ORATEUR

substantif masculin

[GD : orateur ; GDC : orateur ; FEW (VII, 386b) : orator ; TLF (XII, 577a) : orateur]

A. -Celui qui domine l'art oratoire et la rhétorique, orateur.

...mais la bourde et menconge est de telle nature que pour palliacion, distillacion, ne sublimacion, de la forge des advocaz, orateurs eloquens, qui la dicte menconge enplument de divers plumages et d'argumens apparans, elle ne sera ja si paree que se elle approchera a l'examen de ma precieuse forge qu'elle ne soit trouvee en la fin menconge toute preuvee (Mézières, Songe vieil pèl. C., t.2, c.1386-1389, 179)

Et orateur est clamé l'omme, Quant bon en nature on le nomme, Bien ordené en vie et meurs Et en ars et en tous labeurs, Et qui, introduit et perit En bien dire, et ses diz nourrit Par eloquence gracieuse, Soubtille et artificieuse (Chr. Piz., M.F., II, 1400-1403, 133)

Car non pas seulement moy, femme simple et ignorent en qui n'a science ne autre savoir ne mais stille vulgal et rural en fait d'escripture, mais tous haulx entendemens remplis de clergie, orateurs sages stillés en rethorique, droit, et raison, obligé de chanter de toy en vers et en proses, si que à tousjours en demeure memoire. (Chr. Piz., Paix W., 1412-1413, 60)

Julius Cesar, eureux de victoires et glorieux en empyre, n'estoit il orateur et philosophe excellent ? (Chart., L. Esp., c.1429-1430, 73)

Valerius en ceste partie dist encores d'um aultre, qui avoit nom Marcus Anthonius, qui fut bien le plus grant orateur et advocat que de son temps se trouvast (La Sale, Salade, c.1442-1444, 26)

Complaincte faicte par maistre Jehan Robertet, secretaire du roy et de monseigneur de Bourbon, bailly d'Usson, de la mort de maistre George Chastellain, tresclair orateur en langue vulgaire gallique. (Robertet, Oeuvres Z., c.1450-1500, 159)

...messire George Chastellain, chevalier en sa vye, treselegant et tressingulier orateur (Robertet, Oeuvres Z., c.1450-1500, 176)

C'est l'istoire de une noble josne damoiselle nommee Ellvide, digne de venir avec les femmes tres cleres en congnoissance publicque, de laquelle fait mencion soubz assez conpendieuse briefveté Maistre Nicolle de Clamenges, notable orateur, en une de ses epistres en stille tres autenticque (Rasse Brunh., Flor. Elvide B.N. C., a.1456, 2)

Curius, grant orateur et grant advocat... (Mamerot, Romuleon D., 1466, 170)

Vous avez l'art de rethorique Et savez toute la praticque Que doit avoir bon orateur ; Et comme ung tres bon conseilleur, Je me tiens de vostre partye. (Myst. Pass. Troyes B., a.1482, 892)

...entre les disciples de Platon, cestui retint plus de sa facunde et fut moult grant orateur (Simon De Phares, Astrol., c.1494-1498, f° 53 r°)

Marcus Tullius Cicero, grant philozophe et la fleur des orateurs latins, noble consul de Romme, fut en ce temps homme très erudit en plusieurs sciences (Simon De Phares, Astrol., c.1494-1498, f° 64 r°)

S'ensuyt comment le roy partit de Grenoble pour s'en aller dela les mons, et ainsi qu'il vouloit monter a cheval, vint le present orateur qui luy aporta la presente Balade et le rondeau sur le refrain d'icelle. (La Vigne, V.N., p.1495, 153)

Religieux qui domine l'art oratoire, qui prie.

Derechief la secte juïse, Par la foy qui est en eulx mise, Et la nostre, qui est paienne Et qui est assez ancïenne, Aourent Dieu le createur. Et ja soit ce que comme orateur L'enseingnent servir et aourer, Toutesvoies on les puet blamer, Car riens ne promettent durable Fors ce qui ci est agreable (Le Fèvre, Vieille, trad. De vetula H., a.1376, 383)

...vostre tres humble religieux et orateur le maistre de l'ospital du Saint Esperit de Besançon (Doc. 1459. In : CRAP., Cur Deus, De arrha B.H., c.1450-1460, 453)

Juriste qui manie l'éloquence.

L'autre fu tres excellent orateur et est orateur celi qui scet les loys et rectorique et qui est sage et soubtilz et avec a bonne maniere et belle et gracieuse faconde (Sim. Hesdin, Val. Max., 1375-1383, III.4. Ext.2, glose, f° 166a)

Orator (...) : orateur, advocat (Aalma R., c.1380, 291)

B. -En particulier.

1.Celui qui présente une requête, qui plaide en faveur de qqc., qui présente une supplication.

...et ainssi leur souffri l'en que il envoiassent au senat orateurs pour la paiz (Bers., I, 9, c.1354-1359, 43.21, 81)

À louer Dieu, son créateur, Comme bon filz et orateur, Et, s'il y prent des grains ou fruiz De sa grant mère, crus ou cuiz, Il ne fault pas en cest endroit, Car il use de son bon droit. (La Haye, P. peste, 1426, 38)

Orateur, c'est beau-parlier ou cellui qui supplie. (La Haye, P. peste, 1426, 216)

Remarque : MOLINET, Faictz Dictz D., 1467-1506, 425.

2.Porte-parole d'une communauté ou d'un haut personnage (d'un souverain, du pape...).

Li roys premierement demanda aus legas et aus orateurs de la dicte cité qui furent tremis vers lui pour la ville baillier et dist cestes paroles : 'Estes vous, dist il, legas et orateurs [envoiez a moy pour rendre et pour baillier vous et le pueple] de Collace ?...' (Bers., I, 1, c.1354-1359, 38.2, 65)

Si estoit orateur cestui Machomet d'un grant prince payen nommé le Turqueman, roy de Mesopotame. (Chastell., Chron. IV, D., c.1461-1472, 287)

...ung autre apréz environ de XL ans, estrange de figure mes treshonneste homme en son pattois, nommé Nicholas, et estoit orateur d'ung George Alexandre, grant roy des Persans. (Chastell., Chron. IV, D., c.1461-1472, 288)

Et vous, très reverens et magnifiques seigneurs, orateurs des princes et communaultez de ceste inclite nacion, souvenez vous du sang de vos progeniteurs cruellement par les mains des Turcqz respandu, et n'oubliez à le vengier (Escouchy, Chron. B., t.2, a.1465, 375)

....nostre cher et grant amy messire Falco de Sinibaldis, orateur et ambaxadeur envoyé devers nous de par Nostre Saint Pere le Pape, s'en retourne de present devers iceulx Nostre Saint Pere (Lettres Louis XI, V., t.4, 1469-1472, 20)

Les aultres chevaliers furent assiz aux aultres tables, et plusieurs chevaliers, orateurs et embassadeurs de divers royaulmes et pays avecques eulx, et là fut assis messire Jehan de Bonniface, chevalier arragonnois, à qui Jaquet de Lalain avoit touchié l'emprinse, et dont les armes se debvoient faire en celle sepmaine (La Marche, Mém., II, c.1470, 94)

...Raymond Peyraud, archidiacre d'Aulnys, orateur d'icelle vostredicte Sanctité, lequel est venu par devers nous pour mettre bonne conclusion et fin es matieres de paix (Lettres Ch. VIII, P., t.3, 1490, 110)

3.Écrivain (en partic. attaché à un grand personnage).

Vostre tres grant noblesse si me contraint, moy, frere Pierre Crapillet, vostre tres humble orateur, maistre et gouverneur de vostre hospital du Saint Esperit de Dijon, et aussi charité m'y esforce, tres hault, tres excellant, tres puissant prince et mon tres redoubté seignieur, messire Phelippe, par la grace de Dieu duc de Bourgoingne... (Crap., Cur Deus, De arrha B.H., c.1450-1460, 161)

...et comme dit Trogus Pompeius, grant orateur, le nom de Hannibal... (Mamerot, Romuleon D., 1466, 23)

Claudius l'orateur escript que... (Mamerot, Romuleon D., 1466, 28)

...de sçavoir perscruter avant en la maniere de bien dire, comme plusieurs bons orateurs (Saint-gelais, Séj. honn. D., c.1490-1495, 115)

A la louange et exaltation de tous nobles et excellens corages, a la recreation de vertueus esperis et a la recordation des cas doloreux - et par trop excessivement miserables - touchant l'aveuglee, incensee, obscure et muable Fortune, a vous tres reverend pere en Dieu, monseigneur l'evesque et prince de Lausane, Aymé de Monfalcon, je, vostre tres humble obeyssant orateur et chappellain Antitus, chappellain et sommelier de la chappelle de tres hault, tres puissant et tres redoubté prince monseigneur le duc de Savoye, Philibert second de ce nom - comme a cil que mon esperit a esleu adresser ce petit traictié, intitulé Le Portail du temple de Bocace, aussi que pareillement par une voix puerile m'a esté commandé en sursonge et vision, considerant vostre tres reverende paternité munie, proveue et garnie de toutes nobles vertus, principallement de pacience -, congnoissant que prisez et aymez rethorique, ce dict traictié, come Dame Clyo, la premiere des Muses, le m'a donné a concepvoir, saichant les nouvelles inventions et factures dessus ma rude enclume d'une lourde taille, tant en prose que rigme tellement quellement compillé tres humblement, come faire le dois je vous presente (Antitus, Poés. P., c.1500, 50)