MUEL

adjectif

[T-L : müel ; GD : muel1 ; FEW (VI-3, 312b) : mutus]

A. -Muet.

...aient honte li mauuais et soient meneiz en enfer et Soient muelles les fauces laingues. (Psaut. lorr. A., 1365, 32)

Et ie comme sours ne les uoloie escouteir ne oyr et comme muelz n'ouroie point ma bouche (Psaut. lorr. A., 1365, 41)

Je vorroie, par saint Remi, Qu'il fuissent ores droit en mi Le grant mer en une escuielle, Ou la langhe euïssent muielle (Froiss., Joli buiss. F., 1373, 136)

Ostés de vos cuers images Qui sont sours, muels et dampnables (Myst. st Clément Metz D., p.1439, 186)

Vous semble a ce vir ung villain Ou ung esprouveur de triacle. Hau, compaignon, une miracle ! C'est damages qu'il est muyel. (Marcadé, Myst. Pass. Arras R., a.1440, 169)

...je me faindy estre muel, et tellement m'y suis conduit que j'ay esté ung an entier en ce paÿs sans parler a personne fors a vous. (Percef. IV, R., c.1450 [c.1340], 60)

Quant le noble roy et les assistens ouyrent parler le chevalier qu'ilz tenoient a muel, ils en eurent grant merveille. (Percef. IV, R., c.1450 [c.1340], 58)

...elles oÿrent soudainement le coup ainsi comme d'une verge, dont se teurent comme muelles (Percef. IV, R., c.1450 [c.1340], 951)

Tiercement note que sourd de nature sont mueaux, car parolle est en nous par acquisicion et pour ce dit on que l'oye, c'est la porte de l'entendement (Gordon, Prat., c.1450-1500, III, 9)

Ainsy que par avant aux argus de Loyale Entreprise s'estoit tenue Envie, semblablement aux ditz de Diligent Poursuyute elle demeure comme sourde et muelle. (Lyon cor. U., 1467, 43)

Jadis fut ung anchien chevalier qui, quant il eut consideré le grant nombre des pechiez qu'il avoit commis par sa langue ensemble le peril de morir en iceulx sans en avoir fait penitance, il envoya un sien vassal a ung abbé lui dire son pourpoz. C'estoit qu'il desiroit estre son religieux, mais il estoit muel, sans avoir jamais parlé. (Colart Mans., Dial. créat. R., 1482, 137)

Remarque : Jourd. Blaye alex. M., a.1455, gloss. (muiel).

Emploi substantival.

Bien a tout fait li sires biaus, Sours oïr et parler muiaus. (Mir. N.D. Rosarius K., c.1330, 195)

Qui trop se taist, on ne lui donne pas, Mais lui toult l'en ; lors fault crier et braire. Muiaux n'ont rien ; sachiez aux advocas Lequel vault mieux : ou parler, ou soy taire ? (Desch., Oeuvres Q., t.1, c.1370-1407, 130)

Fist il point les muyaux parler, Sours oyr et boisteux aler (Marcadé, Myst. Pass. Arras R., a.1440, 223)

Et quant le muel entendy la raison du chevalier, il lui fist signe qu'il ne vouloit point combatre. (Percef. III, R., t.2, c.1450 [c.1340], 165)

...Borgnes, muyaux, aveugles, effrenés, Goutteux, boitteux, piffres, espoitronnés (Molinet, Faictz Dictz D., 1467-1506, 733)

B. -GRAMMAIRE [D'une lettre] Muet.

Item les neufs lettres mueles et qui point ne donnent de son ne de fin en sillabe se trop po non, sont .IX. C'est assavoir b, c, d, f, g, k, p, q, t, lesquelles sonnent trespou au regard des autres lettres. (Desch., Art dictier R., 1392, 273)

...et par ceste regle puet estre congneu en brief ce qui est voyeul, demi voyeul, liquide, sonnant et muele des lettres de l'A, B, C, par lesquelles tout langaige latin et françois est escript et proferé. (Desch., Art dictier R., 1392, 273)

Remarque : Pour l'aspect régional du mot (Nord, Nord-Est), cf. T. Matsumura, R. Ling. rom. 62, 1998, 147 et G. Roques, R. Ling. rom. 61, 1997, 594.