RECREER

verbe

[T-L : recrëer ; GDC : recreer2 ; FEW (X, 161b) : recreare ; TLF (XIV, 546b) : récréer]

I. -Emploi transitif.

A. -Réconforter qqn (physiquement ou moralement), revigorer.

Et conme celle aussi [Marie] c'on peut entendre Par Abacuc qui porta le diner A Daniel : car ainsi ceste amie Nous vint du pain des anges recreer. (Mir. nat. N.S.J.C., c.1343, 247)

...il attendirent la nuit et se couchierent hors de la ville sur la terre dure pour dormir illueques et pour recreer leurs corps povres et souffraiteux. (Bers., I, 9, c.1354-1359, 6.4, 10)

Aprés il assigne la cause pour quoy l'en quiert estre recree par delectacions (Oresme, E.A.C., c.1370, 409)

Car par ce, les esperis sunt divertis et se departent de la pensee curieuse et sunt recreés, refocillés et reconfortés. (Oresme, Pol. Arist. M., c.1372-1374, 341)

Pourtant qu'ilz labouroient ou tempz de la grant chaleur ilz avoient un beuvrage doulz et plaisant qui les refroidoit et rafreschissoit dont ilz estoient recreez et soulaciez mais non pas plainement, car leur soif ne estoit mie du tout estainte, ainçois ledit beuvrage leur engendroit plus grant soif aprés que devant. (Horloge de sapience S., c.1389, 116)

...autrefoiz en harpe, en rebebe, en vielle, en douçaine, en sons de tabours, en fleuthes et autres instrumens musicans, tant que par sa melodie delectable les cuers et esperis de ceuls qui auxdiz ars, par pensée, ymaginaison et labours de bras estoient traveilliez, pesans et ennuiez, sont medicinez et recreez, et plus habiles après a estudier et labourer aux autres .VI. ars dessus nommez. (Desch., Art dictier R., 1392, 269)

...et n'est point de mal de resjouyr la vertu qui gist en l'ame et en l'entendement pour recreer et reconforter aucunement la sensualité du corps (Bouciquaut L., 1406-1409, 435)

...et pour ce, mon ame, tu ne porras estre plainement consolee ne parfaictement recree fors en Dieu, le consolateur des povres et le recepveur des humbles. (Internele consol. P., 1447, 115)

Il m'est avis qu'il seroit bon que feissons un petit banquet pour recreer noz esperis (Ev. Quen. I, c.1466-1474, 105)

Participe passé. Délassé, reposé.

Et pour ce est en tel cas tres utile et tres proffitable gieu et esbatement pour teles sollicitudes deposer a temps, jusques a tant que la pensee soit aussi comme reposee et recrëee, et que les esperis repreingnent leur vigeur. (Oresme, E.A.C., c.1370, 270)

B. -Divertir, récréer.

Mais en effect de divers entremetz, Tant de seigneurs que d'autres belle dames, Recreez furent archiers et hommes d'armes. (La Vigne, V.N., p.1495, 191)

II. -Emploi pronominal.

A. -Se revigorer, se vivifier.

Et teles delectacions ont ceuls qui quierent euls refaire ou recreer pour oster deffaute et indigence. (Oresme, E.A., c.1370, 409)

B. -Se divertir, se délasser.

Ce qui tresgrandement empesche consolacion celeste c'est que trop tart tu te convertis a oroison. Car ançois que tu me pries ententivement, tu quiers moult de soulas et te recrees es choses de dehors. (Internele consol. P., 1447, 156)

Eugene pappe, premier de ce nom, très notable clerc, eut en si grande recommandacion la science de astrologie, qu'il envoya querir les plus expers qu'il peut trouver et, après ses grandes occuppacions, se recreoit à veoir les experiences d'icelle (Simon De Phares, Astrol., c.1494-1498, f° 103 v°)