PERILLEUX

adjectif

[T-L : perillos ; GD : perillos ; GDC : perillos ; DECT : perillos ; FEW (VIII, 242b) : periculum ; TLF (XIII, 91a) : périlleux]

A. -Dangereux, qui présente un danger, qui fait courir un risque, périlleux.

Et quant tu empreïs l'amer, Tu te meïs enmi la mer Entre les perilleuses ondes Cornues et plates et rondes Qui se transportent en po d'eure, L'une au dessous, l'autre au desseure, Dont la mer s'engroisse et se trouble, Si que toute l'iaue en est trouble (Mach., R. Fort., c.1341, 94)

N'on ne la vost mie murer De murs, de tours ne de perriere, Fors seulement de la riviere Qui est parfonde et mervilleuse Aus faus amans et perilleuse (Mach., D. Lyon, 1342, 221)

...Souffissance Qui de trés humble pacience Estoit richement äournée Et abondanment säoulée Et pleinne de tous biens terriens. Elle n'avoit besoing de riens, Ne li failloit chose nesune ; Hors estoit des mains de Fortune Et de son perilleus dangier. De po se paissoit au mengier, Car plus refaite estoit d'un ouef Que ne fust un autre d'un buef. (Mach., J. R. Nav., 1349, 181)

Car m'ame en pereilleux decours Est d'aler a maleiçon. (Mir. parr., 1356, 45)

Que fist il devant Basenouve, A Senouain et a Lendouve Et devant La ou fu li Hongres A cent mille hommes (c'est li nombres) ? Trop fist de choses mervilleuses, Apertes, sages, perilleuses. Se toutes les voloie dire, Je ne les te porroie lire Ou compter en jour et demi. (Mach., C. ami, 1357, 108)

Aussi comme les evacuacions excessives sont perilleuses, les resumpcions jusques au derrenier sont perilleuses. (Saint-gille, A.Y., 1362-1365, 53)

Ellebore est perilleux aux corps qui ont saines chars, car il fait spasmer. (Saint-gille, A.Y., 1362-1365, 73)

Et peut bien considerer a l'universele quant il vient ou lieu parilleus (Oresme, E.A.C., c.1370, 371)

Pour les amans (...) Enluminer en la nuit tenebreuse Est lune plaine, et pour eulx droit mener Par ceste mer mondaine perilleuse Estoille clére (Mir. Berthe, c.1373, 254)

Mais en autres condicions, leur lieu et eulz sont moins nobles, car leur habitacion en pluseurs lieus est perilleuse pour la desordenance et variacion de l'aer et pour la corrupcion des eaues et pour l'anveniment de diverses manieres de serpens et d'autres bestes dont Lucan fait mencion. (Oresme, C.M., c.1377, 350)

...ilz [les Juifs] s'entremettent d'Astrologie, quant aux jugemens celestes, et exposent, conme ilz dient, tres certainement lez songes, et croient et enseignent plusieurs observances et doctrines contre le conmandement de Dieu et perilieusez au simple pueple (Songe verg. S., t.1, 1378, 362)

...ch'est ungs prileurs tours De là jouster, par saint Hellie ! (Joutes St-Ingl. P., c.1390, 62)

Et fu l'escarmouche moult fiere et moult perilleuse (Arras, c.1392-1393, 106)

Car trop me sembla perilleux, Trop dangereux et merveilleux Et ou trop pouoit mescheoir (Chr. Piz., M.F., I, 1400-1403, 60)

Mais perilleux fu le passage ! (Chr. Piz., M.F., II, 1400-1403, 200)

Comme je le sans retantir ! Dieu, quel fort vin ! comme il point ! Je suis yvre, or est a point, Vin est trop perilleux bruvaige, Quil peu en bura sera saige. (Pass. Semur D.M., c.1420 [1488], 31)

...et que ledit pere n'y oseroit aler pour ce qu'il y a grant chemin dudit Conteville jusques a Dampfront, de tres dangereux et perilleux chemin pour noz ennemis qui souvent y repairent. (Chancell. Henri VI, L., t.2, 1432, 213)

Laquelle sy treshideuse et perilleuse bactaille les Lassedemoniens differerent, pour doubtes les tresperilleux combattre de ceulz qui par despoir ne craingnoient riens. (La Sale, Salade, c.1442-1444, 57)

Le [prieur], doubtant le cousteau et la main perilleuse qui le tenoit, ne sçet que dire. (C.n.n., c.1456-1467, 61)

...elle savoit par renommée qu'il [le seigneur] estoit perilleux et noiseux entre femmes. (C.n.n., c.1456-1467, 156)

...si savez toutesfoiz que la garde est perilleuse. (...) vous en voiez tous les jours mesadvenir puis qu'on les tient oultre le terme deu. [À un père qui tarde à marier sa fille] (C.n.n., c.1456-1467, 295)

...long temps a qu'il ne fist aussi perilleux et dangereux chevaucher comme il a fait tout l'yver (C.n.n., c.1456-1467, 514)

...tes comblés thesors sont bien vains, lesquelx soubz perilleuses adventures, en peines dures et sueurs, as amassé (C.n.n., c.1456-1467, 555)

Ay my ! hellas ! povre ame desolee, Que tu seras par tanps trop perilleuse, Quant de par moy tu n'es riens consolee ! Tu t'en vas bien certes desventureuse, Jamais nul jour tu ne seras joyeuse. (Jeu quatre pers. L., a.1465, 197)

...le duc de Bourgoingne (...) se logea de sa personne à Sainct Acheu, et fortiffia son camp tellement qu'il estoit perilleux à y entrer (La Marche, Mém., III, c.1470, 71)

...les playes qui sont faictes a troys doys prés de la joincture sont perilleuses car cordes nerveuses sont illec desnuees de char, desquelles la poincture est generative de spasme et par consequent inductive de mort (Panis, Guidon, 1478, tr.I, doct.1, chap.2)

...Malladïes les plus prilleuses Que l'on sauroit pencer ne dire (La Vigne, Aveugle boiteux D., 1496, 62)

Puisque, moyne, suis divisé Du monde, conte je ne foys, Car, quant je pence maintes fois Qu'il fault aller a pourriture, L'ame me tremble plusieurs foys De sa perilleuse adventure. (La Vigne, S.M., 1496, 415)

Proverbe. Perilleuse est la demeure. Voir demeure

B. -Menaçant, nuisible.

Ce fu des orribles merveilles, Seur toutes autres despareilles, Dont homme puet avoir memoire, Car je ne truis pas en histoire Lisant nulles si mervilleuses, Si dures, ne si perilleuses De quatre pars, non de dis tans, Comme elles ont esté de mon temps. Car ce fu chose assez commune Qu'on vit le soleil et la lune, Les estoiles, le ciel, la terre, En signefiance de guerre, De doleurs et de pestilences, Faire signes et demoustrances. (Mach., J. R. Nav., 1349, 142)

Quant li roys [Balthasar] oy la parole [de Daniel] , Il ne la tint pas pour frivole, Eins li sambla moult mervilleuse, Moult diverse et moult perilleuse. (Mach., C. ami, 1357, 34)

...et doubtoit on qu'il n'y eust aucune commocion perilleuse ou peuple de Paris. (Fauq., I, 1417-1420, 152)

Mais, pour ce, n'ont mie cessé les perilleuses guerres et grans mortalités ayans cours en pluiseurs parties de ce royaume (Fauq., I, 1417-1420, 188)

Et neantmoins lesdictes lettres ne furent point publiéez, pour ce qu'elles n'estoient mie in forma debita, et si eust esté la publicacion d'icelles perilleuse et prejudiciable (Fauq., I, 1417-1420, 302)

O couraige tresorgueilleux, Cueur inhumain et merveilleux, M'avez vous ainsi refusee ? Meschant homme, tresperilleux, Oultrecuidé, vilain poulleux, Me gardrez vous ceste pensee ? (Narcissus, p.1426, 300)