PAPAL

adjectif

[T-L : papal ; GD : papal1, papal2 ; GDC : papal ; FEW (VII, 572b) : papa ; TLF (XII, 886b) : papal]

A. -De pape, du pape, qui concerne le pape.

Et leur donna li papes plaine poissance de faire ce que il pooit faire, reservé aucuns cas papaulx que il ne puet donner à nul homme ne hoster de sa main (Froiss., Chron. R., IX, c.1375-1400, 49)

Et lendemain les Florentins vindrent devers lui et lui firent révérence papale, et estoient environ trois cens chevaulx, entre lesquelz avoit dix-huit chevaliers vestus de vermeil, à beaulx plumaulx pailletez d'or, et avoient six trompètes, deux héraulx, et dix hommes jouans d'instrumens de musique. (Monstrelet, Chron. D.-A., t.2, c.1425-1440, 73)

Remarque : JEAN GOLEIN, Rational B.D., c.1370-1372, gloss. ; WAUQUELIN, Belle Hélène Const. C., c.1448-1452, gloss. ...

Absolution papale

Item s'il plaira a Dieu faire grace au povre pelerin que aprés sa darraine unction ou devant, se le peril apparra, il ait encores la parole, sens et entendement, il li soit ramenteu par le pere prieur qu'il doie demander son absolucion papale et apostolique (Mézières, Test. G., 1392, 316)

...aprés la solempnelle messe que l'evesque chanta a Nostre Dame de Paris, eulz tous confez, leur donna la papale de peine et de coulpe absolucion (La Sale, J.S., 1456, 201)

Chaire papale. Chaire pontificale.

La royne fu assise en sa chaere papale et les troys dames entour lui, et les chambrieres se seirent sur les tapiz vers a rouses vermeilles aux piez de la royne. (Mézières, Songe vieil pèl. C., t.1, c.1386-1389, 305)

Cour papale

Et toutesfois il lui sembloit par experience que, es dictes cours royalles et papalles, il estoit fort a faire aujourduy de trouver en vraye existence les quatre vertuz sustouchees. (Mézières, Songe vieil pèl. C., t.1, c.1386-1389, 88)

Dignité papale

En ly baillant la cocuche : Recevez papal dignité Et en general auctorité Sur tout l'estat de sainte Eglise, Qui de par Dieu vous est commise, Afin que vous edifïez, Plantez, esrachiez, destruiez, Plantez vertus, esrachiez vices, Destruiez erreurs et malices, Edefïez sus la foy temples De sainteté par bons examples Et par saine et vraye doctrine ! (Mart. st Pierre st Paul R., c.1430-1440, 159)

Dispensation papale. Dispense du pape.

Et tele cognation et tele parenté empesche mariage, se n'estoit dispensation papale et ordonnance de l'eglise, qui en ce cas porroit avoir ordonnance. (Sacr. mar., c.1477-1481, 54)

B. -Emploi substantival.

1.Partisan du pape.

Qui a le monde ainsi destruit, Et par qui sueffre il tant de maulx ? Je le diray, entendez tuit : Puis qu'il vint tant de cardinaulx, De compteurs, de divers papaulx (...) En la court du pappe et des princes, Ne fut bien gouverné ly mons : C'est ce qui destruit les provinces. (Desch., Oeuvres Q., t.5, c.1370-1407, 280)

2.Papat, pontificat.

...je me suis en cestuy moys de janvier mil iiiic soixante et ung, quart du pappal nostre saint pere le pappe Pius Second et trente neuvieme du regne du roy Charles le Septieme, regnant a present, mis en peine de redduyre en ung petit traictié [les principaulx fais des ix dames et princesses dictes Preues] (Mamerot, Traité Neuf Preues S., c.1461-1472, 3)

Remarque : BOUVET, Arbre bat., c.1386-1389, et P. FARGET, Miroir vie humaine (éd. 1482), ds GD V, 726a.