PAREILLEMENT

adverbe

[T-L : pareilpareillement ; GDC : pareillement ; FEW (VII, 649a) : pariculus ; TLF (XII, 977a) : pareillement]

A. -De la même façon, pareillement.

1.[À propos d'un même être ou objet, des mêmes êtres ou objets]

...là se raffresquirent-ilz troix jours, et partout estoient-ilz le bien venus, car ilz avoient des chevaliers du roy qui les conduisoient et se payoient tout pareillement, partout où que ilz venoient, ce que ilz prendoient. (Froiss., Chron. M., XIV, c.1375-1400, 117)

...et de ce vous livrerez bons hostages et le jurrez par vostre foy et sur Sainctes Euvangiles, et par vostre seelle, a emplir et enteriner tout ce dessus dit. Et oultre plus, vous enconvenancerez pareillement que jamais ne porterez ne ferez dommage, ne ne le souffrerez a faire a vostre povoir dommage nul a ma damoiselle qui cy est, et l'aiderez et conforterez, lui, son pays et tous ses hommes, envers tous et contre tous qui dommage ou injure lui vouldroient porter ou faire porter. (Arras, c.1392-1393, 168)

Et [Geoffroy] leur compte toute la maniere de leur bataille et des paroles, et comment il lui cuida tollir la bourse, [au chevalier] , et comment ilz se sont departiz, ne sur quelles convenances, et comment il vint soubdainement et s'en rala pareillement. (Arras, c.1392-1393, 299)

Et quant on est sus, pareillement voist on les deux mers, comme l'en fait du mont devantdit (La Sale, Salade, c.1442-1444, 72)

Si en mengea tout son saoul. Au lendemain pareillement (C.n.n., c.1456-1467, 82)

...il alla pareillement querir deux des freres et des seurs d'elle, et leur dist comme il avoit fait au pere et a la mere. (C.n.n., c.1456-1467, 380)

[Messire Henry] Prist toutevoyes une des hachez et une des lances (...). Et tantost deux gentilz hommes les tindrent sur bout, l'un a destre, l'aultre a senestre, au dehors du pavillon, et pareillement fit on des bastons de messire Jehan de Rebremette aprés luy estre rapportéz. (Chastell., Chron. IV, D., c.1461-1472, 163)

Pareillement à. De la même manière que, en même nombre que.

De celle aventure furent li François si esbahi que il perdirent lor arroi, et n'avoient pas gens parellement as Alemans et Hainnuiers, car la grignour partie sievirent la baniere le signeur de Saint Sauflieu qui se mist au retour. (Froiss., Chron. D., p.1400, 443)

2.[Marquant l'identité d'action, de comportement... de la part de plusieurs êtres ou objets]

[Parallélisme]

...ces .II. corps glorieux qui sont si prochains par nature, sont ou seront par tout le ciel la ou seront les corps beneuréz et le rëempliront pareillement quant a ce (Oresme, C.M., c.1377, 730)

Et dist, sur ce requise, que puis trois ans a que elle a cognoissance d'icelle Marion, elle a veu venir à ladite Marion plusieurs gens qui pareillement se complaignoient de desroberies, et lui requeroient que elle leur voulsist enseigner qui avoit les choses perdues. (Reg. crim. Chât., II, 1389-1392, 285)

Anthoine estoit sur un hault coursier liart, vestu d'un jaque de veloux cramousi, tout broudé de perles et de pierrerie riche et chiere, l'espee ou costé, le chappel de perles ou chief, un gros baston ou poing ; et son frere, lez lui, tout pareillement vestu et ordonné. (Arras, c.1392-1393, 165)

'Tres chiers sires et redoubtés, se vous faisiés ce que vous dites, il en seroit trop grant nouvelle, et vous seroit tourné a trop grant cruaulté, et nous donriiés, moi et les vostres, trop mauvais exemple ou temps a venir de nous metre, ne enclore en nulle garnison de par vous, car se vous faisiés ces gens morir ensi que vous dites, parellement on feroit de nous.' (Froiss., Chron. D., p.1400, 840)

...si y prendront les autres exemple de pareillement donner. (Chr. Piz., Trois vertus W.H., c.1405, 67)

...lesquelles sentences, fulminacions et procès avoient pareillement esté publieez en ladicte place à grant assemblée de gens de peuple (Fauq., I, 1417-1420, 189)

Et pourtant mettez en la voye Vos heraulx et bons messaigiers, (...) En escripvant lettres et brief A tous voz subjetz et feaulx, Qui tant sont justes et loyaulx, Pareillement a vous amis, Qui tousjours se sont entremis De voz conforter et aidier, Quant en avez eü mestier. (Myst. st Adr. P., c.1450-1485, 11)

Assez près du chasteau ou le dit chevalier faisoit sa residence demouroit ung musnier, pareillement a une belle, gente et jeune femme marié. (C.n.n., c.1456-1467, 38)

...[elle] les fist aller recoucher, car il estoit trop matin pour eulx lever ; et aussi s'en alla elle pareillement rebouter en son lit [Une mère a dû faire lever ses enfants en pleine nuit] (C.n.n., c.1456-1467, 367)

...son mary (...) ne sceut rien de l'adventure, car elle luy cela ; si fist le clerc pareillement. (C.n.n., c.1456-1467, 579)

Et, d'autre part, s'en ala mondit seigneur de Lorraine oudit pays de Suixe pareillement faire son amas de gens pour revenir secourir ses gens dudit Nancy et lever ledit siege. (Roye, Chron. scand., II, 1460-1483, 25)

O femme, de Jehan seras mere ! (...) Or doncques pour ton filz le prent ! Jehan, mon cosin, pareilhement Pour mere prendras celle feme ! (Pass. Auv., 1477, 220)

LE JUIF. (...) Et, se pour moy il [saint Nicolas] fait ce bien [ressusciter le chrétien] , Baptiser crestien me feray Et tout mon temps le serviray, Ma famille pareillement. (Mir. st Nic. juif, c.1480-1500, 148)

Il m'a pugny bien asprement Mais il fault que je preigne en gré Et vous aussi paraillement (Tr. Men., c.1480-1500, 294)

Moy, messagier, vers vous acourt Pour vous dire que sera pris Congié des seigneurs de hault pris, Des bourgeoises pareillement Et de ceulx qui, en ce pourpris, Assemblez se sont humblement Pour voir jouer devostement La vie monseigneur sainct Martin (La Vigne, S.M., 1496, 442)

[Réciprocité]

...onques ne fissent samblant que il se vosissent combatre, et atendoient li François que les Englois les venissent requerre, et les Englois parellement les François ; (Froiss., Chron. M., XIV, c.1375-1400, 335)

La bonne damoiselle (...) souvent regardoit l'oeil sur son varlet et sa chambriere, et eulx, en soubzriant tout doulcement, pareillement la regardoient. (C.n.n., c.1456-1467, 486)

Pareillement que. De la même façon que.

Et a esté conclu que les arrestz et jugemens seront signez pareillement que par cy devant, quant on tenoit la Chambre des Enquestes. (Fauq., III, 1431-1435, 88)

B. -[En tête de proposition] Aussi, de même.

Pareillement elle ne luy peult donner previleige de faire à sa voulenté des monnoies (Oresme, Monnoies W., c.1365, LXXIII)

Et li rois volt avoir ce Bacon dalés li, et fu wisiers d'armes dou roi et bien en la grace dou roi Phelippe et dou roi Jehan, et tousjours bien montés de coursiers, de roncins et de hagenees ; et avoit assés grant finance d'or et d'argent, et demora en bon estat tant que il vesqui. Parellement et de ce temps ot un honme d'armes, en Bretagne, alemant que on clama Crokart, liquels avoit esté en son conmencement uns varlés au signeur d'Ercle en Hollandes, mais il se porta si bien ens es guerres de Bretagne par prises de villes et de chastiaus et des racas fais et de raençons de gentils honmes que, qant il ot assés menet celle ruse et il fu tanés de guerriier et de mal faire, il i aporta la finance de .LXM. viés esqus. (Froiss., Chron. D., p.1400, 860)

Dont en commençant, a Napples, la belle cité pleine de haulx et de somptueux edifices, l'eglise de Saint Jehan le Maieur fut toute ruee jus a terre ; pareillement l'eglise de Nostre Dame la Maiour toute ruee a terre (Chastell., Chron. IV, D., c.1461-1472, 96)

[Messire Jehan de Croy, ambassadeur du duc de Bourgogne, au roi de France :] ...monsieur de Bourgoigne est adverty que vous, sire, avez contre lui prins alliance au roy de Denemarche (...). Pareillement a esté adverty que vous [avez] envoyé vostre prevost des marischaulx ou pays de Liege (Chastell., Chron. IV, D., c.1461-1472, 182)

Ainsi que..., pareillement. De même que..., de même.

Ainsi que la monnoie appartient à la communaulté, comme dit est, pareillement se doit elle faire et forgier aux despens de la communaulté (Oresme, Monnoies W., c.1365, XXIV)