OPINION

substantif féminin

[T-L : opinïon ; GDC : opinion ; FEW (VII, 373a) : opinio ; TLF (XII, 546a) : opinion]

A. -Manière de penser sur un sujet, avis, opinion.

Et, selonc mon oppinion, Des biens qu'elle donne et envoie, De l'un pren ne de l'autre joie. (Mach., R. Fort., c.1341, 88)

Lorsqu'a respondre contredie, Quant de bouche le m'arez dit, J'en vueil moult bien, a vostre dit, Estre blasmez et corrigiez. Dame, s'il vous plaist, or jugiez Selonc la vostre opinion, Se j'ay tort a m'entencion. (Mach., J. R. Nav., 1349, 168)

Foy, ma trés douce chiere amie, De ce ne vous fauray je mie, Eins en diray ce qu'il m'en samble. Car de deus personnes ensamble Les oppinions en sont bonnes, Quant loiaus sont les deus personnes. Si qu'a Guillaume en parleray Et tel chose li moustreray Qu'il se tenra pour recrëans, S'il n'est trop fols ou mescrëans. (Mach., J. R. Nav., 1349, 219)

Si faisoie conclusion, Selond ma simple opinion Qu'on doit prisier les choses belles Seulement plus pour le bien d'elles Qu'on ne fait pour nulle autre chose Qui soit dehors ou ens enclose. (Mach., Voir, 1364, 320)

Emperiére, tu croiz et tiens Une tresfausse oppignion ; Car je te fas bien mencion Li crestien n'ont point tel vice Qu'ilz usent d'art de malefice (Mir. st Ign., 1366, 96)

Pluseurs l'amour bien apperçurent, Dont telx oppinions conçurent Qu'il me mistrent sus tel diffame Que tout aussi con de sa femme, Ce disoient, de moy faisoit Toutes les foiz qu'il lui plaisoit (Mir. femme, 1368, 204)

Quant il [les émirs] furent en sa presence, Moult li firent grant reverence ; Et li roys tel chiere leur fist, Qu'à chascun d'eaus tres bien souffist. Il dirent leur legation, Et dou soudan l'oppinion, Et commencierent à traitier. Li uns d'eaus dist que sans gaitier Traitassent amiablement, Pour pais avoir et pleinnement. (Mach., P. Alex., p.1369, 134)

... messire Edouart de Guerles y fut navrez à mort et je le dy, pour tant que c'est l'oppinion de pluseurs que, s'il fust demourez en vie, il eust chevaulchiet si avant en puissance que, venu devant Brouxelles et conquis tout le pays (Froiss., Chron. M., XIV, c.1375-1400, 166)

Si en parloit-on en ces jours en pluseurs manieres, les ungs en une maniere et les aultres en une aultre, ainsi que les cuers sont de diverses opinions. (Froiss., Chron. M., XIV, c.1375-1400, 180)

Il [le pape Urbain] sentoit le roiaulme d'Espagne contraire à ses oppinions et aloiiet à Clement avoec le roi de France (Froiss., Chron. R., XI, c.1375-1400, 87)

...et celui [quartier] qui est entre le pole artique et occident est desouz et senestre, car telles sont les parties du ciel souz lesquelles sont les diz quartiers selon l'opinion d'Aristote. (Oresme, C.M., c.1377, 346)

Nient moins, quoy que soie enlassée De pensées grans et diverses Et d'oppignions moult perverses, Pour le miex je me coucheray. (Mir. fille roy, c.1379, 92)

...se il se fuissent la ivrené, ...il euissent petit a petit raquis le pais, et osté les coers et les opinions de ceuls et de celles qui tenoient a bonne la querelle au conte de Montfort.. (Froiss., Chron. D., p.1400, 501)

Nous sonmes plus que fol, qui nous faisons guerriier et destruire pour la contesse de Montfort, et tenons sen opinion a bonne. Si en perdons nos biens as camps et nos hiretages, et en sonmes tous les jours en aventure d'estre mort par les assaus et escarmuces que chil de l'ost nous font. (Froiss., Chron. D., p.1400, 511)

...de toutes vouloit savoir Les opinions, pour avoir Regart sus le meilleur eslire. (Chr. Piz., Chem. estude P., 1402-1403, 136)

Madame, pour Dieu, obeissez au medicin, et ne soiez en vostre opinion si ahurtée qu'en la soustenant vous perdrez corps et ame (C.n.n., c.1456-1467, 143)

Vous advés desolacïon De l'actïon Qu'advés faicte injustement. Il gist bien, car m'oppinïon En fictïon Advés mis a desprisement. Conseilh de famme bien souvant, Quant on le prent, A sages gens porte profit, Mes qu'il soit pris d'entendement, Le dirigent Par raison que tout dirigit ! (Pass. Auv., 1477, 277)

Voicy honte et grant villenye Pour si gens de bien que vous estes, Car je advise que tant de testes, Tant d'opinions differantes. (Cene dieux, c.1492, 113)

...tant y vacqua et estudia [la science des étoiles] , que finablement il y fut très expert, et tellement que par disputacions il fist condescendre les plus sages de toute Egipte à son oppinion touchant le cours du Soleil (Simon De Phares, Astrol., c.1494-1498, f° 69 v°)

...lequel a traicté sur toutes les parties de astrologie bien compendieusement et grandement et plus que nul qui devant lui aye esté, quant à la partie judicative et recueillit en icelle somme l'oppinion de LII docteurs, tous grans et clers hommes (Simon De Phares, Astrol., c.1494-1498, f° 116 r°)

Cestui cuida fere condempner à Paris le livre maistre Jehan de Meung, mais il trouva tant de oppinions contraire à la sienne, qu'il demoura confuz et ahonti, ainsi que nostre calumpniateur. (Simon De Phares, Astrol., c.1494-1498, f° 152 v°)

OFFICIAL [à saint Martin] . (...) S'il vous plaist, vous prandrez la mitre : A cella sans poinct estre tristre (:) S'acorde toute la commune ; Semblablement ceulx du chapitre Sont d'une oppinion tout une. (La Vigne, S.M., 1496, 415)

L'opinion de qqc. L'avis, la représentation que l'on se fait de qqc..

Mais ceci est a delaissier a present, car determiner la certainneté de telles choses appartient et est plus propre a autre philosophie. Semblabement appartient il a autre philosophie determiner et traictier l'opinion des ydees. (Oresme, E.A., c.1370, 116)

À l'opinion de qqn. Selon l'avis de qqn.

...ja en fist-il jusques à troix morir et decoler qui estoient, tant comme à son oppinion, le plus rebelles, pour donner cremeur et exemple aux aultres. (Froiss., Chron. M., XIV, c.1375-1400, 187)

Or voulons nous maintenant un petit considerer quelz impossibles des corps naturelz il convient ensuir a l'opinion de ceulz qui dient que lignes sont faites de poins indivisibles. (Oresme, C.M., c.1377, 590)

Avoir une opinion de qqc.

Et pluseurs fois est il que une personne meïsme n'a pas tousjours de ceste fin une opinion et cuide souvent celui qui est malade que felicité soit avoir santé, et le souffrecteus dit que c'est avoir richesces, et ceuls qui cognoissent leur ignorance ont grant admiracion et reputent pour beneuréz ceuls qui scevent aucune grant chose pardessus eulz. (Oresme, E.A., c.1370, 109)

Avoir opinion contraire

A ce Prudence respondi, Qui riens n'enclot ne repondi A la matiere appartenant, Et dist : 'Guillaume, maintenant Voy je bien vostre entention ; Mais j'ay contraire opinion Qui de la vostre est trop lonteinne...' (Mach., J. R. Nav., 1349, 237)

Et ne appert pas que Aristote eust opinion contraire (Oresme, C.M., c.1377, 346)

Avoir opinion de + inf. Avoir des raisons valables pour.

...et ne avon pas moult de opinion de la prendre [une chose] et acepter ou de la fuir et laissier. (Oresme, E.A., c.1370, 187)

Avoir opinion que

Si que ces tempestes cesserent Mais tels bruïnes engendrerent, Tels ordures et tels fumées Qui ne furent gaires amées ; Car l'air qui estoit nès et purs Fu ors et vils, noirs et obscurs, Lais et puans, troubles et pus, Si qu'il devint tous corrompus, Si que de sa corruption Eurent les gens opinion Que corrumpu en devenoient Et que leur couleur en perdoient. Car tuit estoient mal traitié, Descoulouré et deshaitié (Mach., J. R. Nav., 1349, 148)

Il n'a ne borde ne maison, Ne forteresce de ci au Quaire Où vous vous peüssiez retraire, Non jusques en Jherusalem. Encor opinion ha l'en Que vos gens ne puelent acroistre, Einsois ne feront que descroistre. Et n'atendés secours n'aye De nul homme qui soit en vie, Fors de Dieu qui victoire donne (Mach., P. Alex., p.1369, 82)

Item, Averroïz dist que par ce que dist Aristote appert que il avoit opinion que gens habitassent ou quartier d'entre orient et le pole antartique, mais cel païs est inhabitable, si comme il sera declaré vers la fin de cest secont livre. (Oresme, C.M., c.1377, 346)

...après qu'il [le curé] eut veu monseigneur le seneschal estre derriere luy, et non sachant si a bonne heure estoit venu pour veoir Dieu lever, ayant toutesfoiz opinion qu'il estoit venu tard, il appella son clerc (C.n.n., c.1456-1467, 447)

Declarer son opinion

LE CHRESTIEN [à sa femme] . (...) A l'oeil nous voyons Que bref n'on n'a rien Que ne pourchasse les façons D'avoir d'autruy avec le sien. Qu'en dictes vous, ma chere amye ? Declarez vostre oppinion. Plus n'avons ne crute ne mye : Tout est mis en destruction. Vous voyez la conclusion : (...) De tous pointz nous summes destruis. LA FEMME DU CRESTIEN. Cher espoux, dolente j'en suis, Mais tout ce vient par voz conduis, De conduicte mal promenee. (Mir. st Nic. juif, c.1480-1500, 74)

Descendre à l'opinion de qqn

LE MARQUIS [mes barons] ont desdaing et despit D'avoir dame de si petit Estrasse et si basse lignie ; Et moy, qui vueil ma seignourie En paix tenir, pour leur parler Avec eulz fault obtemperer, Descendant a l'opinïon D'autrui et a la moye non, Et de nostre fille ce faire [la confier à la contesse de Panice] Que rien plus ne me puet desplaire Ne faire au cuer plus de doleur. (Gris., 1395, 52)

Dire son opinion. Exprimer sa pensée, son jugement.

...franc à dire son opinion. (Ch. VI, D., t.1, 1405, 278)

Estre de cette opinion

Les Pythagoriens furent de ceste opinion qui metoient que ame est corps invisible et est perpetuele et d'une nature en honmes et en bestes (Oresme, C.M., c.1377, 586)

Estre à l'opinion de qqn. Être de l'avis de qqn.

Et pour ce qu'a l'opinion Sui de ceulx qui Perre ont nommé, Innocent ne m'a point amé. (Mir. st Guill., c.1347, 7)

Estre d'opinion que. Estimer que.

...et si lui osta l'office de grant maistre et la bailla à monseigneur de Craon, jasoit ce que moult de gens estoient assez d'opinion que ledit de Melun eust bien servy le roy et fait de moult grans services, mesmement à la grant diligence qu'il print en la garde de la ville de Paris (Roye, Chron. scand., I, 1460-1483, 153)

Si ne suis point d'oppinion Que on y doyve differer (Myst. siège Orléans H., c.1480-1500, 99)

Estre de l'opinion de qqn

Je suis de vostre opinion Qu'il seroit bon de les oyr (Marcadé, Myst. Pass. Arras R., a.1440, 100)

Estre de l'opinion de qqn que. Estimer, penser avec lui que.

Or ça, dit elle, puis que vous avez ce ferme et bon courage, je suis de vostre opinion que vous y mussiez. (C.n.n., c.1456-1467, 510)

Faire savoir à qqn son opinion

Gectez ces lettres ou feu affin que vous ne les perdez comme les autres, et me faites savoir par Pierre Cleret vostre opinion s'ilz le font pour ceste cause, ou pourquoy il vous semble qu'ilz le font. (Le Clerc, Interp. Roye, c.1502, 208)

Il gist en mon opinion que...

Il gist en mon oppinion Qu'il y a quelque fiction (Sots gard., a.1488, 103)

S'incliner à l'opinion de qqn

...toutes gens, en Gant et en pluisseurs villes de Flandres, s'enclinoient assés a l'opinion des Englois (Froiss., Chron. D., p.1400, 268)

Priser l'opinion de qqn

LE CRESTIEN. J'entends bien qu'il fault besongner Qui veult vivre, mais le moyen Pour parvenir d'avoir du bien ? N'est que l'estat de marchandise Et nous n'avons rien. LA FEMME. Fort je prise Vostre oppinion, cher amy. Trouvons quelque homme bien fourny Qui nous avance ung peu d'argent, Et nous obligons. (Mir. st Nic. juif, c.1480-1500, 83)

Soutenir une opinion/soutenir l'opinion de qqn

Et nul ne diroit que celui eüst felicité qui vit en telle misere, se il ne vouloit soustenir son opinion en protermant [l. proterviant, v. protervier] contre verité apperte. (Oresme, E.A., c.1370, 112)

Il eurent conseilqu'il...iroient devant Touwars où tout li chevalier de Poito se tenoient, chil qui soustenoient l'opinion dou roy d'Engleterre. (Froiss., Chron. R., VIII, c.1375-1400, 89)

Tenir une opinion

Quant li prince et li amiraut Oyrent son entention, Chascuns tint son opinion, Et dirent tuit communement Et d'un commun assentement : 'Sire, par nostre loyauté, Il vous dit pure vérité.' (Mach., P. Alex., p.1369, 82)

Et toutevoies, aucune fois en tenant un faulz opinion l'en sent et est l'en aussi comme contraint a confesser aucune verité (Oresme, C.M., c.1377, 382)

Englés suesfrent bien un temps mais en la fin il paient si crueusement que on s'i puet bien exempliier, ne on ne puet jeuer a euls. Et se lieuve et couce uns sires en trop grant peril qui les gouverne, car ja ne l'ameront ne honneront, se il n'est victorieus, et se il n'ainme les armes et la guerre a ses voisins, et par especial a plus forts et a plus riches que il ne soient. Et ont celle condition, et tiennent celle opinion et ont tousjours tenu et tenront, tant que Engleterre sera terre habitable. (Froiss., Chron. D., p.1400, 42)

Se tourner à l'opinion de qqn

Et prissent chil honme lor chapitainne, et qant il en furent saisi, il dissent que il l'ociroient, se il ne se tournoit a lor opinion. (Froiss., Chron. D., p.1400, 811)

B. -En particulier.

1.Avis exprimé lors d'une délibération.

[Le roi, après avoir pris conseil, se résout à accepter le cartel de Lesparre] Lors son conseil isnellement Manda pour savoir qu'il feroit, Et comment il responderoit, Comment qu'il fust tous consilliés, Car mieus amast estre essilliés Qu'à s'onneur ne li respondit, Quelque chose qu'on li deïst. Chascuns dist son opinion, Mais la vraie conclusion Fu qu'à li se combateroit Et que briefment li escriroit. (Mach., P. Alex., p.1369, 232)

Et, ce fait, demandé fu ausdiz assistans leurs oppinions, et que l'en avoit à fere et proceder sur les fais dessus diz contre ledit prisonnier. (Reg. crim. Chât., I, 1389-1392, 21)

Ouyes lesqueles opinions, et veu le procès dessus dit, icellui prisonnier, pour ce present en jugement par devant ledit mons. le prevost, fu condempné à estre pendu comme larron (Reg. crim. Chât., I, 1389-1392, 238)

...par ledit mons. le prevost demandé ausdiz conseilliers leurs advis et opponions sur ce (Reg. crim. Chât., II, 1389-1392, 147)

...ce present jour, ont esté XXX d'une oppinion ou XXXJ d'une autre, à compter les oppinions de messieurs qui les autres jours cy devent en dirent (Baye, I, 1400-1410, 25)

...et pour ce que aucuns de mes dessusdiz seigneurs ne vodrent point dire leur oppinion dudit debat en hault, vint un chascun au giron dudit monseigneur le Chancellier et par maniere d'election dire votum et oppinionem suam, telement que ledit Marle oudit lieu eut plus de voix. (Baye, I, 1400-1410, 63)

Et, en oultre, ordonna la Court que l'opinion et l'advis dudit Le Tur (...) fust enregistré en cest present registre (Fauq., I, 1417-1420, 123)

Et après ce, maistre Phelippe de Morvillier, premier president, exposa et declaira notablement l'opinion et deliberacion de la Court en ladicte matiere (Fauq., I, 1417-1420, 342)

Alors toutes ensemble se arresterent a l'oppinion de Ysabel, comme la plus ancienne et qui plus avoit veu et oÿ. (La Sale, J.S., 1456, 14)

...ilz s'accorderent tous au conseil et a l'oppinion de monseigneur. (C.n.n., c.1456-1467, 222)

Après pluseurs et diverses opinions, la finale et derreniere resolucion si fut, qu'ilz yront bouter le feu ou convent (C.n.n., c.1456-1467, 225)

Finablement il fault veoir de la fraternité espirituele qui est attendu entre cellui qui est receut et les filz et filles charnelz de son pere espirituel. Pluseurs opinions ont esté donnees sur cest article. Aucuns ont volu dire que les enfans de deux comperes ne peuent ensemble estre nullement copuléz par mariage, ou fussent engendréz devant la compaternité ou aprez. (Sacr. mar., c.1477-1481, 58)

À l'opinion de qqn. Gagné à la cause de qqn.

...plainte fut faicte a nosseigneurs tenans l'Eschiquier que mout de personnes des assistens rapportoient aux parties, qui estoient hors de la cohue pour attendre sentence du jugement, lequel avoit plus de gens avecques soy et a son oppingnion, ou lequel moins, par quoy mout d'accors se laissoient affaire, deffendu fust par la court que nul doresenavant ne rapporte aux parties ce que les assistens jugeront ne pour quelle partie le plus des assistens jugeront, sur paine d'estre pugnis publiquement. (Echiq. Normandie S., 1395, 162)

Par l'opinion de qqn. Par l'avis que qqn a exprimé.

Ce fait, dit fu et deliberé par l'oppinion desdiz conseilliers que briefment l'en se informast de l'estat dudit prisonnier. (Reg. crim. Chât., II, 1389-1392, 77)

Et, par ainsi moy, de Moy, par l'oppinion de tous les capitaines, ne puis aller vous rencontrer comme je vous avoie dict, dont m'en desplaist. (Le Clerc, Interp. Roye, c.1502, 371)

Estre d'opinion de + inf. Être d'avis après délibération de.

...IX autres avoient esté d'oppinion de pranre ledit expedient (Baye, I, 1400-1410, 272)

Estre d'opinion que. Estimer après délibération que.

...sont d'oppinion qui ainsi soit fait par la bonne ordenance et provision de monseigneur de Berry, auquel le Roy et monseigneur de Bourgoingne s'en rapportent. (Ch. VI, D., t.1, 1385, 60)

Ouye l'oppinion desquelx conseilliers, attendu que par la plus grant et saine partie sont d'oppinion que elle a bien desservi mort comme de sorciere, et estre arse, icellui mons. le prevost condempna ad ce icelle Macete, prisonniere. (Reg. crim. Chât., II, 1389-1392, 336)

... [ils] furent d'oppinion qu'il feust pendu comme larron, sauf lesdiz Marchant, Vauvillier, Petit-Clerc, qui furent d'oppinion qu'il feust pillorié, essorillié et banni du royaume, et lesdiz Tuillieres et Fouquere, qu'il feust pillorié et essorillié, sanz bannissement, seulement, pour cause de son ancien aage. (Reg. crim. Chât., II, 1389-1392, 525)

...et par ce estoient d'oppinion qu'il fust mis en une bonne chambre et bien gardé (Baye, I, 1400-1410, 294)

...et furent XXIX des conseilliers dessusdis d'opinion que on devoit premierement oïr sur ce le procureur du Roy (Fauq., I, 1417-1420, 283)

Et oultre, furent d'opinion lesdiz des trois estas que à ce faire ledit seigneur de Charrolois se devoit fort emploier, tant à cause de la proximité de lignage qu'il a au roy comme aussi de per de France. (Roye, Chron. scand., I, 1460-1483, 200)

Et, après que avons debatu la matere, avons tous ensemble esté d'oppinion que, veu l'assemblée que ledit duc faict, et aussi de sa venue en laditte ville d'Ippre, que nous ne devons bouger de nos garnisons, affin que, s'il entreprent aucune chose, que nous l'en gardons. (Le Clerc, Interp. Roye, c.1502, 371)

Faire une opinion estre nulle

Et non obstant ledit cardinal fist leur oppinions estre nulles. (Le Clerc, Interp. Roye, c.1502, 214)

2.Manière de juger de qqn ou de qqc., jugement.

...l'en tenoit si grant opinion de lui que... (Foul., Policrat. B., V, 1372, 386)

Ces deux furent souverains astrologiens en Arabie et tous deux escripvirent sur l'ileg grandes et saines oppinions. (Simon De Phares, Astrol., c.1494-1498, f° 53 v°)

Bonne opinion

...l'oudeur de bonne opinion (Foul., Policrat. B., V, 1372, 363)

Réputation.

Quant je estoie en ma vertu, je estoie craint et honnoré si que touz s'en fuioient de mon regart, et cele opinion espoentoit pluseurs. (Vignay, Le Miroir historial C, 1333, IV, 599)

3.Avis que l'on a sur la manière d'agir, intention, projet.

Jadis quant avoir Poi quatorze ans ou environ, J'oy en moy ceste opinion Que la mére Dieu serviroie De chapiaux que je li feroie (Mir. march. larr., c.1349, 108)

Dieux confonde ce conte par son saintisme non Et tous lez confortans en cel oppinïon De grever le roïne a le clere fachon ! (Hugues Capet Lab., c.1358, 178)

Vechi fiere opinion [éd. : 'voilà une fière résolution, quelle audace !'] (Hugues Capet Lab., c.1358, 212)

...vous n'avés que faire de penser à son hyretage... pour lui faire morir par vostre cruèle opinion (Froiss., Chron. L., IV, c.1375-1400, 181)

Il se departirent ... toudis tenant leur oppinion d'abatre à destre et à senestre devant eux hostels et mansions d'avocas et de procureurs (Froiss., Chron. R., X, c.1375-1400, 8102)

Sans opinion. Hors de toute intention, de tout projet.

...supposons que elle [fortune] soit dite la forme des choses qui aviennent sanz que l'en s'en aperçoive et sanz opinion. (Foul., Policrat. B., V, 1372, 294)

...pluseurs ont esté delivrez de moult de grans perilz et pluseurs maulz par la grace de Dieu sanz leur opinion et prudence (Foul., Policrat. B., V, 1372, 443)

C. -Manière de penser répandue dans une communauté.

Car l'enfant [Jésus] est moult grandement Amé de tous grans et petis, Pour les mos qui de lui sont dis, Et s'il estoit venus en age, Il vous porroit porter dommage Si grant [à Hérode] que jamais amender Ne le porriez ne résister Al opinion du pays, Et me doubte que les Juys En temps advenir ne lui donnent Vostre regne et ne le couronnent (Marcadé, Myst. Pass. Arras R., a.1440, 53)

Opinion commune

LE MARQUIS [à Griseldis] Et voy ci ton fils autressi, Qui perduz estoient ainsi, Selon l'oppinïon commune Qui estoit en noz subgez une. (Gris., 1395, 95)

...ou cellui qui est maleficié de perpetuel malefice de fait espouse aucune femme, telz espousailles qui n'ont esté d'aucune valeur prestent, donnent et baillent empeschement a ceulz de la consanguinité afin qu'ilz ne peuent contraire avec telz espoux, comme dist la commune opinion d'aucuns docteurs juristes. Du premier cas expressement il est escript Extra Desponsation au chapitle Ad audienciam, au chapitle aussi Quidam desponsavit uxorem. Et ceste opinion ensieut le droit (Sacr. mar., c.1477-1481, 72)