RECREANCE

substantif féminin

[T-L : recrëance ; GD : recreance ; FEW (II-2, 1305a) : credere ; TLF (XIV, 545b) : récréance]

A. -Fait de renoncer par lâcheté, lâcheté. (synonyme recreandise)

Et se tu es juene mari, Et tu demeures delez li, Sanz querir honneur et vaillance, On dira : 'C'est par recreance Que cilz n'ose aler nulle part ! ...' (Desch., M.M., c.1385-1403, 142)

B. -Corde qui permet de faire renoncer le faucon, de le faire revenir.

Puis le couvient reclamer a la commande ou recrence, et puis en pluseurs lieux et en especial aux champs et es pres a recreance, et puis sans recreance a pié a pluseurs foiz presens les chiens (Ménagier Paris B.F., c.1392-1394, 153)

Et soiez adverty que depuis ce, comme dit est dessus, que vostre esprevier commencera a voler, item, ainsi le convient deux foiz la sepmaine nectier, et aussi baingnier deux foiz la sepmaine a certain jour entre tierce et midi en un jardin ou preel au soleil et en si large bacin que ses elles ne se batent aux bors, et le tenir a la commande ou recreance afin que sans congié il ne s'en voit essorer. (Ménagier Paris B.F., c.1392-1394, 154)

...car ja soit ce qu'ilz aient esté bien siliez, bien veilliez et trebien reclamez a commande ou a recreance, qui est tout ung, toutesvoyes quant l'en les fait voler, communement ilz se essorent fort, et adonc une bouffee de vent les emporte maulgré eulx (Ménagier Paris B.F., c.1392-1394, 165)

C. -DROIT

1.[À propos d'une pers.] Mise en liberté provisoire d'une personne détenue (la justice décidant de renoncer provisoirement à la détention).

...et disoit que depuis ses amis avoient empetré mandement de court, envoié à nostre predecesseur, que, comme le dit varlet feust de bonne fame et de bonne conversacion et honeste, et il eust esté detenuz en prison par moult lonc temps, que l'on le oïst en ses justes deffenses et li feist la recreance de son corps (Doc. Poitou G., t.2, 1335, 120)

...ausquelz sergens nous accordons que ilz puissent prendre telz malfaiteurs et les enprisonner, senz en faire recreance ne delivrance aucune, senz nous paier la moytié de toute la somme pourquoy il seront enprisonné (Hist. dr. munic. E., t.2, 1371, 467)

Lez officiaux font citer plusieurs persones layes sur aucuns crimes ou delis lezquelx il leur mettent suz, et quant ilz sont venus a leurs journees, ilz lez detienent prisonniers, ja soit ce que ilz nient avoir perpetré lez diz crimes. Et ne lez la[i]ssent ja partir, ne a caution ne recreance, posé que le cas soit tel que ilz doient estre delivrés a recreance. (Songe verg. S., t.2, 1378, 155)

Item (...) quant aucun homme est arresté [en] personne ou ses biens ou heritages, les juges en font recreance de jour a autre, pour avoir plus, souvent en prejudice de partie, que le juge qui fera la recreance la fera [la face] jusques en fin de cause par plege ou caupcion suffisante, pourveu que le cas ne soit criminel, ouquel cas soit sur ce procédé selon la discretion du juge. (Echiq. Normandie S., 1398, 99-100)

...pour l'interest de justice et des parties est ordonné que nul denoncié ou accusé ne doit estre mis en recreance sans eslire son domicille et constituer son procureur en ville (Cout. instit. Anjou Maine B.-B., t.4, 1496, 467)

2.[À propos d'une chose]

a)Mise en possession d'une chose qui est adjugée provisoirement en attendant le jugement de fond.

...et toutes telles choses que vous trouverrez ainsi, comme dessus est dit, acquises, mettez ou faites mettre tantost et sanz delay en nostre main et en nostre dommaine, sanz en faire delivrance, ne recreance, ne laischance quele que elle soit (Doc. Poitou G., t.2, 1345, 282)

...si arrestez et mettez tantost main à tous leurs biens qu'ilz tiennent de nous pour lesdites gardes ou estages et iceulx employer et lever par nostre main et au proffict de nous, sans en faire delivrance ou recreance se ce n'est par nostre commandement expres (Trés. Reth. S.L., t.2, 1364, 167)

...pour cause des fruiz et levées des terres de Windrout et de Mérendie en Flandres, desquelles la recréance fu japiecà adjugée au dit de Laval, par arrest de Parlement (Cartul. Laval B., t.2, 1370, 272)

...et, ou cas que la chose prendroit trait ou delay, que recreance feust faicte des choses contencieuses aus dis religieux et non mie audit curé (Chartes Abb. St-Magl. T.F., t.3, 1396, 707)

Il sera dit que le college jouira de son temporel par maniere de recreance. (Baye, I, 1400-1410, 80)

L'abbé d'Aniane propose et dit que Estienne de Montigny a miz son temporel en la main du Roy, sur quoy a obtenu certeinnes lettres royaulx (...) par vertu desquelles lui fu faicte recreance jusques à ce que autrement en seroit ordonné (Baye, I, 1400-1410, 247)

...si requiert l'enterinement de ses lettres et soit maintenu et gardé en son dit office, au moins ait l'estat ou recreance et despens. (Baye, II, 1411-1417, 252)

...la recreance de certaine partie d'icellui a esté adjugé ausdits Celestins, et par ce moien ledit jardin et maison d'icellui, avecques autres choses, sont gouvernées sous la main du Roy (Comptes Paris V.L.D., t.1, 1447-1449, 614)

[Cont. métaph.]

Dont pas longuement certes n'eut De son espoir la jouyssance, Ains tost perdit la recreance Et fut par esgal jugement Condempné corporellement (Saint-gelais, Séj. honn. D., c.1490-1495, 360)

Restitution sous caution d'un bien pris par décision de justice.

Si te mandons et pour les causes dessus dictes commettons que, se appelés ceulz qui feront a appeller, tu treuves estre ainsi, fai oster le trouble, empeeschement et la nouvelleté dessus diz, et garde et deffen les diz religieus en leur dite saisine, et fai rendre et restablir ce que levé a esté de leurs dictes dismes, et, se debat y a, celli prins en nostre main comme souveraine et par ycelle faite ressaisine et recreance ou appartendra, fai sur ce acomplissement de justice. (Chartes Abb. St-Magl. T.F., t.3, 1335, 68)

Se aucun sergent prent gages ou bestes en aucun lieu, cellui sur qui elles sont prinses doit venir à justice et querir sa recreance, et l'en lui doit faire sur pleges. (Cout. bourg. glosé P.M., c.1380-1400, 162)

...et avec ce prenez et tenez ledit chastel, la terre et toutes les appartenances en nostre main (...) sanz en faire lasche, rendre ne recreance (Doc. 1391. In : M. Bubenicek, Entre rébellion et obéissance, 2013, 600)

Ypothecque est de telle nature selon la coustume desdiz pays, que quant le créancier requiert exécucion sur son debteur de ce que luy est deu et qui appert par lectres obligatoires, la justice doibt tenir en main de court des choses de l'obligé jusques à la valleur de la debte, sans en faire recréance par pleige (Cout. instit. Anjou Maine B.-B., t.1, 1411, 589)

b)Provision ordonnée par un tribunal pour la réparation d'un tort.

...se aucun pasture ou finaige et justice d'autruy et il est prins pasturant en cest lieu et il allegue avoir usage de pasturer en ce lieu et en celle justice par tiltre ou par longue possession, le plait durant, recreance sera faite des bestes et de la pasture par une foiz et par toutes les prinses, sur caucion de pleges (Cout. bourg. glosé P.M., c.1380-1400, 91)

Et pour le temps avenir, par maniere de provision, jusques à ce que autrement en soit ordené par ladicte Court, paiera ledit evesque par maniere de recreance selon l'arrest de ceans ausdis demandeurs IIJc pains, chascun pain pesant XXIIIJ onces cuit seulement, et IIIJc quartes de vin bon et souffisant (Fauq., III, 1431-1435, 51)

c)Jouissance d'une chose litigieuse accordée par la justice à l'une des parties en procès.

...les parties ont procedé en certaine forme et maniere, et quoy quessoit ont adjugé la recreance de ladicte prebende audict Pelisson (Lettres Ch. VIII, P., t.3, 1490, 54)

Par extension. Mise à disposition.

Et au regart de la dixme de Naintré appartenant a la ville, que ledit monseigneur de Chastelleraut empesche et a mise en sa main, appoincté est que le procureur duroy (...) yront devers monseigneur de Chastelleraut pour en demander delivrance ou recreance (Reg. Poitiers F., t.1, 1437, 228)