ORD

adjectif

[T-L : ort ; GD : ord ; DECT : ort ; FEW (IV, 486a) : horridus ; TLF (XII, 585b) : ord]

A. -Au propre. [D'une pers., d'un animal, d'une chose] Sale, répugnant.

Je me plein de celui qui en celier converse : Il me honnist mon vin de l'iaue qu'il y verse. Mout fu l'uevre de Dieu à la sienne diverse ; Car il fist d'yaue vin, et il fait la renverse. C'est uns truans convers qui aimme une converse, Orde, vieille et puante, orgueilleuse et perverse. Je la trouvay l'autrier dessous lui toute enverse. (Mach., Compl., 1340-1377, 266)

Quant [Polyphème] assis est dessus sa roche, Un pin tient dont ces bestes croche. Mais il n'est pas en toit couvert, Ainçois est tout a descouvert, N'il n'a maisons, chambres ne sales, Fors cavernes ordes et sales Es queles li mauffés se boute Quant säoule est sa pance gloute. (Mach., Voir, 1364, 622)

Jamais dÿable ne verrés Si forsené, si enragié De son oeil qu'on a arragié. [Polyphème] Ne portoit perches ne bastons, Ainçois aloit a atastons, Querant les voies et les sentes A ses ordes mains et senglentes. (Mach., Voir, 1364, 626)

Les yex ay troublez malement, Les braz et les mains ensement Ay de pouacre vilz et ors (Mir. Amis, c.1365, 48)

...les mauvaises gens et fausses Li avoient mis [au roi assassiné] unes chausses Rouges, reses, viez et usées ; Et s'estoient toutes troées ; Et uns viez solers emboez Qui tous IJ. estoient troez, Si que l'un des piez li paroit Telement qu'à tous apparoit ; Et un viez chaperon de pers Qui estoit tous mengiez de vers, Ort et vil, et puant, et sale Avoit, mors gisans en la sale. (Mach., P. Alex., p.1369, 272)

Je voy li pié me sont failli : Ne peuent mais porter mon corps, Qui de pourreture est si ors (Mir. emper. Romme, 1369, 296)

Et leur remonstra... le maniere et nature des Espaignols et comment ilz sont ors et poulleux (Froiss., Chron. M., XII, c.1375-1400, 127)

La tere estoit froide et orde et bruequeuse, et plouvoit (Froiss., Chron. R., XI, c.1375-1400, 20)

Mais ceste opinion fu reprouvee ou quint chapitre et les raisons devant mises ne concludent pas, car il ne convient pas que tout corps soit vif qui est plus noble que cel est vif, car un saphir ou une esmeraude est plus noble que une mousche ou que un ort verm et que pluseurs corps vifz d'ame materiele. (Oresme, C.M., c.1377, 502)

Aveugle Fortune, dure, sure et amere, bien m'as mis du hault siege de ta roe ou plus bas et ou plus boueux et ort lieu de ta maison ou Jupiter abeure les laz, chetifs, doulereux et maleureux. (Arras, c.1392-1393, 243)

...Des grans bouillons, fumiers et corps, Pourriz en terre et par dehors, Des lacz, palus et vieulx estangz, Et d'autres eaues arrestans De grans vallées et de fosses, Parfondes et ordes et grosses, Et aussi d'exalation De terre yssant par motion, Et lesquelles ordes fumées, Ainsi parmy l'air eslevées Et existens en abondance, Le font pourrir en sa substance (La Haye, P. peste, 1426, 46)

Pendant lesquels trois jours iceulx gens de guerre, tant le grand que le petit, le seigneur que le moindre souldoyer, eurent moult à souffrir et endurer par l'ouraige de pluye qu'il fist durant ces trois jours, dont estoit tout l'ost perdu pour l'ord chemin qu'il faisoit. (Chart. J., Chron. Ch. VII, V., t.2, c.1437-1464, 138)

...il fut trompé par l'orde eaue que l'amant de sa dicte femme getta par une fenestre sur elle [Il s'agit d'un mélange d'eau et de cendre] (C.n.n., c.1456-1467, 9)

...si vous l'aviez veu, vous ne feriez ja presse de l'avoir : c'est ung let et ort garson, trestout roigneux et contrefait. (C.n.n., c.1456-1467, 148)

...il fault (...) que je ne soye pas souillée de voz houseaux, qui sont et gras et ors (C.n.n., c.1456-1467, 157)

En chancre et fix et en ces ors cuveaulx Ou nourrisses essangent leurs drappeaux, En petiz baings de filles amoureuses - Qui ne m'entant n'a suivy les bordeaux - Soient frictes ces langues ennuyeuses ! (Villon, Test. R.H., 1461-1462, 115)

SATHAN. Deablerie puante et orde, Tost la corde Pour me pendre (...) ! Dyablerie puante et orde (Mir. st Nic. juif, c.1480-1500, 147)

Celle putain Proserpine, orde et salle, En la cuysine se tient trop pour le halle (La Vigne, S.M., 1496, 219)

Remarque : HENRI FERR., Modus et Ratio T., c.1354-1377, gloss. (ordre).

B. -Par analogie. [D'une chose] Mauvais, infâme.

En oultre ilz vestiroient de vielz et honteux habitz le roy de Cécile et le duc de Berry, et leur feroient rère leurs testes et mener par la ville de Paris sur deulx ors tumbereaulx, et après ce les feroient mourir. (Monstrelet, Chron. D.-A., t.3, c.1425-1440, 140)

[La femme aimée m'a fait entendre Tousjours d'un que ce feust ung autre :] D'orde servoyse vin nouveau (Villon, Test. R.H., 1461-1462, 68)

Et ne scauroye ne de jour ne de nuyt Tant en tuer o ma faulx orde et ville, Qu'il demeure sur terre ne cru ne cuyt. Se j'en tue cent, [lors] il en vient mille. (Cene dieux, c.1492, 109)

...au cueur me viennent les [lancz], Penetrant mon corps et mes flans Pour les poisons ors et puans Qui tumberont sur les humains. (Cene dieux, c.1492, 124)

[D'un lieu]

Gardez que sanz arrestoison Soit mis en une orde prison, Et tantdis je m'aviseray Conment morir je le feray Plus cruelment. (Mir. st Lor., 1380, 183)

[De l'Enfer]

...Jhesu, Homme et Dieu, qui de l'ort palu D'enfer par sa mort nous retrait (Mir. st Panth., 1364, 344)

...pour nous d'enfer desvoier Dieu se fist en vous homme, Pour nous de l'ort lieu desbouer Ou Adam nous fist emboer (Mir. Rob. Dyable, c.1375, 77)

[De l'air] Infect, pestilentiel.

Si que ces tempestes cesserent, Mais tels bruïnes engendrerent, Tels ordures et tels fumées Qui ne furent gaires amées ; Car l'air qui estoit nès et purs Fu ors et vils, noirs et obscurs, Lais et puans, troubles et pus, Si qu'il devint tous corrompus, Si que de sa corruption Eurent les gens opinion Que corrumpu en devenoient (Mach., J. R. Nav., 1349, 148)

C. -Au figuré. [D'une pers., d'une collectivité, d'un comportement, d'une disposition morale...] Vil, méprisable.

Alez : es tourmens vilz et ors D'enfer menez et ame et corps Entre vous deux. (Mir. ev. arced., c.1341, 139)

NOSTRE DAME. Or sus, or sus, de pechiez orde (...) : Trop as mespris vilainement (Mir. nonne, 1345, 343)

Et s'avoit elle tant pechié Que pour ses pechiez vilz et ors Elle avoit set dyables ou corps. (Mir. mère pape, c.1355, 386)

Mais Susanne, de Juda fille, Vostre iniquité orde et ville Ne volt soustenir ne vëoir, Car mieus ama estre et chëoir En vos mains et la mort attendre Que Dieu son createur offendre. (Mach., C. ami, 1357, 15)

Et aucunes fois en telz giex l'en dit de laides paroles, ordes, injurieuses et deshonestes. (Oresme, E.A.C., c.1370, 271)

Et lors la royne Rosemonde, mais rose souillie et orde, prist a mari ledit chevalier. (Mézières, Vertu sacr. mar. W., c.1384-1389, 239)

...l'une estoit seule en son lit et faisoit telz pechiez si ors et si abhominables qui ne [s]ont pas a nommer. (Gers., Pent., p.1389, 77)

Et se nous n'avons pas souffisante congnoissance de Dieu, quelle merveille quant nous sommes tous ors et tous plungiez et versez en la fange et boe de toute charnalité ? (Gers., P. Paul, a.1394, 513)

...il estoit et avoit esté herites et sodomites, ensi que renonmee puble couroit par toute Engleterre, et dou roi meismes. Et pour ce vilain et ort pechiet, li rois avoit escaciet la roine sa fenme en sus de lui. (Froiss., Chron. D., p.1400, 92)

...car aux autres qui estoyent malicieux ou qui se donnoyent a orde charnalité, Dieu ne se monstra pas sinon a leur horrible mort (Gers., Noël, p.1404, 297)

...Que Humain Lignage en vérité Est tout rempli d'iniquité, D'orgueil, envie, ire et tristesse, D'orde luxure et grant peresce (La Haye, P. peste, 1426, 35)

Les mescreans dont on devise, Et les herites de vie orde Destruira, car ainsi l'acorde Prophecie, qui l'a predit (Chr. Piz., J. d'Arc, 1429, 36)

Jeuner ne veult et si attrait A pechiés ors tost et attrait. (Coeur sens M., a.1433, 84)

...l'orde et ville dominacion des mages fut oppressee et abattue (La Sale, Salade, c.1442-1444, 30)

Et aussi quilz ne fichent en leur ymaginacion semblance de chose qui ne soit honneste et licite. Et se a la fois il vient de laides et ordes fantasies on ne si doit de riens arrester et se doit on conuertir a choses licites. (Cib., p.1451, 213)

Laquelle il cuida bien aller baiser et saluer, et faire une orde excusance de ses faultes. Mais il ne luy fut pas souffert [Apprenant le mariage de celle qu'il a lâchement abandonnée, un jeune homme veut obtenir son pardon] (C.n.n., c.1456-1467, 181)

Dieu mecte en mal an l'orde beste qui m'a encusé, dist le bon seigneur. [Il a été trahi par sa mule] (C.n.n., c.1456-1467, 213)

...paillarde que vous estes, qui tant estes et orde et sale et malhonneste ! (C.n.n., c.1456-1467, 301)

...et mesmement à la complainte d'une nommée Marion, femme de Colin Panier, et d'une autre femme dissolue, qui chargeoient ledit Daniel de les avoir efforcées et en elles fait et commis l'ort et villain pechié de sodomie. (Roye, Chron. scand., II, 1460-1483, 65)

On luy mect sus Que des pechés, tant soient ilz ors, Donne remors Es pecheurs sans estre confus, Et qu'ad nul il ne fait reffus (Pass. Auv., 1477, 136)

Plus n'accomplirey vostre veul, Palharde cher pugnaise et orde, Puis que Dieu m'a pris en sa corde. Je veulx servir a l'esperit, Lequel, mon Dieu, estoit perit, Si ne m'eussiés ad vous tiree. (Pass. Auv., 1477, 149)

J'en mue ma coleur et sorte, Quant je recorde Une si forte - et tresinurbaine malice, Que vient de l'orde Nacïon torte - que vous est si tresmal propice. (Pass. Auv., 1477, 257)

Juge, pourquoy avés vous faicte Ceste sentence, orde et infaicte Par qui voulés (vous) estre deffaicte Par poisons, que la mort a faicte, La pluspart de tous les vivans ? (Cene dieux, c.1492, 124)

D. -[Comme qualificatif injurieux]

Es tu ci, orde telle quelle ? Tien, mengue en male santé : Que fust ore en terre planté Ton puant corps ! (Mir. roy Thierry, c.1374, 275)

L'orde paillarde perilleuse (Chr. Piz., Chem. estude P., 1402-1403, 175)

Passez, passez, orde caigne que vous estes ; par Dieu, vous n'y entrerez meshuy, meschante beste que vous estes ! [Construite sur une ambivalence, la phrase concerne à la fois un animal et un homme] (C.n.n., c.1456-1467, 196)

Ceste ballade luy envoye [à mon amour], Qui se termine tout par erre. Qui luy portera ? Que je voye... Ce sera Pernet de la Barre, Pourveu, s'il rencontre en son erre Ma damoiselle au nez tortu, Il luy dira sans plus enquerre : 'Orde paillarde, dont viens tu ?' (Villon, Test. R.H., 1461-1462, 82)

... orde vieille maquerelle (Sav. serg. D.L., c.1480-1490, 32)

Ort savestier, lait et infect (Sav. serg. D.L., c.1480-1490, 32)

Tres ort villain, pourry bahu, Savestier plain de punaysie(s) (Sav. serg. D.L., c.1480-1490, 32)

Par le corps bieu, il te cuira Ce que tu as dit, savetier. Fy de toy et de ton mestier, Tu es si ort que tu pus tout. (Sav. serg. D.L., c.1480-1490, 32)

Tu as menti ort, viel cabas, Tu ne di pas parolle vraye. (Sav. serg. D.L., c.1480-1490, 32)

M'as tu frappé, ord vil museau (Sav. serg. D.L., c.1480-1490, 33)