PERSECUTER

verbe

[GD : persecuter ; GDC : persecuter ; FEW (VIII, 264a) : persecutor ; TLF (XIII, 132a) : persécuter]

A. -Persecuter qqn. Se lancer à la poursuite de qqn.

Il est temps les persecuter [les Anglais] , Que il ont leans trop esté ; Si vous vueillez tous parester Et armer pour la seureté. (Myst. siège Orléans H., c.1480-1500, 437)

Bien estoit estrange à ce povre roy (car ainsi se povoit-il bien appeller) de ainsi s'en fuyr et estre persecuté de ses propres serviteurs (Comm., I, 1489-1491, 202)

B. -Poursuivre qqn sans relâche, le tourmenter par des traitements cruels et injustes, persécuter qqn.

Ha ! tresdoulce vierge pucelle, (...) Celle grant persecucion Ne souffrez, dame, excecuter, Dont nous entent persecuter Ce faux herite. (Mir. emp. Julien, 1351, 192)

...de chienz vales mainz [dit Digulleville aux Juifs] qui ont persécuté le Christ, Du venin de häine plains (Guill. Digull., Pèler. J.-C. S., 1358, 281)

Julien l'Apostat faulz herite, tant orgueilleux que Dieu et tout le monde avoit en despris sanz nulle crainte des vengences divines, crestien fu premierement, puis renia la foy, et moult persecuta les crestiens (Chr. Piz., Faits meurs Ch. V, S., I, 1404, 77)

...que fera-il donques de ceulx qui non pas seulement ne les aiment mais qui si vilainement les persecutent sans cause et occient ? (Chr. Piz., P.V.H., 1416-1418, 22)

Item, par icelle loy on contrainct ung homme à vendre le sien, qui est une contraincte desraisonnable. Item, on persecute ceulx du purgatoire, comme dit est, car leurs messes et prieres cessent (Fauq., III, 1431-1435, 104)

Mais le senat (...) fist ung edit par despit, que incontinent manderent en Jherusalem prendre et persecuter tous les disciples et croyans en icellui Jhesus de Nazareth. (La Sale, Salade, c.1442-1444, 66)

Et ne differa point ledit de Bourgongne que par ses gens et de son party, nonobstant icelle tresve, de tousjours faire maulx et persecuter les gens, serviteurs, villes et subgetz du roy. (Roye, Chron. scand., I, 1460-1483, 319)

Bien est plus foul que le vouldroit Persecuter comme tu faiz. (Pass. Auv., 1477, 122)

...icellui Guillaume, fort troublé et esmeu de ainsi estre persécuté, doubtant la fureur dudit Hardy, en soy deffendant, tira une bistoire de dessoubz sa robe et donna audit Hardy ung cop d'estoc parmy la penillière et s'en fouyt (Doc. Poitou G., t.12, 1479, 289)

SATHAN. C'est le plus parfait Qui sera ne qui a esté, Car tout playnement et de faict Il congnoist nostre faulceté. LUCIFFER. Il fault qu'il soit persecuté D'aultre façon et d'aultre guyse ; Chascun doncq soit entalenté D'y pencer tost, qu'on y advise. (Ilz s'enfuyent en enffer, cryans et braillans orriblement et le doyen vient et l'official.) (La Vigne, S.M., 1496, 542)

Participe passé en emploi substantival.

...le sang des persecutez crie contre eulx à leur souverain juge (Chr. Piz., P.V.H., 1416-1418, 22)

[D'une chose, d'une situation] Poursuivre qqn sans relâche (pas toujours injustement), tourmenter qqn.

...aussi comme la loy si persecute et bat les pechiez sanz haine des personnes, aussi le juge punist tres justement les faillanz et pecheurs non pas par mouvement de courrouz mais par la franchise de la tresdouce loy (Foul., Policrat., IV, 1372, 52)

Assez et plus que noz sens ne pevent redrecier ou noz paciences souffrir avons sur nous de discors et debas et sommes persecutez des divisions dedens et dehors (Chart., Q. inv., 1422, 44)

Item, ceste loy persecute Dieu et l'Eglise, car on ne donra plus riens à l'Eglise par ce moien (Fauq., III, 1431-1435, 103)

...nous n'avons eu nulles guerres de nostre temps, et noz voisins en ont esté terriblement persecutez de pestilence [et] de famine. (C.n.n., c.1456-1467, 223)

...chargé et furny de diverses enfermetez et persecuté de debile viellesse (La Marche, Mém., I, c.1470, 9)

...son enfant estoit persecuté de maladie tant que tous ceulx qui le veoient le jugeoient estre mort (Mir. ste Cath. Fierbois C., 1470-1483, 137)

C. -Persecuter qqc. Maltraiter qqc..

...ou se ilz les oÿent, tantost les gettent et vomissent hors, et, qui pis est, persecutent ou hayent la misericorde des medecins espirituelz qui ceste viande leur veulent aministrer : il apparu des tirans envers les martirs (Gers., Purif., 1396-1397, 59)

Justice est trop persecutee Si misericorde y deffault, Mais elle est bien executee Quant on ne hait que le deffault (Meschin., Lun. princes M.-G., c.1461-1465, 62)

Les vices doibt emputer Hors bouter, Tousjours les persecuter Sans doubter, Car Dieu du tout les conjure. (Meschin., Lun. princes M.-G., c.1461-1465, 78)

O vous n'iray pas toute nue, Mais armée et le gleve a main, Pour m'en aller de nue en nue Combatre contre gerre humain. Et plutost ennuyt que demain Vouldroye l'office executer, Car j'ay ung courage inhumain Pour vie des hommes persecuter. (Cene dieux, c.1492, 129)

J'ay disposé, par engin dur com fer, Persecuter de Neptun les haulx voilles. (Antitus, Poés. P., c.1500, 12)

D. -Persecuter que. Poursuivre dans son affirmation que... (?).

...il a continué et perseveré en iceulx, disant et affermant persecuiter que les accusacions contre eulx par lui faictes estoient vrays. (Reg. crim. Chât., I, 1389-1392, 114)