien le remunerer de toutes ses graces et biensfaiz, bailla ou offrit bailler toutes ses villes et pays ausdiz Bretons et à monseigneur Charles, contre la voulenté du roy et à sa grant desplaisance. (Roye, Chron. scand., I, 1460-1483, 189)

...icelui office lui donnastes à sa poursuite et requeste, pour considéracion des longs travaulx, paines, diligences et services qu'il avoit fait à voz prédécesseurs et à vous par très longtemps, et en le rémunérant d'iceulx (Roi René vie L., 1464, 299)

Herodes est ja en pansee La filhe Herodias honnorer Et grandement remunerer, Pour ce que pour sa dancerie A resjoy la companie Des nobles que avec luy sont. (Pass. Auv., 1477, 93)

Messeigneurs, vous avés fait tan A moy et a mon cher enffant, Que bien remunerer vous fera (Myst. Rois A., c.1480-1500, 526)

Récompenser qqn par qqc..

...à bonne et juste cause avoit fait mourir le duc d'Orleans, et en devoit estre prisez et remuneré d'amour, d'onneur et de richesses. (Baye, I, 1400-1410, 222)

En particulier. RELIGION

Et Jhesu Crist l'a bien remuneré en benignité et plantureuse misericorde. (Gers., P. Paul, a.1394, 512)

Tant est longue sa sapience, et sa justice si enlacee a sa pitié et grace, qu'il attent longuement a flageller lez mauvaiz, en espoir de leur amendement, et a remunerer lez bons pour esprouver leur souffrance, et acroistre la perfection de leur merite. (Chart., L. Esp., c.1429-1430, 50)

Femme, pour toy remunerer, Tes pechés te sont pardonnés ! (Pass. Auv., 1477, 154)

Car pour neent seroient proposéz les loiers aux bons et les paines aux mauvais. A tort seroient remuneréz les bons et pugnis les mauvais. (Somme abr., c.1477-1481, 167)

[Dans une formule de bénédiction]

Benoite soit la compaignie Quil a l'onneur du fruit de vie Est aujourduy cy assanblee ; De Dieu soit elle remuneree ! (Pass. Semur D.M., c.1420 [1488], 118)

Dieu te veulhe remunerer ! (Pass. Auv., 1477, 238)

C. -Remunerer qqc. (à qqn). Payer qqc. de retour (à qqn).

...et pensoie a la grant biauté et a la parfaite bonté et honnourable courtoisie qui en vous sunt, et aussi aus grans biens que vous m'avés fais, des quelz je ne sui pas dignes, ne ne les porroie ne ne saroie remunerer ne desservir. (Mach., Voir, 1364, 402)

Mais quant est de son eleccion il ne voudroit pas oublier ceulz qui li ont bien fait, mesmement siques a tant que il leur [le leur] ait largement remuneré. (Oresme, E.A.C., c.1370, 253)

Mes chiers seigneurs, je vous remercie, tant comme je puis, du noble et riche secours que vous m'avez fait, car, en verité, je n'ay mie tant vaillant que je le vous puisse remunerer ; non contretant j'en feray tout mon povoir pour engaigier ma terre dix ans. (Arras, c.1392-1393, 166)

A dire qu'il conviengne que vous leur remunerez la courtoisie qu'ilz vous ont faicte, la moitié de vostre royaume ne souffiroit pas, a la paine et a la coustenge qu'ilz ont eue pour vous. (Arras, c.1392-1393, 189)

Si s'apensa que il conforteroit son frere et li remunerroit le service que fait li avoit (Froiss., Chron. D., p.1400, 547)

...et le bien qui lui estoit fait le remuneroit au double. (Best. hérald. H.E., c.1435-1450, 481)

Je sçay bien que ce qu'as est nostre, Aultre fois le m'as bien monstré : Bien te sera remunéré. Entre, tieng toy sans varier. (Marcadé, Myst. Pass. Arras R., a.1440, 128)

Mal remunerer qqc.

C'est deslëaulment deffendu Les avantaiges et bienffaiz Que par cy devant luy a faiz, Et les a mal remuneré. (Myst. Pass. Troyes B., a.1482, 711)

Par antiphrase.

Ceans luy seront maintenant Tous ses biens fais remuneray. Jamais nul jour ne cesseray De luy faire peine et tourment. (Myst. st Laur. S.W., 1499, 277)

En particulier. RELIGION

...il appert conment nostre sanctifficacion est glorieusement de Dieu remunerée (Mir. Oton, c.1370, 318)

La peine et la douleur grande Que tu as pour luy [Dieu] enduree, Te sera bien remuneree Es haulx sieges de Paradis. (Myst. st Laur. S.W., 1499, 250)

Il a esté de bon affaire Pour l'amour du souverain roy ; Il luy sera remuneray En la haulte gloire eternelle. (Myst. st Laur. S.W., 1499, 274)

[Dans une formule de bénédiction]

Mes amis, je vous remercye, Tenue suis a vous grandement ; Dieu vous rende la courtoisie Et vous remunere voz biens. (Myst. siège Orléans H., c.1480-1500, 567)