OFFICIAL

substantif masculin

[T-L : oficïal ; GD : official2 ; FEW (VII, 334a) : officialis ; TLF (XII, 440b) : official]

A. -Celui qui officie au service de Dieu.

Se passer i veuz, si le di, Et tost venir te ferai ci Un mien sergent especial Qui de Dieu est official. Gardien est de mon mesnage Et menistre du passage (Guill. Digull., Pèler. vie hum. S., c.1330-1331, 15)

NATURE PARLE À GRACE DIEU (...). En touz temps me devez mener Avec vous et moi apeler, Et miex vausist, ce m'est avis, Que avec vous fusse touz dis Que ces nouviaus officiaus, Qui de vous font touz leur aviax. Vostre pouer vous leur donnez Et pour euls donner me tolez (Guill. Digull., Pèler. vie hum. S.C., c.1330-1331, 268)

...et [le roi] se confessa audict official (...), pour ce que, quant les roys de France veullent toucher les mallades des escrouelles, ilz se confessent, et nostre roy n'y faillit jamais une foiz la sepmaine (Comm., Mém. B., 1489-1491, 462)

B. -Officier de justice.

Et ly atre fut nomeis Henri d'Awans. Ilh fut officieus al noble saingnor d'Agymont et de Walhehen, et soy mariat alle filhe do riche archidyakenne de Molant, canonne de Saint Lambiert. (Hemricourt, Miroir Hesb. B.B., 1353-1398, 419)

Item, l'office que il [Aristote] appelle ici preteur ou semblable est nommee en mult de manieres en divers lieux, si comme prevost, baillif, official, etc. (Oresme, Pol. Arist. M., c.1372-1374, 200)

Ce jour firent sacrement les officiaulz qui s'ensuivent : le president de la chambre (...), les maistres racionalz, les notaires de la chambre et des appelacions (Le Fèvre, Journ. M., c.1380-1390, 453)

Remarque : GD V, 577a (ex. d'a.fr. et MONSTRELET, Chron. D.-A., t.1, c.1425-1440, 47).

Par extension. Officier.

Il [le monde] est maistre et official De l'ennemi especial Qui par ses faulz biens nous detrait, Et par ses delis nous retrait De l'amour du regne celeste (Le Fèvre, Respit Mort H., 1376-1380, 96)

...et en nul des autres fondiques ne peulent estre herbergez les pelerins, pour ce que en icellui fondique a official de par le Soudan, lequel est chrestien, et scet combien il doit rendre au Soudan de treu pour chascun an, et scet combien il doit avoir de chascun chrestian qui entre en Alixendre puisqu'il soit pelerin. (Voy. Jérus., c.1395, 78)

...mais se peut dire que tousjours la moitié dez choses qu'ils aportent sont du souldain et de ses officiaulx, par lez desmesurées mangeries qu'ilz font à tous ceulx que arivent (Passage Terre Sainte Piloti D., 1441, 29)

C. -En particulier. Juge ecclésiastique (il détient une autorité par délégation et a un pouvoir très étendu ; il tient la place de l'évêque ou de l'archevêque et exerce leur juridiction ordinaire).

Honis soit li official, Quant il scet prestre desloyal, Que tantost ne le fait destruire. (Dupin, Mélanc. L., c.1324-1340, 64)

...le court de Joupilhe (...) apartenoit de droit hyretage al evesque de Verdon et à son engliese. Et, par tant que c'estoit loing de son paiis, ilh le miste en la warde do conte de Vyane, qui y metoit officiieus par sa main. (Hemricourt, Miroir Hesb. B.B., 1353-1398, 439)

...l'official de Rouen excommenia le dit bailli (Chron. Valois L., c.1377-1397, 243)

Conme nous veons, au jour d'uy, quant le Pape de Ronme est en aucune cyté, il n'oste pas, pour tant, l'official de l'evesque ne si ne l'enpeche pas en sa juridiction ordinaire. (Songe verg. S., t.2, 1378, 141)

Et primierement, je vous pri, dittes moy conment c'est, ne par quelle auctorité, que un evesque ou son official puet faire amonester ne conveïr devant luy un honme pur lay, qui ne luy est en aucune chose subjet, mez au Roy seulement ou a la juridiction seculiere ? (Songe verg. S., t.2, 1378, 147)

Car, quant un honme lay si est troublé, en sa possession, par un clerc, se le lay enpetre ajournement, en cas de novelleté, devant le juge seculier, lez officiaux dez prelas, en enpechant et en troublant la juridiction seculiere a la requeste du clerc, si font conmandement au juge et a partie que ilz cessent de poursivir celluy ajournement, sur poine de excomuniement et d'aucune poine pecuniere. (Songe verg. S., t.2, 1378, 152)

...un an a ou environ, Estienne Giraudeau se print au corps de Mery Roy, clerc, de l'aage de XVI. ans ou environ, filz du dit exposant, et le frappa en lui donnant coups et collées, pour laquelle bateure ledit Giraudeau fu mis en procès par devant l'official de Maillezois, et finalement parties oyes sur ce, ledit Giraudeau fu declairié excommunié (Doc. Poitou G., t.5, 1385, 250)

'...Des faulces et oultremesurees et prolices escriptures, escriptez par les notayres et procureurs, dictees par les advocaz,' dist la chambriere, 'pour cause de brefvete, je m'en passe a present. Car elles sont assez cogneues en la court de l'official et en cestui present parlement...' (Mézières, Songe vieil pèl. C., t.1, c.1386-1389, 468)

Lequel evesque ou son official, pour la povreté de lui, et aussi la prison par lui soufferte, le banyrent de l'evesché de Paris jusques à trois ans, à pene de XX mars d'argent. (Reg. crim. Chât., I, 1389-1392, 81)

...il estoit bon et neccessité qu'il eussent chascun une tonsure, afin que s'il estoient prins par la justice laye, que, comme clers, il feussent rendus à l'official. (Reg. crim. Chât., I, 1389-1392, 95)

Comme (...) monseigneur l'evesque d'Alby, qui à present est, et son official, et aussi le juge de sa temporalité, et son advocat et procureur et autres ses officiers eussent esté adjornez en la Court de Tholouze (Baye, II, 1411-1417, 202)

...laquelle [dame Jehanne de Bevre] avoit esté declairée habile et legitime heritiere par la sentence de l'official de Tournay, confermée par deux sentences en Court de Romme (Fauq., II, 1421-1430, 298)

...lesquelz executeurs par ce moien en sont demouréz quictés et deschargiéz, sans ce que notre amé et feal conseillier, l'Evesque de Theroenne, ses official, promoteur et autres officiers y aient que veoir ne que cognoistre (Hist. dr. munic. E., t.1, 1440, 100)

...ce non obstant plusieurs appellent des officiaulx, de leurs sentences et appointemens en Parlement, et a la Chancellerye on baille adjournemens en cas d'appel comme on feroit de la jurisdiction laye, et les reçoit on en Parlement a dire leur cause d'appel, qui est chose desraisonnable ne plus ne moins que se on appelloit de ung juge lay devant l'official (Juv. Urs., Verba, 1452, 378)

Et ce jour mesmes vint l'official de Magalonne qui me requist ledit Morasgnes comme clerc marié. Et après que je fu informé qu'il estoit en habit et tonsuré, je le rendi audit monseigneur l'évesque de Magalonne et à son official, à la charge de ladicte somme et luy fis deffense qu'il ne procédast à la délivrance et eslargissement dudit Morasgnes sans mon ordonnance (Aff. Jacques Coeur M., 1453-1457, 212)

Monseigneur l'official, vous avez oy la confession de ma fille et les defenses de mon gendre ; je vous prie, appoinctez sur le different et rendez vostre sentence diffinitive. (C.n.n., c.1456-1467, 501)

Touteffoiz, je n'y pense mal Pour lui [l'évêque Thibault d'Aucigny] , et pour son lieutenant, Aussi pour son officïal Qui est plaisant et advenant, Que faire n'ay du remenant Mais du petit maistre Robert : Je les ayme tout d'un tenant, Ainsi que fait Dieu le Lombart. (Villon, Test. R.H., 1461-1462, 71)

...si ung clerc non marié enfrainct le sauvegarde du Roy et il est pour ce emprisonné, il sera rendu à l'evesque pour le debat simple par tel convenant que l'official l'envoiera à ses jours davant le juge royal (Cout. instit. Anjou Maine B.-B., t.3, 1463, 93)

Bien vous donroie une secousse Par vertu d'un memorïal Par devant vostre officïal. (Myst. Pass. Amb. R., c.1474-1500, 39)

...nostre cher et bien amé astrologue Simon de Phares a certain procés pardevant vous à l'encontre de l'official ou vicaire de Lyon (Lettres Ch. VIII, P., t.3, 1491, 205)

Berthrand de Mauleon, official de Nantes et depuis esleu archevesque de Rouen, fut en ce temps au service et conseil du roy Phelippe de France et fut envoyé vers ceulx de Rouen, que tenoit assiegés ledit roy Phelippe (Simon De Phares, Astrol., c.1494-1498, f° 120 r°)

DOYEN. Je me garderay de reprise, Car ma leçon j'ay bien apprise, La mercy Dieu, mon Createur. (Le doyen et l'official s'en vont vers l'abbé.) (La Vigne, S.M., 1496, 403)

Cour de l'official. Voir cour

...Jehan de Villeron, notaire de laccourt [sic] l'Official de Paris (Chartes Abb. St-Magl. T.F., t.3, 1339, 83)

...Guillaume le Pape, notaire de la court de l'Official de Paris (Chartes Abb. St-Magl. T.F., t.3, 1388, 575)

Lequel [homme tumbé] respondit que c'estoit pour ce que ledit bastard luy avoit osté deux pieces d'or, ensemble ung signet d'or qu'il avoit en sa bource, dont il signoit en la court de l'official dudit Bourges. (Le Clerc, Interp. Roye, c.1502, 178)