OBVIER

verbe

[T-L : obvïer ; GD : obvier2, ovier1 ; GDC : obvier ; FEW (VII, 294b) : obviare ; TLF (XII, 377a) : obvier]

I. -Emploi transitif.

A. -Obvier qqc. Éviter, empêcher qqc..

Hé ! dame des cieux descendue [Raison] , Cler dyamant resplandissant ! Grant louhange vous est bien deuhe, Tresnoble rose florissant ! De Dieu eternel tout puissant Estez envoyee, com je croy, obvïer tout autre passant. (Pouvre peuple H., c.1450-1492, 202)

...mais ce n'est pas scens de mettre a party de perdre a ung cop ce que on poeut bien obvier (La Sale, Sale D., 1451, 47)

...et finablement fut conseilié au roy, affin de ovier plus grant mal et de avoir paix, que il teint lesdites conclusions (Maupoint, Journ. paris. F., p.1465, 80)

...Et pour ennuy et tristesse obvïer, Aprés disner sans gramment arrester, Il alla voir venir, courre et trotter Par chiens hardiz, thorreaulx, beufz et grans vaches (La Vigne, V.N., p.1495, 235)

Obvier que. Empêcher que, s'opposer à ce que.

...vindrent a eulx deulx des plus anciennes d'icelles femmes pour restoure icelles bestes et obvier de leur povoir qu'ilz ne les meissent hors dudit bois. (Berger Fr. K.-G., 1394, 167)

...un chascun juge doit obvier que choses sedicieuses et scandaleuses ne soient faictes. (Fauq., I, 1417-1420, 31)

Pour quoy humblement vous supplie (...) Que vous commandez a garder Le sepulcre pour obvier Qu'il ne soit emblé et tollu (Marcadé, Myst. Pass. Arras R., a.1440, 232)

Participe passé en emploi substantival. Mesure prise pour prévenir un mal.

Remarque : Consol. Boèce C., c.1350, gloss.

B. -Obvier qqc. à qqn. Objecter qqc. à qqn.

Obvier à qqn + interr. indir.

Mais aucun nous pourroit obvier par tel question pour quoy nous parlons contre ceuls qui introduient et tiennent ceste opinion ; car il sont noz amis. (Oresme, E.A., c.1370, 112)

II. -Emploi transitif indirect.

A. -Obvier à qqc.

1.Aller au-devant de qqc..

...en signifiance qu'il s'eslieve vers Dieu en obviant aux gracieuses vertuz que nostre Seigneur li envoie du ciel (Jean Golein, Rational B.D., c.1370-1372, 679)

2.Faire obstacle à qqc., s'opposer à qqc..

a)[...à une chose nég.] Faire obstacle à qqc., s'opposer à qqc..

...nous sommes devant Honnefleu a tout grant quantité de gens d'armes, arbalestriers et de pié estans en certain navire pour obvier, à l'aide de Dieu, a la male volenté et emprise d'aucuns des anemis du roy et du duc nosseigneurs (Clos galées Rouen M.-C., t.2, 1357, 147)

...le dit exposant haussa sa main pour eviter ou obvier au cop du dit Estienne qui ainsi oultrageusement l'avoit batu et batoit (Doc. Poitou G., t.5, 1377, 62)

La quele chose venue à sa cognoissance, et pour obvier à tel peril comme de la mort, rompi noz dictes prisons, ès queles il estoit pour ce detenu prisonnier et se absenta du pays. (Doc. Poitou G., t.5, 1379, 115)

...à occasion desquelles choses leur faloit, pour obvier à esclande et inconveniens, passer ledit accort (Baye, I, 1400-1410, 276)

...pour obvier à vagues et vaines paroles et pensées, avoit un preud'omme (...) qui, sanz cesser, disoit gestes de meurs vertueux d'aucuns bons trespassez. (Chr. Piz., Faits meurs Ch. V, S., I, 1404, 57)

...pour plus gracieusement proceder l'un avec l'autre et obvier à toutes rigueurs, fraiz et missions (Trés. Reth. S.L., t.2, 1410, 646)

...semblablement ou fait de la justice les apris en droit, lois et coustumes du pays, et ainsi des autres offices n'y mectre fors gens bons et souffisans. Et en sur que tout pour obier [l. ob[v]ier] aux inconveniens qui, à cause de convoitise, peuent venir (Chr. Piz., Paix W., 1412-1413, 83)

...et est à savoir se la Court de la licence du Roy ou autrement lui escriroit afin d'obvier à la destruction et desolacion du royaume. (Fauq., I, 1417-1420, 20)

...icelle suppliant, (...) gecta par une fenestre plusieurs pierres pour obvier ausdictes menaces (Paris domin. angl. L., 1424, 143)

Et pour tant, afin d'obvier à l'entreprinse dudit duc [de Bourgogne], fut tant traictié devers ledit duc d'Acquitaine par le conseil du Roy, qu'il escripvi lectres aux bonnes villes pour rompre le voyage du duc de Bourgongne. (Monstrelet, Chron. D.-A., t.2, c.1425-1440, 424)

Item, aucuns du temps présent, Cuidans tenir chemin plésant Pour obvier à la ruine, Conseillent prendre la racine De tormentille expressément, Et tant des fueilles droitement De matefelon par balance (La Haye, P. peste, 1426, 122)

Et est aussi espéciale [la bourrache] , Pour sa vertu tiriacale, À résister et obvier À tout venim, tant soit-il fier (La Haye, P. peste, 1426, 132)

...que, toute offense qu'elle peust avoir commise envers nous, nous lui vueillions quicter et remettre, afin de obvier à la mendicité d'elle et de ses diz enfans. (Paris domin. angl. L., 1431, 339)

...Vertu qui obvie Aux assaulx d'Envie (Taillev., Psaut. vil. D., a.1440, 123)

Pour obvier a ce proces, Alons vers eulx si vous me crez Requerir conseil et confort. (Marcadé, Myst. Pass. Arras R., a.1440, 132)

Et jassoit que ceulx de Napples et aussi de Noble, par leur serment qu'ilz avoient fait, qu'ilz ne peussent obvier a ceste decepcion, touteffoiz ne fust pas honneste concqueste a nostre cité de Romme. (La Sale, Salade, c.1442-1444, 26)

Pour obvier a ses dangers [aux exigences, aux hauteurs de la femme que j'aimais] , Mon mieulx est, ce croy, de partir. A Dieu ! Je m'en vois a Angers, Puis qu'el ne me veult impartir Sa grace ne me departir. (Villon, Lais R.H., c.1456-1457, 13)

...sans prochain remede son cas n'estoit pas maindre que mortel. Pour a laquelle chose seurement obvier, trouva par pluseurs et subtiles fassons que le bon compaignon, mary de ladicte gouge, fut son amy tresprivé et familier [D'un homme qui se meurt d'amour pour sa voisine qui est mariée] (C.n.n., c.1456-1467, 23)

...je vous ay advertye de vostre meschef, qui tresprochain et gref estoit, et aussi du remede necessaire pour obvier aux inconveniens qui sourdre pourroient a l'occasion de vostre cas (C.n.n., c.1456-1467, 40)

Pour lesquelles causes, et voulant par le roy de tout son povoir et puissance obvier aux dampnées et faulses entreprinses desdiz Anglois, ordonna son ban et arriere ban estre fait (Roye, Chron. scand., I, 1460-1483, 235)

...ledit suppliant, et pour obvier à la fureur dudit deffunct et à ce qu'il ne le meurtrist, bleçast ou occist de sadicte coyngnée, se tira arrière de lui en tournant le bois de sa javeline, pour en vouloir frapper ledit deffunct (Doc. Poitou G., t.12, 1477, 152)

Pour ce nous creignhons maintenent Qu'on le vaise secretement Rouber [le corps de Jésus] et puis qu'on die Qu'il soit ressussité en vie, Et lors sera l'erreur plus grant. Seigneur, cecy dions pour tant Qu'il vous y plaise obvïer [Réf. à Matth. 27, 62-64] . (Pass. Auv., 1477, 272)

Non pour tant ne le devez faindre, Car de deux maulx certainement On y doit obvier au maindre. (Myst. siège Orléans H., c.1480-1500, 148)

Pour obvïer a tout contraire De deceptive infection, Me convient le labour parfaire Dont j'avoye fait incepcion. (Myst. Pass. Troyes B., a.1482, 98)

Or, pour obvier au desordre, aussi pour faire place et lieu a ceulx qui devoient approcher le corps de degré en degré, vint premier le prevost de l'ostel du roy avecques ses archiers et ses gens tous habillez en dueil (La Vigne, V.N., p.1495, 310)

...les Angloix (...) ont certaines entreprinses sur aucunes places de nostre duchié de Guienne et desditz pays de Bordeloys et de Gascongne et plusieurs traictiez, pratiquez et intelligences pour icelles mener et conduire à leur entencion, et soit besoing et necessité de commettre et ordonner aucune personne nottable et de grant auctorité à nous seur et feable pour pourveoir aux choses dessusdictes, icelles corriger et reparer, et obvier aux inconveniens qui en pourroient avenir, si provision n'y estoit donnée (Le Clerc, Interp. Roye, c.1502, 227)

Obvier à ce que

...pour avoir advis et deliberacion et provision à ce que on puist seurement amener vivres à Paris et obvier à ce que aucunes roberies ou extorcions ne soient faictes indeuement aux marchans (Fauq., I, 1417-1420, 45)

Emploi absolu.

Pour ce que plus fort est de resister a elles [les delectacions] et obvier ou repugner, et de nous en retraire par vertu. (Oresme, E.A.C., c.1370, 171)

b)[...à une chose positive]

Mais il semble que ou continent et en l'incontinent a une chose aussi comme naturelment nee, laquelle est autre que raison et qui contrarie et obvie et resiste a raison. (Oresme, E.A., c.1370, 143)

Li rois de France ...ne voloit mies obviier à le pais qui se tenoit entre le roy d'Engleterre et lui (Froiss., Chron. L., VII, c.1375-1400, 68)

Luxure si est bien servie, Puis ire et paresse obvie A vertu de Dieu esleue. (Cene dieux, c.1492, 134)

...le malade ne doibt point contredire au medicin ne obvier a ses operations, car par ce le malade rend son restaurateur suspect, debile et non scient. (Prevost, Cir. Guill. Salicet, 1492, pref.)

c)En particulier. ASTR. Prendre des dispositions pour détourner un mauvais sort.

...lui monstrant l'influence estre disposée contre eulx s'ilz n'y obvioient, ce qu'il firent et bien leur en fut. (Simon De Phares, Astrol., c.1494-1498, f° 55 v°)

Ce fut lui qui predist a Henry le Quart, empereur, plusieurs differens, ausquelz il obvia. (Simon De Phares, Astrol., c.1494-1498, f° 120 v°)

...et, si sadite prenosticacion eust esté ventillée jusques là et que les bons chrestiens en eussent eu congnoissance, ilz eussent, au moïen du bon advertissement qu'elle contient, peu obvier à ceste miserable destrucion (Simon De Phares, Astrol., c.1494-1498, f° 127 v°)

...et aussi que seroie subject à gravelle, dont bien gueriroye, puis auroye excoriacion et finablement goute ès piez, ce que tout ay trouvé et je loue Dieu qui a fait le ciel et tel regime, au moïen de quoy je obvie à mes contraires. (Simon De Phares, Astrol., c.1494-1498, f° 156 v°)

B. -Obvier à qqn

1.S'opposer à qqn.

Et point ne croi que l'en puisse justement obvier et contredire a ceulz qui le demandent (Foul., Policrat. B., III, 1372, 238)

Obvier contre/à l'encontre de qqn/de qqc. S'opposer à l'action de qqn ou de qqc..

Toutes ces coses furent sceues deviers le roi d'Engleterre et le signeur Espensier et lors complisces : conment la roine d'Engleterre et ses fils et li contes de Qent estoient descendu de France en Hainnau et avoient tant fait deviers le conte et son frere que messires Jehans de Hainnau, a poissance de gens d'armes, les devoit ramener et remettre en Engleterre, maugré tous lors nuissans. Adont i pourveirent ils pour obviier a l'encontre de euls, et fissent garder pors, havenes et passages a grant fuisson de gens d'armes et d'archiers. (Froiss., Chron. D., p.1400, 69)

Nous et no loy sommes deffais, Se contre ses fais n'obvions. S'est bon que nous nous retrayons A nostre evesque Cayphas Et lui conterons tous les cas De ceste oeuvre cy. (Marcadé, Myst. Pass. Arras R., a.1440, 95)

Obvier à l'encontre

Si jecterent lor visee li François que il feroient le roi d'Escoce et les Escoçois resvillier, et entrer a poissance au lés deviers euls, ens ou roiaulme d'Engleterre, et ardoir et essillier tout devant euls. Il n'i veoient aultre remede, car qant les Englois averoient ces nouvelles, pour obviier a l'encontre, il se departiroient dou siege de devant Calais (Froiss., Chron. D., p.1400, 769)

2.Résister à, s'opposer à, faire obstacle à (un ennemi).

...ceulx de Rouen demanderent à ceulx de Paris aide, et [on] leur envoya IIIc lances et IIIc hommes de traict pour ovier aux Engloys. (Journal bourgeois Paris T., 1418, 95)

...le roi manda aux seigneurs et gens d'armes qu'ils tirassent vers Calais pour obvier aux Anglois, et deffendre le pays (CABARET D'ORV., Chron. Loys de Bourb. C., 1429, 73)

Si fault trouver voye utille Pour encontre eulx [les Français] remedier, Par cautelle bonne, sutille Somtensement y ovier. (Myst. siège Orléans H., c.1480-1500, 600)