PARISIS

adjectif

[T-L : parisis ; GD : parisis ; FEW (VII, 655a) : Paris² ; TLF (XII, 1003b) : parisis]

[D'une monnaie] Sous/denier/livre parisis. Frappé à Paris.

Demandé mil livres en a Parisis, tournoys les ara Et c'est leur vente. (Mir. pape, 1346, 391)

Jehan le Courant, huissier d'armes, pour vessies de beuf, achettés par lui pour l'esbatement du roy (...). Argent 16 s. parisis. Le Roy, pour jouer à croiz et à pille, 2 frans, bailliez à lui par Pierre Le Borgne, escuier de messire Johan de Harcourt (Comptes hôtel rois Fr. D.-A., 1383, 208)

Adonc lui bailla, il qui parle, quatre pieces d'icelles poisons, et quatre blans de quatre deniers parisis la piece, et quatre blans chascun de huit deniers parisis. (Reg. crim. Chât., I, 1389-1392, 428)

... [il] dist lors à lui qui parle que icelle tasse il ne donnast aucunement pour moins de quatre livres parisis (Reg. crim. Chât., II, 1389-1392, 345)

Cedit jour, le graphier a delivré XX libvres parisis à Michiel Salmon, marchant de merrien, pour les aysemens de Parlement refaire (Baye, I, 1400-1410, 93)

...qu'ilz meissent leur bois et marchandises à pris competent et raisonnable, et qu'ilz delivrent desormais le mole de busche pour six solz parisis et au dessoubz (Fauq., I, 1417-1420, 205)

...la somme de cent frans vint deux deniers parisis que mondit seigneur lui devoit pour la garnison par lui faite en ung des henaps de madre de mondit seigneur (Comptes Etat bourg. M.F., t.1, 1419, 66)

...il y creust compettamment de blez, qui furent bons et de garde ; et n'en fut point vendu, au plus chier temps de ladicte année, que vingt quatre solz parisis le septier, mais il n'y creust que bien peu de fruict. (Roye, Chron. scand., I, 1460-1483, 3)

Et, pour cause de ce, fut crié par les carrefours de Paris que de là en avant nul ne feust si hardi de soy aler plus baigner en ladicte riviere, et que chascun tenist de jour devant son huis ung seau d'eaue, sur peine de prison et de LX sous parisis d'amende. (Roye, Chron. scand., I, 1460-1483, 49)

...et lequel aide à maçon rapporta response desdictes lettres à ladicte femme dudit maistre Odo, qui avoit gaigné par chacun jour qu'il avoit vacqué à aler audit lieu d'Estampes et retourner à Paris II sous parisis par chacun jour. (Roye, Chron. scand., I, 1460-1483, 75)

[Par abrév.]

...une paire de draps de lit, lesquelx il vendi ès halles de Paris, à un marchant, ne scet qui il est, desquelx draps il reçupt VIIJ s. p. (Reg. crim. Chât., I, 1389-1392, 38)

Et aussi embla à un autre compaignon une serpe, qu'il vendi audit fevre IIJ s. par. (Reg. crim. Chât., I, 1389-1392, 241)

...icelle vendi, au premier villaige qu'il trouva en sondit chemin, la somme de quatre soulz paris., qu'il en ot et receu (Reg. crim. Chât., II, 1389-1392, 176)

...et sy doivent (...) II d. par. de recours, et I d. à la saint Jehan, pasnage ou non (Hector De Chartres, Cout. R., 1398-1408, 24)

Emploi substantival. Monnaie de Paris.

Et vezci touz parisis d'or, Et ci autre monnoie encor (Mir. Rob. Dyable, c.1375, 9)

...en ycellui lieu [il] copa une bourse de cuir à usage de femme, en laquelle avoit en blans de IIIJ d. piece, IIIJ s., et en tournois et parisis, autres IIIJ s. (Reg. crim. Chât., I, 1389-1392, 79)

Cogneut avec ce, que oudit coffre elle print deux parisis d'argent, l'un doré et l'autre non, lesquelz elle a vendues, et l'argent appliqué à ses usage et affaire (Reg. crim. Chât., I, 1389-1392, 196)

Et baillerent lors à il qui parle et à son compoignon à chascun trois blans, chascun blanc de quatre parisis. (Reg. crim. Chât., I, 1389-1392, 459)

...et sy doivent IIII parisis de chacun porc quant il est pasnage (Hector De Chartres, Cout. R., 1398-1408, 24)

Quant je reguarde ma jacquete, Il n'y a plume ni plumete ; Je suys plus net qu'un parisi ! (Pipée R., c.1470-1480, 198)

LA LAITIERE. (...) Qu'en paierai ge ? [Pour faire réparer un soulier] LE SAVETIER. A ung brief mot Seize tournois. LA LAITIERE. Par saint Bergot, Vous en aurés six parisis. LE SAVETIER. De Dieu puist il estre mauldis, Dame, qui le vous y fera. (Sav. serg. D.L., c.1480-1490, 31)

Remarque : Forme parsis :

Mais chou ne li vausis le monte d'un parsis [var.] (Flor. Octav. L., t.1, c.1356, 824)