PERPETRER

verbe

[T-L : perpetrer ; GD : perpetrer ; GDC : perpetrer ; FEW (VIII, 259a) : perpetrare ; TLF (XIII, 121b) : perpétrer]

Emploi transitif. Accomplir, commettre (un acte malfaisant, criminel, un péché...).

...qui est a dire en françois, que les richesses, c'est assavoir or, argent, que l'on arrache et tire des boyaulx de la terre sont les moqueries et tromperies des mauvaiz hommes, car moult de maulx sont par elles faiz et perpétrez (Oresme, Monnoies W., c.1365, X)

Plus ne puet estre haïs homs Que de perpeter traïson. (Le Fèvre, Respit Mort H., 1376-1380, 124)

Lez officiaux font citer plusieurs persones layes sur aucuns crimes ou delis lezquelx il leur mettent suz, et quant ilz sont venus a leurs journees, ilz lez detienent prisonniers, ja soit ce que ilz nient avoir perpetré lez diz crimes. (Songe verg. S., t.2, 1378, 155)

O quans en y a qui en la nef francoise perpetrent cestui homicide et si n'en feront ja conscience. (Mézières, Songe vieil pèl. C., t.2, c.1386-1389, 151)

...[la justice du lieu] doit diligemment et longuement enquerre du crime perpetre et de toutes les circonstances (Mézières, Songe vieil pèl. C., t.2, c.1386-1389, 279)

...fu dist qu'il deist verité des larrecins et murdres par lui fais, et en especial d'un certain murdre commis et perpetré le mercredi IIIJe jour de novembre, l'andemain du jour de la feste aus Mors, derrerement passé, entre la ville de Vaily et celle d'Aisy (Reg. crim. Chât., I, 1389-1392, 154)

...par ledit mons. le prevost et le conseil avoit esté dit et ordonné, sentencié et appointié, veue sadite confession, que pour ses demerites et larrecins par lui faiz et commis, cogneuz et perpetrez, il seroit oujourd'uy mis à mort et justicié comme larron (Reg. crim. Chât., II, 1389-1392, 90)

...les batures et navreures commises et perpetrées ès personnes des dessus diz bleciez (Reg. crim. Chât., II, 1389-1392, 240)

Je viens aux trois exemples de la Saincte Escripture pour parfaire la probacion de madicte tierce vérité. La première est de Moyse, qui sans commandement ne auctorité quelconques occist l'Egipcien qui tyrannisoit les enfans d'Israel. Et pour lors icellui Moyse n'avoit auctorité de juge, laquelle lui fut donnée quarante ans après qu'il eut perpétré ce fait. (Doc. 1408. In : MONSTRELET, Chron. D.-A., t.1, c.1425-1440, 214)

...à occasion de la mort perpetrée par le duc de Bourgoigne ou de par lui en la personne du feu duc d'Orleans, frere germain du Roy (Baye, II, 1411-1417, 211)

...et deux autres qui avoient esté des plus principaulz conspirateurs et aucteurs de la commocion et malefices commis et perpetrez en la ville de Paris (Fauq., I, 1417-1420, 155)

Et sont tous les hommes coulpables De ce pechiet et condampnables, Qui fu par Adam perpetré (Marcadé, Myst. Pass. Arras R., a.1440, 7)

...en toute diligence nous envoierons par delà nostre très chier et très amé cousin le marquiz et conte de Somerset, auquel avons donné commission, auctorité et povoir de besongnier et faire besoigner, vacquer et effectuelment de par nous entendre à la reformacion, reparacion et amendement de tout ce qui sera trouvé avoir esté fait, perpetré et commiz contre la teneur et effect des treves et prorogacion devant dictes (Escouchy, Chron. B., t.3, Pièces justif., 1447, 174)

...vint une belle fille nagueres au prevost se complaindre de force et violance en elle perpétrée et commise par le vouloir desordonné d'un jeune compaignon. (C.n.n., c.1456-1467, 159)

...les aultres penseront et a leur memoire remainront aucuns cas advenuz et perpetrez, habilles et suffisans d'estre adjoustez a l'ystoire presente (C.n.n., c.1456-1467, 255)

Car ilz ont faultes parpetreez Pour mourir de cent mille mors. (Cene dieux, c.1492, 128)

Provoquer.

Jehanneton la Chapperonniere [dit la belle Heaumière], Gardez qu'amy ne vous empestre ; Et Katherine la Bourciere, N'envoyez plus les hommes paistre, Car qui belle n'est ne perpestre Leur male grace mais leur rie, Laide viellesse amour n'impestre Ne que monnoye c'on descrye. (Villon, Test. R.H., 1461-1462, 58)