MUANCE

substantif féminin

[T-L : müance ; GD : muance ; AND : muance ; DECT : müance ; FEW (VI-3, 284b, 285a) : mutare ; TLF (XI, 1194a) : muance]

A. -Changement, mutation.

1.Changement, mutation, remplacement (dans les choses).

Et se Plaisance Qui faire fait mainte estrange muance Li fait estre de sa dame en doubtance, Doit il estre pour c'en desesperance ? Certes ! nannil ! Qu'en mon service en a encor cent mil Qui aimment tuit près aussi fort comme il, Et si n'en ont la monte d'un fusil. (Mach., J. R. Beh., c.1340, 125)

Helas ! dolens, ma rose est mise en mue Soudeinnement, dont je suis en doubtance Que sa douceur et son oudeur ne mue Et sa coulour en estrange muance, Car à li hurtent souvent Bise, galerne et tuit li autre vent Sens zephirus ; n'en riens ne prent deport Fors seulement en Loiauté qui dort. (Mach., L. dames, 1377, 194)

LE TIERS CHEVALIER. (...) Si a faitte bonne müance Le marquis et belle proesce, Car [la nouvelle épouse] trop plus grant est de noblece, De beauté et de jeune aage Que ne soit Griseldiz la saige. Si a bien changié saigement. (Gris., 1395, 92)

Quant li geant, plus tost qu'ilz porent, Com vous oyez, exploittié orent Tant que la tour encommenciee Orent jusqu'au dit hault haulciee, En esperance d'avenir Au ciel, ou ne porent venir, Adont Dieu, qui confont orgueil, Leur osta l'espoir de leur vueil, Par sa divine pourvoyance, Car soubdainement tel muance Mist ou lengage, qu'ilz parloyent, Que, quant demander chaulx vouloient Li maçon, on leur portoit pierre, Ou ciment on leur aloit querre, Ou, se rigle ou martel demandent, Les autres en riens ne l'entendent Et leur baille tout le rebours (Chr. Piz., M.F., II, 1400-1403, 153)

Le adition adjoustée ou premier article des ordenances des tisserans, ossi le muance de 5 s. a 3 ou darrain article fors un, fu ordonné et acordé a le ensi faire et pour le mieux par Martin de Frasne, prevost, et ses pers (Drap. Valenc. E., 1407, 58)

Donc fault lessier le demourant Concernant les circonstances, Et conditions et muances De l'actuèle maladie, À la savance et industrie Des Maistres et Phisiciens (La Haye, P. peste, 1426, 158)

Pour quoy quant Dieu fait aucune chose, nulle muance ou mutation se fait en Dieu, mais seulement en la chose en laquelle il euvre. (Somme abr., c.1477-1481, 143)

Remarque : Consol. Boèce C., c.1350, gloss.

[Dans la monnaie] Dévaluation.

...nous vous envoions souz nostre seel du secré un informacion faite de nostre commandement sur aucuns dommages que Henry Aguillier se dit avoir eu pour la muance de noz monnoies en certaine quantité de bois qu'il achatta du gruier de Champaigne. (Phil. Vi Valois, Lettres closes C., 1330-1349, 115)

Sans (faire) muance

Amours, tu sces que ma plaisance, Mi desir, m'amour, ma fiance, Mi penser, mon cuer, m'esperance Entierement Sont en li, sans faire muance ; Et si vois que je n'ai puissance Fors de sa douce ramembrance Tant seulement. (Mach., Compl., 1340-1377, 242)

Vous savez aussi qu'humblement L'aim, serf, crein, desir loyaument Plus qu'autre, ne moy proprement, Et que siens sui si ligement Que c'est sans nul departement Et sans muence. Si devez mouvoir doucement Son cuer et amoureusement, Pour moy donner aligement (Mach., R. Fort., c.1341, 122)

Quar tu ne pues tant subtiller Que tu puisses appeticier Son bien ne sa vaillance. Telz richesses fait à prisier Qui dure ferme sans changier Et sans faire muance. (Mach., Les lays, 1377, 478)

Et lors soit tiree hors de la chapele et trainee par les oblas, come desus est devisé, parmi le revestiaire et en l'eglise, et mise en son lieu a terre, come dit est desus, sans faire aucune muance, avec les chandelers et chandailles devisees entour le corps et sus le corps, et vigiles chantees. (Mézières, Test. G., 1392, 314)

...si comme le droiturel homme Job fist en sa vie, qui à tout temps fut si preudes et humles envers Dieu, sans aucune muance ou variance, et si fort enracinee en la loy de Dieu, et si ferme et estable en la vraye creance et foy que sa bouche noncques pechoit (Man. lang. G., 1396, 84)

Et par ainsi appert que en Dieu est parfaite unité pour la simpleté de sa nature, pour la fermeté de sa nature, car sans muance toudis est ung, et pour sa singularité, car pas n'est communicable ne joingnable a aultre chose creee (Somme abr., c.1477-1481, 105)

2.Mutation de seigneur ou de vassal.

...car les chevaulx de service ne sont pas deuz pour raison de l'ommaige fait, mais par raison de la muance du seigneur et de l'omme. (Cout. instit. Anjou Maine B.-B., t.2, 1437, 537)

...lequel droit d'usage lui et ses successeurs tiendront de nous à foy et hommage à cause de nostre chastel de Poitiers et seront tenuz le faire à chacune muance de seigneur et vassal (Doc. Poitou G., t.12, 1482, 548)

3.MUSIQUE Variation.

Car se la dame Que je repren moult durement et blame, - Et c'est bien drois, car elle acuet grant blame De muance faire en la fausse game, - Premierement N'eüst osté son cuer de cest amant Qui tous estoit en son commandement, Amours, Amours, je parlasse autrement. (Mach., J. R. Beh., c.1340, 126)

Et est voir que mont embeli Est de muances ce chant ci, Quar de be quarre et de be mol Et de nature prent son vol Pour donner entrelacement D'un en autre com l'art l'aprent (Guill. Digull., Pèler. J.-C. S., 1358, 55)

Remarque : MOLINET, Faictz Dictz D., 1467-1506, 89.

B. -Instabilité, inconstance, versatilité.

Aussi ne dois tu la puissance De Fortune, ne sa muance En ton cuer amer ne prisier, Mais haïr, fuïr, desprisier, Ne tels biens ne desire en toy. (Mach., R. Fort., c.1341, 91)

Tu deüsses en sa muence Penre cuer et bonne esperence De mieus avoir, se fusses sages. Ne dit on que li homs sauvages S'esjoïst, quant il voit plouvoir, Et chante ? Qui l'i fait mouvoir ? L'espoir qu'il prent en son revel Qu'après le lait il fera bel. (Mach., R. Fort., c.1341, 99)

Roys Exercés, qui esprouvé A de Fortune la muance (Chr. Piz., M.F., II, 1400-1403, 249)